|
رد: حبيباتى سيدات ليبيا تفضلو لأعرف ما حالكم
اقتباس:
الله يسلمك... حتي نا مرات ندير فيها بالمفروم بس الحق بالدجاج واللوز اطيب... المفروم اطيب في شرائح البطاطا اللي درتهن اليوم وحطيتت صورتها وهو قريب من الطريقه تبع القوارب بس تقطعي البطاطا شرائح عريضه وتقلي وتحطي علي كل شريحة مفروم بس لازم تخلطي مفرومك بعد يطيب بدحية عشان يمسك ع البطاطا المقليه قبل ماتحطيها بالفرن بالنسبة للكوسه بالبشاميل ماعمريش سمعت بها ولا دايرتها كيف اتديري فيها؟ نعرف طاجين الخضروات المقليه بالبشاميل بس دسم جوه غداء مش في رمضان |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
البارح بايتة عند عيالى كيفكم |
رد: حبيباتى سيدات ليبيا تفضلو لأعرف ما حالكم
وعليكم السلام ورحمة الله وبركاته
اهلا سوسو نورتـــــــــــــــي |
رد: حبيباتى سيدات ليبيا تفضلو لأعرف ما حالكم
اووووووووووووووه فروسة موجودة كبيرة هذه شنجو
زودى تفضلى على سفرة سحورنا ليوم سحور مميز درت خبزة مصرية وعبيتها مفروم وبطاطا مقلية وههههههه كتشب ومايونيز زوجى شراهم هههه ووو وزيتون وووبس وحطيتها فى ماكينة الكوشة يللى تتسكر وطلع فيهم خطوط ممممممم |
رد: حبيباتى سيدات ليبيا تفضلو لأعرف ما حالكم
اليوم شفت طريقة بلح الشام وسهفتنى نجربها
منومجربها قبل |
رد: حبيباتى سيدات ليبيا تفضلو لأعرف ما حالكم
وسمعت دبلة لسان العصفورة وحسيتها ساااااااااااااااااهلةة ونفكر نجربها
|
رد: حبيباتى سيدات ليبيا تفضلو لأعرف ما حالكم
صحة صحة سوسو ... ماشاء الله سحور دسم
نحن دوبنا فاطرين ف ماعندنش نية للسحور خخخخخخخ حتي نا توا اسحرت تفاحة وكباية حليب بلوز خالي دسم .. وزوجي حليب وتمر وجبنة وكسيرة خبزة .... |
رد: حبيباتى سيدات ليبيا تفضلو لأعرف ما حالكم
كلمات نشرتها فى الفيس قبل شوى
دخلت العشرة ألأخيرة من رمضان وهاهو رمضان يمر بسرعة وماهى إلا أيام قليلة ستمر ليودعنا رمضان .................................. فمن أغتنمه وأقامه وصامه على أكمل وحه فهنيئا له,,,,,,,,,,, ويامن فرطت فى أعظم شهر فى السنة هو شهر واحد وهان عليك أن يمر بدون صلاة وقيام وقراءة قران وفوته فى السهر واللهو ,ووووو ,,,,,,,,,,,,,, فدعوة لمن يريد اللحاق بموكب المؤمنين المسلمين بحق المتقين الراكعين الساجدين الذاكرين الخاشعين الفائزين بإذن الله دعوة لتلحق بهم فى هذه العشرة ألأخيرة فأغتنم هذه الليالى القليلة الباقية فى القيام وقراءة القران والخشوع والدعاء .............. ولاتنسو ليبيا من دعائكم ,,,,,,,,, اللهم إغفر للمؤمنين والمؤمنات المسلمين والمسلمات ألأحياء منهم وألأموات ,.......................ز |
رد: حبيباتى سيدات ليبيا تفضلو لأعرف ما حالكم
أثرى حبيبت عندى سؤال انا توا توا نضت وصار حديث بينى وبين زوجى وقلله توا نسأل صاحبنتى
حرنا بين مصحفين فى إختلاف دد أيات سورة البقرة بين 286 وبين 285 وزوجى خاف انه يكون فيه تبديل وتعديل المهم لما ركزنا وشفنا طلع ألأية ألأولى هناك من يعتبر(الم) اية 1 وهناك من يعتبرها مش اية الابعد شوى فهمتينى وقلتله خلص يعنى بس عبارة عن اختلاف روايات أنشدينا وجعله الله فى ميزان حسناتك والحق حسيت بتأنيب ضمير بس لأن زوجى دار هكى يللى يدور فى دينه وقرانه أعتقد مش غلط صح |
رد: حبيباتى سيدات ليبيا تفضلو لأعرف ما حالكم
يلآ تصبحون علي الف خير
الفجر اذن من ربع ساعة عندنا نصلوا ونحاولوا نرقدوا ... سلآم |
رد: حبيباتى سيدات ليبيا تفضلو لأعرف ما حالكم
جنودة واتره سامحوني مسال لنشئ عليكم تلاها ومرض
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
ماذا يحدث لوالديك عند زيارة قبرهما ؟ ************************* يقول الشيخ محمد الشنقيطي الله يرحم جميع موتانا وموتى المسلمين. ابكتني حاجه اهل القبور لنا فتأثرت واحببت أن يعلمها الجميع .. حكى عثمان بن سواد وكانت أُمه مـن العابدات ، قال : لما احتضرت رفعت رأسها إلى السماء ، وقالت: يا ذخرى و يا ذخيرتي و من عليه اعتمادي في حياتي وبعد مماتي لا تخذلني عند الموت ولا توحشني في قبري قال : فماتت فكنت آتيها كل جمعة وأدعو لها واستغفر لها ولأهل القبور ، فرأيتها ليلة في منامي فقلت لها : يا أماه ، كيف أنت ؟ قالت : يا بنى ، إن الموت لكرب شديد وأنا بحمد الله في برزخ محمود يفترش فيه الريحان ويتوسد فيه السندس والإستبرق إلى يوم النشور فقلت : ألك حاجة ؟ قالت : نعم ، لا تدع ما كنت تصنع من زيارتنا فإني لأُسرّ بمجيئك يوم الجمعة إذا أقبلت من أهلك فيقال لي : هذا ابنك قد أقبل فأُسر ويُسر بذلك من حولي من الأموات . قال بشار بن غالب : رأيت رابعة في منامى وكنت كثير الدعاء لها فقالت لي : يا بشار هداياك تأتينا على أطباق من نور مخمرة بمناديل الحرير قلت : وكيف ذلك ؟ قالت : هكذا دعاء الأحياء إذا دعوا للموتى واستجيب لهم جُعِل ذلك الدعاء على أطباق النور وخُمِرَ بمناديل الحرير ثم أُتِىَ به إلى الذي دُعِي له من الموتى فقيل له : هذه هدية فلان إليك. [ من كتاب الروح لإبن القيم ] • هم أموات و لكن أرواحهم تنتظر منا أبسط الدعوات ليفرحوا بها وأنت تعيد إرسال هذه الرسالة احتسب : ١- الأجر العظيم في إدخال الفرح على موتى المسلمين إن شاء الله . ٢- أن تفرح أنت بدعوات الناس لك بعد وفاتك . دقائق من فضلك لا ننسى مـــوتانا من الدعاء ، رددو وكررو.. {اللهم امطر على قبورهم من سحائب رحمتك} {اللهم امطر على قبورهم من سحائب رحمتك} {اللهم اجعل قبورهم روضه من رياض جنتك} يأرب اجعل أيديهم تقطف من ثمار جنتك اذا دعيت للميت دخل عليه الملك ومعه طبق من نووور فيقول هذه هديه لك من اخيك فلان من ابنك فلان من قريبك فلان فيفررررررررح بهاااا افرحوووووهم دعوووه لكل متوفي ومتوفيه لأنهم انقطعو عن هذه الدنيا وينتظرو دعواتنا يارحمّن ياأرحمّ الراحمّين ياواّحد ياأحّد يافرّد ياصمدّ ياجباّر نسأّلك بكّل اسمّ هوّ لّك سميّت بّه نفسّك أوّ أنزلتّه فيّ كتابّك أوّ أوحيّت بّه رسّلك اّن تنزّل علىّ قبورهم الضيّاء والنوّر والفسّحة والسرّور اللهّم جازهم بالحسنّات إحسانّا وبالسيّئات عفّوا وغفّرأَنٌــآ حتّى يكونوا فيّ بطوّن الألحاّد مطمئّنين يارّب أجبّر كسّر قلوبّنا علّى فراقّهم.. ياربّ أجبّر كسّر قلوبّنا علّى فراقّهم.. يارّب أجبّر كسّر قلوبّنا علّى فراقّهم.. ولاتجّعل آخّر عهّدنا بهم فّي الدنيّا.. وابنّي لنّا ولهم بيوّتا فّي جنّة الفردوس .واكرمهم واكرمنا بلذة النظر لوجهك الكريم وبلغهم وبلغنا شفاعة نبينا محمد وصل وسّلم علّى نبينا محمّد فيّ العالمّين انّك حميّد مجّيد ..,, اللهمّ آميّن ،،.. من دعى لميت سخر الله له من يدعو له بعد مماته. . . رجـــاء خــــاص خلوّها تمّر عّلى أكبّر عدّد. ممكن حتىّ يدّعون لهم ولا تحرموّنهم مّن دعاءّكم فإنّهم بحّاجة للدعاء |
رد: حبيباتى سيدات ليبيا تفضلو لأعرف ما حالكم
يقول الداعية المعروف والمصاب بالشلل الكلي عبد الله بانعمة: وكُنّت أظُنْ انَه لايوجد أحَد أسُوأ من حَالي " لأنه مشلول لا يتحرك الا من رأسه " فإذا بأحد المشايخ يقول له :: تَعال مَعي لأريِك من هو أسوأ مِن حَالك ! ذَهب معه و فعلاَ رأى رجلاَ مثل حاله مشلول , لَكنه زِيادة على ذلك لا يسمع ولا يتكلم !! : *تصور مشلول لا يتحرك ولا يسمع ولا يتكلم ! هذا الشخص المشلول حدث له موقف مبكي : " دخلوا عليه أهله وجدوا بقعة دم على ثوبه ويبكي ,عندما تبعوا أثر الدم اكتشفوا أن اثنين من أصابعه مقطوعة ! " ماذا حدث وكيف انقطعت أصابعه دَخل عليه فأر وجلَس يأكّل فِي أصابعه !! وهو في مكانه لا يستَطيع الحِراك ولا النجدة ! ولا فعل شيّ !! فقط ينظر إلى أصابعه ويتألم دخل الفأر وتَجرأ لأنِه كالجثة لا حِراكّ لاشي فَقط سّكوووونْ ! وأنت؟! ماذا فعلت بأصابعك ...!؟ ماذا فعلت برجلِيك...!؟ ماذا فعلت بصوتك ..!؟ بسمعك ..!؟ وبِجميعّ النعم ,,, لا اله إلا اللّه بعد ان قرأت هذه الرسالة كما وصلتني أغمضت عيني وتنفستّ نفس عَميييييق وقلت " الحــمد للـّــه " عرفت آنّي في نعمة يا ربى لك الحمد كما ينبغى لجلال وجهك وعظيم سلطانك نـتـمنـي إنـضـمـامـكـم لـصـفـحـة >====> صدقة جارية |
رد: حبيباتى سيدات ليبيا تفضلو لأعرف ما حالكم
https://fbexternal-a.akamaihd.net/sa...3_t.jpg&jq=100 Jul 25, 2013 9:15am أكثر من 150 بريطاني اعلنوا اسلامهم في اسبوع بعد مشاهدة هذا الفيلم.. الذي مدته 3 دقائق يعادل جميع أفلام السينما العربية !! اكثر من 150 بريطاني اعلنو اسلامهم في اسبوع Length: 3:44 |
رد: حبيباتى سيدات ليبيا تفضلو لأعرف ما حالكم
اللهم إغفر للمؤمنين والمؤمنات المسلمين والمسلمات ألأحيا منهم وألأموات
|
رد: حبيباتى سيدات ليبيا تفضلو لأعرف ما حالكم
السلام عليكم
كيف حالك سوسو |
رد: حبيباتى سيدات ليبيا تفضلو لأعرف ما حالكم
اقتباس:
بالنسبة لقوارب الكوسة نفس قوارب البطاطا بس قبل ماتحفري القارب ويفضل تكون الكوسة الصغيرة .. تفوري امية بالملح وتطفي واتحطي فيها لكوسة 10 دقايق وبعدها تخفريها وتحطي مفرومك وترصيها في الطاجين وتصبي عليها بشاميل علي كل طرف بروحة وتحطي في الكوشة لين يتحمر وصحة وطريقة تطييبك للعصبان نفسي طريقتي بس ما عمريش حطيت فيه لحم بس كبدة وكليوات وقليب وشحيمات اقتباس:
وعليكم السلام كيف حالك حبيبة |
رد: حبيباتى سيدات ليبيا تفضلو لأعرف ما حالكم
اقتباس:
اهلا عزيزتي اوشـــــــــــــــــــــي كيف حالك وحال السنافر ... وشكرا ع الطريقة الحلوة .. بالنسبة لطاجين البشاميل هذا يندار بالبطاطا والبادنجال تقطعيهن دوائر وتقليهن وترصيهن طبقات فوق بعض مع طبقة شرائح طماطم وطبقة جبنة شرائح وعليها رشة زيتون وطبقة مفروم طايب وطبقة بطاطا وطبقة بادنجال مخلوط كله بالبشاميل واخيرا تحطي صلصة البشاميل طبعا تحطي منها اشوي عالبطاطا والبادنجال عشان اتماسك بعدين بعد تقيصيها انا اندير ف طاجين بايركس صغير مثلا غداء وناكلو منه طول ماهو قدامها دسمة ونكهتها روعه تقدري اتضيفي فلفل مقلي او كوسة مقلية بس هكي طعمته اطيب وتقدري اتشيلي طبقة الطماطم هو بالرغبة بس في رمضان دسم ممكن مع الشربة بروحه خخخخخخخخ |
رد: حبيباتى سيدات ليبيا تفضلو لأعرف ما حالكم
اليوم درت مكرونة شعيرية امبوخة بالخلطة ..عجبت الشباب واجد قالي زوجي
واصابع مقلية بعجينة البف باستري حشيتها مفروم ولوز ودرت الشربة وسلطة بادنجال بالجبن تشيدر وامسير... والكاستردة وكيكة اخفيفة بالعسل وجوز الهند وجارتي دارت بطاطا امبطنة وعجة خضروات |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
بكرة انفكر اندير كرواسون .. وكباب حلزوني
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
البنات كوووووووولكم ليكم وحشه ربي يحفظكم |
رد: حبيباتى سيدات ليبيا تفضلو لأعرف ما حالكم
كيف حالكم كلكم
وصحة فطوركم وسحوركم ماشاء الله كلكم فالحات ربي يحفظكم عسولتي ونكهة الحوش ونبض قلبي رنودتي مريضه من البارح حشاكم حراره مرتفعه ربي يحفظها بوها اليوم صلي العشاء وروح رفعنا عايناها وبالصدفه حصلنا اخصائي اطفال طلع عندها التهاب حلق والاذن لوسطي وعبينا كيسه ادويه ب50وروحنا وجعتني بنوتي لما شفت الكيسه معبيه ربي يحفظها وكيف عطيتها الدواء وراقده جنبي في الدار العمليه امفرشتها شرشاف بارد عالبساط وانديرلها في كمادات لانها قاعده 37ونص حرارتها طبعا اليوم زوجي اتذكر ان لما رفعها للدكان اليوم اللي قبله فاتح مكيف السياره قوي ربي يهديه وماجئ الليل لين مرضت حبيبتي اخباري الحمد لله بوي حالته مستقلره امس حجزتله عند دكتورين في مصحه الاخوه ماشاء الله عليكم حبينا نطمنوا عليه لكن ربي يهديه تاج راسي لما رفعناه غادي وشاف الناس وهلبه حالات زيه تاثر واصر يروحوا بيه وخلوه علي راحته قاعد عالعلاج الفيزيائي واعلاج تونس وربي يشفيه ويعافيه |
رد: حبيباتى سيدات ليبيا تفضلو لأعرف ما حالكم
طبعا شريت لرنوده السبت حوايج العيد
من تلات محلات ناخد ونحط في السله ههههه راجلي بيهبل لكن لبس البنوتات لااااا يقاوم شكلتلها لبسه كامله اورنج بشنطتها وركبتلها اكسسوارات وكندره وتوكات ولبسه كونه وبلوزه شيفون تههههبل القونه قصيره وكربالات ونفس الشئ كندره ووووو و2لبسات سبور مع اكسسوارات خفيفه ساعه وسنسله بس وسبودرو وقفطان لونه ناري حلوووو واكسسوارته عالذهبي زي اتنقريشته وشرطات وبديات وبرفان فله ولولو كاتي وشنطات والدنيا مقيومه علي قوله عزوزتي بس اللي متصدقوشي اني خدتهم في يوم وااااااااحد وساعتين ونص وشوي ههههه من 3 محلات حنين زاويه الدهماني اللي قالتلي عليه ام نوزه وروبين وستي ماكس وروحت درت فطوري هداك اليوم قريب متت المهم كملتلها وعلي قولت غلاي مزال حصتك شن ايكملها مازال انا بس حتي امه وامي وبوي وصغار خوه كلهم خديتلهم وربي يحفظ البلاد ياااااارب والله قلبي بيتقطع عليها |
رد: حبيباتى سيدات ليبيا تفضلو لأعرف ما حالكم
انا خاطري في قفطان اماراتي وليس خليجي وحنه رقيقه وحمراء
يااااااااااارب طمني علي بوي حبيبي وتوانخيط واندير كل شئ اليوم مقدرتش نمشي علي خاطر رنوده من يوم مرض كل يوم غادي اليوم فطوري علي ذوق جنوده الغاليه العصبانه والسويسرول حار ومالح طلعلي يهبببببببببببل خصوصا ان هريستي العربيه حاره يم يم ربي يحفظك وكيكه النسكافيه وبوريك وبيتزا وخبيزات وبيتزا الخضرا علي خاطر عزوزتي بس انحط فوق جبنة شرائح موتزاريلا بدون ملح ومحشي علي خاطر عزوزتي درت شوي وحلو الحق وماقعدش وحويتين نوع وراته يهبل عزوزتي قالت انه حلو درته هذاك اليوم المشاوي تبلتلها زويز وشزيتهم في الطنجره مع سلاطه مشويه ودرتلهم فحمه كنهم مشوين عالفحم وجيب التاجر اللي في الشوايه بحشوات مشكله ومحلاه بالسلاطه الورق الخضرا والدجاج المفحم يمممم وقلعاوي وعصائر والحمد لله بعدت سفره مشكله لسلفتي وبث طبعا سلفتي خشت العاشر الحلو يتغلي علينا مايبيش ايجي هههه ربي يقومها بالسلامه والله اليوم عاينت وتاثرت لان الدكتوره اعطتها اسبوع والا عمليه مع ان ولاده الزوز جابتهم طبيعي وولاد ساهله سبحان الله كل بطن وعجبها ربي يفكها من العمليه وتنوض بالسلامه جربت العمليه ومانودها لحد ربي يحفظ الجميع |
رد: حبيباتى سيدات ليبيا تفضلو لأعرف ما حالكم
تقريبا اثري سالتي ياعسوله عالطاجين القابسي
انا شريته من تونس وهكي اسمه مشهورين بيه منطقه قابس هو رزين حديد خالص وحرقته موووت لكم البيتزا فيه زي الفرن الحجري روووعه خصوصا كان طبقتيها طبعا موجود في ليبيا في كل مكان بس الليبين ايديروا فيه حديد رقيق وهو غليظ المفروض مع هروب الضي وعاجنه البيتزا ميه ميه ويبي نار هاديه لان ينحرق بسهوله وبس |
رد: حبيباتى سيدات ليبيا تفضلو لأعرف ما حالكم
الحمد لله رنو ده حرارتها ولت طبيعيه لبستلها قفطان بنوتي خفيف يهبل نتمني انحصل منه هههههه
ورقدتها في سريرها وتوه بنوض انصلي خلاص الفجر قريب والسلام عليكم ورحمة الله وبركاته |
رد: حبيباتى سيدات ليبيا تفضلو لأعرف ما حالكم
سفرة دايمة ام فراس
ماشاء الله ناشطة وتشكلي انتي وجيجي الف لاباس علي رنوووو ماهو جيب التاجر ؟؟؟ قصدك جيجي درتي سويسرول والعصبانهة وكيكة النسكافيه علي طريقتي ؟؟؟ |
رد: حبيباتى سيدات ليبيا تفضلو لأعرف ما حالكم
للاسف زوجي مايحبش الباشميل
حتي مكرونة الباشميل ماتعجبش فيه والسبب مش متعود علي طعمتها لانه مايحبش الجبن زي ماحكيتلك كيكة السينابون حتي هيا مش عاجباته لانه فيها جبنة طبعا هوا مايدريش ان فيها جبنة بس انا استنتجت هدا |
رد: حبيباتى سيدات ليبيا تفضلو لأعرف ما حالكم
يلا اعطونا طرق حلويات
طبعا مش مدايرة في العيد بس بنجرب في رمضان ناخدوهم مع الشاهي امس درت المبطن الحلو جاني يابس شوية |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
اقتباس:
شنج جيجي ولا بأس على رنودة الحلوة ومبروك ماخديتيلها سامحينى جيجي عندى تعليق انا مانكذبش فيك لكن معقولة محشى وسويسرول حلو وحار وحوت وبوريك وبيتزا وخبيزات وبيتزا وجيب التاجر وكيكة النسكافيه والعصبانة بالله امتى صار هذا كله وكله درتيه بعد مادهورتو فى المحلات يعنى حتى و بالعقل بتقسمى ألأعمال على الدقائق والساعات مايتموش هذا يبى عجن وتخمير وحشى وتتبيل ولف وقلى وضرب فى الخلاط وكوشة ووووو بالله ماتحرجيش منى مش نكذب فيك لكن كيييييييييييييف؟؟؟؟؟؟؟ |
رد: حبيباتى سيدات ليبيا تفضلو لأعرف ما حالكم
شنو هو جيب التاجر؟؟؟؟؟؟؟؟؟؟؟؟؟؟؟؟
|
رد: حبيباتى سيدات ليبيا تفضلو لأعرف ما حالكم
بصراحة أنا كبدى فدت من التطييب لا وكيوم بتفكرى هى غير التفكير ساد
بعد رمضان إن شاء الله معاش بنطيب اسبوع خخخخخخخخخخخخخخخخخخخخخخخخخخخخخخخخخخخخخخخخخ امىبدير مقروض للعيد جنودة وبدت ادير من توا وجاها رووووووووووووعة قالت بالك فى حد بيشرى هى سطا فيه ماشاء الله وانا الحق قبل مادرتش لكن خاطرى نجرب حاجة هذا العيد |
رد: حبيباتى سيدات ليبيا تفضلو لأعرف ما حالكم
قبل ندير أنا وماما او ندير حاجة ساهلة أو ناخد من مرت خالى
جنودة المبطن الحلو أو البكلاوة الجافةة هو نفسها يجنننننننننننننننننننننننننننننننننننننن ونموت فيه |
رد: حبيباتى سيدات ليبيا تفضلو لأعرف ما حالكم
أثرى لو سمحتى
فى سورة الفاتحة تختلف الروايات فى كلمة ملك يوم الدين و مالك يوم الدين وأنا شخصيا كل مرة نقول وحدة وياااااااااارب يسامحنا ويغفر لنا |
رد: حبيباتى سيدات ليبيا تفضلو لأعرف ما حالكم
ممممممممممممممم فكرة عصبان الشراقة هذه جديدة علينا
نحنا نعرفو العصبان لو مصارين خروف ومايتحملوش يتبوخو فى الكساس وغير هكى فهما ينطبخو فى طنجرة فى مية متنكهة باللوسة وبس لما يطيبو يتبوخو شوية باش يجفو أو حتى مش ضرورى التبويخ بعد الطبخ |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
| الساعة الآن 04:04 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .