|
رد: تجمع حوامل سوريا-دردشة ورود سوريا-دردشة الغاليات
يبدوا اسولف لحالي ههههه اقوم انام وان شاء الله اقدر افوت المسا
قبلاتي لكم كلكم وان شاء اله ما كون نسيت حداااااااا |
رد: تجمع حوامل سوريا-دردشة ورود سوريا-دردشة الغاليات
أصبحنا وأصبح الملك لله ولا إله إلا الله والله أكبر اللهم إنا نسألك خير مافي هذا اليوم وخير ما بعده ونعوذ بك من شر مافي هذا اليوم وشر ما بعده
اللهم اكفنا شر عصابات الأسد ودمرهم شر تدمير واجعل كيدهم في نحورهم آمين يا رب العالمين |
رد: تجمع حوامل سوريا-دردشة ورود سوريا-دردشة الغاليات
اهلا حبيبتي رنومة ..ماشاء لولو صار عمرها شهرين ربي يحميلك ياها هي واخواتها
الله يعينكون ياقلبي على ازمة الغاز وحسبي الله ونعم الوكييييييييييييييييييل سلامتك ماعقلبك شر لسا فوق مشاغلك ومسؤلياتك الدورة اجت عليكي صعبة!!! الله يقويكي ويعينك شكرا رنومتي كلك زوء والله يسلمك ويسلملك كل حبابك شو ساوي هيك صار بس الحمد الله على كل حال ومية مليون صحة وهنا على قلبكون رائعة المجدرة وخصوصي اذا في مخلل بانجان هههه |
رد: تجمع حوامل سوريا-دردشة ورود سوريا-دردشة الغاليات
مرحبااااااااااا لكل الحلوات
اقتباس:
والله يعينكم ويفرجها بالقريب العاجل اقتباس:
|
رد: تجمع حوامل سوريا-دردشة ورود سوريا-دردشة الغاليات
مرحبا بنات شو أخباركم اشتقتلكن كتير كتير الدورة متأخرة تلات ايام مابعرف اذا كان حمل حللت بالبيت بتحليل الديجتال الي بيبين الحمل قبل موعد الدورة وطلع سالب 😔صارلي شهرين موقفة المانع ادعوالي احمل بتوأم صبيان كتير بنفسي توم 😌
رنومة يا عسل شكرًا عسؤالك علي والله يفرج عنكم وعن المسلمين الله يخليلك بنوتاتك يارب كيفك وردة حلب كتير اشتقتلك وجوري الشام ماشاء الله عيزن بجنن الله يحميه وتشوفي عريس يارب كيفك هدول شواخبارك وسروء والجميع سلامي الكن وحدة وحدة وآسفة لونسيت حدى أحبكم فالله |
رد: تجمع حوامل سوريا-دردشة ورود سوريا-دردشة الغاليات
مرحبا ياحلوات كيفكن
رنوومة صحة ومليون هنا دخيلك من وين بدنا نجيب غاززززززز جوزي ماخلا محل وعم يقلهن لو ب1500 معلش وماحدا عم يرد والله امبارحة عملت سفرة مقالي تفضلوا بطاطا مكمورة وبانجان مكمور وكوسا مع اللبن والتوم وفتوش وكلهن وين عم اقليهن على سخانة الكهربا فايقة اليوم مرضانة كتير تعبت الله يعينا على هالأزمة يارب ويرجع الغاز الله يقكويكي يارنوومة والله حاسة فيكي والله يخليلك بناتك بكرا هنن بساعدوكي ان شاء الله جوري ياعمري صور يزونة الجددكتير حلوين الله يحميه يارب كيف صار ان شاء الله أحسن عليه الف عافية ان شاء الله بوصل سلامك سرووءة كيفك ياعسل وكيفها جود الحلوة الله يحميها يارب هدولة ياعمري انتي وانا كمان بحبك كتير كتير الله يحميلك اهلك وينصرنا يارب عن قريب سيلا ياعسل وينك اشتقنا لحكياتك الحلوة لاتطولي علينا أم ملاك كيفك ياعمري ان شاء الله بخير وكيفها ملوكة الحلوة هايدي دكتورتنا الحلوة كيفك وشو اخبارك اشتقتلك كتير كتير وكيفه هنودة العسل عبورة الله يقومك بسلامة يارب وتجي تخبرنا يارب أم عائشة والله اشتقنالك كتير تعي طمنينا عنك ان شاء الله تكوني بخير وردة حلب ماشاء الله عليكي اكيد طبخك طيب قلتله لجوزي مشتهية انزل على حلب انعزم على يبرق و لحم بعجين وسندوات مقلية بالسمن ههههههه كتير خاطرين على بالي هالاكلات شام الهوى كيفك ياحلوة وشو اخبارك يارب تكوني حامل بتوام صبيان والله ينولك اللي ببالك يارب عن قريب |
رد: تجمع حوامل سوريا-دردشة ورود سوريا-دردشة الغاليات
الســــــــــــ عليكم ـــــــــــــــــــــلام
كيفكن عسولاتي ؟؟ ربي يحميكن وتكونوا بخير ع طول اشتقتلكن كتير اليوم راح اكتبلكن جريدة ههههههه متل ماخبرتكن يوم الاثنين كان عندي موعد مع الدكتورة رحت وإلا بيقولولي الدكتورة اجتها حالة طوارئ وهي مو موجودة تعي بكرا حجز زوجي موعد جديد يوم الثلاثاء الساعة 8 ونص المهم طلعنا من المشفى فقلت لزوجي خلينا نروح ع العثيم مول فيه فرع لسنتر بوينت قلت بشوف شوفيه المهم ياحبايبي رحنا وكان عم يآدن العشا راح زوجي يصلي وانا وملاك انتظرنا بالمول لحتى يخلص الادان المهم اتصل فيني أخوي الي بألمانيا وكان مدايق كتير وعم يبكي والله العظيم انقهرت كتير عليه لاني عرسوا يوم السبت الي جاي ومافي حدا منا راح يحضر طيب خاطروا وقويتوا شوي وصرت ابكي المهم قلي احكي هلق ع سوريا تركت امك عم تبكي اتصلت بأمي اول ماقالت آلو صارت تبكي صرت ابكي معها وحسيت اني الدنيا كلها صارت سودا بوجهي خلص زوجي صلاة واجى وكانوا بلشوا يفتحوا المحلات قلتلوا من شآن الله خلينا نرجع ع البيت خلص قلي ليش قلتلوا شو صار وطول ما انا بالسيارة قاعدة عم ابكي قام زوجي مارضي يرجع ع البيت راح ع مول تاني هو مرجان السعودية وحطني تحت الامر الواقع وقلي بنشتري كم قطعة للبيبي ولملاك وبنرجع المهم ماحبيت اكسر بخاطروا دخلت واتصل صار يراضي ماما ويقلها لاتزعل ومن هل حكي المهم اشتريت طقم لملاك بيجنن وكمان اشتريتلا تنورة قصيرة وبيجامة نوم مرسوم عليها لولو كاتي واخدت كم قطعة للبيبي ورجعنا ع البيت ضليت مدايقة للصبح وطول الليل عم اتقلب و وقت غفيت شفت اخوي بالمنام عم يقلي ادعيلي الله يفرجها علي أمانة يابنات ادعوا لاخوي الله يفرجها عليه ويسر امروا ويسعدوا يارب بجاه الحبيب المصطفى .. يوم الثلاثاء رحت ع الدكتورة وفحصتني وقالتلي الجنين بخير الحمدلله بس عندي مشكلة انه المشيمة امامية ومافسرتلي شو يعني وكان بدها تفحصني داخلي بس زوجي رفض وقالتلي خدي الحديد والكالسيوم وانه بعد 3 اسابيع اراجعها وبس اليوم طبخت منسف يابنات تفضلوا آمانة وملاك من شوي كانت نايمة وهلق صحيت وبس وكتير مشتقتلكن قلت بفوت وبطمن عليكم بحبكم كتير سامحوني وجعتلكن راسكن مع كل الود تحياتي (^_*) |
رد: تجمع حوامل سوريا-دردشة ورود سوريا-دردشة الغاليات
زهرة الحب ...يارب يفرجها علينا وتزوريني بحلب ولعيونك كل يلي بنفسك بيحضرلك
يارب عن قريب يارب شام الهوى ...يارب تكوني حامل بتوأم صبيان ...وطمنينا يا عسل ام ملاك ...يارب يسهل امور اخوك ويفرح قلبه بيلي بيتمناه ....والله زعلت على أمك الله يكون بعونها ويصبرها والمشيمة الامامية حسب معلوماتي وضع طبيعي مافيها شي بس قرات مرة انه ممكن الحامل تتاخر بالاحساس بالحركة اذا كان ارتكاز المشيمة امامي والله اعلم اهم شي البيبي بصحة وعافية والله يقومك بالسلامة |
رد: تجمع حوامل سوريا-دردشة ورود سوريا-دردشة الغاليات
ام ملاك حبيبتي والله دمعت عيني عليكي وعلى حال اهلك لك اااااااه بس انا صرلي اسبوع ماحكيت ماما ومابدي احكي معها مو قادرة اسمع صوتها حاسة حالي رح انفجر من البكي كتير صعبانة علي اول حمل الي ماتكون جنبي ولسا الله يستر من بعدين مااقدر انزل على سوريا على ولادتي وفوق اد كلو خايفة عليهون كل قصف قصف وحرب عندهوم وفوق هاد كلو اول مرة ببعج عنها كل هالمدة وانا الكبيرة عندها وكتير متعلقة فيها ................... ياربي دخيلك فرجك
اللله يهدك يابشار ويخلصنا منك باسرع وقت قولو امين ا حبيبتي انشالله مافي خطر على البيبي ومبروكين الاواعي ولاتزعلي حالك ياقلبي قوي حالك وهاد منيح شكلو زوجك حباب وقلبو حنون الحمد الله ربي يخليليك ياه والف صة وهنا على المنسف |
رد: تجمع حوامل سوريا-دردشة ورود سوريا-دردشة الغاليات
زهورة ياعمري تحبك العافية ياقمر انتي
اللله يعينكون على قلة الغاز يلا منيح في السخانة بتقضي غرض والف سلامة عليكي شام الهوا انشالله ربي ينولك يللي ببالك ويطعمك احلى توم صبيان بالعالم حبيبتي انتي شو عندك اطفال ولا لسا انا حامل بالشهر الرابع متزوجة من سبع شهور ونص.... وانتي عرفينا على حالك اكتر؟؟؟ |
| الساعة الآن 04:12 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .