|
رد: ديوانية البحرين - دردشة حوامل البحرين - البحرينيات
اي الحمدلله تغديت مع ريلي قبل لا يروح الشغل ،، اذا الحجي اول ليل اتغدى معاه منوقت وبسرعة ايووع
|
رد: ديوانية البحرين - دردشة حوامل البحرين - البحرينيات
امس اقولج يوم سويت الله يعزج تحليل البول مال الوزن عند العيادة الا بولي اصفر غااامج وفيه خيوط بيضة مت من الخوف قلت جان ماتقولي التهاب ويغربلوني بس الحمدلله الله ستر قالت لي مافيج شي
|
رد: ديوانية البحرين - دردشة حوامل البحرين - البحرينيات
بيه الله يعينج لازم يبي لج بعد تاكلين العصر ، انا ساعات اروح لي البرادة مشي مرة وحده رياضة واشتري لي خرابيط اسد يوعي لي العشى من بدال ماكل فاكهة خخخخخ
والحين تقعدين بروحج لين يرجع ريلج؟ |
رد: ديوانية البحرين - دردشة حوامل البحرين - البحرينيات
وي انا تحليل البول الله يعزج استحي منه مادري ليش :s ،، ماحب اسويه .. بس اليوم اصرت علي الا تسوينه
انا حالي نفسج لين ايوع اطيح في الكافي و هالخرابيط ،، ايييي يختج اتم في الشقة برووحي من جذي اتملل وانزل تحت مع خالتي ،، اول امس رحت بيت ابوي بس ماقدر اروح كل يوم لانه درررب طويل |
رد: ديوانية البحرين - دردشة حوامل البحرين - البحرينيات
انتي شكلج نفس حالتي بيت امي في وين وانا شقتي في المحرق بعيد بس شسوي ماشوفهم الا ثلاثة ايام في الاسبوع من عقب الجامعه والاثنين والاربعا ايلس في الشقة وزوجي عقب مايرد من المركز مال القرآن نطلع عقب العشا اروح الممشى او اوروح اشتري عشى ونرجع نرقد وبس هذي حالتنا :)
ماشاء الله اذن العصر الوقت بدى يقصر بس فله حق الي عليها دين او شي تصوم انا كان علي يوم واحد والحمدلله قضيته بحاول اصوم في يوم عرفة اذا قدرت والله بلغني، ريلي للحين ماوصل من الشغل مسكين |
رد: ديوانية البحرين - دردشة حوامل البحرين - البحرينيات
مساء الخيرات عليكم
شخباركم وش مسوين ام حمني نورتي المكان وكان لك وحشى وان شاء الله اليوم موعدش زين ام خليل ما لها حس يعني للحين منشغله بالعرس ههههههههه |
رد: ديوانية البحرين - دردشة حوامل البحرين - البحرينيات
بنت الاياويد ،، انا ماجوف بيتنا الا مرة او مرتين بالكثير تمنيت اكون جريبة من امي بس الله ماكتب ... بس احين اختي والدة وخاطري كل يوم اروح اجوف ولدهاا وريلي شغله شفتات اول ليل وآخر ليل وماميش الا سيارة وحدة يروح فيها الشغل ،، وحشني علاوووووي حتى اختي تقول لي علمتيه ما يرقد الا في حظني واذا احطه في السلة يصيح :p
|
رد: ديوانية البحرين - دردشة حوامل البحرين - البحرينيات
اهلين فرح .. اي ام خليل اختفت يمكن مشغولة مع اعيالهاا ..
تعالي انتي شخبار بنوتج ؟؟ |
رد: ديوانية البحرين - دردشة حوامل البحرين - البحرينيات
انزين ليش ماتوصلينه الشغل وتاخذين السيارة ؟ او احد من هلج ايي ياخذج ؟ اي هذي الكريه نفس حالتنا سيارة وحده وغربال ، الله ايسر الامور يارب
اي الحين قلبج كله مع الياهل فديته، الله يبلغج وتشوفين ضناج |
رد: ديوانية البحرين - دردشة حوامل البحرين - البحرينيات
بنت الاياويد تخيلي دربج من شقتج لي جامعة الصخير .. نفس الدرب بيصيدني hwaml02
ما اقدر اسوق السيارة مسافات طويلة كلش ماركزز.. وانا في من بين اخواني العودة واخواني في المدرسة .. بس صار لي سنة من تزوجت والحمدلله احاول اتأقلم للحين ما تغديتي؟؟ |
| الساعة الآن 05:00 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .