|
رد: دردشة بنات فلسطين, دردشة حوامل فلسطين, تجمع بنات فلسطين
سلام عليكم بنات كيفكم شو اخباركم
انا الجمعة اعطيتها اوف طلعت جوزي على الشغل ورتبت البيت ونمت للساعة اربعة حماتي ما خلت لاتلفون ولا باب وهي ترن وانا مطنشة بناتها اجو عندها مبارح عشان هيك اصحيت على 4 زبطت اموري ورحت عندها بتقلي خلعت الباب وانا ادق لي ما رديتي قلتلها حاطة سماعات الهتفون على قران ما سمعت شي وكنت نايمة عشان هيك بس بجد كنت تعبانة ومبارح الحمدلله ريحت عن اسبوع قدام ....... ياقلبي يا جارة انا هلا الحمدلله احسن بكثير قعدت مع زوجي قعدة مرتبة فشيتله قلبي والحمدلله سمعني وانصفني واعتذرلي على الاوقات الي ذايقني فيها وحكالي انه ما انتبه هي حماتي الها تاثير كبير وقت تكون موجودة بتسلب العقل ........ الاسبوع الجاي ان شاء الله بعرف ولد ولا بنت جارة بين بطنك ولا بعده انا بعدني ولا شي ولا كاني حامل بس بحس بحركته من اخر التالث وانا احس في حكتلي امي طبيعي بالخامس او بعده ببان بطنك مره وحده ... بس في ستات غير عطول ببان انهم حوامل ..... ومبارح كمان غيرت بديكور البيت والحمدلله اليوم انا كثير منيحه الله يديم علينا راحة البال .. قررت اطنش حماتي شو ما تحكي راح احكيلها اه وبالاخر اعمل الي بدي اياه انا هيك اتفقت انا وزوجي ووعدني ما يخلي حد يتدخل بحياتنا ......... الله يهدي بالنا وبال الجميع يارب |
رد: دردشة بنات فلسطين, دردشة حوامل فلسطين, تجمع بنات فلسطين
الله يهدي بالك ياحواء يارب ويطمنك على البيبي
وأقول مسا الورد للجميع أنا كمان غيرت غرفتي عشان اعمل وسع وأجيب السرير الصراحة ستعجلة بعرف انه بدري عليه |
رد: دردشة بنات فلسطين, دردشة حوامل فلسطين, تجمع بنات فلسطين
هلا احساس منورة انا كمان نفسي اشتري كلشي بس بحكي لسه بكير وقت اصير بالشهر السادس ان شاء الله بس هلا شو ما اشوف شي حلو وصغير بشتري برضوا ههههههههههههههه وقت اعرف جنس الجنين كمان ببلش اخد شوي شوي الله يكمللنا على خير يارب ويفرحنا بشوفتهم ويسهل ولادتهم وتربيتهم يارب
|
رد: دردشة بنات فلسطين, دردشة حوامل فلسطين, تجمع بنات فلسطين
هلا وغلا .............بنات
حواء اللي عملتي مع زوجك ممتاز اما بالنسبه لحماتك الاختصار انتصار والله مو على شي بس مرات الواحد ما بلاقي حل الا هيك انا من يوم عزا سيد زوجي ويوم ما شكت حماتي عني لزوجي بدون اي اسباب تذكر واجى زوجي معصب لدرجه انه صيح وطلع صوته وانا مش فاهم شي وطلعو اهله على صوته ووصارو يقولوا مش وقت يطلع صوتك نحن عنا عزا كنت بقلبي اقول مدام حماتي عارفه انه مش وقت زوجي يطلع صوته كان قالت لنفسها هاد الحكي انه مش وقته تشكيني الو وتسوي مشكله والله لحد اليوم مو قادرة احكي معها لانه ظلم وزور اللي انحكى على العلم كانت علاقتنا خفيفة من المصايب اللي عملتليها ومع هيك ما خلصت وقلت لزوجي بيني وبينها شعره وهي قطعتها بس الحمد لله ما بخلي شي ياثر علي وعلى بيتي وزوجي بعد ما هدي تفهم الوضع مشكلة زوجي بيعصب بسرعه ولما يهدا بيراجه نفسه وبيعتذر ما شاء الله والله مرت اخوي وامي ولا كانهم كنه وحماه ما شالله وهي متزوجه بنفس فترة زواجي ولا مره امي شكت عنها ولا مره هي شكت عن امي ............. |
رد: دردشة بنات فلسطين, دردشة حوامل فلسطين, تجمع بنات فلسطين
بعين الله جارة بتهووووووووووووووووووووووووووووون
|
رد: دردشة بنات فلسطين, دردشة حوامل فلسطين, تجمع بنات فلسطين
بعين الله جارة بيجي يوم وبيعرفوا قيمتك ... وكلي امرك لله وماعليكي منها
برجع الواحد بقول ستات كبار فاضيين .. |
رد: دردشة بنات فلسطين, دردشة حوامل فلسطين, تجمع بنات فلسطين
في حد هووووون....
|
رد: دردشة بنات فلسطين, دردشة حوامل فلسطين, تجمع بنات فلسطين
بعين الله جاره الله يهونها علينا ويهدينا حمواتنا امين يارب العالمين
|
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير بنات
يسعدك يا حواااء حسنشي بتعمليه وبيعين ربك يا جارة احساااااااااااااس لك وحشة والله ههههههههههه بس تجيبي السرير نزلي صورته نشوفه ومبروك مقدما وين سما وغموووووووووض ولولو يمكن صارت بغزة؟؟؟ اهلين لين |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا صبايا كيفك عسولة لسا ماسفرت
ادعيلي اوصل بسلامة مابحب السفر |
| الساعة الآن 07:37 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .