|
رد: تجمع حوامل ليبيا
هلا عيون صحة ليكم حنى الجو نووو مانحكيلكش بكل
وربي يخليلك بنيتك ويرزقك بولد يطلعلك عيونك زى ولدى لانه الاولاد اصعب من البنات وانى مكسدة زيك الراجل مش قاعد وانا في حوش اماليا يعنى مفيش شغل والصغار برا البيت مع جدودهم |
رد: تجمع حوامل ليبيا
صباح الخير ياحلوات اليوم عندي عطلة وخذيته نووووم واليوم الجو حلو خير من امس عقبة لجو سبها ههههههههه بالنسبة للوزن انا اصلاوزني زايد يستر الله بعد نحمل شن يبي يصير حانقعد قنبلة انشاء الله عموما الايام هذينا بديت نخفف في الاكل وقاعدة نفكر ندير رجيم يمكن مش اكيدة وياعيون شكلك نشيطة مش كيفنا تنبلات هههههه وامتا مروحة ليبيا بالسلامة
|
رد: تجمع حوامل ليبيا
اليوم حطيتلكم صورة سولي ام بطينة بيش تقولولي شن رايكم فيها اهم شي الي عندعا عريس يكون طويل وعيونه زرق ايوه باهي ماتزعلوش حتى كان عيونه سود ماشي اهم شي جيبه مليان (نبي نبدا في حركات العزايز من توا)
|
رد: تجمع حوامل ليبيا
هذه الغناوي مهداة الى حبل الوصل بمناسبة سفر زوجها ربي يرجعه ليها بالسلامة عاجلا غير اجل وقبل موعد التبويض
(عندي عين علي غاليها لاترقد لا النوم يجيها) (يا القلم اكتب عا الورقة يا القلم وقوللهم عليهم ننشد ونسلم )hwaml16 |
رد: تجمع حوامل ليبيا
السلاااااااااام عليكم
حبل الوصل الله يوصل حبل الوصال ويرد زوجك زي ما قالت ام اسيل قبل ايام الاباضة باش تولي حمولة الشهر الجاي انشاءالله ونبوا زردة بيع الحوازة مش تاكليها بروحك اما الولد نبيه ولد لكن هادي والله ندعي في صلاتي يجيني هادي لان بنتي بسلامتها تعبتني بلا نوم لا ليل ولا نهار وهي تعيط لين خشت 6شهور ويارب يطلعلي عاقل ام اسيل بنيتك زي العسل ربي يخليها وعقبال يوم فرحتها وتشوفيها عروس يارب وعقبال ما تحملي وماعندكش سبله راجلك وجنب راسك |
رد: تجمع حوامل ليبيا
انا مروحه بأذن الله قبل رمضان وبالكثيرنص رمضان يعني يا الشهر السابع يا بداية الثامن للحمل ويارب يسخرلنا الحال
والطيارات بدت اتخوف ربي يستر اعلينا ويردنا سالمين |
رد: تجمع حوامل ليبيا
تصدقوا يا بنات الجنه بلا ناس ماتنداس
الجوووو هنا رهيب والمناظر فظيعه ومانحكيلكمش عالحرية والامان تقدري تتطلعي بعيلك بروحك تتدهوري وتشري قضيتك وتركبي قطار لان كل شي امان والطرق كلها اتهبل والناس لطيفه والمحلات اتجنن بس انحس في الكساد بلا اهل ولا اقارب رجعه لليبيا خير من كل شي هنا |
رد: تجمع حوامل ليبيا
عزيزتي عيون كانك تحلمي بوليد هادي فهذه امنية مستحيلة التحقيق على الاقل حسب خبرتي البسيطة انا ولدي كان هادي لين سكر السنة وبعدها عينك ما تشوف الا النور
وشكرا عا الدعوة الحلوة وراجلي احداي وان شاء الله انديروا المستورة |
رد: تجمع حوامل ليبيا
السلام عليكم ورحمة الله وبركاته
كيف حالكم ياخواتى ومرحبتين بعيون وسامحينا لانى ما خشيتش امس والسبب انى ولله الحمد واكلتها والبارح صارلى ضيق فى التنفس المهم انعرفك على نفسى انا ام لقمان من زليتن ليبيا وانا فى بداية شهرى التاسع وموعدى 10-6 وهاليومين تاعبه اشوى طلب منى الطبيب ما انتحركش علشان امية العيل ناقصه ونراجى فى موعدى يوم الثلاثاء ومتزوجه ليا 13 سنه ولدى الصغير عمره7 سنوات دعواتك ربى يسهل عليا وعلى الجميع سجوده امتى موعدك بالضبط؟ وين غبتى نحسابك درتيها اما على اللمه انتم اولى بيها والله اتوسعوا فى خاطرى اكثر من القريبين وخاصه بعد هالحبسه |
رد: تجمع حوامل ليبيا
شكرا ام اسيل وعيون وربي يخليلك بنتك وتفرحى فيها ويااااااارب هالشهر تكونى حامل
وينك ميرنا |
| الساعة الآن 12:41 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .