|
رد: تجمع حوامل ليبيا
الحمد لله والف الحمد لله .. شفتي حبيبتي عيون كيف ربي استجاب لدعاك ودعاء خواتك في التجمع وشفي وليدك .. الحمد لله .. لان الدعوات كانت صادقة ومن القلب .. والكل تأثرو بقصتك من لما خشيتي للتجمع يوم ماشية بتديري الوجع الصناعي وعشنا معاك الوضع كله .. عموما الحمد لله دائما وابدا وعلى كل حااااال
|
رد: تجمع حوامل ليبيا
وبالنسبة ليا ما تشكريني على شي لاني والله العظيم حاسة وليدك وليدي والله .. ربي يخليه وتشوفيه معبي عليك الحوش هو ووخيته وما تنحرني من ضحكاتهم يااااااارب لا انتي ولا وخياتنا اللي عندهم واللي يتمنو ياااااااااااارب
|
رد: تجمع حوامل ليبيا
والله ما نحكيلك (أمي) تسأل عليك كل يوم تقوللي شن حال عيونك (واني نقولها يا اوحيدة وليتي تعرفي بنات التجمع وحدة وحدة) والله كل ما تتصل بيا تسألني علي صغاري وبعدين تقوللي كيف حال وليد صاحبتك متاع النت (هههههههههههههه) وقالتلي قوليلها خالتك ام سورينام فرحتلك من قلبها وقاتلك وشقي وليدك لما تطلعيه كل يوم .. مفهووووووووم !!!
|
رد: تجمع حوامل ليبيا
وتوا السلام عليكم .. الى اللقا لأن فراس بدي ينفخ فيهم .. وسامحوني وخياتي في التجمع ما سألتش عليكم (الله غالب موضوع عيون وفرحتي بسلامتها وسلامة وليدها خلاني سهيت عليكم ) انشاالله ما ننساكم في يوم يارب
|
رد: تجمع حوامل ليبيا
السلام عليكم
حبل الوصل شن صار عندك طمنينا ميرنا انا نرجا؟؟؟ |
رد: تجمع حوامل ليبيا
كيف حالكن بنات
|
رد: تجمع حوامل ليبيا
صباح الخير بنات شخياركم اليوم
ميرنا شن صار معاك طمنينا عليك انشاء الله خير يا رب |
رد: تجمع حوامل ليبيا
صباح الخير لولي
صباح الخيرات بوسي يومكم طيب . |
رد: تجمع حوامل ليبيا
يومك سعيد نسرينا شخبارك اليوم
|
رد: تجمع حوامل ليبيا
السلام عليكم ورحمة الله وبركاته
: واخيرا سجلت..ليا شهرين نتبع فيكم وكل مانقول بنسجل معاكم مايصيرش وربي ماسخرش الا توا.. معاكم اختكم طرابلسيه الشهر الجاي بنخش24سنه،حامل ولله الحمد..بكريه..عرسي كان في نص شهر4-2010 امممم شن ثاني..اه نتابع مؤقتا في مستوصف قريب مننا لان في الجلاء مشيت في بداية حملي قالولي تعالي شهر11 عطوني موعد يوم2..وكنت نتابع في مصحة الحياة في قرقارش المعامله ياسلام بس تطلب مني موعد مراجعه كل اسبوع وكل موعد تبيني ندير جهاز |
| الساعة الآن 07:37 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .