رد: تجمع حوامل (( مـــكة المكـــرمـــة ))
 

هايات اخباركم ياكروشات وحشتوني موت اخباركم جميعا نفر نفر

انا بخير والحمدلله وبنتي والبيبي كمان كلنا كويسين ولله الحمد

رد: تجمع حوامل (( مـــكة المكـــرمـــة ))
 

هاي بنات
هلابك احلى موني

رد: تجمع حوامل (( مـــكة المكـــرمـــة ))
 

اهلين....بكل الموجودين ويارب دوووووم ياحلى موني
بس بناااات انا مره تعااابنه هاااا اليومين من الوحم... ودي بحل مااكني حملت قبل كذا الحمد لله على كل حاااااااااااااااااااااال

رد: تجمع حوامل (( مـــكة المكـــرمـــة ))
 

نانا فينك اليوم ؟؟ ان شاء الله تكوني ولدتي وبخير ..

رد: تجمع حوامل (( مـــكة المكـــرمـــة ))
 

كروزه أنا بخير اخبارك انتي ياعسسسسل ؟؟

ضووء سلامتك ماتشوفي شر طيب روحي لدكتورتك في حبوب تخفف الوحم شويا
مع اني كنت بموت من وحمي بس ما استعملتها لاني ماكنت اعرف عنها .. الله يعينك والله الوحم يتعب ..

رد: تجمع حوامل (( مـــكة المكـــرمـــة ))
 

هاي كروشات والله انا استخدمت حبوب الغثيان ما كانت تفرق كثير
نانا مالها طاري اليوم يارب تكون ولدت بسلامه هيه والبيبي

رد: تجمع حوامل (( مـــكة المكـــرمـــة ))
 

سوسو والله ماعندي فكرة ان شاءالله يفيدوكي البنات ..

فش فش الله يقطع ابليسك ههههههه

امورة ياقلبي عليكي برضو لسااا وبطلت احسب خلاص تجي تساهيل ..

وبالنسبة للسنتيانات حقت الرضاعة .. والله انا دوبي الي افتكرتها قبل يومين تلاته .. المهم اختي قالتلي ع الي في سنتربوينت بس النايلون يسويلي حساسيه وماينفع حساسية ورضاعة .. ومذركير كمان بس حسيت ابا اشتري مجموعه وكتير سعرها ..
المهم امي قالتلي ع العيدروس الي في النزهه ورحت معاها قبل كم يوم وفي يمكن ابو 6 انواع قطني ونايلون داك القماش الي يجي شفاف ومخرم .. ماقدر عليه المهم اشتريت يمكن 6 او 7 مني فاكرة بس الوحده بـ9 ريال .. وقطنية مرررا عجبتني ..
انا عادة احب السنتيانات الي تكون مبطنة وبحديده وترفع الصدر .. بس اختي تقول مع الرضاعة اصلن صدرك يكككككبر ويعووورك وماتبغي شئ يلمس صدرك .. المهم مررا عجبتني مع انها رخيصه بس طيبه مره ناعمة وقطنية .. وقلت لو ابا اتفشخر اشتري من مذركير ومن دي قد مابغا .. وترا لاتنسو تاخدوها مقاس كبير اكبر من مقاسكم الحالي لانو على قولهم الصدر يككككبر ..

كوكو الحلوة وحشتينا كيفك وكيف اخبارك ..

ام ميسوومة كيفك ياحلووة؟

نون .. انا لين دحين ماااحس بخفة ولا هم يحزنون الا ثثثثثقل مرررا !!

انشوودة كيفك ياقمررر؟ واجر وعافية يارب ..

ملكة .. الله يعين بس دعواااتك ..

حنان وحشتيييييييييني ان شاءالله كل امورك تمااام ؟؟

كرووووووووووووووووزة لااااااااااا :(((
الله يخليكي لاتولدي قبلي! مشااااعري ح تتحطممممممم ...!!
الله يعينك ويساعدك ياقمر عشان لاتقولي طقيتك عين خخخخخ
قوليلي اشتريتي السرير ولا لساا ؟؟

احلى مووني كيفك ياقمررر؟؟

ضوء الله يعينك ويساعدك ياارب ...

وسلامي للجميع وحشتوووووني ...

رد: تجمع حوامل (( مـــكة المكـــرمـــة ))
 

ماااااااااااااولدت .. لسا !!!!!

بس رحت اليوم الصباح لمستوصف الرحمه .. ماكان فيا حيل اخبط مشوار لبخش وامي كانت معايا ..
المهم انا قد قلتلك انو موية زايدة ومو زايدة واحس بكتمة وضيقة في التنفس حتى ونا نايمة .. وسوست قلت اكيد من الموية الزايده ومدري ايش ..
وطول الليل امس مانمت اتقلب وافكر وقلت يارب يكون معايا زايدة بتنفجر اي مصيبه بس مايكون في البيبي شئ .. وقررت بيني وبين نفسي اني اولد قيصري وماستنى لييين ماتسير مصيبه لاسمح الله .. المهم امس كلوو بكاء ..
وصحيت بدري من 7 استنى تجي 9 عشان اروح مع امي ..
رحت وحجزت عند روحية .. ونا مرراا خايفة .. ونا بالعادة ليا تجارب مع الدكتورات المصارية والسوريات دفشااات مرررررررا .. وماحب اتعامل معاهم نهائيا .. لو رجال اوكي بس حرمة لا ! مدري اتعقدت .. المهم ...
مررا كان عليها زحمه .. من كتر الزحمه عشان الحريم لايتضايقو يدخلو 3 مع بعض .. هيا تكشف عليكي ورا الستارة وحرمتين برا جالسين ع الكراسي الي عندها .. انا رحت من 9 ونص ودخلت عندها 11 ..
وبعدين لما دخلت اول ماشفتها والله عيوني غرغرت وقلت لامي هيا نروح ..
عارفين كدا ضخمة وكبيرة في السن وصوتها يخوف ونا والله من الخوف حسيت اني ح استفرغ ..
بس جا دوري وكشفت على بطني وقلتلها الوضع وكل شئ ..
قالت الموية تمام مافي اي زيادة ولله الحمد .. والنونو نازل راسو تحت الحمدلله يااااااااااارب لك الحمد .. ووزنو 3.5 يعني طبيعي الحمدلله (خايفة يكبر بسم الله عليه ههههه)
المهم كللللل شئ تمام ياااااارب لك الحمد .. قالت ابغا اكشف عليكي من تحت .. عاد انا اووووول مادخلت عيوني على اصابيعها :((((
خايفة من الكشف .. قلت طيب استسلمت مررررررا خايفة واقولها بللهي بشويش يادكتورة مابغا اتعور قبل ماتلمسي قالت طيب ماتخفيش واتشرط اقولها حطي جل ! قالت ااه حطيت .. والله الحمدلله ماحسيت بشششششئ وقلت ببووووس نون لانها قالت دبوس وطلع مافي ولا الم ..
مع ان يدها كبيره بس ماشاءالله خفيفه والله نهايئا مافي الم ولحد يكزب عليكم ويقول يعور يمكن حسب الدكتورة ولا انتي تكوني شادة وخايفة ..
ونا اكبر خوافة في الدنياااا .. والحمدلله ماحسيت بشئ ..
قالت الرحم مقفلللللل .. ولا بيستجيب اليومين دي امشي كتيييييييييييييييييير واشري حليب دافي بقرفة وزنجبيل وعسل واشوفك الجمعه ولو ماولدتي ح ندكي طلق صناعي ! انا مرا خفت وبس قلت طيب ..
واليوم مادخلت عشان زوجي حبيبي جا وكان يلعب كورة في المدرسة مع المدرسين وطاح وجالو تمزق في الاربطه :( يعني مافي احد يمشيني !
مسكين والله يعرج وماسك عكاز .. وبااايت معايا بس نام من 9 ونا مافيا نوم قلت اجي اديكم اخباااري ..

بنات زوجي يقولي نروح بكرة وتاخدي الطلق وتولدي ونا عندك .. عشان الجمه ح يرجع للرياض باذن الله :( وخايف اولد وهوا مو معايا ..
اش رايكم؟ اخد طلق صناعي؟؟
امي قالت اليوم امشي واشري حليب وخرابيط وبكرة لو بتروحي روحي اتوكلي على الله .. لانو دحين دا خامس يوم في العاشر ..

رد: تجمع حوامل (( مـــكة المكـــرمـــة ))
 

اهلين نانا
هلابك والله
خليك مع زوجك وروحي بكرة وخذي طلق
احسن لك من الانتظار بماان الرحم لسى مقفل توكلي على ربك على الاقل يشوف البيبي قبل لايسافر
وسلامة زوجك من كل شر حبكت يعني انة تتمزق الاربطة دحين يعني مافيه توديعه خخ
يالله طمنينا عليك
وبسالك وينه الرحمة وكيف الدكتورة انا افكر اسوي سونار عندهم

رد: تجمع حوامل (( مكة المكرمة ))
 

يااااااااااقلبي يانانا مررا خوفنا عليكي وشلنا همك قلنا اكيد ولدت .
سلامه زوجك ومايشوف شر ان شاء الله ... مسكين الله يعينو
طمنتيني شويا على الكشف من تحت بس هيا الدكتوره دخلت يدها كامله ؟؟؟
معليش على سؤالي بس تعرفي الخوف ومايسوي ..
وعن الطلق الصناعي والله ما انصحك انا عارفه انك ودك تولدي وزوجك معاكي بس الطلق العادي يموت يقولو من الألم فمابالك الطلق الصناعي اقوى منوو خصوصا انو قالت لك الدكتوره الرحم مقفل ومابيستجيب مرا صعبه تآخذي صناعي خليها على الله وامشي امشي امشي كصير حتى لو بالحوش واطلعي وانزلي الدرج يقولو مرا طيب يمكن ربي يسهلها وتولدي لسا باقي وقت من دحين ليوم الجمعه ولسا يعتبر بدري والله في ناس تآخذ من التاسع 12 يوم واكثر لا تجازفي واشربي حليب بقرفه زي ماقالت لك مدري هذا رأيي وانتي لك الرأي اولا واخيرا ...