منتديات حوامل النسائية - دردشة بنات ليبيا , دردشة حوامل ليبيا , تجمع بنات ليبيا

اقتباس:

المشاركة الأصلية كتبت بواسطة *ام فراس* (المشاركة 3244683)

ان شاء الله لاباس عليهم ... ويمشوا ويجوا طيبين يااارب

معناها زوجك مش قاعد اليوم حديري سندويتشات غداك خخخخخخخخخخ

الله الله ع جو الجبل ... مافيه كيفه

ع سيرة الثقافه ... بس الثقافه الرومنسية ههههههه كنت نقرا ف رويات عبير القديمة طبعا زماااان ديما يفصلوا في الطبيعه
خصيصا جو اسكتلندا والريف متاعها وهواها... وضباب لندن وجوها و ... و... الخ
فيهن جو مع البطل والبطله ... بس للاسف زوجي مش رومنسي ابدا خخخخخخخ

قالي بنمشوا نتفرجوا ع طبيعة اسكتنلندا وبالمرة نشوفوا متحفها عشان سيف ويليام متاع فيلم بريف هارت كان حاضرتيه...

ضحكتيني ذكرتيني بالذي مضى ... روايات عبير كنا محرومين من الحب ولاقيينه في الروايات اهو

خير من العلاقات ... كنا نكملو في نقص الحب

اقتباس:

المشاركة الأصلية كتبت بواسطة sosolibya (المشاركة 3245783)

السلام عليكم

شنجووووووووووو

فروسة مشكورة زوجى صلحهولى

اوشى انت وين فى شحات سهفتونى اااااااااه

وبعدين مفروض امتعينك بما انهم شيابين كبار درتيلهم زميطة ولا عصيدة هههههه صح

سوسو تعالي هنا يابنت ... انت كنك معايا امس مسكتيني عالحلم واليوم عالفطور

الله يعطيك الهنا .... هماشيابيني هكي فطورهم .. وانا درت بزيادة عليهم

تصدقي ان فطورهم شاهي وحليب وخبزة بسسسسسسسسسسسسسس

وبعدها بساعتين ايديرو انصاص

والصفرة ردت كيف ماهي ماعدا الحليب والخبزة

وباهي توة انت كنك ما تقوليلي يمشو ويجو طيبين .. الا لا ضروري تتفالحي علي لقيتني

ساكتة مانتكلمش خخخخخخخخخخخخخخخخخخخ

ياحنة انا نسكن في شحات وبس مش الاثار او المزارع ولكن شحات المدينة

اقتباس:

المشاركة الأصلية كتبت بواسطة أم أجنادين 80 (المشاركة 3245809)

طبعا انا الأربعاء والخميس في العرس
والجمعة مع المغرب مشيت لحوش خالتي
خالاتي ومرت خالي عندها وكان احلي جو
روحت خالتي ومرت خالي وقعدت انا وامي وخالتي وخوي وولد خالي يلي ماشي للعمرة قاعد عند خالتي هذه
وماتصدقوش كم كانت فرحتهم بينا كبيرة

ماشاء الله اللهم بارك ربي يونسكم ببعضكم

اقتباس:

المشاركة الأصلية كتبت بواسطة أم أجنادين 80 (المشاركة 3245824)

اوشي الحمد لله حنتي طلعت اقنينه ودرتها نفس الصورة بالضبط
وحتي اييديا وطلعت صابغة وخليتها ساعتين ايديا وثلاثة رجليا
وحنيت بروحي في حوش بوي قعدت ايدي اليمين حنتهالي ماما بعد ما نقشتها
وفضلت شوية من الحنة حنيت ماما
بس اليوم الثاني رجليا وايديا وجعوني من الوضعيات يلي خديتها حتي نقدر انشوف رجلي من تحت

باهي باهي ماشاء الله