|
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير صبايا كيفكم
والله واحشيني كتير معلش انا غبت عنكم شوي والله كنت مشغوله مع بنوتي رحت على الدكتوره وفحصت واتصورت واطمنت على وضعها ماشاء الله عليها زايد وزنها صاير 784 جرام واعطتني الدكتوره صوره الها حتى الدكتوره كيفت عليها وهيه بتلعب ببطني وبتتحرك كتير ما بتركز في مكان واكتر شي انبسطت على رقبتها بتقولي بنتك رقبتها طويلة كتير ماشاء الله حلو كتير وهيه كمان طويلة الله يخليها الي يارب اما بالنسبة لسهى مرت خالو اكيد مشغوله مع ولادها الله يكون بعونها بعدين هيولدوها قيصري اخر الشهر ادعولها الله يخليكم، وبعدين خالوو بكره جاي من تونس اكيد مش فاضية تفوت هالايام بجد واحشني كتير جارة وحواء وعيون المها واحساس انثى وغموض انهى واسماء ومايا كلياتكم يا اغلى أخوات |
رد: دردشة بنات فلسطين, دردشة حوامل فلسطين, تجمع بنات فلسطين
اسماء انتي شو قصتك
مش منيح ع فكرة تضلك منكدة لانك حامل كتير بيأثر ع البيبي وعليكي عنجد حاولي انك تفرحي حالك شوي يابنتي ولازم تضلك متابعة مع الدكتورة |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا صبايا:
بينك روز ما شالله ما شالله ربي يقومك بالسلامة انت باي شهر؟ عيون المها ان شالله زوجها يوصل بالسلامة و يقومها سالمه يارب ., حواء صحتين على قلبكم اسماء الله يسامحك مالك ...روحي على بيت اهلك او عند بيت حماك ولا انتي مغتربه اليوم انا حجزت عند الدكتور ان شالله بخبركم شو بيقولي ... بنات اللي بلشت اتجهز تقلنا شو بتشتري لحتى تذكرنا باشياء ممكن ما نكون شارينها واذكروا الحجم بلييييييييييييز يا جماعة مش متحمل الم ايدي اليمين حاسس كانه حد ضارني عليها باقصى قوته مش قادره احركها ............. اول مره بسمع بعصير القصب طيب كيف علبته لحتى اشتريه |
رد: دردشة بنات فلسطين, دردشة حوامل فلسطين, تجمع بنات فلسطين
هلا حبيبتي جارة انا هلا بنهاية الشهر السادس
ويسلمو كتير الك حبيبتي على السؤال بالنسبة لعصير قصب السكر مابنباع بعلب هاد انتي بتروحي على محل عصائر فرش بيعصره قدامك وبتشربيه كتير زاكي انا كتير بحبه وبشربه بروح انا وزوجي وبعصر النا عودين قصب سادة من غير اي اضافات كتير لزيز بنصحك تجربيه بعدين مفيد كتير للجسم وطارد للاملاح والالتهابات |
رد: دردشة بنات فلسطين, دردشة حوامل فلسطين, تجمع بنات فلسطين
مساءكم خير يا بنات كيفكم يا رب تكونوا بخير ,.
ولا يهمكم رح حاول ادير بالي ع نفسي اكتر واي انا مغتربه يالغلا اليوم رحت لـ عند الدكتوره وحكتلي الجنينراسه نازل لـ تحت كتير كتير وممكن ولاده مبكره وكتبتلي ابر للرئتين ...!! وكمان معي التهابات قويه جدا جدا واعطتني علاج وان شاء الله اتحسن عليه ,. برده حكتلي انه في تكيس على المشيمه بس ما فهمت السبب او كيف ممكن يختفي هالتكيس... واللي عندها فكره يا ريت تحكيلي شو عملت ...!! وكمان دمي ناقص عن الأول ووزني من شهر ما تغير 75 من الشهر السابع ... وزن البيبي 2كيلون و200 غرام ... اموره منيحه بس حكتلي ديري بالك ع حركة الجنين خوفتني ... بالنسبة للابر بتوع الرئتين مين فيكم أخدها ...!!وشو اعمل للتكيس تبع المشيمه وهل في احتماليه اولد بالتامن مع انه ضايل 10 ايام وبدخل بالتاسع ... |
رد: دردشة بنات فلسطين, دردشة حوامل فلسطين, تجمع بنات فلسطين
مساكم فل ياصبايا
بينك روز منورانا ... سلميلنا على سهى اكيد مشغوله ... وان شاء اله يجي جوزها بالسلامة جارة القمر انا يلي شريتو بس روب حمام حصت عليه مع انهم بحكولي لسن 5 شهور او لما يبدا يمشي بس مااستنيت انبسطت عليه متل الكبار روب بطقيه وشبشب الله يعزكم وفوطة للحمام طبعا كلوا نظام بشكير اسماء حبيبتي ديري بالك ع حالك والله كمابعرف شي عن حالتك غير انك ماتحملي تقيل ولا تتعبي حالك عشان الراس ترجع لوضعها الطبيعي وما تولدي بكير ... وان شاء الله وضع المشيمة يكون خير |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير يا بنات
شلونكم عساكم بخير اشتقتلكم اسماء الف سلامة عليكي يا قمر انتبهي لحالك المفروض سالتي الدكتورة شو تعملي بالضبط ما عندي فكرة عن حالتك بس اختي اخذت ابر الرئتين عشان كانت حامل بتوام هدول بتاخدوا عشان يكتمل نمو الرئتين عند الجنين بسرعة شواخبارك والبيبي يا جارة طمنينا انا لسه موعدي مطول ل 12\6 احساس انا شريت كمان مثل هاد الروب كثير بجنن انا شبه خلصت جهاز بقي شغلات بسيطة بينك روز ان شاء الله امورك بتم تمام على طول |
رد: دردشة بنات فلسطين, دردشة حوامل فلسطين, تجمع بنات فلسطين
صباياااااااااا باخر التالت ممكن احس نبض الجديد انا بدون سونار
اصلو مبارح بالليل حسيت بس قلت لايمكن مش البوبو هههههههههه بدكم الصراحة خايفة لما يتحرك لانو لسة اول بيبي ومابعرف كيف حركتو ههههههه بنات اللي البوبو عندها بتحرك تقولي كيف شعورها ههههههههههه |
رد: دردشة بنات فلسطين, دردشة حوامل فلسطين, تجمع بنات فلسطين
مسا الورد ع كل حوامل اهل فلسطين
|
رد: دردشة بنات فلسطين, دردشة حوامل فلسطين, تجمع بنات فلسطين
هلا احساس
مسا النور حبيبتي |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير بينك روز واحساس ولكل الصبايا كمان
كيفكم؟ كيف الحمل؟ |
رد: دردشة بنات فلسطين, دردشة حوامل فلسطين, تجمع بنات فلسطين
دامكم بخير ياحوامل انا بخير ^_^
|
رد: دردشة بنات فلسطين, دردشة حوامل فلسطين, تجمع بنات فلسطين
يسعد صباحكم
اصبحنا واصبح الملك لله |
رد: دردشة بنات فلسطين, دردشة حوامل فلسطين, تجمع بنات فلسطين
صباح العسل والقشطة ع الناس النشيطة ويلي انا منهم ههههههه متل حوااااء
بدي اروح على الضحى على السوووووق حد عاوز شي ؟؟ ارسلولي وانا بالخدمة الصراحة كنت امشي بالملابس يلي عندي بعد هيك ماقدرت كتير ضيقين بدي اوح اجيب كم بلوزة حمل وشوية شغلات نهاركم سعيد |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير صبايا
يسعد صباحك حواء انتي واحساس كيفكم اليوم حبيبتي احساس انا اليوم بدري اروح على السوق كمان بدي اشتري اكم غرض للبنوته احكولي شو اشتري لاني بصراحة محتاسه |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
ايه عادي بيتحرك البيبي بالشهر التالت واكيد يلي حسيتي فيه هي حركته او ممكن كمان تحسي بدقات قلبه بيقولو البيبي يلي بيحرك بكير بيكون صبي انا عني حرك بتالت وطلع صبي |
رد: دردشة بنات فلسطين, دردشة حوامل فلسطين, تجمع بنات فلسطين
مسا الورد صبايا شلونكم
أنا شريت ابرهول شورت لبيبي ولد عجبني كتير وفي اشياء كتير بتجنن بس ماما ماخلتني مابتحب تستبق الاحداث بتقلي مهل لاخر شهر هههههه |
رد: دردشة بنات فلسطين, دردشة حوامل فلسطين, تجمع بنات فلسطين
والله يا احساس بعدهم اواعية وساع علي هيني بدي انزل بالتامن
تعالو كلوا يرتقال معيhwaml03 |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا كيفكم يا احلى واطيب صبايا
معلش سامحوني تاخرت عليكم كانت عندي ظروف صعبة للغاية وكمان رجعت زوجي من السفر اتمنى للجميع يكونوا بخير وبصحة جيدة سلامي للجميع صبايا |
رد: دردشة بنات فلسطين, دردشة حوامل فلسطين, تجمع بنات فلسطين
ممممممممممممممممم
يا هلا يا هلا بأحلى بنات في الدنيا بنات فلسطين ... كيفكم والله اشتقتلكم كتير كتير انا متابعيتكم لكن بصمت ههههههههههه,. احساس وحواء وبينك وسهى وجارة القمر وعيون المهى وغموض انثى كيفكم يا غوالي ان شاء الله كل اموركم تمام , وشكرا كتير لسؤالكم عني واطمئنانكم علي يا حبيباتي . انا اموري نص على نص:( خايفه على الجنين كتير خوفتني الدكتورة بآخر زياره ادعولي يا بنات محتاجه دعوتكم والله |
رد: دردشة بنات فلسطين, دردشة حوامل فلسطين, تجمع بنات فلسطين
ابشركم ولدت يوم الخميس الماضي 3/5/2012
الله اعطاني ولد اسمه رفيق على اسم حمايا ارجع لكم بعدين مشغولة امتحانات بالجامعة و مشغولة بالبيبي اخبركم قصة ولادتي قصتي قصة |
رد: دردشة بنات فلسطين, دردشة حوامل فلسطين, تجمع بنات فلسطين
http://forum.hwaml.com/imgcache2/hwa...595340_336.gif نبــــــــض قلــــــــــــــــــــــــــب الــــــــ1000ــــف مبــــــروكــــ مبــــارك عليكم المولــود الجديد يجعله رفيق السعاده و الصحه و الهنا ننتظر ان شاء الله اكشن الولاده بفارغ الصبر تحياتي الك و ربي يديم فرحتك |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم عسل مثلكم شلونكم
نبض قلب ريته الف مبروك ياعيوني يتربى بعزكم ان شاء الله سهى الف الحمدلله على سلامة زوجك جارة وين متخبية واللي مختفيين سما ولولو حمادة وعسولة طمنونا عليكم |
رد: دردشة بنات فلسطين, دردشة حوامل فلسطين, تجمع بنات فلسطين
http://forum.hwaml.com/imgcache2/hwa...628078_557.gif بقدومه هلت البشاير وبصوته هز المشاعر الله يحميه من المخاطر ويجعله دوم طيب الخاطر http://forum.hwaml.com/imgcache2/hwa...628078_328.gif أتقدم باسمي وبأسم صبايا دردشة فلسطين بأحرالتهانى والتبريكات الي الأخت نبض قلب بمناسبة المولود الجديد العسل : رفيق http://forum.hwaml.com/imgcache2/hwa...628077_197.gif أختي نبض قلب جاءكِ طفل حلو كالبدر .. وجهه يفوحُ عذوبة و طُهر.. و عيناه بريئتان كالفجر .. و نفسه صافية كالنهر .. تملأ الدنيا أفراحاً و بشر .. و تجعل الحياة حديقة من زهر .. بارك الله لكِ فيه .. و رزقه البر والصلاح .. سائلين المولى عز وجل أن يجعله من مواليد السعادة وأن ينعم بالعيش فى كنف والديه وان يبارك لهما فيه http://forum.hwaml.com/imgcache2/hwa...628079_748.jpg |
رد: دردشة بنات فلسطين, دردشة حوامل فلسطين, تجمع بنات فلسطين
الف الـــــــــــــــــــــــــــــــــــــــف مبروك اخت نبض قلب المولود رفيق جعله الله من عباده الصالحين
|
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير صبايا
مبروك نبض القلب البيبي يتربى بعزك شو اخبارك سهى ان شاء الله بخير طمنيني عنك وعن خالوو |
رد: دردشة بنات فلسطين, دردشة حوامل فلسطين, تجمع بنات فلسطين
يللللللللللللللللللللللللللللللللللللللللللللللللل لللاه
تعاااااااااااااااااااااااااااااااالو وسااااااااااااااااااااااااااااعدوني في اختياااااااااااااااااااااااااااااااااااااار اجمل ابتساااااااااااااااااااااااااااااااامه وصوتوعلى بريدي الخااااااااااااااااااااص بسرعه باااااااااااااااااااااااقي اياااااااااااااااااااااااام قليله ويقفل باب التصوووووووويت واصوووووووووووتكم اكيد راح تعمل فررررررررررق على الربط التاااااااااااااااااااااااالي تصويت لي اجمل ابتسامه |
رد: دردشة بنات فلسطين, دردشة حوامل فلسطين, تجمع بنات فلسطين
منورات صبايا
|
رد: دردشة بنات فلسطين, دردشة حوامل فلسطين, تجمع بنات فلسطين
بوجودك حواء
بنات لما يكون البطن منفوخ ههههه طبعا انتو فاهمين عليا شو بقدر اخد حتى اضيع النفخة قالولي نعنع وكمون بس ماخدت انو شو بتعملو وقت النفخة |
رد: دردشة بنات فلسطين, دردشة حوامل فلسطين, تجمع بنات فلسطين
الف الحمد لله على سلامتك نبض .... عقبال بقيه الصبايا وانا معهم ربنا يسهل ولادتنا يارب
|
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
و شرب المي كتير مهــــــم و الخضار و الفواكه لحتى يضل القولون منتظم و يتخلص من كل الرواسب ,,, عصير الليمون ممكن يساعد معك النعناع كمان بسمع عنه منيح بس ما تكتري كوب صغير بعد الوجبه .... و لانك حامل ما بتقدري تشربي اعشاب و لهيك اذا المشكله كتير مدايئتك اكيد دكتورتك بتعطيكي شي رغم اني ما بعاني من هالمشكله بس حبيت ارد عليكي ,, ما تشوفي شر حبيبتي |
رد: دردشة بنات فلسطين, دردشة حوامل فلسطين, تجمع بنات فلسطين
شكرا لكم
شكرا لكل وحدة باركت لي الله يعطي الجميع اولاد حلوين |
رد: دردشة بنات فلسطين, دردشة حوامل فلسطين, تجمع بنات فلسطين
يسعد صباحكم يا بنات ,.
احساس وحواء وبينك وسهى وجارة القمر وعيون المها وغموض انثى كيفكم يا غوالي ان شاء الله كل اموركم تمام وكيف البيبيهات يا رب يكونوا بخير,. |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم معطر بذكر الله
نهاركم فل وجمعتكم مباركة اسماء تسلمي يا قلبي انا وبنتي بخير الحمدلله انتي كيف بدنا فرقة بحث عن جارة الها كم يوم مختفية عسى المانع خير باقي البنات ان شاء الله تكون اموركم تمام |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير
جمعة مباركة كيفك حواء كيف الوحم كيف باقي الصبايا ادعولي ربنا يسهل سفري ورجع لبيتي وزوجي |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم سكر يا حلوين ........................
اشتقتلكم نفرا نفرا ولبيبياتكم كمان ...................... والله كل ما بدي ادخل على النت بنشغل بشي ..............خلص اليوم قلت اول ما اصحى بدي ادخل حوائتي تسلميلي يا رب هيني موجوده .........بين الايادي سهى الحمد لله على سلامة زوجك نبض قلب الف الحمد لله على السلامة واخيرا شرف السيد رفيق كان تقلان علينا وبدوش ينزل ههههههه يتربى بعزكم ان شالله .................يلا بسرعه تعي وقوليلنا كيف كانت ولادتك ؟سهله ولا ........... وكم كان وزنه ما شالله ؟ اخدتي ابرة الضهر ؟ احساس .....اها عرفته الروب بس والله ما شريته لا بأبني الاول ولا التاني شريت بشكير للاطفال لونه ازرق لاني يزن لليوم بستخدم بشكيره من لما انولد .......... بس كتير الروب حلو ......... انا ان شالله طالعة يوم السبت اشتري الباقي وجايه على بيت لحم وصفولي محل ابو شرخ للتجهيز وقالولي في له افرع بالخليل وبرام الله بس بيت لحم اقرب وصفولي كم محل تاني ............. حواء من وين ممكن الاقي مفرش لسرير كامل ....انتي شريتي ؟وكم سعره اسماء اتوكل على الله لو حتى اولدتي بهالفتره امان على الجنين الامان بالله ...... لانه مكتمل اما بالنسبه للوزن فما بعرف كم الوزن المناسب بهالشهر ادخلي على جوجل وابحثي مسك السنين النبض ما بتحسي فيه على الالتراساوند بتسمعي الدقات وببدأ النبض بالاسبوع السادس اما الحركة بتبدأ بالاسبوع 16 يعني الرابع بس بشكل بسيط النفخه اشربي نعنع او يانسون هيك كنت اعمل او قشرة ليمون صغيره بنااااااااااااااات انا بدي انجن ومش عارفه على مين ارد انا حملي ما بين الا بعد شهرين ونص والدكتور ما حسبلي حسب الدورة حسبي حسب حجم الجنين بالالتراساوند \ لانه لو على الدورة موعدي الولاده بيكون باول شهر 6 وعلى الالتراساوند حجم الجنين باخر شهر 6 راجعت الدكتور وكل ما اراجعه بقربلي موعد الولادة واخر كلام له اني بالتاسع رحت امبارح على دكتور تاني قلي لا انتي ولادتك متل ما هي وانتي بالتامن المشكله انه كل دكتور اعطاني وزن مختلف تماما عن التاني الاول قلي وزنه 2700 والتاني قلي 2 كيلو والله بدي انجن صرت مش عارفه انا باي شهر ومتى بولد الاسبوع الجاي رح ارجع على دكتوري اللي كنت عنده بابني الاول اراجع وخلص ................ |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير صبايا كيفكم
منورين على الصبح جمعة مباركة الكم يارب جارة حبيبتي ازا بدك تسمعي كلام الدكاتره ببتعب اسئليني انا شو صار فيه بحملي الاول ونزل بسبب الدكاتره الله يقومك بالسلامة يارب |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم و اوقاتكـــم جميعكـم و لكل من ردّت التحيه الها مني الف سلام دون ذكر اسمـاء لانكم جميعكم في البال ~~ جـــارة القمـــر ~~ حبيبتي انا زوجي مو مسافر ,, ما بعرف ليكون حبيبتي قصدك سهــــى لانو جوزها مسافر على تونس ,, و اذا رجع كمان انا بهنيها برجعته ,, و بالنسبه لحملك احسبي من اخر دوره الك افضل من حساب الالتراساوند ربي يتتمم الك و الي و لجميع الصبايا اكيد كلنا عن منعد الايام و الاسابيع يالله الدور على مين ( انتي او اسماء ) |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير انا اسفه عيون المها كان قصدي سهى بس كنتي بوقتها ببالي ههههههههههه الله يقومك بالسلامة اما ازا بدي احسب على الدورة بيكون ميلادي باول شهر 6 8/6/2012 الله اعلم بينك روز ياريت تحكي شو صار معك؟ |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير حبيباتي
جارة حبيبتي انا بحملي الاول رحت على الدكتوره وحكتلي في عندك كيس بس لسه الجنين مو ظاهر تعالي كمان اسبوع عشان نشوف النبض وبعد اسبوع رحت عليها وكان بينزل مني افرازات لونها زهر وكان لسه برضو مافي نبض بس الكيس كان اكبر من اول واعطتني مثبتات وابر وبنفس اليوم عملت تحليل حمل بالارقام مشان نتأكد من الحمل وطلع في حمل الحمد لله وبالليل لما روحت نزل مني برضو دم خوفت كتير اخدني زوجي على دكتوره تانية لانه دكتورتي كانت مسكره وقتها وفحصتني فحص مهبلي وكانت دفشه كتير معي وحكتلي في كيس بس مافي نبض طلعت من عندها صار معي نزيف قوي كتير وداني زوجي على المستشفى وفحصوني وحكولي انتي حالة اجهاض وعملولي عملية تنظيفات والسبب بالدكتوره الي فحصتني مهبلي بطريقة دفشه |
| الساعة الآن 12:25 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .