|
رد: دردشة حوامل مصر - دردشة بنات مصر - تجمع حوامل مصر
ملوكة ازيك ياجميل؟
معلش مالقيتكيش رديتي على طول فباحسبك مش موجودة.. آه انا وانتي تقريبا قريبين من بعض .. مش انتي برضه في اول اسبوع من الشهر الخامس؟؟ لأ والله ياأم ملك لسه ماعرفتش .. جوزي بيبقى معايا في الكشف وهو مش عايز يعرف المرة دي وبيقولي مش هنسأل الدكتور فبابقى محرجة اسأل الدكتور وهو مابيقوليش ..لازم انا اسأله يعني ههههه بس بيني وبينك انا اموووووت واعرف .. اصل حماتي نفسها في ولد, وكان عندي ولد السنة اللي فاتت بس اتوفى .. المرة دي بقى سايباها على الله واللي يجيبه ربنا حلو المهم يكون ذرية صالحة وسليم وصحته كويسه .. بس نفسي طبعا اعرف اللي بيرفص جوه ده ايه بالظبط؟؟ هو انتي ياملوكة اللي سالتي الدكتور بتاعك؟ وبان كويس معاكي في الفترة دب .. اصل اسمع يقولوا مش بيبان كويس الا في السادس.. |
رد: دردشة حوامل مصر - دردشة بنات مصر - تجمع حوامل مصر
سمسمة الف سلامة عليكي ياحبيبتي..
ربنا يهون عليكي وياخد بايدك ويتمملك بخير .. معلش ياحبيبتي استحملي كله يهون علشان عائشة ربنا يجيبهالك بالسلامة |
رد: دردشة حوامل مصر - دردشة بنات مصر - تجمع حوامل مصر
ولا يهمك ياقمر ... معلش ربنا يصبرك ويعوضك يارب .. ويقومك بالسلامه .. انا دلوقتي اخدت 12 يوم م الخامس الحمد لله
انا ايوة اللي سالت الدكتور وهو مش بيقول بردو لازم انا اللي اسال .. عرفت من اخر الشهر التالت او اول يوم في الرابع كده النوع .. وسالت الدكتور لو كان متاكد ؟ قالي انه مش بيقول عالنوع غير لما بيكون متاكد..والحمد لله كلهم نعمه قوليلي انتي كام سنه ومنين ؟ |
رد: دردشة حوامل مصر - دردشة بنات مصر - تجمع حوامل مصر
الف سلامه عليكي يا سميه ... ربنا معاكي يارب معلش اصبري واتحملي عشان تفرحي ف الاخر ...
|
رد: دردشة حوامل مصر - دردشة بنات مصر - تجمع حوامل مصر
ياملوكة انتي سابقاني ب 9 ايام .. انا بالظبط لسه بادئة الخامس من 3 ايام
ربنا يكملنا بخير.. انا اسمي آية وعندي 22 سنة وساكنة في القاهرة الجديدة التجمع التالت, وباشتغل في جامعة عين شمس معيدة بقالي سنتين وبأعمل دلوقتي دراسات عليا انا في الدبلومة المهنية السنة دي.. فباكون مشغولة اوي عشان كده مش بادخل كتير.. وانتي ياملوكة ؟ بأقولك ياملك انتي حسيتي باول مرة الجنين يتحرك زي النقرة كده امتى.. في الاسبوع الكام؟ ودلوقتي بتحسي بايه ؟ يعني الحركة بتزيد؟ |
رد: دردشة حوامل مصر - دردشة بنات مصر - تجمع حوامل مصر
انا بقي يا ستي 21 سنه من دمياط معايا ليسانس اداب قسم انجليزي .. ومتجوزة من سنتين ونص وانا لسه بدرس يعني .. وللاسف مش بشتغل لان جوزي رااااااافض ..
بالنسبه لحركه البيبي انا مش بحس بنقره بحس بحاجه كده بتكون تقيله شويه كده ف جنبي وبعديها بتروح .. معرفش لو كانت هيدي الحركه ولا لا بس ماما بتقولي هي .. وانا كنت عند الدكتور من يومين وسالته عن الحركه قالي انه مش بيسالني عليها دلوقتي لان كل واحده بتختلف عن التانيه وممكن دلوقتي محسش بيها .. والله يا ايه نفسي احس بالحركات الواضحه دي اوى اللي هي زي الرفس وغيرو بس لسه شويه قدام متهيالي |
رد: دردشة حوامل مصر - دردشة بنات مصر - تجمع حوامل مصر
ماتقلقيش ياملوكة هتحيسي بالحركة والشلاليت لما تقولي كفااااية ماتستعجليش ..
هو بيبقى اول حمل كده بيتأخر الاحساس بالحركة شوية.. انا عارفة ان ده مش اول حمل ليكي بي اقصد اول حمل كامل تجربي فيه الحركه.. وعلى فكره التقل اللي بتحسي بيه وبيروح وييجي ده بيكون حركة الجنين وبيحصل كده الاسبوع اللي قبل الحركات الواضحة.. انا باحس بحركة دلوقتي عشان انا جربتها قبل كده وعارفاها فاحساسي بيها بدأ بدري شوية عن حملي اللي فات.. ماتقلقيش هتحسي بيها قريب وتتطمنب باذن الله.. هتقعد الشلاليت توجعك لما تقولي بسسسسسسس .. ههههه ماتستعجليش |
رد: دردشة حوامل مصر - دردشة بنات مصر - تجمع حوامل مصر
انتي عارفة بقى ياملوكة الخروج للكلية في الحمل ومجرباه ..
ادعيلي ربنا يتم بخير المرة دي لأني بابذل مجهود جامد في الكلية والخروج وعلى طول مرهقة وظهري وبطني واجعيني جامد وخايفة اوي .. بس صعب طبعا آخد اجازة لان عندي محاضرات لازم اكون موجودة الدراسات العليا تقيلة.. دعواااتك ربنا يتمملي انا وانتي وكل البنات بخير |
رد: دردشة حوامل مصر - دردشة بنات مصر - تجمع حوامل مصر
هههههههه انا راضيه بالوجع والله يا ايه .. هو حد طايل .. اهو احسن من مفيش .. الواحده وهي حامل بتحس ان الايام بطيئه موووووووووت ومش بتعدي .. نفسي بقي شهر ولادتي ييجي عشان الملل ده يروح
قوليلي انتي اتوحمتي ع ايه ؟ |
رد: دردشة حوامل مصر - دردشة بنات مصر - تجمع حوامل مصر
اه والله الكليه دي لوحدها مجهود جباااااار .. اصل مشكلتي اني كنت ف حملي الاول بروح الكليه وبركب العربيه وانا لسه مكملتش التالت .. كان عندنا دكاتره بيضحكو علينا كل مره ويحلفو انهم مش هينجحو الغايبين وهياخدو الغياب كل محاضره ومش بياخدوه يعني مرات كتيره اوى روحت عالفاضي لغايه ما حصل الاجهاض قبل امتحانات الترم بيومين بس .. الحمد لله ع كل حال .. بس طبعا النفسيه كانت متدمره كويس اني نجحت الحمد لله ومستوايا مقلش
|
| الساعة الآن 01:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .