|
رد: ديوانية البحرين - دردشة حوامل البحرين - البحرينيات
في امان الله ام خلي
فلونه طقعي يعني هم مايدرن انش بدبتش وتعبانه الي بتتظفين درااييه المفروض يعذرونش امن بععد |
رد: ديوانية البحرين - دردشة حوامل البحرين - البحرينيات
طفلوو ،، انا بروحي طنقرت عليج وقلت ما بادش بس ماعرف احقررج يا ام دبة اخاف احلم فيج..و شقتي الوحيدة في الطابق الثالث شققهم في الطابق الثاني يعني لازم انظف الدري كامل باقوم عقب شووي شاسوي تالي يعيبون علي الاوادم
اي كنت باقولج الي صار في المركز والسلمانية وشو قالو لي بس :p ذابحج الفضول ها وكتبت لج رد مساعة .. كتبت فيه ام كشة الا ريلي يطل على اللاب توب اقوله اشفيك اشتبي الا يقول من ام كشة وسيدة مسحت الرد وصكيت اللاب توب :p |
رد: ديوانية البحرين - دردشة حوامل البحرين - البحرينيات
فلوونه
وويلي احلى هديه لو اصير صدق يبوس راسش لجلها ان شاءالله ايامكم كلها حب ورومانسيه |
رد: ديوانية البحرين - دردشة حوامل البحرين - البحرينيات
تمللت من روحة الحمام اففففففف برد اني ماقدر
|
رد: ديوانية البحرين - دردشة حوامل البحرين - البحرينيات
رووز ،، انا احين يالله اسوي شغلي في الشقة والا يطلع لي شغلي زوود وما شاء الله على اعيالهم ما يحلا لهم اللعب الا على الدري وباجر بيشرف هالبطل بيصير معاهم بعد .. باجوف جان قدرت بانظفه اسمع حس اوادم رايحة ياية وانا حاقرة الموضوع :p
|
رد: ديوانية البحرين - دردشة حوامل البحرين - البحرينيات
طفلوو لا تعورين راسج سحبي لج هووز من مكانج لي الحمام الله يعززج شررايج وبس فكي عمرج يا الشاطرة.. حتى الحمام مافيها شدة تروح لا تحصرين روحج وتالي تقولين التهاب و كريمات عطوني وهرار على قولتج يا ام هرار :p
|
رد: ديوانية البحرين - دردشة حوامل البحرين - البحرينيات
ههههههههههههههههههههه هو مفكر بتوصفين روحش لاحد عشان جديه سأل ويييييو :p
فلونو يعني انتين البشه الوحيده اللي التقيت بها لحد الان هم شقتهم الطابق الثاني والناس بتشوف صوب شقتهم بعد حقوي تنظفين الدري كله خلييييييييييييه يولي وقعدي مكانش ولا تخمين شي امن هذي بعد |
رد: ديوانية البحرين - دردشة حوامل البحرين - البحرينيات
انزين اتحفينه بآخر اخبارش وش صار
|
رد: ديوانية البحرين - دردشة حوامل البحرين - البحرينيات
فلونو شوفي جان تحصلين خدامة ام الساعه تخم الدري من فوق لتحت وفجي عمرش
|
رد: ديوانية البحرين - دردشة حوامل البحرين - البحرينيات
سنفورة .. حلفي عاد هههههههههههههه انا للحين ما حفيت والشنب يوقف عليه الصقر مغطي على الكشه وعلى كلشي .. جان اتيين تحشينه :p
يبين الدري الي اييب شقتي مو فاهمة الوضع مولية انتي يا الخداااي .. انزين ماتبين تعرفين شقالت لي الدكتورة الشي الخطير :p .. |
رد: ديوانية البحرين - دردشة حوامل البحرين - البحرينيات
امبلى يالخداي سألأتش فلطعشر مره وتدلعين لاتنظفين الدري خليه ينقلع
|
رد: ديوانية البحرين - دردشة حوامل البحرين - البحرينيات
روز .. ومن سمعج انا ابي حتى حق شقتي اتييني وحدة تنظف معاي مافيني شدة نفس قبل عالأقل تنظيف الحمامات وانتو بكرامة والمطبخ والباقي مقدور عليه الثياب ادبر روحي اغسل واطوي وريلي يودي الدوبي افتك شوي .. بس الله يسلمج محد يرضى ايي وعيزت وانا اقول حق خالتي تقول ما يرضوون اهي توهقت بعد عقب ما راحت شغالتهاا ..
طفلووو ،، انا اخاف اقولج وتحاتين خو انتي ما يبيلج دقلة ,, بس انا الحجي طمني عالأقل اعرف شلون احسب حركة البيبي |
رد: ديوانية البحرين - دردشة حوامل البحرين - البحرينيات
امطار متوقعه غدن وبعد غد
لاتنظفين الدري بررد يتلعووز ههههههه |
رد: ديوانية البحرين - دردشة حوامل البحرين - البحرينيات
انتين خوفتيني بهاللي قلتينه الحين لو تقولين اهون عليي
تدرين دمعتي من مغرب للحين على الباب والسبه هالسالفه بس رحت بحثت قالو عادي اني من بدأ يتحرك هذي حركته خفيفه وناعمه واللي الله كاتبنه بصير |
رد: ديوانية البحرين - دردشة حوامل البحرين - البحرينيات
احمم باقوول انزين بس لا تأذينا بحنتج واايد وتسندريني هاي مو كلامي كلام دكتورة لا تخليني احط لج اسمها في العلن بعد :p
في المركز الدكتورة قالت لي المفروض تحسين بحركة البيبي عالأقل عشر مرات,, قلت لها يمكن يتحرك بس ماحس بالحركة يعني في حركات خفيفة ما احس فيها الا تقول انا اقصد الحركات الي المفروض تحسين فيها .. قلت لها احين انا في التاسع و يمكن البيبي ما عنده سبيس .. الا تقول انا ماقصد الحركة اللي اتيي نتيجة التعب او ان اجهدتي نفسج المفروض وانتي مرتاحة تحسين في الحركة ,, وبس عاد انا خفت قالت سوي تخطيط افضل رحت عقب الغدى السلمانية وتميت ساعتين اهناك .. سوو لي تخطيط نص ساعة يحطون الجهاز وتسمعين نبض البيبي والمفروض اذا تحرك اطقين على الجهاز يحسب في هالنص ساعة جم مرة تحرك .. الله وكيلج ذبحوني بالحزام الي يحطونه على دبتي بروحي خفت يضغط على الياهل وغصب بيتحرك ... تم الجهاز يطله انذار كل ساعة والهبلة الهندية تقولي اذا سمعتي صوت الالارم الي يعطي طقي نفس الحبة مالت الي تحسب الحركة وتميت كل ماسمع انذار ابنده بالحبة نفسه لا.. دشيت على الدكتور الا يقول ليش تقولين البيبي حركته خفيفة وانتي اكثر من عشر مرات حاطة ان البيبي متحرك قلت له والله مو مني من هالجهاز الي عندكم مخرف و يطلع انذار قالت لي الممرضة اطق الحبة الي تحسب الحركة نفسها وتم يحسب الحركة واساسا هذي انذار .. قال لي زين التخطيط الحمدلله طبيعي ولازم تسوين كل يومين تخطيط في جدحفص عقب اي وجبة سوار الريوق او الغدى ولا باروح جدحفص ولاشي خلاااص .. باوكل امري لربي والله ان شاء الله بيحفظه لي من كل عين وشر وسوووووء |
رد: ديوانية البحرين - دردشة حوامل البحرين - البحرينيات
انزين الحركه شلون تصير اللي تحسينها قويه رفسات وشي يتقلب لو اشياء داخل ناعمه ومحسوسه
اني مرات بسيطه اللي احس بحركه قويه واحسها حالة استنفار.... اغلب حركات نصره ناعمه كلش |
رد: ديوانية البحرين - دردشة حوامل البحرين - البحرينيات
طفلووو ،، اعرفج انا علشان جذي ماحبيت اقولج ما ابي اخوفج وبالعكس تدرين هالدكتور حزر حده وفشيلة يحطون حق حوامل دكتورة مايفهمون هالسلمانية.. وسألته اقوله سمعت ان حركة البنت خفيفة والصبي قوية يعني على حسب نوع البيبي الا يقولي هاذي حجي حريم وما له صحة بتاتااا ماعليج :p ,, يعني طفلو اهم شي زنوووب تتحرك خفيفة او قوية حركتها مو مهم
رووز ،، شدراج ان غرفة الدري تخر ماي :p .. انا اقول بانظفه وبانظفه وطفلللو ما تخلص اسألتهاا ويني وين اقووم عنهاا احين بتسندرني نطري وباقولج انتي بجر لازم تسوين توزيعاات عاد تفرحين خواتج واهلج سوي شي بسيط وما يكلف // بالعكس ذكررى حلوة وبتصوورين معاهم واهيه على قولتهم ذكرى اتم عندهم مو نفس الجوكليت ياكلونه وخلاص :p |
رد: ديوانية البحرين - دردشة حوامل البحرين - البحرينيات
سلامي عليكم
شخباركم؟؟ |
رد: ديوانية البحرين - دردشة حوامل البحرين - البحرينيات
طفلوو لو اقولج ما تصدقين ،، انا الحركة الي احس فيها بطييئة وجنها رفة انا خلاص في التاسع المفروض اشتد عوده ويرفس بقوة .. بس اتصدقين احس بطني صغيرر واايد والبيبي ماعنده جانس .. جلدي تمدد على آخرره حتى لو تجوفين سري بتستغربين من حالتي .. وايد مشدود لانه قبل الحمال مافيني بطن مولية ضعييفة .. يلا الله يهوونها علي و اولد واقوم بالسلااامة ويطلع في الدنيا وياخذ راحته في الحركة
باقوم انظف الدري وبارجع فشيلة اسمع حس ناس داشة طالعة |
رد: ديوانية البحرين - دردشة حوامل البحرين - البحرينيات
فلونه ما باسندرش لان كلامش كله ماحسيت فيه شي خطير او غير خطير كأنش ماقلتين شي
الحين هالحجي اللي قلتينه اخر شي ان الدكتور يقول حجي حريم نبغي نفهم الحركه الخفيفه خطيره لو عااااااااااااااادي؟؟ بتقول مللتها وهي كلامها اللي يملل |
رد: ديوانية البحرين - دردشة حوامل البحرين - البحرينيات
اي اقول بسوي توازيع بس خل اخلص التجهيزات ويصير خير
هههههه حتى لو ماتخر طبقات الريايل بتييب الطين على الدري هلا وسهلا روزززي |
رد: ديوانية البحرين - دردشة حوامل البحرين - البحرينيات
* اضطرابات في رصد حركة الجنين http://forum.hwaml.com/imgcache2/hwa...100592_531.gif
* عند ملاحظة حركة الجنين والشك في كونها غير طبيعية، علينا تذكر عدة نقاط حول أية اضطرابات فيها: ـ مدى دقة الأم في الشعور بحركة الجنين وملاحظة ذلك، لأن رصد حركة الجنين، وتعدادها خلال وقت معين، يتطلبان أن ترتاح الحامل بشكل جيد وفي وضعية إما الجلوس أو الاستلقاء على أحد الجانبين. كما يتطلب أن تبتعد الحامل عن أية أسباب للتوتر. وألا تكون لديها شكوى مزعجة في الجهاز الهضمي وغيره. والسبب أن عدم توفر هذه العوامل قد يحرم من احتساب بعض الحركات الخفيفة، إضافة إلى التأثيرات السلبية لعدم توفر تلك الظروف على حركة الجنين بالأصل. ـ قد يكون الجنين نائماً خلال الوقت الذي تُحاول الحامل رصد حركته. وما يحصل في كثير من الأوقات، هو أن تنتاب الأم حالة من القلق على الجنين، وتحاول حينها أن ترصد حركته لتطمئن عليه، ويُصادف أن يكون الجنين نائماً أو كسولاً، فيزداد قلقها دونما داع لمّا لا تجده يتحرك بشكل طبيعي. ـ نشاط الحركة يختلف من جنين لآخر، أي بمعنى أن ثمة أجنة أكثر نشاطاً من غيرهم. والأمر أشبه بما هو ملاحظ بين عامة الأطفال في اختلاف مستوى نشاطهم وحركتهم ولعبهم وكلامهم. ـ حينما لا تشعر الحامل بأية حركة للجنين في الفترة ما قبل بلوغ الأسبوع 25 من الحمل، فإن عليها ألا تفزع من الأمر، خاصة حينما لا تكون واثقة بنفسها في القدرة على تمييز حركة الجنين من أية أعراض أخرى في البطن. وغالباً ما تتمكن الحامل، في الأسابيع التالية، من تمييز حركة الجنين ورصدها، نتيجة لتكرار حركته من آن لأخر. بل وستتمكن الحامل من توقع وقت حركة الجنين خلال اليوم قبل حصولها. ـ بعد تجاوز الأسبوع 32 من عمر الحمل، ربما تقل حركة بعض الأجنة بشكل طبيعي. وذلك نظراً لزيادة نمو حجم جسم الجنين وصعوبة حركته داخل تجويف الرحم، الضيق نسبياً عليه حينئذ. ـ على الحامل ألا تقلق إن لم تتمكن من رصد 10 حركات خلال ساعتين. بل عليها أن تختار وقتاً آخر في اليوم وأن تُهيئ ظروفاً أفضل للتمكن من حساب العدد. وحينما تتكرر المحاولة من دون بلوغ رصد 10 حركات في ساعتين، أو حينما تشعر الحامل أن نشاط جنينها قل بشكل واضح، فإن عليها مراجعة الطبيب أو إبلاغه بالأمر. وما سيفعله الطبيب هو إجراء فحص بسيط لرصد نبضات الجنين والتأكد من سلامته. |
رد: ديوانية البحرين - دردشة حوامل البحرين - البحرينيات
هههههههههههههههههههههههههههه انا الي مافهم كل مرة اتعب اصابعي معاج وفي النهاية ماحصل منج الا الزف .. اقوولج قال لي الدكتوورة عاااااااااادي الحركة الخفيفة المهم انج حاسة بالحركة وحجي الحريم يقولون ان الحركة خفيفة يعني بنت وقوية صبي الا يقول هاي حجي حريم ماعليج منه .. لا تخليني اعيد الحجي مليون مرة .. و زنوب شكلها طالعة علي ناعمة ورقيقة مو نفس امها يلا مناك
عليكم السلام رروز.. باخليكم بانظف الدري بررب |
رد: ديوانية البحرين - دردشة حوامل البحرين - البحرينيات
هلا روزاتي عليكم السلام
شخبارش انتين؟ |
رد: ديوانية البحرين - دردشة حوامل البحرين - البحرينيات
شكرا فلونه الحين فهمت عليش شطوووووره
|
رد: ديوانية البحرين - دردشة حوامل البحرين - البحرينيات
هلا فيكم
حشى جم صفحة هذرتو من امس لحين واااااااايد فلونة..انتي لحين تشتغلين..قاصين عليج :p وبالنسبة لحركة البيبي ليش وايد تحطون بالكم على الحركة..خلوها على الله ولا تعورون راسكم..الحافظ الله |
رد: ديوانية البحرين - دردشة حوامل البحرين - البحرينيات
السلام عليكم شخباركم جميعا ، فلونة ذكرتيني بالي مضى كانوا يقولون لي عدي حركات البيبي وكنت ماحس فيها تتحرك في اليوم كلش الا مرة وقالولي ضروري تسوين تخطيط وبين في التخطيط انها تتحرك ماشاء الله بس انا ماحس وعقب قالت لي كل يومين سوي تخطيط في السلمانيه او جدحفص ولا سويت ولا شي بس اخر شي يوم حسيت بالم خفيف رحت مستشفى المحرق وقالت لي تخطيط البيبي مب زين ومنها رقدوني يومين وعقب ولدت بطلق صناعي ، طف طف لاتحاتين الحركة القوية او الخفيفة عادية ومو خطرة على البيبي والله يحفظ اعيالكم يارب
شيخه تسلم عليكم وايد تقول متى تشوف اعيالكم تبي تلعب وياهم |
رد: ديوانية البحرين - دردشة حوامل البحرين - البحرينيات
ده وا
رحت الحمام مااقدر اجندس ولا اقدر استخدم تيشو ويش هالبلاوي ويا هالظهر |
رد: ديوانية البحرين - دردشة حوامل البحرين - البحرينيات
السلام عليكم كلكم
أم خليل ويش إنسوي بوجع هالراس بعدي في عذابي نمت بالغصب العصر بعد ماضربته حرارة الفير وقعدت عرقاانة وفرحت قلت ألحيين أكيد راح ولفيت راسي بشال ورد رجع إتقوليين عفريت في هالراس يختي أني خبرة في ألم الراس من صغري جدة ومايروح إلا ليين رجعت عااد مته أررجع ليين دخلت في عالم إلا وعي من الألم كاسرين خاطري أولادي وريلي مالي بارض ليهم كلش ولا سويت شي اليوم بس أعابل في هالراس ،حتى أخويي سافر اليوم إيران مع زوجته ولا رحت حدي إتصلت له وقلت سلم على مرتك فلونة الحمد لله الجنين بخير وربي يسهل ولادتش طفلي حياتي لا تحاتيين أبدأ حركة الجنين مادام تحسينه زين ويتحرك وأمس إنتين عند الدكتورة وطمنتش لا تحاتيين أني ببنتي ماتتحرك بس مرة في اليوم وبس رفة خفيفة وأني في السابع وكله أطقطق على بطني وأروح المستشفى ومافيها شي وتالي الصلاة على النبي لمن ولدتها كانت هادئة كلش مثل ماكانت في بطني تركي عنش الوسواس وطلعي صدقات وأقري سور وهفي على بطنش روز وصعب تنساني ويش أخباركم ،وروز عيل بتروحيين ديرة الحب على قولة طفلي حياتي وحشتني ديرة الحب ماأقدر أروح إلا الجمعة وباشوف أنجان باجر أروح شمس الصباح الله يخليش حبيبتي وتدوم طلتش وأحبارش المفرحة باقوم أشوف إنجان أقدر أغسل المواعيييين |
رد: ديوانية البحرين - دردشة حوامل البحرين - البحرينيات
هلا ام شيخه عاش من شافش .. ان شاء الله هالفتره بتحصل يها ربع عدل روزسول وفلونه وبنوته حلوه وام الساده خلها تطمن خخخخخخ والباقي بعدين لين يكمل نموهم ان شاء الله
احلام ام اني مواعيني ماقدر المسهم برررررررررررررررررد روز هذي حالتي نفس معاناتش ههههههههههههه والحمام عزش الله عربي يعني اخذي الحاله |
رد: ديوانية البحرين - دردشة حوامل البحرين - البحرينيات
ههههههههه احلام ام هذي فلونة تفتي عليي ديرة الحب
ويش اسوي ريلي كل يوم يباني اروح بقدي اتملل هناك مافي الا عمتي على القدو قابليني قابلتش العافيه |
رد: ديوانية البحرين - دردشة حوامل البحرين - البحرينيات
بنات من ضمن الحركه احس توصل لتحت كلش كلش يعني كأنها تلمس الرحم من قريب والحركه فوق وتحت الحمدلله لكن طبيعي ان احس بحركتها في الرحم كلش قريب من برا
|
رد: ديوانية البحرين - دردشة حوامل البحرين - البحرينيات
عاشت ايامج ، الله يقومكم بالسلامة ، الله يعينج على العربي انا اشوة شقتي اثنينهم انجليزي ، بقولج روحي السوق الشعبي او اي مكان يبيعون هالسوالف عندهم الله يعزج كرسي مال الحمام ترى بتتغربلين ومب زين في التاسع تقعدين على العربي خطر عليج وانتي بروحج بتخافين من الضغط تخافين الياهل يطلع هههه بس الكرسي وايد زين حتى حق عقب الولادة حق الخياط ماتقدرين تقعدين على العربي اخذي لج هالكرسي بسته دينار بس وايد زين انا في بيت ام ريلي ماقدر اقعد على العربي واستخدم الكرسي
|
رد: ديوانية البحرين - دردشة حوامل البحرين - البحرينيات
هلا ام شواخة..نطري ..ما بقى شي ويصير عندها ربع
بس لا تستعيل وايد ههههه .. طف طف انا مستغربة..شلون لحين تعرفين تستخدمين الحمام العربي؟؟ انا اذكر مرة ..كنت في السلمانية..ونسيت اسوي تحليل ابوال..ورحت الحمام..عاد اهو انجلينزي بس بعد ماقعد عليه لازم شسمة اقعد مثل العربي..مت ماقدرت..يمكن كنت في السابع بعد..وحتى الصيحة صحتها..وريلي ينطرني جافني تأخرت يقول خوفتيني..شفيج تأخرتي..وحتى دش الحمام هههههههه..قلت له كنت اعابل نفسي |
رد: ديوانية البحرين - دردشة حوامل البحرين - البحرينيات
اي شفته عند ناس وايد بشوف لي واحد ضروري من الحين اتعب فما بال بعدين اذا صرت نهاية الثامن والتاسع
|
رد: ديوانية البحرين - دردشة حوامل البحرين - البحرينيات
ههههه اقصد طفطف مو فلونه
حاطين العشق الممنوع وسهدت ويا عيون مهند هههههههههههه الله يلعنه |
رد: ديوانية البحرين - دردشة حوامل البحرين - البحرينيات
روووووز هذا اني في تحاليل الابوال ماليييي حاااال
مال الامريكي شوي غراشهم اوسع مال الحكومة جنها مملحه صغيره بروحه الدبه داهشتنه وماتدلين فتحة البول مكرم السامع اسوي مناحه في الحمام افصخ الدفه والبنطلون وكل حاجه حق هالتحليل كل شهر |
رد: ديوانية البحرين - دردشة حوامل البحرين - البحرينيات
ام عايشه كنه نبي نسالش اني وطفطف
هل بخور العود يوسع حزة الولاده يقولون الي تتبخر بالعود يتوسع الرحم بسرعه |
رد: ديوانية البحرين - دردشة حوامل البحرين - البحرينيات
هههههههههههههههههههههههههههههههه
اي والله روزي صدقتي فتحة البول ما ندلها من الدبة انا كل مرة آخذ غراش .. واوديهم البيت وفي البيت اريح لي |
رد: ديوانية البحرين - دردشة حوامل البحرين - البحرينيات
ام شيخه دخلتين وابتلشتين بي هههههههههه شنو اسم الحبوب اللي كنتين تاخذينه؟ اليفيت؟؟
ماقدر على هذا يعور بطني عدل |
| الساعة الآن 05:43 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .