|
رد: تجمع حوامل ليبيا
الف سلااام توا ونتلاقوا على خير تحياتي للجميع وخصوصا سورينام
|
رد: تجمع حوامل ليبيا
بخري باللوبان عيون والله كويس بكل
|
رد: تجمع حوامل ليبيا
عيون
الحمد لله الي اطمنتي على وليدك ويارب اليوم يبات في حضنك وهو صحيح وطيب والله عقولنا عندك يارب يهنيك ويفرحك بيه يارب |
رد: تجمع حوامل ليبيا
حبل الوصل
شن صار في قريبتك الي مدرهتلك كبدك خفت عليك ولا مازالت تكبر في النار (اجعل سوها في دوها ) ونراجي معاك في بكرة اول مايطلع التحليل طمنيني يارب يرزقك ويهنيك والله والله لوتطلعي حامل نفرح كاني انا الي حملت والله كيف خيتي واعز ويارب يرزق ميرنا خيتنا بتوامة يارب |
رد: تجمع حوامل ليبيا
السلاااام عليكم ورحمة الله
اوخياتي الغاليااات والحبيباات والصادقات واللاتي احببتكن في الله ولله انا اليوم مرتاحه جدا جدا مشيت الساعه 3 لوليدي واعطوهولي انرضعه من صدري ولاول مرة نشده بين ايديا واليوم ليه 7ايام مولود اكبر فرحه عقبالكم كلكم يارب والدكتورة المناوبه طمنتني وقالت بالكثير يومين ويطلع وتفاصيل الحاله الصحيه عند الدكتور والدكتور مهناش بس فرحانه جدا جدا جدا الحمدلله الذي بنعمته تتم الصالحات |
رد: تجمع حوامل ليبيا
اوخيتي حبل الوصل يارب العالمين نسمعوا اعليك
الاخبار الطيبه وبشارة الخير ام اسيل وميرنا يارب العالمين تحملوا وتتهنوا وترتاحوا يارب ميمونه وام ريحانه عقبالكم يا عرايس التجمع شكر خاص لصابرة ولولي وام رفيدة وام رنوة وام ردينه وام لقمان والحلوة معراج ربي يكرمها بالحمل السريع الف شكر لخواتي يلي ذكرتهم ويلي نسيتهم سهوا وقفتكم بدعائكم ليا تسوى الدنيا كلها يارب يكرمكم بالحمل الثابت والطفل السليم والزوج الصالح والذرية الصالحه يارب دعيتلكم من قلبي في ولادتي ما نسيتكمش ماننساش اميسر وراجية وسمحه وهاتو وساجدة استاحشتهم وينهم |
رد: تجمع حوامل ليبيا
وكلامي الى الحبوبة أية ما تخافيش ما نسيتكش ويارب في خلاصك وتنوضى على خير وبصحه وسلامه انتي وألياس
|
رد: تجمع حوامل ليبيا
غاليتي وتوءمي سوريناااااااااام يارب يهنيك ويبعد عنك ضيقة الخاطر ويفرح قلبك ببر اولادك ويسخرلك زوجك ويهنيكم يارب
|
رد: تجمع حوامل ليبيا
سامحوني يا اوخياتي لو نسيت وحدة
راني مش قاصدة اوخياتي الجدد بالدات تيمو ليبيا صح هلا بيكم بينا والعتب على التعب والالم يلي نعاني منه قعده لتوا رح نكتبلكم قصة ولادتي ورح تقدروا الوضع لما تقروها ويارب ما تجربها مؤمنه ولا اوخيه |
رد: تجمع حوامل ليبيا
اهم شي انك بخير و وليدك بخير اني ملومش عليك بلعكس انتي باهي فيك جهد حتي تتفكري في حد ربي انشالله ايزيده من الشفي وغدوه ولا بعده يرقد علي صدرك والهي طمنتيني عليه حمدالله
|
| الساعة الآن 06:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .