|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
لاباس علي ابنيتك جيجي والحمدلله اللي قعدت افضل
|
رد: حبيباتى سيدات ليبيا تفضلو لأعرف ما حالكم
اقتباس:
قتله بعد رمضان 3 ايام ديليفري تعب بجد مع ان ندير ف نوع حلو وشربه و ووجبة ومابين النوعين الي 3 موالح والباقي اتدير جاري بس مع التحضير والعجن والقلي والغسل والتطبيس والصغار ورعايتهم وجو المطبخ الواحد يطلع هاااااااااااللك وتالف |
رد: حبيباتى سيدات ليبيا تفضلو لأعرف ما حالكم
اقتباس:
اقتباس:
|
رد: حبيباتى سيدات ليبيا تفضلو لأعرف ما حالكم
الكتابه بين الاقتباس مش واضحه ياريت ياسوسو اتشوفيها
|
رد: حبيباتى سيدات ليبيا تفضلو لأعرف ما حالكم
ام فروسي كيف حالك وحال الصغار العسولين ربي يحفظهم
وسلم ايدياتك عالسفرات الحلوه تلفوني هالايام يلخبط بينوض راجلي بعد العصر بيرفع ايصلحه لكن انا مصره تلفون جديد وتو انصور ونزل الصور باذن الله مع اني مانعرفش لكن تو انفركس وكان قدرت انصور السفره من عزوزتي ماتحبش الحاجات هادي هههه اتقول كان نطلعوا في الصوره |
رد: حبيباتى سيدات ليبيا تفضلو لأعرف ما حالكم
اقتباس:
انا فكرتي جربتها بروحي وعجبتني ياسوسو ... وطبعا انفري بالعصبان بعيدان الاسنان عشان مايطربقش بالنسبة لاهلي يطبخوا فيه ويهبل الحق خصيصا عصبان ماااااااما...كل واحد غالي عليه عصبان امه عاد خخخخخخ بس الحق مايحطوش فيه ع كسكاس بعد ايطيب ... ع الكوشه طول ويجي جااااف ومحمر ويهبل .. وماعمريش شفت حد يدير فيها حتي عند خالتي واقاربنا بمصراته .. اي الغرب هههه وحتي الطرابلسيه العسوله مرت صاحب زوجي اللي عزمتنا ايامات التاشيرة دارته بلا تبويخ شفتها طلعاته من الميه الي الكوشه.. حسني جعت واشتهيته خخخخخخخ |
رد: حبيباتى سيدات ليبيا تفضلو لأعرف ما حالكم
سوسو توه رجعت قريت ردك السويسرول اللي درته انا كاتبه حار ومالح ومش حلو اصلا صورته ماطلعتش عندي درت سويسرول العجينه الخفيفه وشرائح الجبنه وهريسه عربيه هذا ساااااااهل وسريع
|
رد: حبيباتى سيدات ليبيا تفضلو لأعرف ما حالكم
اقتباس:
والصغار راقدين رضعوا حليبهم ورقدوا امس الولي مارقدت الا 4 ونص اي 5 ونص بتوقيتكم |
رد: حبيباتى سيدات ليبيا تفضلو لأعرف ما حالكم
اقتباس:
كنت اندير فيه زمان بس الحق من ايامات الجامعه معش درته وانسيته.. عطيني طريقتك او اي وحده بالبنات اتدير فيه |
رد: حبيباتى سيدات ليبيا تفضلو لأعرف ما حالكم
ربي يحفظهم وينجيهم ياربي محلاهم الصغار لما يرقدوا انحب نشبح لبنتي وناشبها لما ترقد تهببببببل
مازال ماتبيش اتخشي للمطبخ وشن فكرتي اديري انا محتااااااااره |
رد: حبيباتى سيدات ليبيا تفضلو لأعرف ما حالكم
وين رحتــــــــــــــــــــــوا؟؟؟؟؟؟؟
|
رد: حبيباتى سيدات ليبيا تفضلو لأعرف ما حالكم
اقتباس:
فروسه انا درته علي طريقه جنوده http://forum.hwaml.com/t263224.html وهذا الرابط حلو وخفيف خصوصا كان الهريسه حاره يممممم او اي حشوه تفضليها وصحه مقدما |
رد: حبيباتى سيدات ليبيا تفضلو لأعرف ما حالكم
تسلمي وربي يحفظ بنيتك..
مازال بدري ع مطبخ عندنا الساعه 3 وربع توا والمغرب يادن 9 ونص اي عشرة ونص عندكم ...... بس نوضوني بدري متاعين اي بي كل مرة جايبين حاجة ..الموقع اللي نطلبوا ونشروا منه ع النت بي الفيزا كارت... خطرلهم اليوم خخخخخ ودقتهم تفجع... جابوا اي فون 5 اول شئ لزوجي طالبه ... وبعدها مفرمة صغيرونه ماركة كين وود ... وبعدها ساعه لزوجي طالبها وقامجو ع هيئة دب بطانيه هو خخخخخ عشان الشتاء هدا بنحط فيه فراس بعد نطلعوا ويجي زوجي من الجتمعه وبنطلبوا واحد ل لولي بودري فيه ارانب بس منه وانا مطلعه كيلو مفروم ... بندير منه احتمال كباب حلزوني وكريب... وبندير بيتزا وسندويتشات ونراجي جارتي مرت صاحب زوجي انشوفها شن بتدير بس راسي صداع... ويستر الله |
رد: حبيباتى سيدات ليبيا تفضلو لأعرف ما حالكم
انا قاعده
فكرت اندير اليوم امبطن امشكل مثلا 5امبطنات بطاطا وحده او تنين بطاطات كافي واربعه فلفل حلو يعني حنقص فلفله وحده وباذنجانا 5قطع بركه الحمد لله وخبيزه الكسكاس وخبيزه جبنه المثلثات مع المعدنوس انموووت فيها دائره وحده وحنقسمها لمثلثات 6فقط وبيتزا دائره وحده ونفس العجينه خبيزه بالتن والشربه طبعا وكبه التوست امس جابلي تست خاطري انجربها وطاجين صغغغغغير لازانيا ليا ولراجلي ووووووووووو مش عارفه شن تاني |
رد: حبيباتى سيدات ليبيا تفضلو لأعرف ما حالكم
سلامات فروسه الصداع عندي وعندك ربي يشفي
ومبارك ماشريتوا |
رد: حبيباتى سيدات ليبيا تفضلو لأعرف ما حالكم
بناااااااااااات ماشاااااااااء الله متى جيتو
ربى يعطيك صحيحتك جيجي كان مجرد إستفسار وأسفين لو تكلمنا فى ما لا يعنينا وماشاء الله عليك ربى يحفظك |
رد: حبيباتى سيدات ليبيا تفضلو لأعرف ما حالكم
اللله يسلمك...ويبارك فيك
وصحة صحة مقدما فطور يشهي.. خطرتي عليا الفلفل الحلو فيه كفته يديروا فيها به اظن اسمها الفلفل الروســي يقولولها هي تقصيه دوائر وتحطي ف نص كفته نية وتساويها ع قصاد حواف الفلفل وتلبسي بالدقيق والدحي والخبزة وتقلي ع نار هادئه |
رد: حبيباتى سيدات ليبيا تفضلو لأعرف ما حالكم
كنت متوقعة جيج حلوة الطريقة هذه
تمشى معاك انت لأنكم مش هلبة بس احنا عيلة ضرورى كل نوع تكثرىىىىىىىىىىىىى يعنى تضطرى اديرى نوع ولاااثنين بسسسسسس ويالله تلحقى بس فكرتك مليحة يعنى طاجين مفروم اديرى بيه مبطن وبوريك وووو وسونية عجينة اديرى بيها بيتزا وخبزة ملفوفة و صفيحة وووووووووو |
رد: حبيباتى سيدات ليبيا تفضلو لأعرف ما حالكم
مبروك ماشريتو فروسة الله يباركلكم فيهم
بس كيف لفروسى وهو كبير يعنى كيف بتلفوه فيه |
رد: حبيباتى سيدات ليبيا تفضلو لأعرف ما حالكم
الله يبارك فيك سوسو...
فروسي بسلامته خديناله من عمر سنه ونص لسنتين ... جا فيه كبري اشوي هو ثقله نفس البطانيه متاعهم قصدي دافي اصبري توا انحطلك صورته من وين ماشريناه |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
توا بنطلبوا ل الولي واحد بودري ... بم ان بعد جا عجبتني خامته
هدينا بعد نطلعوا مثلا ف يوم مسقع جد طبعا هنا تحت الصفر ف الشتا ... نلبسهن لهم |
رد: حبيباتى سيدات ليبيا تفضلو لأعرف ما حالكم
قاعدين ولا طلعتوووووووووووووو
|
رد: حبيباتى سيدات ليبيا تفضلو لأعرف ما حالكم
حتي انا فديت ومليت من التطيب
والله نفس الحالة رغم اني مانكثرش حاجة حارة وحاجة حلوة بس مرات انديرهم من اول مانوض هداكله حتي انلحق قبل ماتنقطع الكهرباء وحتي نلحق نمشي لحوش عمي بعد العصر ومرات تنقطع وانا مابديتش نمشي العصر وهما يبدوا العصر اندير معاهم والله تعب |
رد: حبيباتى سيدات ليبيا تفضلو لأعرف ما حالكم
اليوم درت سويسرول مالح
بس مش نفس المقادير يلي في مضوعي 5 بيضات وخمس ملاعق من كل حاجة حليب وزيت ودقيق ونصف ملعقة صغيرة b.b ونص ربطة معدنوس وشوي ملح وبهارت وبصل مفروم ودرت كيكة النسكافيه درتها في طاجين دائري حتي نطرح عليها كريم شانتيه من فوق وهدا يلي درته بس ماانتفختش كويس والله اتعفلقت خلاص مليت |
رد: حبيباتى سيدات ليبيا تفضلو لأعرف ما حالكم
السلام عليكم
اخواتي الغاليات كيف حالكم كلكم ان شاء الله تكونو بالف خير وربي يعاونك في المطبخ وان شاء الله يارب كل تعب ليكم بأجره اختي اثري بارك الله فيك ع سؤالك الحمد لله فيما مضى كنت نصيم يوم بيوم بس الحق امس تعبت هلبا وللاسف مع الصيام يرجعلي الوحم وحتى زوجي مسكين مقصره معاه يوم الي نصيم فيه مانطيبش اوقات غير شربه ونتعب بعد الفطور واوقات والله حتي الكلام مانرد عليه هكي مش عارفه خيرني نظامي ينقلب غير هو بارك الله فيه يساير فيا لذلك نفكر معاش صايمه وكان ربي عطاني عمر ان شاء الله نقضيهم بعد الولادة نرتاح والنهار قصير المغرب يأذن الاربعه ومعاها هني والله اعلم |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
أهلا كيف الحلويـــــــــــــــــــــــــــــن اليوم الفطور في حوشنااااااااااااااااا زوزي معزوم ياهووووووووووووووووووو أمي ــ الله يحفظها ـــ حلفتلي مانطيب حاجة قتلي تعالي بطولك رفعت شوكولاتة ومشاريب وعصاير وبث [color="rgb(255, 0, 255)"]أموووووووووووووووولة لاباس عليك ماتزعليش روحك علي زوجك توا تجبيبي علي خير وتولي خفيفة زي الريشة وتعوضيه علي أيام الحرمان وشن أخبار ريقك ؟؟؟ أم نووووووووووووووزة ولا يهمك حني خواااااااااااااااات ومرات الواحد ينسى أعز النااااااااااااااس مش قاعدة لو أنك ماسألتيش علي معناه ماتعزنيش ~~~~ ربي يسهل عليك [/color] |
رد: حبيباتى سيدات ليبيا تفضلو لأعرف ما حالكم
اقتباس:
أحيـــــــــــــــــــــي فيك روح البحث والتحري عن أمور دينك فديننا واضح وميسر ولا شبهات فيه وعدم السؤال والبحث هو الذي يؤدي إلى الالتباس في الفهم فديننا يتميز عن غيره من الديانات بأن هناك إجابة لأغلب التساؤلات أما الأديان الأخرى فلأنها محرفة ومبدلة ومشوهة فأصحابها يمنعون منعا باتا السؤال ~~~ وكذلك الفرق الضالة في أمتنا كالصوفية مثلا فعندهم من يقول للشيخ : لماذا ؟؟فقد هلــــــــــــــــــك وأيضا يقولون : يجب أن يكون المريد ـــ الطالب ــ بين يدي شيخه كما يكون الميت بين يدي المغسل !!! وأيضا يقولون : من يعترض يجب أن ينطرد أما منهج أهل السنة والجماعة ؛ منهج السلف الصالح فلاحرج من التساؤل الذي يزيل الغبش وعودة لموضوعــــــــــــــــــــــنا أنت أجبت عن سؤالك بقولك : اختلاف الروايات ~~~ فكما هو معلوم أن للقرآن سبع روايات متواترة أي أن القرآن نزل على سبعة أحرف تسهيلا وإنعاما على هذه الأمة لإختلاف اللهجات والنطق بمخارج الحروف ولهذا فإن القراءات تختلف من حيث : أحكام القرآن و طريقة نطق مخارج الحروف ومن حيث الجمع والإفراد وأحيانا تتغير الكلمة بالكامل ولكن من إعجاز القرآن فهي تصب في ذاااااااااات المعنى مثلا في سورة الزخرف في رواية قالون الآية 18 " وجعلوا الملئكة الذين هم عند الرحمن إناثاً " وفي رواية حفص : " وجعلوا الملائكة الذين هم عباد الرحمن إناثاً" و"عند"و"عباد" نفس المعنى حاصل بالرغم ن اختلافهم وكما ذكرت " ملك " ـــــــــــ قالون " مالك " ــــــــــــحفص والله تعالى ملك ومالك ليوم الديــــــــــــــــــــــن فهذا من إعجاز القرآن وتكامله بالرغم من اختلاف رواياته ومما يؤدي إلى اختلاف عدد الآيات بين الروايات أن هناك رواية تعتبر هذه الآية آية واحدة والرواية الأخرى تعتبرها آيتين ولاحرج ويجب علينا التسليـــــــــــــــــــــــم ويسر الله أمرك وبارك الله لك في جهدك والأفضل أن تلتزمي رواية معينة تقرأين بها كي لا تختلط عليك الروايات ، أو على الأقل أن تكون قراءتك في السورة الواحدة على رواية واحدة ووفقك لحفظ كتابه والعمـــــــــــــــــل به ~~~~~~~~~~~~~~~~~~~~~~~~~~~~~ |
رد: حبيباتى سيدات ليبيا تفضلو لأعرف ما حالكم
أم فروسي
أوشي طريقة قوارب الباطس والقريعة قريبة من طريقة قوارب الباذنجان بس أعتقد أنني أخطأت بأنني غطيت الطاجين بالكامل بالباشميل ولم أغطي كل قطعة على حدة جاء لذيذ لكن صعب تقسيمه بشكل لائــــــــــــــــــق طبعا الحشوة مفروم بس ضربت في راسي حشوة أم فروووووووووسي بالدجاج واللوز جيجي لاباس علي عسولتنا رنودة أعطيها ملعقة عسل صباح كل يوم ترفع مستوى المناعة ~~~~~ ومبارك عليه البرتقالي والناري والإكسسوارات والحويجات تبيدهم بعرق العااااااااااااااااافية يارب والله يعطيك الصحة ،،،، تدبير منزلي صـــــــــــــــــــــح وتساؤل سوسو يمر بخلدي ولكن دائما أؤول الأمر لقلة الكميــــــــــــــــــــــــة ولكن حتى التنويع يبي مهارات وفنيات ربي يدوم عليك صحيحتك وسلميلي علي أمك وقوليلها ::: سلمـــــــــــــــــــك ربايـــــــــــــــــــــــــــة وربي يحفظلك شيبانيك وشنبير راسك جنودة شن برنامجك في حلويات العيد يشكرووووووووووووووووا في معمل اسمه """ ميار """" جهة النجيلة معندناش حد في هذيكا الجيهة حاجاته روووووووووووووعة وأسعاره مش عادية حسب ما ينقل ويقال |
رد: حبيباتى سيدات ليبيا تفضلو لأعرف ما حالكم
اليوم بعد صلاة الظهر
مشيــــــــــــــــــــت لمحل مكياج مش بعيد علينا ماركة """ انجلوت """ مداير تخفيض خمسين في المية رمضان اللي فات قضيت منه رووووووووووووعة مكياجهم وخصوصا الأرواج والكريم أساس المهم أني بضاعتي مازالت قاعدة خديت كريم وبودر كملوا مني وزدت روج بملمعه ولكن خديت تشكيلة كاملة للعرايس بنات أختي وبنت خوي طبعا علي ميزانيتهم أني مني الذوووووووووووق بس وأني طالعة شفت المحل اللي بجنبه رواااااااائح مداير تخفيض يصل إلى 70 في المئة خشيت خديت عطر لزوزي وقرة عيني وخديت حتى أني واحد لي برائحة جديدة عنـــــــــــــــــــــي للظهور بشكل جديد في هالعيد وخديت لعمي أبو زوجي لأن أم زوجي خديتلها شبشب طبي من """بابل "" حتى هو مداير تخفيض في كل حذائين 30 في المئة وطبعا أحذيته تعلى ولا يعلى عليها فخديت لـــ علو منه حذاء والحذاء الثاني فضلت أم زوزي رجيلاتها متعبينها فخديتلها منه شبيب طبي يهبل يتبع بعد الإفطااااااااااااااار |
رد: حبيباتى سيدات ليبيا تفضلو لأعرف ما حالكم
مشيت صليت التراويح وجيت
وماااااااااااااااااااااااااااااااااااااااااافيش حـــــــــــــــــــــــــــــــــد اليوم كبيرة وعلي غير العادة مهربش الضـــــــــــــــــــــــــي لتواااااااااااااااا الحمد لله نحس في روحي مش طبيعية خخخخخخخخخخخخخخ |
رد: حبيباتى سيدات ليبيا تفضلو لأعرف ما حالكم
ماشاء الله اثري تبيديهم بالهنا ان شاء الله وربي يحفظلك امك الغاليه سبحان الله مستحيل تلقي كيف حنان الام وحنيتها ع صغارها
بالنسبه للريق للاسف قاعد معاس لي توا والباين ح نقعد هكي لين نجيب ان شاء الله بس لما نطلع ناخد مستكه وكلينكس لكن خاصه كان عطلت عند حد نظايق ونحس روحي في موقف محرج بس الله غالب جي جي وام فراس مبارك ماشريتو وربي يخليلكم صغاركم وتشرولهم كل عيد ان شاء الله يارب وان شاء الله ربي مايحرمني انا وام جنودة من فرحة لبس العيد لصغارنا السنه الجايه ان شاء الله |
رد: حبيباتى سيدات ليبيا تفضلو لأعرف ما حالكم
اليوم عازمتني جارتي اني وزوجي ع الفطور طبعا زوجها صاحب زوجي هلبا هلبا ونفكر بنوض ندير بكلاوة نرفعها معايا حاجه ساهله وخفيفه
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
صجة فطوركن والا انقول سحوركن خخخخخخ كيف كملت المطيخ
اليوم تعب رسمي ... ومادرتش الكباب الحلزوني ولا الكريب ... واللحم اللي مجهزته للكباب درت به نجمة البحر ... ودرت بيتزا ملفوووفه وبيتزا الخضروات ... وكستردة وكيكة كاكاو بالشوكولاته والمكسرات .. وجارتي دارت الشربة ورز بالخضروات المقلية والسلطة والشاهي وهبلتني الولي اليوم تبكي واجد .. واحسن حاجة جتني رسالة من الهيلث فيزيتور..( زوار الصحة الخاصين بالاطفال اقل من 5 سنوات) جاية الخميس ساعه 2ظهرا لي الاء ... بصراحة ف حاجات واجد بنستفسر منها زي الحساسية اللي بخدودها ... طفح احمر .. وبالك تساعدني وتخليها تقبل الرضاعه او حتي رضعه سيريلاك ع الاقل |
رد: حبيباتى سيدات ليبيا تفضلو لأعرف ما حالكم
الله يبارك فيك امولة ...
وعقبال ماتفرحي بشوفة اوليدك او بنيتك بين ايديك وانا نصحتك من قبل تفطري وكله يتعوض بأذن الله خصيصا ان الشتاء نهاره قصير مش كيفنا بليبيا.. جارتي تعتبر صحتها كويسءة وفطرت رمضان كله ماعدا اول يوم صامت ثاني يوم كان عندها موعد قالتلها الدكتورة سوري لازم تشربي امية كيف اتصيم لعند الليل وهي حامل هي مسيحية شن عرفها بديننا ... وجارتي سمعت كلامها وفطرت ف يا بال انتي اللي انحس فيك متعبك الحمل اشوي خطرتي عليا حملي ب الاء ... تعب كله .. وبفراس والاؤ الوحم كان برمضان وحموووووو وقطع ضـــي الحمدلله علي كل حال اهو ايام وعدن... والعقبالك ان شاء الله |
رد: حبيباتى سيدات ليبيا تفضلو لأعرف ما حالكم
ههههههههههههههههههه
خلي نبعثلك """ دودي """ أم فروسي الخميس يديروا عليها دورة بالمرة عندها كحة بالبلغم نين تنووووووووووووض فيها من النوم وخديلها الدوا من غادي وابعثيهالي على العيــــــــــــــــــــــــــد شن قصة الحاجات الغريبة هذه : حلزون ، نجمة بحر ،؟؟؟؟ هات الطرق يا حلوووووووووووو مع أن الطهقة توا بتولي علي الحلووووووووووووووو لكن معليشي نستفيدوا ومانستغنوش على خبراتكم أموووووووولة صحتين العشاء واللهم آميـــــــــــــــــــــــــــــن وبالنسبة للريق ممكن أني أكثر مخلوقة استنزفت ورق ناعم وعلكة خلال حملـــــــــــــــــــــــــها في آخر المطاف حصلي علكة فيها ست قطع بثلاث دينار لكن الطريف يقعد نكهته هلبــــــــــــــــــــــة شرالي منهاااااااااااااااااااااا كمية نين جبت وهي قاعدة عندي لأن مرات تكمل مني نقعد نبكككككككككككككككككي زي العيل الصغير الحمد لله حمدا كثيرا طيبا مباركا فيه نعمة """"""""" بلع الريق """"""""""""""" فقط تحتاج مني سجود لآخر العمر فما بالك باقي النعم التي لا تعد ولا تحصى ؟؟؟؟ |
رد: حبيباتى سيدات ليبيا تفضلو لأعرف ما حالكم
آخر سؤال كان لحبايبنا :::::::
من هو النبي الذي قذفه قومه في النار ؟؟؟ إبراهيم عليه السلام الأسئلة الماضيــــــــــــــــــــــــــــة / س / من هو النبي الذي ضرب البحر بعصاه فانفلق ؟ ج / موسى عليه السلام س / من هو النبي الذي علمه الله لغة الحيوان ؟ ج/ سليمان عليه السلام س/ من هو الذي ابتلعه الحوت ؟ ج/ يونس عليه السلام |
رد: حبيباتى سيدات ليبيا تفضلو لأعرف ما حالكم
[color="sienna"]مابال شهر الصوم يمضي مسرعا
وشهور باقي العام كم تتمــــــهل عشنا انتظارك بالشهور في لوعة فنزلت فينا زائر يتعجــــــــــــــــل !!![/color] |
| الساعة الآن 12:40 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .