|
رد: تجمع الحوامل الي بيولدون في شهر ذو القعده ^_^
كروشات بخبركم باللي صار لي البارحة
بالتفصيل وأتمنى أسمع رايكم في حالتي.. المغرب حسيت بألم في بطني ولمن دخلت الحمام الله يعزكم لقيت قطعة صغيرة لزجة لونها أصفر أول مرة أشوفها واستبشرت انها تكون قبل السدادة لأن ما كان فيها دم.. الساعة وحدة الفجر دخلت أنام صحيت الساعة 3 على تحجر قوي أنا يصيدني بس مو بالهكثرة والألم ومن يفك التحجر يجيني ألم مثل الدورة بس في البطن لثواني.. كل ما تغفى عيني شوي أقوم من الألم شكيت في الموضوع وحسبت التحجر طلع منتظم كل 8 دقايق شربت مغلي البابونج ونفس الحال ما تغير ينتظم الألم ساعة ويرد يتغير على هالحال بس الألم تغير وصار ألام دورة شديدة في الظهر والبطن لدرجة حتى التنفس يصعب لين الساعة 6ونص بعدين سويت لي حليب دافي مع شوية زنجبيل وما تغير شي آخر وقت أذكره سبع ونص أظن الألم اختفى لأن صحيت على الألم مرة ثانية الساعة 9 ونص وما زال الألم يروح ويجي بس مو منتظم.. على كل هالألم ما شفت سدادة الرحم هل اللي عندي طلق بس الرحم ما فتح أو ممكن يكون فاتح 2-3 والسدادة تنزل عقب.. كروشات تعبت وأنا أكتب هالقصة جاوبوني باللي تعرفونه الله يسهل عليكم ولادتكم.. |
رد: تجمع الحوامل الي بيولدون في شهر ذو القعده ^_^
حياك روح الفراشه
الالم قوي ولا خفيف اذا معك الى الان روحي خليهم يكشفون عليك لان بعض الناس ماتنزل عليهم السداده طمنينا عليك ان شاء الله تقومين بالسلامه |
رد: تجمع الحوامل الي بيولدون في شهر ذو القعده ^_^
اقتباس:
|
رد: تجمع الحوامل الي بيولدون في شهر ذو القعده ^_^
جموره الف الف الف مبروك يتربى في عزكم ان شاء الله وحمدلله على سلامتك
|
رد: تجمع الحوامل الي بيولدون في شهر ذو القعده ^_^
مبروك جمره وانا رورو والحمد الله على سلآمتكم .. والفآل لنآآ يآآرب
|
رد: تجمع الحوامل الي بيولدون في شهر ذو القعده ^_^
زوزو
الله يسمع منج يارب ان شاء الله الراس يكون تحت واتمنى الرحم انفتح علشان ارتاح شووي .. بطني ناززززلـ !! ام عبدالرحمن العمر كله يارب ,,, انا يمكن اصغر ام فيكم ههه ؟ عمري 20 سنه ^^ ام رورو الف الحمدلله على سلامتج وماعليج شر بسبب القيصريه ان شاء الله كله اجر وربي يبارك لج بضنااج جمره غضى الف الف مبروك اشوف الكل يسأل عنج ^^ ربي يفرح قلبج بالبيبي ويحعله ذريه صالحه ان شاء الله شكثر جدمتي على موعدح تقريبا ؟ وشلون عرفتي انها السداده اللي نزلت ,, يا بنات انا الافرازات للحين مستمره عندي والم الظهر والبطن خفيف يروح ويجي .. افرازاتي غليظه وصارت شفافه ؟؟ هذي عاديه ؟؟ |
رد: تجمع الحوامل الي بيولدون في شهر ذو القعده ^_^
كوينات وينهي مختفيه ^^ ~
حابه اسألهاا شلون طريقة اليانسون ؟ وهلـ اقدر اشرب الحين وانا بالاسبوع 38 ,, ومتى اشربه قبل النوم او الصبح على الريق |
رد: تجمع الحوامل الي بيولدون في شهر ذو القعده ^_^
مبرووووك جموره وماما رورو
ننتظر قصص ولادتكم دعواتكم والله خايفه من الولاده |
رد: تجمع الحوامل الي بيولدون في شهر ذو القعده ^_^
مبرووووك للي ولدوا والفال للبقيه..
وربي يسهل علينا وعليكم ..الشهر التاسع يمر بطيء وثقيل لكن يالله هانت وربي يهون الطلق علينا... |
رد: تجمع الحوامل الي بيولدون في شهر ذو القعده ^_^
صادقة يام بدر الله يون الطلق والولادة علينا وعلى جميع الحوامل
|
| الساعة الآن 06:31 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .