|
رد: تجمع حوامــــــــل مصر (ام الدنيا )
جوجو
طلعت معايا حلوة و عادى زى الطريقة العادية بس بدل العصير الفريش حطيت عصير سانتوب فى كرتونة كده زى جهينة والحاجات دى بس للصراحة طلع لونها افتح شوية من اللى بالعصير الفريش |
رد: تجمع حوامــــــــل مصر (ام الدنيا )
بصي ياجوجو
المقادير هي كوبايتين دقيق 4 بيضات نص كوب سمن علي زيت كيس فانيليا وكيس بيكنج بودر وكوبايه سكر ونص كوبايه عصير برتقال او تلت اربع كوبايه وشويه مكسرات وجوز هند طريقة العمل بقي ياستي : بنحط البيض والسكر والسمن في الخلاط وبنضربهم كويس اوي وبعدين نحطهم في طبق وعليهم الدقيق بس حاولي ترشيه وتدخلي له هوا عشان تطلع منفوشه وبعدين بتضيفي الفانيليا والبيكنج بودر والمكسرات وعصير البرتقال وتضربيهم كويس بالمضرب او في العجانه لحد مالخليط يكون متماسك نوعا ما( يعني مش سايط ومش ناشف) وبعدين تحطيهم في طبق الفويل او الحله بس ادهنيها زيت علي خفيف قبل ماتحطي عليها الخليط ودخليها الفرن واوعي تفتحي عليها الفرن الابعد نص ساعه عشان ماتهبطش وبعد ماتعدي النص ساعه دوسي عليها بسن الشوكه لو طلعت الشوكه نظيفه تبقي استوت ولو طلع فيها خليط تبقي لسه نايه وبعد ماتطلع وتبرد كليها علي طول وماتديش جوزك اي حاجه منها مش انتي اللي تعبتي فيها ههههههههه وبألف هنا وشفا مع تحيات الشيفه رنا |
رد: تجمع حوامل مصر (ام الدنيا )
هجرب اعملها تانى بس يارب متبوظش وتكسفنى
المره الى فاتت كلتها لوحدى |
رد: تجمع حوامل مصر (ام الدنيا )
ههههههههههه رنا انا مش هديله منها ف حاله واحده بس انى اكون عايزه اسلم من التريقه
بس شكلها هتطلع حلوه وترفع راسنا المرادى تسلم ايدك |
رد: تجمع حوامــــــــل مصر (ام الدنيا )
رنا
انا بعمل نفس الطريقة تقريبا بس بحط الفانيليا الاول مع البيض علشان يضيع ريحته وكمان بعملها بايدى يعنى من غير عجانة او كده ههههههههه على رايك وانا بهدل نفسى وهو يجى على الجاهز ياكلها بس المشكلة بقى انى من اول الحمل وانا نفسى مش رايحلها خالص يعنى بعملها اصلا علشانه هو |
رد: تجمع حوامل مصر (ام الدنيا )
انا الى نفسى اتعلمها فعلا وتبقى الانجاز الكبير البسبوسه دى اصعب حاجه
|
رد: تجمع حوامــــــــل مصر (ام الدنيا )
دى البسبوسة دى اسهل من الكيكة الف مرة
لو عايزة اقولك الطريقة اللى بعملها بيها |
رد: تجمع حوامل مصر (ام الدنيا )
برنسيس بقالك قد ايه منزلتيش مصر
|
رد: تجمع حوامل مصر (ام الدنيا )
ياريت قوليلى اعملها ازاى
|
رد: تجمع حوامــــــــل مصر (ام الدنيا )
انا هنا من 7 شهور و يومين زى ما فلاشة الجواز عندى بتقول
وطبعا منزلتش فى المدة دى وغالبا برده مش هنزل قبل سنة او اكتر كمان انتى مسافرة من امتى وبقالك اد ايه منزلتيش اجازة |
| الساعة الآن 11:16 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .