|
رد: دردشة حوامل من الشهر السابع للتاسع ( جديد )
كروشات
انا يجيني التحجر ع خفيف بس اليوم مشيت كثير يمكن ساعتين ولا ثلاث ساعات بس بينهم راحه والتحجر مايفارق بطني كل اشوي طبيعي ولا شو |
رد: دردشة حوامل من الشهر السابع للتاسع ( جديد )
الله ييسرها لكم جميعااا
الحمد لله وربي ييسررر ماتبقى لنا من ايام |
رد: دردشة حوامل من الشهر السابع للتاسع ( جديد )
سماري توكلي على الله وربي يكتب لك مافيه الخير
وان شاء الله يتعدل وبصير وضع البيبي طبيعي |
رد: دردشة حوامل من الشهر السابع للتاسع ( جديد )
صباح الخيرات كروشات
سكر صلالة هو150بس الدكتورة قالت مرتفع دف القمر ربي يهونها وما احتاج طلق او عملية سماري مافهمتك تقصدين ان النسبة هذي مرتفعة؟؟ ربي يهونها علينا جميعا ويجعلها ساعة سهلة علينا(انما امره اذا اراد شيئا ان يقول له كن فيكون) |
رد: دردشة حوامل من الشهر السابع للتاسع ( جديد )
صباح الخير كيفكم بنات الله يسهل علينا جميعا
بنات والله تعبت معاد اقدراتحمل خلاص قولولي حل ماخليت شي الا وسويته استودعت الله بالنونو ان شاءالله مايتأثر منها اللي كنت اشربها بنات زوجي ذبحني يخاف من الجماع يقولي لا اخاف عشان راس الجنين ومدري وشو تخيلو حتي لمااقوله طيب ابغي امشي يقولي عندك الحاره امشي فيها اوامشي بالبيت واذا وداني ممشي لازم يكون فيه حديقه عشان يوري وابتلش اجلس العبها وهو مرتاح يعني لاني مشيت ولاني ارتحت المهم البارح الساعه 9 ونص تنرفزت عليه وعصبت وبدون وعي لبست عبايتي وطلعت يناديني طنشته ومشيت ورحت الصيدليه وهي تبعد عن بيتي نص ساعه بس انها علي شارع عام والسيارات لاحول مسرعه ربي ستر وربي المهم شريت علبتين زيت خروع بنكهه الكرز وبعدين رجعت ومريت بطريقي النجار اللي سوي غرفه بنتي اخذت منه تنر عشان المع دولابها وطلعت منه ورحت البقاله واشتريلي شبس ليز حار كبير ولبنه وزبادي وسنتوب لبنتي ورجعت البيت وطبعا انا تركت جوالي بالبيت وصامت وابوالشباب احترق وهويتصل وانا ماارد شوي الا وانا داخله ويطالعني قلت بكيييييفي خلاص واني اروح اساويلي الصوص حق الشبس واحط قناه زي الالوان واتمدد واكل وهو مطرظع مني بس الحمدلله عدت علي خير ههههه بس بجد تعبت وربي قولولي وش اساوي ابي نصايحكم |
رد: دردشة حوامل من الشهر السابع للتاسع ( جديد )
عزيزتي حضنك
ربي يعينك ويسهل عليكي وعلى كل المنتظرات عاد باين عليكي عصبيه مره ههههه شوي شوي على أبوالعيال خذيها بالهداوه والسياسه و راح يطلعك تمشي ربي سترها معك لا تكرريها مره ثانيه إنتي دخلتي التاسع صح يعني حاولي ما تطلعي لوحدك ما تعرفي شو راح يصير معاكي وربي يقومك بالسلامه إن شاء الله |
رد: دردشة حوامل من الشهر السابع للتاسع ( جديد )
الله يسلمك الماسه قلبي
بس بجد شي ينرفز موحاسين الرجال فينا هذا يقهر وربي لاوكل شوي يقولون تعبانين وهم علي جوالاتهم والمصيبه لوتكتشفينه يلعب بلوت اوسلتر اوبلياردوو كانه طفل بالابتدائيه وش تساوين لحظتها وقال ايش مريض تعبان وبس يتبطح اوووف كيف لويحملون مثلنا وش يقولون يمكن يقول مرتاح ومبسوط ااو وش رايكم |
رد: دردشة حوامل من الشهر السابع للتاسع ( جديد )
حبيبتي ما أعرف ويش أقولك بس أنا كانت تجيني حاله أصيح فيها وأقول لأخوي يجي ياخذني ويطلعني من كثر الملل والتعب من البيت ولما أخبر زوجي إنو أخوي بيجي يطلعني ويمشيني يقول أنا راح أطلعك ما يقصر يطلعني هو بحكم دراسته يطلع من البيت الصبح لحد المساء وقت النوم كل إسبوع إختبار كرهت عيشتيhwaml15 ومليت بس والله ساكته وصابره لما يفضى أريده يطلع معي أنا بس الاسبوع الماضي طلعنا يوم الخميس يوم الجمعه طلع مع أخوانه زعلت كثير لانه أخوانه يطلعوا يتونسوا انا من يطلعني hwaml15وهو ما يرضى أطلع وحدي من البيت أحس نفسي بنفجر من بدايه حملي نفسي أروح البحر ما رحت لحد الحين ولا بس يفضى في البيت يحطولوه مشاوير مره أمه مره جداته وانا ضحيه ساكته والله كريم والغم إنو ما يبيني أروح بعد ما أولد النفاس عند أمي يقول نفسي هنا عندي أمهhwaml4 بس أقنعته اروح أسبوعين وأرجع بس بحاول معه اجلس فتره أطول عند أمي .
خخخخخ كأني تكلمت كثير هههههههhwaml5 |
رد: دردشة حوامل من الشهر السابع للتاسع ( جديد )
لا شكلك حظنك صدق متضايقه ربي يسهلك ولادتك وتولدين بسلامه
بس مثل ما قالتلج الماسة شوي شوي عشانج بعد وعشان الجنين ربي يسهلك ان شاء الله وعليج بقراءة آيات مريم |
رد: دردشة حوامل من الشهر السابع للتاسع ( جديد )
حظنك يدفيني انتي غلطتي ترا مايجوز طول ما انتي تمشين والملايكة تلعنك هو صح يقهر زوجك بس كل الرجال كذا مالنا غير الصبر انتي كم لك بالتاسع الماسة ماله حق زوجك المفروض شي بديهي تنفسين عند امك وخاصتا اذا كنتي بكرية بس مثل ماقلتي قوليله اسبوعين وعاد خلال الاسبوعين قولي والله تعبانه اتركني كم يوم وكل مرة زيدي كم يوم يعني سايسيه والله يقومنا جميعا بالسلامة |
رد: دردشة حوامل من الشهر السابع للتاسع ( جديد )
اقتباس:
أنا قلت راح أعمل كذا بس إذا ما رضي راح أرجع وكل يوم راح أبكي عليه علشان يتحسر وحده ههههههههه قالو إن كيدهن عظيم مستحيل أمه تهتم فيني مثل ما إهتمت في بنتها أساسا من الحين خبرتني إنوهي بتجلس مع العيال لحد ساعه 12 بالليل و بعدين أنا أجلس معهم طبعا والشغاله تكون معي أنا لو مو بكريه ما عندي مشكله بس بكريه وتوئم شوي صعب لكن ربي رزقني وربي بيقدرني على رعايتهم إن شاء الله |
رد: دردشة حوامل من الشهر السابع للتاسع ( جديد )
الحنونه مبروووووك الف الف مبرووك والحمدلله على سلامتك وسلامة البيبي ..
اخباركم ياحوامل معليش على الغيبه ماافضيت عشان اتابعكم , الله يسهل علينا يااارب ويرزقنا بالولاده السهله الميسره . انا يوم الاثنين بدأت بالاسبوع 39 وللحين مافي بوادر ولاده حقيقيه ,, الرحم مفتوح 3 والله اعلم اذا زاد عرفت انه مفتوح 3 قبل اسبوع يوم تنومت.. واللحين تجيني تقلصات اقدر اتحملها وافرازات بيضاء وشفافه .. وقليت بالمشي احسني تعبت .. والله يابنات خاايفة اخلص التاسع وانا ماولدت ,, والمشكله اني خلصت مراجعاتي بالمستوصف , اما المستشفى من بعد ما طلعت من التنويم على مسؤوليتي ماعطوني موعد يعني اللحين جالسه كذا بدون مراجعات بس اللي عارفته ان الجنين كويس ونازل لتحت والرحم مفتوح 3 .. بقولكم قصتي بالتنويم وتحملوني ههههههههههه بالاسبوع اللي فات كنت اشرب بابونج كل يوم كوب وامشي من نص ساعه لساعه وجماع يومي وشااده حيلي يوم الاحد بعد صلاة العشاء صار جماع وحسيت باتقلصات مؤلممه شوي وقلت بس شكلها من جد ولاده , وقمت تجهزت وكان قد قريت لوحده انها جربت التمر بحشوة الرشاد مع قرفه محلاه بالعسل وسهلة لها الولاده ومدري ايش , المهم رحت وسويت مثلها اكلت اربع تمرات مع قرفه بالعسل تقريبا قد فنجان القهوة وزااد معي الالم ولكن مانزل معي ولاشي لادم ولا مويه بس افرازات واروح المستشفى فرحانه على بالي باولد وكشفت الدكتورة وقالت مفتوح 2 وبعد ساعه كشفت وقالت مفتوح 4 وانهبلت قلت سبحان الله الحمدلله قربت اولد وسوولي تخطيط وطلع معي طلق المهم جهزوني وعلى طول لغرفة الولاده وانا ماافيني ذاك الطلق اللي يعور , بس احس بتقلصات اقدر اتحملها , ودخلوني غرفة الولاده الساعه 5 الفجر وجت دكتورة بتشوف وكشفت وقالت مفتوح 2 انا بغيت انهبل قلت كيييف بس بغرفة الكشف قالو 4 قالت مو 4 على بعضها , يااالله جاني هم وتكدرت مرة وجاني احبااط وجلست ادعي ربي يفرجها علي وكل شوي يسولي حاجه مرة مغذي ومره حقنه شرجيه الله يكرمكم ومرة قسطرة للبول وعندي طلق بس زاد شوي وعلى الظهر كشفت وقالت مفتوح 3 وهي مستغربه ليش مافتح اكثر مع ان طلقي كافي انه يفتح الرحم بعدين سألتني ممرضه سعوديه قالت انتي شاربه قرفه قلت ايوة بس قد فنجان قهوة وراحت علمت الدكتوره وجت قاست وطلع مفتوح 3 مااتغير وهاوشوني قالو صح ان القرفه تحمي الطلق بس ماتفتح الرحم بالعكس تشده وربي بغيت اصيح انقهرت على حالي والحمدلله على كل حال .. المهم قالت قدامك ساعه على اذان العصر قومي تمشي والساعه 3 راح افك المويه عشان يحمى الطلق المهم واقوم امشي بس مااقدرت كل شوي وحده تولد تقريبا 5 اللي ولدو وانا لسى ورجعت على سريري وجت الساعه 3 وماعاد فتحت لي الكيس وطلعوني تنويم وتنومت 4 ايام وانا مااافين طلق ابدا الا على خفيييف طبعا في غرفة الولاده على الساعه 10 اعطوني ابرتين مسكنه للطلق ومن وقتها خف الطلق .. المهم وطلعت التنويم وكنت امشي امشي حتى رجولي تورمت وهلكت ويوم الخميس طلعت على مسؤليتي لاني تعبت جاالسه كذا بدون الم ولاده وموتعبانه ولا احد طل علي من الدكتورات رموني رمية الله ياخذهم بس يجي الدكتور الصبح يشخط بالورقه وطلع لايسأل ولا يقولي وش فيني كنه مغصوب على الجيه , ومن يومها الى يومكم هذا وانا مفتوحه 3 والتقلصات خفيفه وانسدت نفسي من الولاده ولا عاد مشيت ولا شربت اي شي بس صارلي يومين اكل تمر مع حليب وبديت بالجماع امس .. وانتهت قصتي وان شاء الله اولد قريب , بحملي الاول ولدت في اخر يوم بالاسبوع الثالث وهالحمل مدري متى اولد . الله يسهل لنا وييسر ,, طولت عليكم بس وش اسوي حبيت اعلمكم اخر اخباري ,, |
رد: دردشة حوامل من الشهر السابع للتاسع ( جديد )
الماسة الله يقومك بالسلامة ويباركلك بعيالك وتجبيبنهم سليمن متعافين شكلك طيووووبة مره لكن حبيبتي الزم ماعليك صحتك ما احد قايم فيك مثل امك مهما بلغت طيبة عمتك وخاصتا انك بكرية ومشاء الله لاقوة الابالله توم الوضع صعب جدا خليك عند امك لين شهر استخدمي اسلوب حواء الكلمة الحلوة وخاصتا بيكون فرحان فيهم راح يسمع كلامك قولي عمتي ماهي مقصرة بس انا تعبانه امي تخليني انا وهي تسهر فيهم وكل مايكلمك قوليه من هالكلام واحد ينام واحد يصحى ما اقدر انام لو ما امي معاي كان الله اعلم بحالي قوليهم بلطف وحب ودلع وقلبه لين اكيد اما اسبوعين وتروحين غير تروحين فيها من التعب غيدا الله يعينك والله مدام الرحم مفتوح امشي مشي تعب وان شاء الله تيسر وتجين تبشرينا |
رد: دردشة حوامل من الشهر السابع للتاسع ( جديد )
اقتباس:
أميره اللهم أمين يا رب تسلمي حبيتي والله كلك ذوق إنتي الطيوبة هو يقول أبي أجلس مع عيالي والحلو في الموضوع إنو بيكون في إجازه وماشاء الله عليه هو يحب الاطفال أشوف كيف لما ربت أخته كان كل شوي يروح ياخذها بس يقول أنا لما يكونوا ساكتين باخذهم بس لما يبكوا أرجعلك إياهم ههههههههه أنا ما ألومه مثل ما أنا كنت أتمنى يكون عندي أطفال وهو نفس الشي أبوهم وأشوف لهفته عليهم بس بالاول والاخير هي فتره وتعدي وعياله بيكونو دوم جنبه وهذا الحمل صار بعد 4 سنوات زواج أنا حاولت معه لانه عمتي قامت على بنتها وشفتها كيف تعبت ومرضت وأخبره كل يوم مسكينه عمتي تعبانه بس المشكله ما مقتنع يقولي الشغاله بتساعدك ولحد يومك هذا يقولي أحيانا لا تروحي بيت أمك خليكي عندنا وأقوله بس إسبوعين وأرجع لكن إذا بولد قيصريه كل ما يجي يزورني بعمل نفسي تعبانه وما قدره وعسى إن شاء الله تكون ولادتي سهله مو متعبه يا رب أنا بحاول كل الطرق يعني إذا وافق على الاقل 3 أسابيع أنا راضيه أتمنى عمتي تقوله خليها عند أهلها أحسن لان أحتاج عنايه بصراحه وبعدين أكمل عندهم أنا أعيش مع أهل زوجي يعني مو بيتي لحالي وربي يسهلها إن شاء الله واللي فيه الخير والمكتوب بيصير لو كان بيتي لحالي عادي كنت خليت أمي تيجي تجلس معي لحد الاربعين |
رد: دردشة حوامل من الشهر السابع للتاسع ( جديد )
موعدي يوم الاحد بخبرهم برغبتي بالقيصري عسى يحددولي موعد ولادتي وأرتاح
دعواتكم لي |
رد: دردشة حوامل من الشهر السابع للتاسع ( جديد )
حضنك يدفيني/الماسه
يالله مالنا إلا الصبر وهانت مابقى شئ |
رد: دردشة حوامل من الشهر السابع للتاسع ( جديد )
ربي يسهلكم
الماسه انتظري تولدي طبيعي الله بيسهل |
رد: دردشة حوامل من الشهر السابع للتاسع ( جديد )
مرحباً صبايا
امس الصبح كان موعدي التدوير تعبت مرره وبالاخير ما لف معها البيبي كان مرره مؤلم وللحين بطني يوجعني وأمس طول الوقت عندهم ماطلعت الا 10 بالليل خافو كل ساعة يسون لي تخطيط يتطمنون ع البيبي والحمد الله انه بخير وحددت لي الدكتوره عمليه بتاريخ 8/7 تقول بسويه لك بنج نصفي |
رد: دردشة حوامل من الشهر السابع للتاسع ( جديد )
أشحالكم كروشات
الله أيسرلكم ولادتكم وترزقون بأطفال معافين كروشات حبيت أسالك في شهركم السابع حسيتوا بألم تحت الظهر والبطن كأنه ألم ولاده بس على أخف ويستمر ساعه تقريبا ؟؟؟؟؟ أنا صارلي يومين أحس بذا الالم وأمس كنت عند الدكتوره وعملتلي سونار وقالت كل شي تمام بس ماخبرتها بلي أحس فيه لان زاد عندي فترة مساء أمس يعني من بعد.مارجعت من المستشفى يريت أحد يفيدني هل هذا طبيعي أو بدايه طلق بس على بطيئ وانا.مابكريه وأحس بالم عند السره هل هذا عادي من مثلي ؟؟ |
رد: دردشة حوامل من الشهر السابع للتاسع ( جديد )
الله يسهل علينا وييسر لنا
حرم نايف الله يكتبلك مافيه الخير وييسرلك مرايم المفروض تقولين لها حتى تطمني اكثر , لكن اتوقع انه شي طبيعي لان الثقل والتعب يبدأ من السابع .. انا اليوم بعد العصر طلعت الممشى ومشيت ليييين هلكت ,, ماجلست الا على اذان المغرب ,, ان شاء الله يجيب نتيجه وينزل الجنين اكثر واولد ,, الله يسهل وييسر . |
رد: دردشة حوامل من الشهر السابع للتاسع ( جديد )
مشكوره غيداء على ردك لسؤالي
والله مابعرف سبب ألي أحس فيه هو الثقل موجود رغم أن بطني مومبين كبير وزني مازاد كثير بس الثقل والتعب موجود للأبسط مجهود بس الالم هو الغريب الله يصبرنا |
رد: دردشة حوامل من الشهر السابع للتاسع ( جديد )
هههههه بنات انا زوجي مايقول لا بس كسول وبحكم انه تعباان عنده ضمور عضلي الله يشفيه بالاطراف
عشان كذا يطفش لانه يتعب بالسياره جالس يتعب فهمتوو اما بنسبه للي قالت ان الملائكه تلعني احب اقولها لا حبيبتي لان اصلا زوجي معطيني الاذن من يوم تزوجته اللهم لك الحمد ماشاءالله تبارك الله اني اطلع بدون مااقله اني رايحه اواشرحله بحكم اني لوحدي هنا ولااعرف احد سوا جارتي الله يسعدها ودايم اطلع امشي بالليل اذا ماطلعنا بالنهار |
رد: دردشة حوامل من الشهر السابع للتاسع ( جديد )
غيداء انا سوويت مثلك اليوم
من بعد المغرب طلعت امشششي حتى تعبت وحسيت بطتي تحجر مره ودفع لاسفل قووي انا حاسه قيه من الظهر بس من المشي كأنه زاد .. ولما جلست وريحت خف وناويه كل يووم اطلع امشي ساعه على الأقل. . |
رد: دردشة حوامل من الشهر السابع للتاسع ( جديد )
اقتباس:
حرم نايف الحمدلله والخيرة فيما اختاره الله العملية افضلك وتخلصين بدري لاتعوشرين وخرعني التعوشر |
رد: دردشة حوامل من الشهر السابع للتاسع ( جديد )
بنات يعني اذا تحجر البطن يدل انه فيه ولاده لان انا بطني يتحجر ولايتحرك الجنين واذا مشيت احس يزيد واحس بقوه دفع بس مدري كيف اوصف والالام زي الصوالب البرق برجولي كلها وبذات الاوراك والفخذ وعلي فكره انا بعد ماوسعت لي الدكتوره نزلت مني افرازات كثير يومين وتوقفت مدري هي طبيعيه اوكيف مدري فريحوني اذذا احد يعرف
|
رد: دردشة حوامل من الشهر السابع للتاسع ( جديد )
رنيم
ترى المشي زين على الاقل وقت الولاده يكون الطفل قريب ونازل وانا بعد مثلك جاني تحجر بالبطن والم اسفل البطن .. لكن الالممممم برجولي ,, الله ييسرلنا . حضنك يدفيني تحجر البطن شي طبيعي بالشهور الاخيره بسبب التقلصات .. اما عن الافرازات فعادي شي طبيعي ,, |
رد: دردشة حوامل من الشهر السابع للتاسع ( جديد )
بس الافرازات نزلت بعد التوسيع بساعتين وبدايته افراز مخلوط بدم وبعدين افرازات فاتحه تفاحي وغامقه وجلست لين البارح يعني يومين
|
رد: دردشة حوامل من الشهر السابع للتاسع ( جديد )
بنات اليوم رحت المستشفى العصر وكشفت وطلع فاتح 1 سم
وسويت تخطيط فيه طلق بس خفيف ونزلت علي افرازات الساعه 1 قبل شوي ورحت لهم وقالت بكشف لك بالمنظار قالت وضع الطفل مافيه شي بس هذي السداده بتنزل الحمدلله الطفل يتحرك وقالت بحجزك تحت الملاحظه عشانك جيتينا مرتين وانا قلت لها مابي هل تنزل السداده والرحم فاتح واﻻ الرحم مقفل للعلم اني حاسه باﻻاﻻم بس محتمله ماهي شديده بالبطن والظهر الله يخليكم ردو علي انا باﻻسبوعى39 و 6 ايام |
رد: دردشة حوامل من الشهر السابع للتاسع ( جديد )
صباح الخير اخباركم
اسوم الله يهون عليك والله ماادري عن السداده بس اكيد اذا فاتح ولاتروحين لهم لاتستعجلين ليين تتعبين مره انا والله يابنات مامشيت مع اني دخلت الاسبوع ٣٨ رجولي لها يومين شددد عضلي مانمت منه امس بس اتحرك كثيرررر التقلصات التحجر عاديه زي قبل تجس وتروح جهزت ادويتي بقى لي الصيدليه خايفه باي لحظه تجيني ولاده ووودي بنفس الوقت يارب يسرها لنا اجمعيين |
رد: دردشة حوامل من الشهر السابع للتاسع ( جديد )
حضنك يدفيني
انا يوم تنومت كانو اذا كشفو علي ينزل افراز ودم خفيف وبعدين يوقف .. وان شاء الله انها طبيعيه ﻻ تخافي . |
رد: دردشة حوامل من الشهر السابع للتاسع ( جديد )
ام ديومه الله يسهلك وييسرلك ولنا اجمع.
|
رد: دردشة حوامل من الشهر السابع للتاسع ( جديد )
اقتباس:
شوفي بنت عمي نزلت عليها السدادة قبل الولادة باسبوع بس ماكانت تمشي ابدا ابدا عاد انتي امشي واضغطي على نفسك بالمشي وان شاء الله تيسر ولادتك |
رد: دردشة حوامل من الشهر السابع للتاسع ( جديد )
صباح الخير
بنات مكذب عليكم من امس بالليل الساعه 3 اﻻاﻻم ببطني مغص زي الدورة بالضبط ويشتد وينزل ع ظهري يقعد 20 ثانيه ويفك ويرجع بعد 2 الى 3 دقايق الين اﻻن وهو يشتد طبعا غير اﻻفرازات الدويه الكثيره الي بتنزل علي شسوي البيبي يتحرك بس مدري ايش اسوي احس ببكي والله امس ماتنومت عشان امي مابغاها تتنوم معاي مكيفاتهم بارده وامي ماتحب البرد شسوي اقولهاا ارجعي البيت تقول بقعد معاك تكفوون بنات علموني شسوي |
رد: دردشة حوامل من الشهر السابع للتاسع ( جديد )
اقتباس:
تروشي بمويا دافيه وشوفي يزيد ولا لا اذا يزيد وتقارب المدة بين الطلقه والثانيه معناها ولادة الله يسهل عليك بهذي الجمعه المباركة وحنا معك |
رد: دردشة حوامل من الشهر السابع للتاسع ( جديد )
تروشت وصار يجيني المغص والطلق كل 15 دقيقه بالضبط
واحس سخونه بسيقاني واعرق كثير واﻻفرازات البنيه لونها قرمزي لسا تنزل علي خواتي يقولون روحي وانا اقول لما يتقارب الطلق والمغص اروح مع اني احس بالم قاص ظهري قص شورو علي بنات ؟؟؟؟ |
رد: دردشة حوامل من الشهر السابع للتاسع ( جديد )
اه سوما
بطني مغصني انا يجيني طلق يألم الاربعاء أخذ من ساعه الليل١١لين الفجريه كل ساعتين الم وراح لمن صحيت والبارح كل ساعه أخد من ساعه ١١ الليل لين ٩مدري٨ الصبح ولمن صحيت خفيف حتى حركه البيبي مع الالم فضيعه وما اقدر امشي وقتها الله يسهلها علينا بس مدري شسوي احس اني خلاص تعبت وأمس ما مشيت بس رحت للأهل والبيت درج وأمي بيتها درج وبيتي درج قلت يكفي ما ادري ليه بس يروح ويجي |
رد: دردشة حوامل من الشهر السابع للتاسع ( جديد )
يا حياتي "يالله رضاك والجنه "
انا من زود الخوف ماتغديت وﻻ اكلت حتى فطوري كان خيار وطماطم وصار مغص بطني متباعد كل 15 الى 20 الى 30 دقيقه وبعدها يجي اما الم ظهري مستمر جالسه واقفه نايمه مستمر وسيقاني حراره كل مابروح اقول ﻻ شوي البيبي يتحرك مدري شسوي |
رد: دردشة حوامل من الشهر السابع للتاسع ( جديد )
يالله رضاك. وسوما. الله يسهل لكم يارب
��. انا حالتي النفسيه جدا سيئه أحس نفسي ابنفجر بكااااء من البارح باليل وفعلا اليوم بس ابكي. حزينه مره. واحس البيبي متوتر يارب ارحمنااااا❤️ |
رد: دردشة حوامل من الشهر السابع للتاسع ( جديد )
احس نفسي تعبت من الثقل احس بعض الاحيان روحي بتطلع
تعبت ابكي ومو طايقه كلمه |
رد: دردشة حوامل من الشهر السابع للتاسع ( جديد )
الله يهوون عليكم امشو وكلو رطب والله ييسرها لكم
فوئه افا ليه ياقلبي اشغلي نفسك وقولي التاسع قرب وتفائلي دايما والله صبرك طول هالفتره يصبرك هالشهر وانا اختك انا والله مشغله نفسي بلبيت والاغراض مافكرت بالولاده مع اني تعبت وقربت بس الحمد لله ربي يقول انا عند حسن ظن عبدي بي سبحانه ف خلي عنك وساوس الشيطان وووانسي الحمل والولاده وانبسطي بيومك لاتفكرين ببكره الله يقر اعيننا بشوفتهم متعافيين وننسا هالتعب كله |
| الساعة الآن 07:27 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .