|
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
حقيتي عدو او سيبوني ابروحي hwaml79hwaml79 |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
الله ايسلمك جيجي الحمد لله كيف حال رنوده اوشن دايره صحتك |
رد: دردشة بنات ليبيا , دردشة حوامل ليبيا , تجمع بنات ليبيا
من ساعة ونص كنت في عرس صحبااتي امشيت علي سنقت عشرة وروحت مكياجي يخوف<<<بكاية
حاولت انشد روحي ماقدرتش ايعزوا عليا هلبة وفي البداية شديت روحي علي خاطرهم ولما بدوا يبكوا معادش قدرت والله لحد توة انخمم فيهم وحدة في نفس المنطقة اما التانية في الماية ياااااااااااااااااارب يسعد ويحفظهم ويهنيهم امهم قطعتلي قلبي صح هما الحمد لله متزوجين وفرحانات لكن صعب اولها مناسبة ويغيبوا عليها الزوز يااااارب صبرهم انا كنت خايفة نبكي قدام صاحبتي التانية بنت عمهم هي بعيد الشر عليكم كلكم مواليد92 عندها المرض وكانت 6شهور في المانيا حالتهم المادية كويسة وحالها توة الحمد لله تضحك ولابسة باروكة وراسمة حواجب لان حبيبتي طاحوا ربي يعوضها خير نستنا في رسائل من صحباتي العرايس قالولي بعد منخشوا حوشنا انطمنوا امي ونبعتولك مسج طبعا متوقعونيش انجي ومابيتش انقوللهم ان قالي باهي وفعلا كانت مفاجاة روعة اولا ماعرفونيش بالمكياج ومتوقعونيش لين حبيباتي اتغمروني ولبزوني باروج في خدودي ههههه ممكن اتقولوا انبالغ بس انا بجد انحب صحباتي هلبة لانهم فعلا صحبات يتمنولك الخير وكانت صحبتنا في اكبر مكان طاهر هو الجامع حفظنا مع بعض وتنافسنا وكنا بعد مانطلعوا من الجامع انروحوا في حوش وحدة منا الله ايام حلوة طولت عليكم <<<باهي عرفتي |
رد: دردشة بنات ليبيا , دردشة حوامل ليبيا , تجمع بنات ليبيا
والله بخير ياشموسة الحمد لله
علي قولت راجلي مادامة فيها طلعة الصحة تمام هههههه ربي يحفظة رنودة تمنيت نرفعها لكن بتفركسني قعدت مع بوها ماروحوش للحوش امشوا للجردينة والالعاب وشرالها حاجات وكسدوا لين جاني طبعا راجلي قريب ولع نار هههههه ايرن عليا وانا مانسمعش فية ولما جو اهل العرسان امعادش قدر ايركب السيارة قدام القاعة لين انزلت الدرجات بروحي مع الكعب العاااااااالي |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
مانحكيلك الرجاله مايحبوش يستنوا بكل نفس زوجي ابسلامته ايقولي هيا عل مانطلع من قاعه او للمه وانسلم عل الناس اونلبس ايقولي ساعه انقولا شنوا نرجا فيك عل الباب اوبالي ماطحتي بلكعب واعر عليك الحق |
رد: دردشة بنات ليبيا , دردشة حوامل ليبيا , تجمع بنات ليبيا
العرس كان بجد راقي راقي في البداية عصير فرش 4طبقات روعة ديما نشرب واندير فية لكن ماذقتش زيه من هفانا
ويعطوك معاه صندوق كبير فية شكلاتة راااقية وكنفيتي وبكلاوة بالفستق والعسل الطبيعي ووردة طبيعية بعدها تورتة دورين تجنن كل طاولة وحدة مع شاي ونسكافية وبعدين العشاء رز وسلاطة مشوية وبابا غنوج وسلاطة معرفتهاش بافاصوليا الحمراء تهبل وبوريك وامبطن وبورديم لحم وطني مقدرتش انكمل حتي ربعها ماشاء الله والمفاجاة في العشاء عصباااااااااااااااااااااان قطعة حجمها متوسط بنة زايدة الحق العشاء حلوووووووو مع المشروب طبعا وانتي طالعة مكسرات في تحفة حلوة وربي يهنيهم ويحفظهم ويجعل ايامهم كلها سعادة |
رد: دردشة بنات ليبيا , دردشة حوامل ليبيا , تجمع بنات ليبيا
نستاذن منك ياجيجي نمشي انشوف زوجي قاعد في صالون ايتفرج عل التلفزون
تصبحي عل خير |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
بكرا غدانا عصبان عند امتعيني "حييييي قعدت نحكي زيكم" |
رد: دردشة بنات ليبيا , دردشة حوامل ليبيا , تجمع بنات ليبيا
وانتي من اهلة
حتي انا بنصلي ركعات ان شاء الله وبنحاول نرقد انا من الناس كان بالي مشغول حتي شوي مانرقدش ربي مايشغلكم بال ماتنسوش حبايبي سورة الكهف ان شاء الله تصبحوا عالسعادة كلها يااااااااارب |
رد: دردشة بنات ليبيا , دردشة حوامل ليبيا , تجمع بنات ليبيا
صباح الخير والحب والود
|
| الساعة الآن 08:27 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .