|
رد: تجمع حوامــــــــل مصر (ام الدنيا )
انا عملت بسبوسه مره وحرمت
كان يوم فظيع بعد ماعملتها قعدت اعيط وجوزي يطبطب عليا ويقولي خلاص وانا اعيط اهئ اهئ ياريت تقوليلي يابرنسس علي طريقتها ونوع البسبوسه اللي بتستخدميها معلش تاعبينك معانا |
رد: تجمع حوامل مصر (ام الدنيا )
انا مسافره من 7 شهور نزلت بعد 3 شهور اجازه قصيره ورجعت ومنزلتش تانى
رنا انتى عامله زى انا عملت البسبوسه مره ف بيت بابا والله كانت ناشفه حجر زى ما اكون حطلها جبس |
رد: تجمع حوامــــــــل مصر (ام الدنيا )
بصى ياستى طريقة البسبوسة اللى بعملها
2 كوب سميد 3/4 كوب سكر ناعم 1/2 كوب سمنة على زيت ولو بتحبيها دسمة شوية زودى انا اوقات بحط 3/4 كوب ا علبة زبادى واوقات لو عندى قشطة بزودها معاها معلقة كبيرة جوز الهند ولو بتحبي طعمه يبان زوديه بس انا بحط قليل اوى لانى مش بحبه ابدا 2 معلقة صغيرة بيكنج بودر ماء على حسب الحاجة مكونات الشربات كوب سكر 1/2 كوب ماء 1/4 ملعقة فانيليا نقط بس من عصير الليمون الطريقة بخلط كل المكونات مع بعضها عادى بس بسيب الماء للاخر بحط مايه على حسب العجينة ماتبقى محتاجة وتقلبى كل ما تحطى تقلبى المهم تلاقى العجينة طرية وحلوة كده ومتبقاش جامدة اول مرة محتطش ماء فطلعت جامدة جدا لدرجة انها مطلعتش من الصينية اصلا ادهن الصينية بالطحينة مش بالدقيق زى الكيكة وطبعا ماتنسيش الجوانب كمان وتصبى العجينة فيها وممكن بعينك كده تحددى كل قطعة بسبوسة وتحطيلها المكسرات اللى بتحبيها وممكن تسيبها ترتاح شوية فى الوقت ده تكونى شغلتى الفرن ولما يسخن تحطى الصينية انا بحطها تحت خالص وبرده بشغل الشواية فوق علشان تستوى من فوق وتحت فى نفس الوقت بعمل الشربات بحط الماء والسكر وعلى النار افضل اقلب واول مايبدأ يمسك شوية احط الفانيليا وقطرات الليمون ولما يبقى قوامه حلو لا ماية اوى ولا جامد اوى اقفل النار ولما تبدأ البسبوسة تحمر اطلعها واصب الشربات عليها ( البسبوسة سخنة والشربات سخن ) واحطها تانى فى الفرن لغاية ما تاخد اللون اللى انتى عايزاه وبس كده وبتطلع جميلة ما شاء الله |
رد: تجمع حوامــــــــل مصر (ام الدنيا )
رنا
انا اول مرة عملتها محتطش ماء فطلعت جامدة لدرجة انى معرفتش اقطعها وطبعا مطلعتش من الصينية اساسا ولدرجة انى علشان اشيلها نقعتها فى مية علشان تفك ههههههههههههههه كانت حالتها يرثى لها واتقهرت وقلت معدتش هعملها تانى بس بعدين سألت ماما لقيتنى كنت مزودة اوى كمية السميد وكمان من غير ماية فبصراحة الحمد لله انها جات على اد كده وماما قالتلى كوبيتين سميد بس ومتزوديش انا المرة الاولى كنت حاطة نص كيلو بحاله افتراااااااااا بعيد عنك انا بستعمل سميد اسمه عزيمكو هو هنا فى السعودية مش عارفة اذا كان فى مصر ولالا حتى كمان خلص من عندى وملقيتوش فجبت نوع تانى بس لسه مجربتوش ربنا يستر ويطلع حلو |
رد: تجمع حوامل مصر (ام الدنيا )
تسلم ايدك برنسيس
بس انتى بتحطيها ف الفرن على درجه حراره كام |
رد: تجمع حوامــــــــل مصر (ام الدنيا )
جوجو
والله مش عارفة درجة حرارة كام اصلى مش بحطها فى فرن كهربائى انا بحطها فى فرن البوتوجاز بس تقريبا فى نفس الحرارة اللى بعمل فيها الكيكة |
رد: تجمع حوامــــــــل مصر (ام الدنيا )
هاعمل زي مانتي قولتيلي وان شاء الله تطلع حلوه
وتسلم ايدك والله بس ادعيلي ربنا يفك عقدتي لحسن البسبوسه دي معقداني خالص من ساعة ماعملتها وانا حرررررررررمت اعملها تاني اصل الفشل وحششششش |
رد: تجمع حوامــــــــل مصر (ام الدنيا )
هاقولكم علي طريقة جديده لعمل المكرونه بالباشميل بس والله تحفه جداااااااا انا حماتي داقتها اتهبلت عليها وجوزي بعد ماكان مابياكلهاش بقي يموت فيها ويطلب مني كل شويه اعملها
|
رد: تجمع حوامــــــــل مصر (ام الدنيا )
رنا
لا والله ان شاء الله بتطلع حلوة انا بعملها كده وبتطلع حلوة ماشاء الله بس اهم حاجة ان العجينة تبقى طرية علشان متطلعش جامدة ومرة بمرة بتبقى عارفة اذا كانت هتطلع حلوة ولالا كله بالممارسة بيتظبط |
رد: تجمع حوامل مصر (ام الدنيا )
ماشى قولى ومنكم نستفيد
|
| الساعة الآن 06:05 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .