|
رد: تجمع حوامل ليبيا
ميرنا .. يا سمحة السمحات .. يانا علي .. (خلي بنكلمك بالشرقاوي ) لنقنهم مطلعين دواوي قال ان المنطقة الشرقية فضت من الأرواب وقفاطين النوم السمحات وقالو إخرا .. ان مصر بدت تشكي من كلبيات بدالي الرقص لليبيا وان رقاصات مصر ما عاش خليتيلهم ما يلبسو .. وهذا كله تبعوه لقو وحدة اسمها ميرنا تاخد وتشري وهيا مدايرة سبلة الحمل وطايحة تلبس للراجل ليل ونهار وترقصله .. وقالو حتى باب الشقة مسكراته على صبياتك ومعش شافوك
هي الشهر هاذا بعد ماتحملي انشاالله شن السبلة اللي بتدريها .. وهالشلاتيت اللي شريتيهم وين بتديريهم قوووليلييييي |
رد: تجمع حوامل ليبيا
لولي السموحة .. كيف حال لينا .. شن مدايرة فيك توا .. راهي ولت تهبل تبارك الرحمن
|
رد: تجمع حوامل ليبيا
والله يا ايوته فراس حاله باهي .. لكن سارة كان نحكيلك شن صارلها بنيتي الاما تدمع عيونك
|
رد: تجمع حوامل ليبيا
كيف حالكم يابنات
مبارك الولادة ياعيون والحمد لله على سلامتك ماترعشيش روحك الحمد لله نجا ولدك وان شاء الله يملا عليك الحوش بضحكه ولعبه |
رد: تجمع حوامل ليبيا
نعمة مرحبتين بيك وان شاء الله ربي يسهل عليك الولادة
|
رد: تجمع حوامل ليبيا
بوسي شكله جوك مش عادي ....تسمني هلبة في الحبل وبعده.....قصقصة تاني ههههههههههه
|
رد: تجمع حوامل ليبيا
سورينام ربي يعاونكم على الصيانة
والله واعرة ان شاء الله تكملو بسرعة وتنوري المنتدى من جديد |
رد: تجمع حوامل ليبيا
تذكري بعد ما حطينا صور صغارنا في التجمع فترة وبعدين خشت اختنا راجية الفرج من ربها ونبهتنا ان نحل صور الصغار لأنها قرت ان ولدك تسكر على صبعه الباب وسرورة ينت عيون طاحت على فمها .. طبعا هيا شافت ان العين صابت الصغار .. بعدها على طول حولت صورة سرورتي .. والله العظيم يا بنات وفي نفس الليلة بنيتي ناضت بنيتي تعيط في الليل وتحك في ايديها ورجليها وتقوللي ماما دِدَِي دِدِي .. وفي الصبح نلقالكم رجليها وايديها طالع فيهم حب مفنقر حاشاكم والبنت تحك وتعيط .. ماخليت وين طرت بيها اني وبوها وهيا يومين عل هالحال لحد ما حصلنا دكتور في عيادة المنصورة عطاها مضاد ماشاالله والحمدلله توا كويسة ..
اني نبي نقوللكم ارجعو لكلام راجية ومعاش تحطو صور لصغاركم |
رد: تجمع حوامل ليبيا
لولي شن اخبارك
لاباس عليها بنيتك ياسورينام ربي يحفظها من كل شر |
رد: تجمع حوامل ليبيا
سورينام معاك حق والله
في ناس متسميش بالله وهدا اكبر غلط ربي يحفضهالك يارب ارقيها ديمه وان شاء الله الف لا بائس عليها والله وجعتني هلبا تقول بنتي حسيتها فسط كبدي من داخل |
| الساعة الآن 08:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .