|
رد: دردشة بنات العراق, دردشة حوامل العراق , تجمع بنات العراق
هلا بيج شهوده شلونج شخبار الحمل وياج حبيبتي لاتهملي مواعيد المستشفى ضروري تروحين
واني ماشي حالي والنونو يتحرك ماشاء الله بس باليل ومن انام على الجهه اليسرى احس بحركته ما اعرف يمكن يتضايق لان هوه بالسونار مكانه بالجهه اليسرى من احس بحركته اغير نومتي انتي ان شاء الله باجر دخلين بالشهر السادس بيني وبينج فرق 3ايام الله يسهل عليج حملج ولادتج ويفرحج بالولد الصالح |
رد: دردشة بنات العراق, دردشة حوامل العراق , تجمع بنات العراق
اقتباس:
هلا والله حبيبتي المغتربه والله المواعيد ونقلي كل شوي للمستشفى الرئيسي للولاده مللني ما بيه بعد اروح وتخطيط وفحوصات ومغذي ما الي نفس اصلا احاول ابقى على مواعيد المركز الصحي احسن وانتي حبيبتي انشاء دوم بصحه وسلامه يارب والنونو انشاء الله دوم بخير وحاولي تنامي نومه ما تأذينه فيهاا انا الراس صاير بجهة اليمين لسه احسه بالعرض وما اعرف شوكت يتغير وانا ادخل يوم 20 بالسادس قالت الدكتوره كل 20 بالشهر تدخلين بشهر جديد انتي اخذتي سونار او لا وشنو طلع معاج ولد ولا بنت ؟؟ ومشكوره على دعائج الي حبي وانشاء الله ولد يا رب ولو احس اخر شيء راح تجي بنوته والحمد لله على كل حال |
رد: دردشة بنات العراق, دردشة حوامل العراق , تجمع بنات العراق
اقتباس:
|
رد: دردشة بنات العراق, دردشة حوامل العراق , تجمع بنات العراق
هلا شهووووووووده
المستشفيات جدا مزززعجه والفحوصات واحنا اساسا تعبانين انتي استقري بمراجعاتج بمكان واحد وبالنسبه لحساب الحمل انا اعتمد على شريط الحمل واحساب الاسابيع بالاسبوع 22ويومين تدخلين الشهر السادس وبالنسبه للسونار ماعرفت لحد هسه عندي موعد بعد 10ايام وان شاء الله اشوف والحمد لله بكل الاحوال اذا كان ولد او بنيه الله يرزقج بالي تتمني ويحفضلج بنوتاتج |
رد: دردشة بنات العراق, دردشة حوامل العراق , تجمع بنات العراق
حبيبتي شهودة
مشكووووورة عال دعوات والردود الحلوة والله انج ونعم الصديقه والأخت حياتي والله هسة طلعت من الحمام وما خليت مكان يعتب علية ههههه احتسابا للولادة بعد الله كريم لو خلوني علي طبيبه عنصرية وتتمنالي العذاب ف تكولي روحي للبيت ولو طبيبه تفهم وتقدر ف أكيد تولدني لان مركز الحوامل أكدت لي ان التحاليل ملاتي الأخيرات خطرة نتيجتهن. ف بعد مؤ بيدي شي بس لو دخلوني وولدوني أكيد اكتبلكم. بس ادعولي. المغتربة يا بعد جلاي فديتج عمري الله يسمع منج وجيب دعواتكم. |
رد: دردشة بنات العراق, دردشة حوامل العراق , تجمع بنات العراق
اقتباس:
هلا وغلا بيج حبيبتي المغتربه اي والله جدااا متعبه من هالشكل مو حابه كل شوي اروح انا من اتعب اروح للمركز الصحي وهو الي قاعد يحولني على مستشفى الحوامل hwaml15وهناك لازم كل الفحوصات اسويهاا وحاليا كل شهر عندي موعد ثابت بالمركز الصحي بس انا من اتعب لازم اتصير عندي زيارات مفاجئه للمستشفى العام الكبير الطوارئ والي فيه قسم خاص للحوامل وللولاده وهالاشياء الله يتمم لج على خير وتشوفين النونو والله يفرح قلبج يا رب |
رد: دردشة بنات العراق, دردشة حوامل العراق , تجمع بنات العراق
اقتباس:
حبيبتي يا غاليه هذا من طيب اصلج يا غاليه واحنا هنا خوات انشاء الله دوم مو يوم يا رب والحمد لله على هالصدفه الحلوه الي جمعتنا هنا وكأنو احنا في بيت واحد انشاء الله دوم نجتمع على الحب والموده والله لا يفرقنا وانشاء الله نلتقي كلنا ونجتمع على تراب بلدناا اي حبيبتي جهزي حالج وجنطة اغراض الولاده الي تحتاجيها وحضري كل شيء وخليهم بالسياره لا تنسين شيء وانتي بعد جهزي نفسيتج وشيلي عنج اي تفكير مو زين وربج كبير واعلم بغربتنا انشاء الله يوقف معاج وانشاء الله باجر نسمع اخبارج الحلوه وتكونين والده طبيعي يا رب hwaml02 |
رد: دردشة بنات العراق, دردشة حوامل العراق , تجمع بنات العراق
ربنا يسهل عليج فوفو حياتي يارب تجيبين وتخلصين
|
رد: دردشة بنات العراق, دردشة حوامل العراق , تجمع بنات العراق
هلو بنات شلونكم مشتاقين اني يوميه من انام اكول بعد هلكد و اجيب والله حموت هلكد ما احسب ادعولي بنات اكوم بالسلامه لان ولادتي قيصريه
ادعولي يشوفني طفلي تام الخلقه و معافى والله يتمم عليكم كلكم |
رد: دردشة بنات العراق, دردشة حوامل العراق , تجمع بنات العراق
اقتباس:
|
| الساعة الآن 03:29 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .