|
رد: حبيباتى سيدات ليبيا تفضلو لأعرف ما حالكم
الخميس كانت لــــــــــــــــــــــمة العويلة الرمضانية
يعني يجوا يفطروا البنات بعائلتهم والأولاد بعائلاتهم وبدي يلحقوا حتى الأحفاد الله يبارك مهرجـــــــــــــــــــــــــان وديما نقسموا في المهام باش مايجيش الكيد علي حد ودرنا الآتي شوربتنا العربيــــــــــــــــــــــة أرز بلاو بالخلطة ــــــــــــــــ من ايدياتي مبطن شاورما بوريك بالمفروم خبيزة محشية نوعين سلاطـــــــــــــــــــة الفاكهة " عنب حبيب قلبي ، خوخ ، كاتلوبي ، اجاص " عصائر ومشروبات الحلو غريبة حمص ، بسبوسة الشكلاولاتة ، بقلاوة وكانت لمة ممتعة تخللتها مسابقات وجوائز للصغار وربي يحفظ اميمتي ويشفيها ويعافيها ويحفظلي أوخياتي وأوخييني |
رد: حبيباتى سيدات ليبيا تفضلو لأعرف ما حالكم
صحتين أم فروسي
سفرة دايمة بالخيرات وسلميلنا علي جارتك ~~~~~ أيه تشيكو ماركة صديقة لنا ............... لكن مايعطوش فينا بلاش خخخخخخخ العام الماضي في تخفيضاتها خديت لدودي بدلة تي شيرتها أبيض بالأحمر وقونتها حمراء بالأبيض على أساس للعيد وخديتلها قفطان قطني حتى هو أبيض فيه ورود صغيرة بالأحمر بـــــــــــس بسيط وقلت هذه بدلة العيد خديتها من توا وداره الزمان وبعتولي أن البضاعة الجديدة جاءت مقدرتش نقاوم ،،، تسبلت نبي ناخد لبنت أختي شنطة البيبي اللي يقعد فيها وعمره شهور هدية لبنوتتها اللي مازال ماجتش المهم مشيت وشفت قفطان مووووووووووف هادي بالدانتيل على الأكتاف ومن تحت بالدانتيل عجبني على الآخر ومعاه حذاااااء نفس اللون بالظبط روحت وأني نخمم فيـــــــــــــــه قالي زوزي : خلاص مش خديتيلهم وهذاك اليوم نشوف فيك ترتبي فيهم "" ما هو خديتلها حتى قفيطينات ثانيات حوايج البنات لا يقاوموا "" مشيت كتبتله رسالة بابا حبيبي أني خاطري في القفطان الموف لو ممكن تشريهولي بنوتتك الدلوعة والمحبوبة ~~~~ بعد ما روح قاللي وتي روحك بعد التراويح بنطلعوا نجيبوا للمحبوبة شن تبي خخخخخخخخخخخخخخخ |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
نكتب والفجر قريب نص ساعة كيف حالكن كلكن حبيبات الفلب المهم ربي مايحرمني من نصائحكم وان شاء الله ديمة صحيحات اثري ان شاء بنحاول معاه بس هو عنيد بشكل مزعج وبصراحة هو من رديت من طبرق وتغير عليه الجو صار امعاه احتقان تخيلن ثلاث معايانات وماصار شي لين خزا الابرة امتاع البنسلين وان شاء الله نبد معاه من جديد فعلا اهم شي الاساس بارك الله فيك |
رد: حبيباتى سيدات ليبيا تفضلو لأعرف ما حالكم
اليوم درت العزومة
عصبان ... طبعا عصباني حاجة من الاخر لين امخيبة زوجي كل ما يذوق عصبان يقولي مش كيف عصيبيناتك خخخخخخخخخ...0 وبراك عنب وابيض ورز بالخلطة وشريبتنا الحلوة ودجاج بالخلطة ومحمر وبيتزا وطبعا الخبزة وسلاطة ودرت بسبوسة بالنسكافية ووكسترد وعصائر وقزوزة وبطيخ ودلاع وخوخ وعنب وعوينة وتفاح أي آي تعبت وسلامتكم |
رد: حبيباتى سيدات ليبيا تفضلو لأعرف ما حالكم
صح سوسو السفرة نفسها
زي ماعارفة نفطر مع حوش عمي فقصيته عندهم وخديتلكم صورة قبل مانمشي مستعجلة لا احبيبة مش سايحه بالعكس تعطي شكل حلو حتي بعض التقصيص ومع هدا مش ضرورية |
رد: حبيباتى سيدات ليبيا تفضلو لأعرف ما حالكم
ياعيني حتي هما اهلك تشكلي علي خاطرهم
زي حالتي عارفة خوتي يحبوا الحاجات الرقيقة كيف درتي البوريك بالماكينة او علي طاجين لو يندار علي طاجين تيفال فوق حمام مائي واستخدمي فرشة لطرح الخليط او شنوووو هدا التارت سوسو يكون احجام ويكون حار حلو ..................................... https://fbcdn-sphotos-d-a.akamaihd.n...31020502_n.jpg |
رد: حبيباتى سيدات ليبيا تفضلو لأعرف ما حالكم
اثري سوسو بدت اتكثر واتشكل
الرمانة هي نفسها العصبانة علي مااعتقد السنة هذه تحدي بيني وبين السويسرول لازم يجيني كويس والحمد لله زبطت من اول مرة |
رد: حبيباتى سيدات ليبيا تفضلو لأعرف ما حالكم
أم فراس مبارك ملابس السنافر
|
رد: حبيباتى سيدات ليبيا تفضلو لأعرف ما حالكم
ان شاء الله ديمة ملمومين اثري
سفرة دايمة |
رد: حبيباتى سيدات ليبيا تفضلو لأعرف ما حالكم
ان شاء الف لاباس اوشي
ماشاء الله عليك مشكل ومنوع امممم سهفتيني في عصيبيناتك ما السر فيهم |
رد: حبيباتى سيدات ليبيا تفضلو لأعرف ما حالكم
اليوم درت خبيزة بعجينة العشر دقائق
القيت عندي طريقة ليها من غير دحي روعة روعة ودرت بيها اول امس خبيزة الظفيرة وامس درت بالعجينة يلي الجاهزة يلي حطيت صورتها قبل وكان الحشو دجاج ودرت كيكة السينابون طلعت اتجنن بس زوجي لم تعجبه والسبب طعمتها غريبة عليه فيها القرفة والصوص كان نصف علبة جبنة فيلاديلفيا وسكر ناعم وحليب محلي وزبددة مفيش من اكتشف وجود الجبنه عن نفسي عجبتني بس لو كان طاجيني اصغر حتي كانوا طبقات الكيك منتفخات اعلي ووووووو بالتفصيل |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
امس درت اسكالوب بانيه ... وجا طعمه يجنن هو وقوارب البطاطا بالدجاج و سوتيه خضار باللحم ملفوف بورق الالمونيوم
وتشيز كيك .. وجارتي دارت الشربة والكيميا وهذي الصور http://forum.hwaml.com/imgcache2/hwa...019533_203.jpg http://forum.hwaml.com/imgcache2/hwa...019532_581.jpg |
رد: حبيباتى سيدات ليبيا تفضلو لأعرف ما حالكم
هلا ام فروسي
يلي قلتيهم ماعرفتش فيهم الا التشيز كيك اعطينا الطرق |
رد: حبيباتى سيدات ليبيا تفضلو لأعرف ما حالكم
وهذي السفرة كامله ... زوجي وصاحبه بس فطروا عشان عطله الشباب بيفتلكوا بروحهم ماجوش
http://forum.hwaml.com/imgcache2/hwa...020187_892.jpg وهذي التشيز كيك درتها بالكراميل هالمره... وطبقة البسكويت تفتفت اشوي درتها بالصبح ودايخه ماكثرتش الزبدهـ بس عجبتهم الحق http://forum.hwaml.com/imgcache2/hwa...020187_362.jpg |
رد: حبيباتى سيدات ليبيا تفضلو لأعرف ما حالكم
اهلا جنودة شخبارك ... شن بتديري فطورك اليوم؟؟
|
رد: حبيباتى سيدات ليبيا تفضلو لأعرف ما حالكم
نبدا باسكالوب بانيه...
طريقتي الخاصه هي اني نشرح صدور الدجاج ونتبلها بالخل والليم والثوم والبصل والفلفل الاكحل والزنجبيل والحرارات والملح ..او تقدري تضيفي تتبيلة الدجاج ولو عندك ثوم بودرة تخلي الدجاج ف التتبيلة اقل شئ 6 ساعات ... خلاص بعدها تغلفي بالدقيق والدحي والخبزه وتقلي ف زيت عميق... وبم اني نحب جو التزيين درتلهن من فوق مايونيز وحبة لوز خزايني نحن نقولوله او مايعرف بالجوز تحطيه عالجبنة بوك او مايونيز عشان تمسك وهذي فكرة من اختراعاتي اندير فيها حتي للكفته بس احلي بالكاجوو هههههه مرة شلته لعربي السنة اللي فاتت سلوفايا خوت زوجي عجبهم سموه عين الجمل خخخخخخ كنت مزينته بكاجو وتحته بجبنة بوك بالنسبة لرمضان تقدري تصغري شرائح الدجاج نفس مادرت نا وف الايام العادية كبريهن وحلوات ف العشوات مع بطاطس مقليه وخضروات |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
الســـــــــــــــــــــــــــــــلام عليكم ورحمة الله وبركاته
أهلا حبايب ،،،،،،،،،،، منو موجــــــــــــــــــــــــــــــود ؟؟؟ |
رد: حبيباتى سيدات ليبيا تفضلو لأعرف ما حالكم
اليوم جربت طريقة الباذنجال بالباشميل
حلوة ولذيذة للي يحبووووووو الباشميل ودرت معاه بوريك بالمفروم وكرات الجبن والبطاطس شوربـــــــــــــــــــــــــــــــة ولقيمة بازين للزوج العزيز أوشــــــــــــــــــي عزومة فااااااااااااااايحة يعطيك الصحــــــــــــــــــــــــة سؤال مكرر / شنو سر عصيبيناتك ؟؟؟؟؟؟؟؟؟؟؟؟؟؟؟؟؟؟ |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
صحة فطورك اثري...
شهيتيني عالباذنجال بالبشاميل يمممممم... |
رد: حبيباتى سيدات ليبيا تفضلو لأعرف ما حالكم
اليوم درت طاجين البرقر ... بس درته ف الطاجين الدائري وقصيته مثلتات ... قبل ديما مربعات
ودرت شرائح بطاطا بالمفروم ... وبيتزا خضروات بالموزاريلآ اي بدون صلصه وجت طعمتها خياااال والشربه وجارتي دارت بكبوكي وسلطة...... |
رد: حبيباتى سيدات ليبيا تفضلو لأعرف ما حالكم
أهلا أم فروســــــــــــــــــــــــــــي
حلوووووووووووة قوارب البطاطا بس سهل تشكيلها زي القارب ؟؟؟؟ |
رد: حبيباتى سيدات ليبيا تفضلو لأعرف ما حالكم
هلا وغلا اثري
سهلة جدآ ... مجرد ماتقسميها نصفين ابدي احفريها بالنص الي الاجناب انا درتها بحفارة الكوسه انتحكم فيها ميه ميه... |
رد: حبيباتى سيدات ليبيا تفضلو لأعرف ما حالكم
إممممممممممممم
وإنت شهيتيني علي البيتزا بالخضروات كيف طريقتها وفكرتها ؟؟؟؟؟؟؟؟؟؟؟؟؟؟ نموت في حاجة الخضروات ياسعدودها جارتك نصيبها جت مع وحدة فاااااااااااااااااالحة راهو راجلك يحس في روحه فخور بيــــــــــــــــــك |
رد: حبيباتى سيدات ليبيا تفضلو لأعرف ما حالكم
عزيزتي اثري ..بالنسبة لقوارب البطاطس
هي الجبنة دايرتها مثل علامة الضرب ( حرف اكس) وليس بالصليب... عموما تقدري اتشكليها بالجبنة مثل ماتحبي شرائط ,,, او بشكل طولي فقط شريط جبنه واحد او علي هيئة مربعات(زليزات يعني) ونورتي ياغاليه... |
رد: حبيباتى سيدات ليبيا تفضلو لأعرف ما حالكم
بالله شن أخبار الحمية والريجيم
أم فروسي أني مشيت كويس أول رمضان ونزلت في أسبوع ثلاثة كيلو وبعدين فطـــــــــــــــــــــــرت وسبحان الله ماجتنيش من بعد ولادتي بـــــــــديدي وجتني توااااااااااااا وبديت ناكل على طول اليووووووووووووووم ونحس في روحي رديتهم وزدت عليهم إهئ إهئ إهئ |
رد: حبيباتى سيدات ليبيا تفضلو لأعرف ما حالكم
عـــــﻦ ﺛﻮﺑﺎﻥ ﻗﺎﻝ_ صلى الله عليه وسلم ﻗﻠﺐ ﺷﺎﻛﺮ ﻭﻟﺴﺎﻥ ﺫﺍﻛﺮ ﻭﺯﻭﺟﺔ ﺻﺎﻟﺤﺔ ﺗﻌﻴﻨﻚ ﻋﻠﻰ
ﺃﻣﺮ ﺩﻧﻴﺎﻙ ﻭﺩﻳﻨﻚ ﺧﻴﺮ ﻣﺎ ﺍﻛﺘﻨﺰ ﺍﻟﻨﺎﺱ # ﺻﺤﺤﻪ_ ﺍﻷﻟﺒﺎﻧﻲ ﺻﺤﻴﺢ ﺍﻟﺠﺎﻣﻊ |
رد: حبيباتى سيدات ليبيا تفضلو لأعرف ما حالكم
بالنسبة لبيتزا الموزاريلا بالخضروات
اتديري عجينتك اللي تدير فيها لعجن البيتزا متاعك ,,, يفضل تكون رطبه بس ومش منتفخة تطرحيها بشكل دائري وتبدي تحطي اول شئ شرائح طماطم بالكامل ثم الفلفل الحلو احلي لو كان لونين مثلآ اخضر واصفر وفلفل احمر او اخضر حار ع حسب الرغبة اليوم وتيته وانسيته خخخخخخخ زهايمر... واتحطي الزيتون بعدها بعدها اترشي الزعتر عليها بالكامل ومن ثم اتغطيها بالجبنة بس ضروري تكون موزاريلآ..... وتدخليها الفرن ... تحمر واتطيب من تحت وبعدها اشوي من فوق وصحة وعافيه |
رد: حبيباتى سيدات ليبيا تفضلو لأعرف ما حالكم
اقتباس:
يكمل الشهر الكريم وبعدها ساهل .. بس ماشاء الله 3 كيلو ف اسبوووع انجاز ... بس رديتهن عاد خخخخخخخ حتي انا فطرت 7 ايام ويومين مرضت ...زادني اشويه بس الحليب والاجبان والزبادي كلهن خالي دسم ونشرب ف العصائر اللي سعراتهن الحراريه اشويه عشان مانزيدش سعرات حراريه واجد عالوجبة... مثل عصير الرمان والتفاح والبرتقال والليمون ومسيبه الكوكتيل والمانجوو والعنب سعراتهن واجد طبعا مع المشروبات الغازية يعني محافظه اشويه |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
http://forum.hwaml.com/imgcache2/hwa...055256_460.jpg
وهذا فطور اليوم طبعا البكبوكي جارتي قالت مادرناهش لهم ... عادة نحن مانديروش فيها برمضان... وهذي طاجين البرقر من قرب http://forum.hwaml.com/imgcache2/hwa...055255_863.jpg |
رد: حبيباتى سيدات ليبيا تفضلو لأعرف ما حالكم
ربي يحفظ بنغازي ان شا ء الله ...
كل مانحط ع ليبيا الاحرار وقت الفطور انشوف ف الساعه بالضبط عشان نفطر .. نلقي شئ صاير يوم قتل ويوم هروب مساجين الكويفيه ويوم اغتيال محامي ناضل بثورة 17فبراير واليوم تفجير المحكمة تسكر نيتي وترقالي ...لعند امتي تقعد هكي بس قعدنا كيف العراق ... |
رد: حبيباتى سيدات ليبيا تفضلو لأعرف ما حالكم
اقتباس:
اقتباس:
صحتين وهن اقتباس:
|
رد: حبيباتى سيدات ليبيا تفضلو لأعرف ما حالكم
بالنسبة للعصبان السر هو
نفسي |
رد: حبيباتى سيدات ليبيا تفضلو لأعرف ما حالكم
خخخخخخخخخخخ .. شن رايكم في الغرور
والله لا سر لا حاجة طبعا انا انكثر في الكسبر اكثر من المعدنوس ولو عندك كسبر خضر امداير زراعة الله احلى واحلى واكيد شبت وحبق ضروري ضروي مع شوية اكليل جبل وكبيدة وشحيمة وبهارتي اللي انحط فيهم بزار اصفر فلفل اكحل وحرارات واشوية قرفة وزنجبيل واحشي توة |
رد: حبيباتى سيدات ليبيا تفضلو لأعرف ما حالكم
ام فراس شن هالابداع سلم يدياتك
خطرتي علي قوارب البطاطا بكرة بنديرهم وعلى فكرة انا اندير فيها بالمفروم وتطلع اتهبل بس توة انجربها بالدجاج وعلى فكرة فيه قوارب الكوسة حتى هي اتهبل والاحلى انك بدك الجبنة اتحطي بشميل جربوها وادعولي |
رد: حبيباتى سيدات ليبيا تفضلو لأعرف ما حالكم
سوسو وجيجي وينكن ان شاء الله خير
|
رد: حبيباتى سيدات ليبيا تفضلو لأعرف ما حالكم
اهلا اوشي نووووووووووورتي يا غالية...
سر عصبانك قريب من عصباني حتي انا انكثر في الكسبر ولازم شبت واكيد نعناع اخضر وحبق ...وبصل اخضر واشوي معدنوس وتقول اجديدتي حلاوته بتقريض عروق الكسبر والمعدنوس... وضروري انديرله كبدة ولحيمات وطشة شحم وطني وكان توفرن كلاوي ... ومانكثرش في الرز واجد ...وبههاراتي حرارات وكركم واشوي فلفل احمر وزنجبيل وهيل مطحون... وفي العيد انتبع في طريقة ماما واجديدتي الله يرحمها انقرضوا في البو سبع طبقات هضا اللي تنظيفتها طلقت صبايا خخخخخخخخ حسب مايحكوا... بوطبق يفوح في العصبان طبعا بعد تنظيفه كوووووووويس وتقريضه ازغيروون... وانحط فيه يطبخ نفس طريقة المحشي يعني ع عروق الكسبر والمعدنوس وانحط في شرائح ليم واشوية مية مع عيدان حرارات وقرفه وحبوب هيل وورق الغار وانعلي النار في الاول بعدها انهدي وانغطي طنجرتي ومعش اندورها الا بعد يطيب ... بالنسبة لماما وهلي يطبخوا فيه بمية فيها اشوي فلفل حمر وكركم ويطلع طيب جدا درتها مرتين هالطريقه وسيبتها تقعدي خايفه من تطربيق المصارين مع ان بعد تفريهن بابره وماتحشيهن واجد عادي مايصير شئ بس حسيت طريقتي الجديدة ريحتني جدا جدا وتزيد تفوح بالعصبان... خصيصا بعد يطيب وتحطيه في الكوشه يم يم توا بكرة انحطلكم صور العصبان,,, وعجب اصحاب زوجي عصبان في وسط نيوكاسل البريطانيه بمصارين بقر مهربات تهريب من الباب الخلفي للسلخانه ههههههههههه حكيتلكم القصه قبل |
| الساعة الآن 03:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .