|
رد: ديوانية البحرين - دردشة حوامل البحرين - البحرينيات
بنت الاياويد ... اسم الله عليج ماتجوفين شر .. يمكن لانه الرحم يكبر فيصير ضغط على المعده .. بس الاحسن روحي المستشفى تطمني على روحج .. واحسن شي تروحين طواري الحوامل الصبح ... لانه من العصر وطالع كله زحمممممة و ان شاء الله ماعليج الا العافيه
|
رد: ديوانية البحرين - دردشة حوامل البحرين - البحرينيات
اقتباس:
شكله حماني مسهرج وتوج قاعدة |
رد: ديوانية البحرين - دردشة حوامل البحرين - البحرينيات
اقتباس:
روز الصراحه ماعمري فكرت اسمي هالاسم ... بس حماتي اسمها لطيفه واهيه مربيه ريلي وانا بعد وايد احبها وام ريلي طلبتني اسمي عليها .. تستاهل بس حلو شوي وله اسامي دلع وايد ... من الحين بندلعها توفي هههههههههه |
رد: ديوانية البحرين - دردشة حوامل البحرين - البحرينيات
دام جذي تستاهل حماتج.. واكيد بتستانس اهيه بعد
تصدقين اليوم يهددني يقول اختاري لج اسم بنت ثابت احسن لج مو كل مرة تغيريين واهم شي يعجبني ههههههههه شكله اثر الصدمه للحين فيه ههههه واعليه |
رد: ديوانية البحرين - دردشة حوامل البحرين - البحرينيات
اقتباس:
اي والله تستاهل ... طينة جنة فديتها ... اسم جود وايد حلووو ... عجبني |
رد: ديوانية البحرين - دردشة حوامل البحرين - البحرينيات
اي انا بعد عاجبني بس اهو متردد
تدرين شكلنا بنسوي قرعة في الاسماء ..ما يبي لنا الا جذي |
رد: ديوانية البحرين - دردشة حوامل البحرين - البحرينيات
يلا ام حماني اخليج الحين بروح اتغدى اليوم في بيت عمي
نجوفج على خير وتحملي بروحج وبحماني فديته |
رد: ديوانية البحرين - دردشة حوامل البحرين - البحرينيات
اووووك فديتج ,,, الله يحفظج
|
رد: ديوانية البحرين - دردشة حوامل البحرين - البحرينيات
روز بالبركه
بنت الاياويد ماتشوفين شر انتي كل مايصيدني شي يصيدج ؟ يمكن لان مع بعض انه بعد يصيدني الم في معدتي ولووعه احس روحي برجع حدي هذي لان بطني صغير وانه مصعويه والياهل متقلقص فقير ولانه منقلب راسه تحت وريله فووق علشان جذي الترفس كله في المعده اذا سوو لج التراساوند بيقولون لج الياهل منقلب والترفس كله في المعده وعليه |
رد: ديوانية البحرين - دردشة حوامل البحرين - البحرينيات
ماتجوفون شر ... فجورة ترى حتى بنت الاياويد مسكينه ضعيفه وبطنها صغير .. عشان جذي تصيدكم نفس الاعراض
|
رد: ديوانية البحرين - دردشة حوامل البحرين - البحرينيات
هاي كروشات شلونكم
روز سول مبروك ع البنوتة يعني تحليلي صح مب خطأ خخخ ام حماني فديتج نورتي الديوانية بنت الاياويد وفجورة ما تشوفون شر |
رد: ديوانية البحرين - دردشة حوامل البحرين - البحرينيات
اقتباس:
|
رد: ديوانية البحرين - دردشة حوامل البحرين - البحرينيات
الفتاه الذهبيه الشر ما اييج
ام حماني مو بس جذي الا الفرق بيني وبينها 4 ايام بس يعني في احتمال نولد مع بعض في نفس اليوم خخخخخخخخخ |
رد: ديوانية البحرين - دردشة حوامل البحرين - البحرينيات
هاااااااااااي بنات شخباركم وحشتوني
بس انشغلت هاليومين رحت السعوديه اشتري اغراض البيبي |
رد: ديوانية البحرين - دردشة حوامل البحرين - البحرينيات
اهلا بنات شخباركم جميع
طفلي حياتي ان شااءلله مايطلع فيش سكر الباقيات ان شاءالله تكونون بخيررر |
رد: ديوانية البحرين - دردشة حوامل البحرين - البحرينيات
سلاااااااااااااااام
كل يوم ادخل الصبح واقول صباح الخير واليوم اقول تصبحون على خيرررر وأحلااااااام سعيده فجورة وبنت الأياويد ما تشوفون شر روز الف مبروك على البنوته وعلى طاري الأسم انه كل يوم زوجي بأسم جديد وبالأخير يرد يقول ملاك ام حماني نورت الديوانية بوجودك اليوم ملاك قاعده كل ترفس فيني مليت من الترفس الله يحفظها صايره اليوم تلعب كورة وتبكس في بطني ويألمني احيانا اصرخ زوجي يحسب اني فيني شي ويسئل ولما اقول يقول خليها على راحتها |
رد: ديوانية البحرين - دردشة حوامل البحرين - البحرينيات
سلااااام
شخباررركم؟؟ مبروك روز البنوتة فترة طويلة ماقدرت ادش كنت مصخنة شوي وخفت اخذ بندول تميت يوم كامل دايخة وماقددرت اقوم ،، زوجي أصر يوديني الطوراىء ورحت حطو لي سيلان وبندول في السيلان // يعني اذهوه في النهاية رضيت سوت لي الدكتورة اشعة وجفت البيبي كان شعور حلوو تمنيت اسألها بنت او ولد بس بتقولي متفرغة مريضة وتحاتي شنو نوع الجنين جني وايد تحجيت ومحد سأل عني كلشhwaml10 |
رد: ديوانية البحرين - دردشة حوامل البحرين - البحرينيات
صباح الخير
والله يبارك فيكم جميعا..وخلاص استقرينا بنسميها جود وان شاء الله ما نغير ههه فلونة..امبلى انا افتقدتج بس نسيت اسمج..بس اللي اذكره انتي معاي في الحمل وماجوفين شر ان شاء الله |
رد: ديوانية البحرين - دردشة حوامل البحرين - البحرينيات
وينكم صاخين؟؟hwaml5
تمللت وانا بريحااااااااااتي |
رد: ديوانية البحرين - دردشة حوامل البحرين - البحرينيات
هلا ويش أخبار الجميع صبحكم الله بالخير ياحوامل البحرين ،حبيت أحط بصمتي لليوم ،ماعندي وقت أقعد على النت اليوم وأمس تعبانه وغير واجبات الأولاد المدرسية ،ذبحني علاووي وهو ينسخ الدرس في صف الثاني ،كل حين يبى ياكل جوعان وساعات يبي يروح الحمام وساعات مايدري عن المحاية والقلم ذبحني ويرد يقووم يعفط على طول الصالة وأني خلاص ماعندي إلا العصاية ÷،جم لشطة وهو قاعد ويرد ترجع حليمه لعادتها القديمة ،العصر بكمل واجباتهم والغذا ماستوى ويش هالحالة ،عذرو أغلب العضوات مابينوا اليوم يحلوون الواجبات وياأولادهم غير لمات الأهل، الله يسلم كل حامل ويردها في وقتها ،نادوا بإسمي باقوم مع السلامة
|
رد: ديوانية البحرين - دردشة حوامل البحرين - البحرينيات
صاخين اليوم
واجبات بتي للحين ماسويتها وياها على العصرية لين فضيت ولدي مينني على التعويد على الحمام عزكم الله فترة متعبه هذي عدل الله يعين فلونه ماتشوفين شر ان شاءالله، بس في المستشفيات الحكومية يقولون وش نوع الجنين؟ روز حليو اسم جود، الله اييبها بالسلامه ان شاءالله أحلام أم الله يعينش اني اليوم من صداف ولدي ييبت باربطه بحبل ينني حده البنات أهدأ |
رد: ديوانية البحرين - دردشة حوامل البحرين - البحرينيات
السلام عليكم شخباركم، مشكورين كل الي سألوا عني الشر ماييكم ان شاء الله ، طلع الالم من معدتي وماخلاني اصير زينة الا الدوى الابيض مال المعدة الحين وين ماروح وراي وان شاءالله ماشوف هالالم مرة ثانية قالولي شكله البيبي قاعد يكبر ويضغط على معدتج
|
رد: ديوانية البحرين - دردشة حوامل البحرين - البحرينيات
ماتشوفين شر حبوبه
|
رد: ديوانية البحرين - دردشة حوامل البحرين - البحرينيات
الشر ماييج، فجورة شسويتي عن التوزيعات؟ بديتي تدورين ولا للحين؟ انا باجر عندي التراساوند وبتأكد من اخر كلام ان فيني بنت وعقب بروح اسوي توزيعات
|
رد: ديوانية البحرين - دردشة حوامل البحرين - البحرينيات
انه رحت من قبل و عجبوني اشياء بس اذا المحل بيسويهم بيطلعون غاليين
قال زوجي بياخذهم بروحهم وبنشتغل عليهم واليوم بعد رحت محل في الرفاع اعتقد اسمه روشان عنده اشياء زينه بس وايد ياخذ على شغل يده ونحيس مايعطي سعر يمكن انتظر لين اروح حق دكتورتي علشان تعيد لي فحص السكر ومره وحده تجيك لي البيبي مع اني مسويه فور دي وتأكدت ان صبي بس خبرج الوسواس الخناس بادليج على محلات زينه حق توزيعات بس انتي قولي لي بجم حاطه في بالج |
رد: ديوانية البحرين - دردشة حوامل البحرين - البحرينيات
اها ، مافي سعر في بالي لاني بنوع في التوزيعات مابسوي بس نوع واحد
وين في محلات سنعه؟ اذا الله كتب وين بتولدين؟ |
رد: ديوانية البحرين - دردشة حوامل البحرين - البحرينيات
انه ان شالله في العسكري ولادتي
عندج محلات giveaways عندج روشان حلوين واسعارهم اقل شي دينار عندج وحده اسمها لؤلؤه بيضاء شغلها حلوو بيتها في شارع البديع اسعارها من 700 فلس لي دينار و200 واذا تبين اكثر عادي يعني تسوي على حسب الميزانيه وستانداتها حلوييين على 27 وفوق شوي وبنزل لج صور شغلها عندج زينه العلي حق طباعه جوكلت وكوكيز غاليه شوي توزيعات محل ماي تج حلويين بس غالي شوي |
رد: ديوانية البحرين - دردشة حوامل البحرين - البحرينيات
اها مشكورة وماقصرتي، انا شارية اشكال جاهزة بس باقي احط الجوكلت فيهم وبوصي على كب كيك
|
رد: ديوانية البحرين - دردشة حوامل البحرين - البحرينيات
حاضريين
انه ابي الشكر مال المناسبات مو محصله قالو لي سيما المناعي تسوي بس غاليه وابي جلابيه لنفاس حق لي ياو الناس في المستشفى بس المشكله انه وايد ضعيفه ومافي قدي لازم يفصلون والتفصيل بيطلع علي ب 35 على جذي جم وحده باخذ!! |
رد: ديوانية البحرين - دردشة حوامل البحرين - البحرينيات
الشكر خذناه من شارع الخدمات الي يوديج على الخريطه عند اكبر لاري ، الثياب جيكي جميلة الي في العدلية اختي ماخذه من فترة على 11 تقول
|
رد: ديوانية البحرين - دردشة حوامل البحرين - البحرينيات
اها جذي
انه اقول اسعارهم مو جذي لان اختي ماخذه من قبل انزين خذتي لج مفرش حق المستشفى!! يمدحون جزيره المفارش شكلي باخذ لي فره عليه |
رد: ديوانية البحرين - دردشة حوامل البحرين - البحرينيات
جزيرة المفارش اسعارهم غلايه انا قلت بشوف لي من السعودية
|
رد: ديوانية البحرين - دردشة حوامل البحرين - البحرينيات
هدوووء وسكووون في الديوانية وفجورة شكلي عاديتيها بطبعي اختفي مرة وحده هههههههه صارت نفسي ، فجورة يصيدج نغزات تحت ؟ هالجم يوم وايد صاير يصيدني اخاف اقول حق الدكتورة وتحوس من تحت انا بروحي خايفة من هالسالفة
|
رد: ديوانية البحرين - دردشة حوامل البحرين - البحرينيات
اقتباس:
تصدقين انا كنت اخذ الابر المنشطة تحت الجلدتعور وتحر من قلب كان الله بعونج والله الابرة مالت التثبيت الحين اخذها بالعضل ذاك الخميس ضربتني اياها وحدة فلبينية والله ماحسيت فيها كلش بس اول امس ضربتني اياها هندية عورتني من قلب تميت لليوم الظهر وانا مااقدر اقعد من العوار عليها يد ماشاءالله هههههههههههههه والله يسلمه علووووي الا اهو باي صف ماشاءالله عليه انا خالد بالخامس فديته اقتباس:
كان الله بعونج وعوننا انا من امس بهالواجبات حشى ماجستير مو ابتدائي وكل يوم اختبار لوعت جبودنا مدرسة النور وايد فيها واجبات ومسكين لاتطقينه وعليه ياهل لازم يبي يلعب ويتشيطن الله يخليه لج يارب فجورة وين سويتي التصوير الرباعي؟؟ |
رد: ديوانية البحرين - دردشة حوامل البحرين - البحرينيات
روووووووووووووز بالبركة اختي
ان شاءالله تجوفينها بين يدينج بكامل صحتها يارب وتفرحين فيها الفال لي ادعيلي اكون احامل ببنوتة |
رد: ديوانية البحرين - دردشة حوامل البحرين - البحرينيات
السلام عليكم ورحمة الله وبركاته روز ....مشكورة واهم شي حسيتو في غيابي تدرين للحين ماحس في حركة البييبي الا قليل قبل مارقد ام خليل..... اي المستشفيات الحكومية يقولون نوع الجنين اختي قالوا لها ولد وهالشهر ان شاالله ولادتها دعواتكم لها بالتيسير. أنا خاطري اعرف ولد او بنت عشان ابتدي اجهز للحين ما خذيت ولاشي. والباقي ....شخباركم
|
رد: ديوانية البحرين - دردشة حوامل البحرين - البحرينيات
احم احم ... السلام عليكم
|
رد: ديوانية البحرين - دردشة حوامل البحرين - البحرينيات
عليكم السلام هلا وغلا ، لي حين اهني ام حماني؟
|
رد: ديوانية البحرين - دردشة حوامل البحرين - البحرينيات
انا هني ... انتي رحتي؟
|
رد: ديوانية البحرين - دردشة حوامل البحرين - البحرينيات
لا موجودة شخبارج وشخبار ولي العهد؟
|
| الساعة الآن 08:30 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .