|
رد: ** ليبيا زين علي زين ليبيا ورد وياسمين ** تجمع الليبيات
اقتباس:
عكسنا نحــن ..... هنا طعم اللحم خرووف بالذات حاجة ولا أروووع ... زوجي ونا انصدمنا في اول أيام نحسابوه زي لي يجينا ديما يقولو الناس شين لاطعمة لا بنة اللحم الخارجــي ,, ورخيص مش زي الوطنـي طبعآ لان الوالد الحق عمره ماجابه لنا وكذلك بعد ازوجت ابو فراس نفس الشئ ويكرهه بزياده خصيصا ان معدته حساسه مرة كلاه ف فرح ومش عارف بطنه تعبت \\ بس خرفان بريطانيا يمكن لانهم هنا يهتمواااا واجد برعايتهن في الريف والريف البريطاني معرووف عاد عشب اخضر ولا اروع وهواء قمة في النقاااء ونا س متخصصه تدلل فيهن ههههههه لان شفنا مزرعة بقر حشااك كبيره جو نفس دعايات جبنة و زبدة لورباك متاع دلل الابقار خخخخخخخ وحتي الصبايا ف القروووب كلهن هنا يشكرن في اللحم قالو مش عادي الحق وفي اول تبويخه يطيب اسرع م الدجاج حتى تخيلي ههههه |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
ولا ارووع بصراحه قمة ف الرقي خصيصآ ان الخامة حلوة واضحه وقصتهن راقيه جدآ وفوق من ذلك تفصيلة شيك جدآآ لو كنت في طرابلس مستحيل نضيعهم خصيصآ انهم يمشوا معايا جسمي نفسهم بالضبط توا والحمدلله وهذا استايلي المفضل الاول ع ميك اب سمكونق وروج احمـر من لوريال وذهب ولا اروع يطلع والثاني مع استايل ميكب مخملي وروج هادي يجنننننننننننننن بجد ذوووق |
رد: ** ليبيا زين علي زين ليبيا ورد وياسمين ** تجمع الليبيات
https://scontent-a.xx.fbcdn.net/hpho...75755478_n.jpg
الاستايل الامريكي البريطاني ربع كم+خصـر+ طول للركبه + قمااش مسترسل من وجهة نظري ان هذا اجمــل فستاااان من بين اللي حطيتهم وسبحان الله امس شريت واحد بس دانتيل نفس التصميم بس مافي تشبيك من تحت الرقبه مسكر من رقبة فوق بس لعند تحت الركبة بشوووي شريته بالتخفيض الحـق كان سعره الاصــلي تقريبآ بالليبي بي 250 لان ماركة قوتتشــــــــــــي وقماش دانتيل تحت كريمي وفوقه طبقه سوداء ونقصو فيه 100 بم ان اسبوع التخفيضات وخديتله كندرته حتى هي نفس القفطاااان لو تبي نحطلك صورتها وحتي هي ماركة بصراحه اللبسه بسيطة صحة بس هذا استايلهم البساطة + خامة ناعمة وراقيه حح يحلنه الاكسسوارات و طريقة الشعر والميك اب وخديت واحد نفس طول بس واقف يعني مش مخصر حتي هو صدره مسكر وكمامه كاملات شيفوووون الاكمام لون تركوااااز وركبتله صندل فضــي حاجة فانكـي ع قولتهم هكي وقالولي موديل 2014 |
رد: ** ليبيا زين علي زين ليبيا ورد وياسمين ** تجمع الليبيات
أثري الله يعينك ع الفطااام بصراحه ماعنديش خبرة
في فطام المدمنين ع الرضاعه الطبيعي ههههه لان فروسي فطمته ع خمس شهووور بعد حملت بألولي وفطمته تعبتني نفسيآ بشكل لايوصف الحق مادورنيش حبيبي وااجد لان صغير وكان يرضع صناعي من اول ماجبته عااادي بس يحب يرضع مني اول ماينوووض طول وقبل مايرقد وفي القايله وفي الاوقات هذه بعد فطمته كنت نبكي وخلاص تقريبآ اسبوووع قعدت هكــي وان شاء الله يفيدونا الامهات اللي معانا ذواااات الخبره لان الولي ع قولة زوجك انحس في فطمتها بعدين مشروع مش صاير منه هههههههههه بسلامتها رايحه بزيادة متعلقه بصدري وفوق هذا مارضعتش صناعي ابدآ |
رد: ** ليبيا زين علي زين ليبيا ورد وياسمين ** تجمع الليبيات
اوشي غزاله جبلنا الاشم
شخبارك واخبار السنافر .. كمل الفرح أكيد؟؟ تعالي احكيلنا ع يوم الزفه وباقي الفرح.. واكيد مازلتي تعبانه م الفرررح |
رد: ** ليبيا زين علي زين ليبيا ورد وياسمين ** تجمع الليبيات
ام معاد يامرحباااا شخبارك واخبار السنافر وشن اخر تطورات أبوني ...؟وربي يوفقكم ان شاء الله انتي وزوجك..
شخبار ام ورد وينها معش بانت انش اء الله امورها كويسه؟ |
رد: ** ليبيا زين علي زين ليبيا ورد وياسمين ** تجمع الليبيات
أموووله ان شاء الله امورك تمام اختفت بكل زعمة تفتحي ف الفيس.؟.؟
خداتك فطوووووووووووووووووووووومة ربي يحفظها تعالي احكيلنا وطمنينا عليك وع الاموره |
رد: ** ليبيا زين علي زين ليبيا ورد وياسمين ** تجمع الليبيات
أم نوزة اختفت .؟؟؟؟؟؟؟؟؟؟؟؟؟؟؟؟؟؟؟؟.............
|
رد: ** ليبيا زين علي زين ليبيا ورد وياسمين ** تجمع الليبيات
وحتي رغوووووووووووده؟؟؟؟؟؟؟؟؟؟؟؟؟؟؟؟؟؟؟؟؟
|
رد: ** ليبيا زين علي زين ليبيا ورد وياسمين ** تجمع الليبيات
السلام عليكم
اختكم خوله ليبيه مبروك عليكم التجمع وان شاءالله يا رب العقبه لتجمع الليبيين فيي ليبيا وتوحيدهم مع بعضهم لاعلاء كلمة الحق وربي يالف فيما بين قلوبهم ويجعلهم رحماء فيما بينهم اشداء علي اعدائهم يااااااااا رب .... |
| الساعة الآن 04:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .