|
رد: دردشة بنات فلسطين, دردشة حوامل فلسطين, تجمع بنات فلسطين
كيفكم صبايا
حواء اسألي دكتورتك عن الانتفاخ اول ماتصحي من النوم وعن الترجيع ...!! جارة حرام لاتبقي جوعانه في شخص بصوصو جوع معاكي حرام ^_^ كلي بس على فترات عشان الاستفراغ عاملة فيها دكتورة وبعطي نصائح ههههههههههههههه يعني حتولدي معي لما يخلص رمضان بس اذا مابتكملي التاسع حتولدي مع حواء |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم عسل يا بنات كبفكم ان شاء الله تمام
ولكو سما ولدت واختفت بالكم يصير معنا هيك بكرا ههههههههههههه شكله البوبو مغلبها شكلها لولو حمادة سافرت كمان زمان ما طلت |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير احساس لا انا بولد قبل رمضان يعني 29-6-2012 موعد ولادتي حواء فعلا اشتقنى لست سما ................ ولولو ............ مشغولين باولادهم ............ بنات بليز ساعدوني باسماء اولاد غريبه والله احترنا ............. |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا كيفكم صبايا
ربنا يتمم حملكم وولادتكم على خير كيفك حواء انا لسا ما سافرت زوجي بدو ييجي وياخدني في نص شهر ستة |
رد: دردشة بنات فلسطين, دردشة حوامل فلسطين, تجمع بنات فلسطين
كيفك جارة اسم ايهم حلو وكمان يامن و كمان يعلى و اسر و رواد
فعلا مشغولين باولادنا انا شوي وحطق جننوني عشان وراء بعض وابنى الكبير مش متكيف مع جو غزة كل يوم مريض غلبوني كثير |
رد: دردشة بنات فلسطين, دردشة حوامل فلسطين, تجمع بنات فلسطين
كيفك لولو
ماحكتيلنا قصة ولادتك كيف كانت؟ |
رد: دردشة بنات فلسطين, دردشة حوامل فلسطين, تجمع بنات فلسطين
هلا لولو الله يكون بعونك يا رب والحمدلله انك بخير
بدي اروح اعمل فطور ملوكي لبنتي مبارح ما نمت بالليل وهلا لصحيت بتكون صوصت من الجوووووووووووووع برجعلكم |
رد: دردشة بنات فلسطين, دردشة حوامل فلسطين, تجمع بنات فلسطين
انا ولادتي الاولى صعبة كثير بس الحمد لله الثانية سهلة كثير ان شاء الله تكون ولاداتكم سهلة مثلي
قصة ولادتي انا اول مابعرف موعد الولادة متى لاني احملت بعد اجهاض خمس شهور من الحمل حددولي موعد ولادة حسب السونار المهم اتاخرت عن الموعد يومين ورحت على االدكتورة وفحصتني داخلي وقالتلي موسعة من 3 الى 4 سم كانت بدها تعمل تحريض بس مارضيت ماكنت مستعدة وطلبت مني اعمل تخطيط للجنين في العيادة قريبة من عيادتها فرحت مشي ورجعت لعندها مشي وطول الطريق احس ثقل لاسفل وبوقف عن المشي من الضغط شافت التخطيط وحكت كل شي ممتاز وبترجعي كمان 3 ايام ادا ماولدتي حتي اعملك تحريض للولادة وروحت البيت نص الطريق مشي بعد ساعة حكيت مع زوجي على النت وانا بحكي معو صار مغص قوي كل عشر دقائق كانت الساعة 7 وربع مساء حكيتلو حولد الحين لان الطلق اجا حامي كثير جهزت حالي واغراض البيبي واخدت دش ورحت المستشفى وبطريق وقفت السيارة خلص البنزين ومافي سيارات بسبب ازمة الوقود وقعدو يعبو بنزين والمهم بالعافية اوصلت المشفى دخلوني غرفة الفحص حكولي موسعة 9 ولادة دخلوني غرفة الولادة بسرعة و ممرضات وحدة بتركب محلول وحدة بطحت بالابرة وحدة بتولد فية خزقو ايدي مش عرفين يركبو علشان بضغط عشان اولد وولدت وجبت محمد ربنا سهل الولادة مع اني تعدبت في الحمل كنت انزف وفي غربة لوحدي على طول يعني ماشاء الله كلها ساعتين بس بعد الولادة صار معي نزيف وحرارة كل اللي ولدن معي روحن انا خلوني في كشك الولادة وكل شوي يعصروني وينضفوا الرحم موتوني قعدت بعد الولادة اسبوعين بطني بتتمزع ومابقدر اتحرك من كتر ماعصروني وهاي قصتي |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم ربي
كيفكم يللا صحة وهنا يا حواء حرام عليكي برلنت ههههههه شكله انا رجعلي الوحام من جديد الله يكون بعوني اهليييييييييييييين لولو والله الك وحشة انتي وسما عنجد ان شاء الله بتربوا بعزكم وبترجعي بيتك بالسلامة يارب باي مستشفى ولدتي؟ |
رد: دردشة بنات فلسطين, دردشة حوامل فلسطين, تجمع بنات فلسطين
الحمد لله على سلامتك لولو
اكيد ولدتي بمستشفى الشفا الله يكون بعونا والله انا مو حابه اولد هناك خايفه بجد وكل يوم عن يوم بحس موعد الولاده بقرب مع اني لسه بالشهر السابع |
رد: دردشة بنات فلسطين, دردشة حوامل فلسطين, تجمع بنات فلسطين
الحمد لله على سلامت يا لولو ويارب تكون ولادتي سهله لاني تعذبت بالولاده الاولى |
رد: دردشة بنات فلسطين, دردشة حوامل فلسطين, تجمع بنات فلسطين
حمدا لله على سلامتك يالولو
واحكيلنا وين رحتي ولدتي؟؟ بينك رزو ست زوجي بتقلي يلي داخلة السابع داخله التاسع علشان بوولدوا بعض النسوان بالتاسع ههههه هيك معنى المثل يعني حتلاقي الايام مشيت وماتلاقي نفسك الا والدة ربي يسهل علينا جميعا يارب ولادتنا |
رد: دردشة بنات فلسطين, دردشة حوامل فلسطين, تجمع بنات فلسطين
يسعــــــــــــد مســـاكم جميعكم شـــلونكم حبوباااااااات بينــــــك روز :: مسائك فل و عنبر كيفـــك؟ انتي متلي بالشهر السابع بس انا سابئتك ب اسبوعين بديت الاسبوع ال29 عايشه على اعصابي عشان توأم من التقل اللي معاي و بقول ايمتى ادخل الاسبوع ال 34 و ارتاح نفسيا كيفهـــا رهووووفه حبيبة الماما ؟؟؟لا تفكري حبيبتي بالتاسع من هلآ عيشي حملك يوم بيوم انتي هلآ بالاسبوع ال26 قديش وزن رهف صحيح سهــــى منومه بالمستشفى و ألا كيف وضعها لانها حكت عشان وضعها بالنسبه للسكري و جنى و رجلها قرروا انهم يخلوها بالمستشفى طمنيني عليها حبيبتي |
رد: دردشة بنات فلسطين, دردشة حوامل فلسطين, تجمع بنات فلسطين
صبــــاااااياااااا عندي احســــاس انو اسمــــاء ولـــدت الها مده ما شفناها لو تدخـــل و طمنّــــا عنها جــــارة القمــــر ,, ان شاء الله تكون ولادتك سهلــــه.... في اخر الشهر امشي قد ما تقدري و كلي تمــر ,, و اقرأي ادعية تسهيل الولاده صحيح كيفو يـــزن ؟؟؟ شو عم بيئول على حملك لانو بعض الاطفال اسمعت بحسو بغيره او شي من هالنوع ... و ألا فرحان بالبيبي |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا انا جديدة علي النتدي تبعكم
حابه اسئلكم الي بتكون حامل بالشهر الاول بيكون معها مغص والام بالظهر حاسه كانه بدها تيجي الدورة من الوجع |
رد: دردشة بنات فلسطين, دردشة حوامل فلسطين, تجمع بنات فلسطين
http://forum.hwaml.com/imgcache2/hwa...458818_689.gif دوما ما تكون لنا قرارات واختيارات في الحياة .. ويكون للزمن رأي آخر .. كثير من طرقنا نمشي خلالها مسيرين ولسنا بمخيرين .. تمنحنا الأيام آمال نعلقها على نوافذ الأحلام .. لنسقيها بدموع المآقي .. أملا في أن تنبت لها يوما جوانح طير .. فتحلق في سماء الحب .. بلا قيود .. http://forum.hwaml.com/imgcache2/hwa...458818_689.gif نتعثر في الحياة .. لنسقط .. فنعاود الوقف من جديد .. ولكن مع اختلاف بسيط .. أننا نقف ,, أقوى وأشد من قبل .. http://forum.hwaml.com/imgcache2/hwa...458818_689.gif من لم يذق للحزن طعما لم يجد للسعادة أي طعم .. ومن لم يجرب البعد يوما لن يقدر قيمة التواجد أبدا .. ومن لم يسقط برهة من الزمن لن يشعر بقيمة الوقوف والمضي قدما .. http://forum.hwaml.com/imgcache2/hwa...458818_689.gif تمتلك الحياة جمالا .. ويكمن جمالها في الغموض .. وتتألق بأبها حلة حين يخط البعد خطوطه ... http://forum.hwaml.com/imgcache2/hwa...458818_689.gif وما تزال الكلمات تنبض .. وما يزال القلم يخط .. وما تزال العيون والقلوب تقرأ ... الى كل غاليات على قلبي والى كل من سأل عني لكم وددت أن أهمس في قلوب كل الذين أحببتهم والذين صادقتهم والذين آخيتهم , أهمس في قلوبهم بأنني أحبهم , وبأن الحب العميق الذي جمعني بهم في لحظات إلهية شفافة , سيظل قويا عبر كل الأيام ... أنا بخير والحمد الله غبت عنكم بسبب ظروفي الصحية والتي مازالت اعاني منها لكن وجودكم معي وكلماتكم التي اعطتني الأمل كانت بلسم على مرضي وقوة صبري وايماني بالله كبير ودعائي له ساعدني وسيساعدني بأذن الله ان اتجاوز هذه المرحلة من حمل وعلاج جلطتي اتمنى من كل غاليات على قلبي ان تسامحوني على تأخير ودعائكم لي دوما أختكم سهى http://forum.hwaml.com/imgcache2/hwa...458817_954.gif |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
و طالما بفضل الله ما عم بنزل عليكي اي افرازات بنيه او دم فطمأني انصحك بالراحه التـــــامه و ضلك مدده على الظهر و لا تحملي اي شي تقيل لحتى تعدي اول3 شهور ,, و يستقر حملك ... و اذا زادت الالام استشيري دكتورتك للاطمئنان اكتر ,, ربي يتمم الك على خير |
رد: دردشة بنات فلسطين, دردشة حوامل فلسطين, تجمع بنات فلسطين
صحيح سهــــى منومه بالمستشفى و ألا كيف وضعها لانها حكت عشان وضعها بالنسبه للسكري و جنى و رجلها قرروا انهم يخلوها بالمستشفى طمنيني عليها
حبيبتي [/center][/QUOTE] مساكي غالي على قلبي وروحي حبيبتي عيون المها مهما كتبت ومهما تركت لكي من كلمات شكر وتقدير فأنني أقف عاجزه امامكي آيتها غالية لقد كنتي معي وبجانبي كل للحظة اختي انا بخير والحمد الله لكن مازالت اعاني من مرض وتعب الحمل وتم تأجيل ولادتي لنهاية شهري الثامن لأن جنى حبيبتي لم يتم اكتمال نمو رئتين عندها وخوف عليها اكبر من نفسي وكان كلام خمس الاطباء زرتهم بالفترة هي انه يوم زيادة وجودها بداخلي افضل لها مهما كان وضعي اما بخصوص جلطت رجلي تم تأجيل عمل عملية لها بعد ولادتي بأذن الله أنا الآن تحت مراقبة يوميه بسبب ضغطي عالي وسكري وجلطت رجلي وايضا جنى خلال الخمس الايام الماضية تم فحصها جيدا ومن اكثر من دكتور وكل اجمع على انها مازالت صغيرة جدا بالوزن ونمو وتحتاج لفترة ليست اقل من شهر لكي تكون بخير وتكتمل نموها جيدا باذن الله |
رد: دردشة بنات فلسطين, دردشة حوامل فلسطين, تجمع بنات فلسطين
باقـه من الورود البيضاء قطفتها من حديقة كلماتي
لاهديها لاخت غاليه على قلوبنا جميعاً اهديها الى قلبها المفعم دائما بالرضا و الصبر فالبحر في هيجانه و قوة امواجه عجز امام صمودها و الورد في رقته خجل من حنانها و عطائها فمن على عرش الكلمات و بريق الحروف و شراع محبة الصداقه الذي عموده الوفى دائما بإذن الله سترسو كلماتنا في ميناء قلوبنا و ستبقى خالده لانها نحتت على صخر البقاء ,, صخر الصداقه و الاخوه تحيـــــــاتي لكٍ سهــــــى http://forum.hwaml.com/imgcache2/hwa...460475_391.gif |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير حبيباتي كيفكم اليوم
ان شاء الله بخير وكيف البيبهات انا هلا قاعدة بفطر وطبعا فطوري كل يوم فواكه مشان زيادة الوزن الي عندي حبيبتي احساس برضو امي الله يخليها الي حكتلي ديري بالك على حالك الفتره هادي لانه الشهر السابع اخو الشهر التاسع وان شاء الله ربنا يتمم على خير يارب عزيزتي عيون المها تسلمي كتير ياقلبي بس والله الي خلاني افكر لانه سلفتي شهرها هاد وان شاء الله بتولد قبل يومين كنا عندهم وكانت تعبانه وصرت اهون عليها وادعيلها والله من كتر ما شوفتها تعبانه خوفت من الولادة وبالليل حلمت اني ولدت وشوفت عملية الولادة كلها بالحلم من طلق ودفع وشق وتخيط بس ولدت ولد مش بنت ههههههههههههه وخلتني الدكتوره ارضعوا الله يستر شو معنا هالحلم وبالنسبة لرهف مكيفه اكتر مني الله يخليها الي يارب وكلمت سهى اليوم على التلفون هيه حاليا بخير وان شاء الله بنوتتها تكمل الرئة عندها مشان تولد لانها تعبانه من الجلطه وبتسلم على كل الي بالمنتدى اسراء يا اختي العزيزة ما تخافي بالنسبة للوجع شي طبيعي بس اهتمي بحركتك كتير وحاولي ما تتعبي حالك وماتحملي شي ولو كان خفيف على فكره اسراء كمال بتكون اختي منوره ام خالد |
رد: دردشة بنات فلسطين, دردشة حوامل فلسطين, تجمع بنات فلسطين
يسعد اوقاتكم كيفكم بنااااااااااااااات شو اخباركم
بالسلامة سهى الله يكملك على خير يارب ويهونها عليكي باقي البنات يارب تكونوا بخير وتضلوا بخير اراكم |
رد: دردشة بنات فلسطين, دردشة حوامل فلسطين, تجمع بنات فلسطين
هلا وغلا بالجمييييييع
اليوم نزلت شريت للبيبي شوية اغراض كان الي خاطر اشتري السوق كلوا بس لسى مبتدئه خفت اشتري شي يطلع صغير او كبير وصيفي لانو من هان لما يكبر يكون الجو بارد لهيك ماكترت شريت بيجامة وابرهول وطقم شورت وبلوزة وجليه للطلعه حلوين كتير |
رد: دردشة بنات فلسطين, دردشة حوامل فلسطين, تجمع بنات فلسطين
مرحباااااااا ..كيفكم ان شاء الله يكون الجميع بخير.. حبيت اسالكم انا بتعب كتير لانو بطلع مواصلات على الجامعه وبقدم امتحانات بسير عندي الم فى الظهر وبنزل شوية دم بس مو كتير هاد اشي مش منيح او خطير؟؟؟؟
|
رد: دردشة بنات فلسطين, دردشة حوامل فلسطين, تجمع بنات فلسطين
هلا سندس منوره التجمع
حبيبتي لازم ترتاحي وتطلعي كتير بالسيارات ولازم تاخدي حبوب مثبت وانتي استشيري دكتورتك بهيك موضوع |
رد: دردشة بنات فلسطين, دردشة حوامل فلسطين, تجمع بنات فلسطين
مساء الفل عليكم
سهى الف سلامة عليكِ يارب ان شاء الله بتمشي امورك تمام انتي وجنى وتجيكي بخير وسلامة وربنا يقيمكم تنيناتكم سالمين يارب اسراء اهلا وسهلا فيكِ ارتاحي وهالشي طبيعي الله يتمملك على خير يارب حواء وجارة كيفكم احساس يللا مبروك حبيبتي الله يتمم على خير غموض وينك مختفية؟؟؟؟ لولو وسما طمنونا عنكم عيون المها يسعد صباحك سامحوني لو نسيت حد بس عقلي ضارب ^_^ دعواتكم لي ربنا يتمملي على خير يارب اليوم كنت بالمستشفى... بس الحمدلله روحت ع البيت سلامي للجميع وليلة حلوة ليكم |
رد: دردشة بنات فلسطين, دردشة حوامل فلسطين, تجمع بنات فلسطين
أختي سندس سامي
باعتقادي انه تشوفي دكتورتك او دكتورك لأنه الدم أولها مش منيح وراتاحي عليكِ بالراحة والله يتمملك على خير يارب |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير صبايا كيفكم؟
حبيت افوت اسلم عليكم من زمان ما فتت مشغولة بالدراسة وكتير بتاخر بالجامعة شو اخباركن؟ |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم جمعا وهلا وغلا بالاخوات لجداد اسراء وسندس................. سهى ربي يصبر قلبك ويقوم انت وجنى بالسلامة يااااااااااااارب احساس مبروكين الملابس حواء يسعد مساكي عسولة خير ان شالله ليش كنت بالمستشفى عيون المها يسعد مساكي............والله ابني يزون قبل ما احمل كان كتير يحكي انا وين اختي وكل ما يشتري شي بيخبيه لاخته كان بسميها دانه لحملت وقبل ما اعرف النوع كان بيضل يقلي متى اختي دانه بدها تيجي بعد ما عرفت النوع ما تقبل انه ولد بدو ياها بنت بس هلا بضل يبوس بطني ههههههههههه ويسألني شو حكى اخوي لاني بوسته ههههههههههه والله بيستنى فيه باليوم ............بس ان شالله ما يتغير ويغار منه ............. |
رد: دردشة بنات فلسطين, دردشة حوامل فلسطين, تجمع بنات فلسطين
شكرا كثير الكم
بس انا بروح عالجامعة لاني بقدم امتحانات آخر فصل خريجة ومضطرة وكمان رحت على دكتورتين قبل هيك كتبولي علاجات منها الفوليك وفيتامين وبارافومين ( للوحام ) وما قالوا لي اني محتاجة لمثبت إن شاء الله خير |
رد: دردشة بنات فلسطين, دردشة حوامل فلسطين, تجمع بنات فلسطين
ســـــSuhaــــهى كلنا عم ندعيلك و دائما الخيره فيما اختاره الله --- ان شاء الله الاسابيع تمر بسرعه بس انتي ما شاء الله اعتقد بالاسبوع ال31 اذا مو غلطانه يعني اخر السابع ربي يتمم الك يعني لو خلصتي الاسبوع ال35 ما في خوف ان شاء الله على جنى بالنسبه لوزن جنى لو تكتب الك الدكتوره على حليب خاص ما بعرف اذا بتسمعي فيه مدعم بالفيتامينات كتير ممتاز للجنين و اذا سمعانه بالحلبه اشربي حلبه+حليب بتزيد وزن الجنين و الحلبه ممتازه للسكري و بنفس الوقت بتزيد الحجم بس ما تكتري منها ليله هاديه و سعيده الك و لكل العيله |
رد: دردشة بنات فلسطين, دردشة حوامل فلسطين, تجمع بنات فلسطين
عســـولة فلســــطين يسعد صباحـك و مساكٍ حبيبتي الك و للاميرات..مشكوره على تحيتك هههههه عقلك ضارب ليه ..؟؟ لسى كمان شوي من التقل و التعب منيح ما يصيبنا زهايمر حمل ههههه و ازواجنا يطفشواhwaml15 و بعدين في الاسابيع المتقدمه مع البطن اللي راح يوصل للركب من التوينز ما شاء الله بسيروا ازواجنا يئولو يارب سهل و بستعجلوا بالولاده قبلنا هههههه ,,, بحس الايام ما عم تمشي بدي الايام تمر بسرعه بتعرفي اني ما بعرف انام عندي الولد على جهة اليمين فوق و البنت على جهة اليسار تحت اذا نمت على الجنب الايمن بسير بتحرك و يرفس و اذا نمت على الشمال بتسير الحلوه تتحرك شو اعمل و صعب و ما فيني انام على الضهر انتي كيف نومك هلآ على الشهر السادس هاديين و ألا مشاغبين بالليل ايه صحيح خلصتي امتحانات ما حكتيلنا |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير
أنا صارلي متزوجة سنة و 5 شهور و حملت وولدت ولادة مبكرة بسبب اتساع عنق الرحم و الله رزقني بولد بس ما لحقت أفرح فيه ولدته و ما حضنته أخدوه على الحضانة و عاش 5 أيام و بعدين توفى و الحمد لله أنا هلأ حامل بالشهر الثامن و أخدت غرزة بعنق الرحم و أتمنى الله يكملي على خير ادعولي أخواتي المسلمات |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
ادعوا الله عز و جل ان يقر عينك و عين زوجك بحملك ,, و أسأل الله العظيم رب العرش العظيم ان يجعله او يجعلها من عباده الصالحين ,, و تفرحي برؤية جنينك سليم معافي بين احضانك الحمد لله انك هلا في الشهر التامن و تعتبري تعديتي مرحلة الخطر ,, فلا تقلقي ,, ان شاء الله ربي يبلغك شهرك التاسع ,, و عندي الك سؤال :::: ولادنك المبكره الاولى في اي شهر كانت و اي اسبوع ؟؟؟ و كم كان وزن الجنين ؟؟ تحيــــــــــــــاتي الك |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا وينكم صبايا فلسطين؟
ما في حدا يرد؟ أنا حابة أتعرف و أدردش مع الحوامل اللي متلي |
رد: دردشة بنات فلسطين, دردشة حوامل فلسطين, تجمع بنات فلسطين
أهلا فيكي أختي بالله
ولادتي الأولى كانت بآخر يومين بالشهر السابع على حساب العيادة بس لما رحت المستشفى قالولي انتي بالأسبوع ال 31 يعني بأول أسبوع بالشهر التامن و لما ولدت ابني ما فتح عينيه ولا صرخ عشان هيك عاش على التنفس الصناعي و لأنه مولود بالشهر التامن توفى أما مواليد الشهر السابع بيعيشوا و كل شي بأمر الله بيصير و الحمد لله و لما ولدت كان وزن ابني 2 كيلو وأنا هلأ ما عديت بالشهر التامن يعني كمان 5 أيام بأعدي بالشهر التامن باذن الله و أنا كتير مطمئنة لأني أخدت الغرزة و كمان أخدت ابرتين لاكتمال الجنين و الله يتمملي على خير |
رد: دردشة بنات فلسطين, دردشة حوامل فلسطين, تجمع بنات فلسطين
ان شاء الله يكون شفيع لكم يوم القيامه ,, عسى ان تكرهوا
شيئا و هو خير لكم ,, و ان شاء الله ربي ببارك الك في حملك هاد ,, رغم انو الجنين كان وزنه كتير منيح و مولود على الاسبوع ال31,,بس ارادة الله ,, لانو في مواليد ولدت على الاسبوع ال28 و 29 و كتب الله الها الحياه ,, الخير كله ان شاء الله في حملك هاد ,, و برحب فيكي مره تانيه معنا في هاد التجمع و ربي يتمم الي و الك و لكل الصبايا الموجودين معنا بتمنالك ليله سعيده |
رد: دردشة بنات فلسطين, دردشة حوامل فلسطين, تجمع بنات فلسطين
كل شيء ينقص إذآ ..
قسمتہ هَ على آثنين )\' إلآ ﺂلسعآده ف آنهآ تزيد \'$ إذآ تقآسمتهآ ) الله يسعدكم ياصبآيآ دآآآيمآ مع ازواجكم الغالييين عسولة انا بخير حبيبتي دايما بطل عليكو هههههه يسعد اوقاتكم كلها يارب |
رد: دردشة بنات فلسطين, دردشة حوامل فلسطين, تجمع بنات فلسطين
ام عزمي
اهلا فيكي خيتووو منورة التجمع ربنا يكمل حملك ع خيييييييييييير يارب ويسعدك |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير صبايا شو اخباركم طمنوني عن البيبهات
والله انا بنوتي طول الليل تلعب وتخبط ما عرفت انام منها وكل ما انام ابوها يصحيني ويقولي شوفتها والله وشوفتها وهيه بتتحرك ببطنك هههههههههههههه الله يجيبها بالسلامة يارب اهلا وسهلا بيكي اختي ام عزمي يارب يتمم حملك ويكمله على خير يارب منوره التجمع اكيد |
رد: دردشة بنات فلسطين, دردشة حوامل فلسطين, تجمع بنات فلسطين
صباح النور
والله وأنا كمان بنوتي بتلعب كتير و خاصة وقت ما آجي أنام و أنا مبسوطة فيها كتييييييييييير و هي بتلعب ببطني ما بعرف شو راح أعملها لما تطلع من بطني هههههههههه |
| الساعة الآن 12:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .