|
رد: تجمع حــوامل التوائم
اقتباس:
يسلمهم ويسمنهم ربي ياقلبي |
رد: تجمع حــوامل التوائم
سررررمد 0000000
مو دايم تدخل انت وحظك ان شاء الله اتكون بخير |
رد: تجمع حــوامل التوائم
انا نازل وزني لاني مازلت الله يكرمكم معاي وحام واستفراغ وانا بنص السابع
كل شئ بااجره يارب الله لايخيب تعبنا يارب |
رد: تجمع حــوامل التوائم
ام البنين ................
انا عيالى الحمدلله اعمارهم الحين 8 سنوات وبخير ومتفوقين . من ناحية التشابه للحينهم نسخه من بعض بس انا وابوهم واخوانهم نفرق بينهم واصلا حتى انا لما يعطونى ظهرهم ويلعبون بلاى ستيشن ماعرفهم . الصوت واحد . لونهم واحد . شعرهم نفس اللون والكثافه . نفس الوزن . لكن سبحان الله تصدقين ولدى ابو العمليه من انولد وهو فقيييييييييير خخخخخخخ من سحب اخوه دمه وهو شخصيته أضعف من اخوه وفعلا ماهى ظحك مادرى صدفه ولا لها تفسير علمى . شوفى ابو العمليه حساس . خجول . قلبه رقيق حيل . دمعته بطرف عينه . ودايما يمرظون مع بعض لكن هو يطول على مايطيب حتى المرض مستقوى عليه . اخوه الثانى اللى سحب دمه : قوى الشخصيه . ذهين . ماينظحك عليه . دمعته عزيزه . صحته ماشالله أقوى ويتحمل المرض . ونا فرقت بينهم وقت النفاس بالوحمه اللى بصدر الصغير . |
رد: تجمع حــوامل التوائم
السلام عليكم
زود الغــــلا مبروووووووك البنوتات والله يجعلهم من الصالحات تصدقين صار معي مثلك وانا بالشهر الخامس كان عندي موعد أشعه وماكنت اعرف جنسهم وقبلها بيوم شفت بالحلم اني لقيت بحوش بيتي وردتين صغيره براعم لسه مقفله ولونها وردي عجبتني مره والثنتين مع بعض بنفس الساق وانا اصلا ماعندي بالحوش ورود ولا شي واليوم الثاني رحت الموعد وقالت الدكتوره وحده بنت وحاولت تعرف الثانيه وقالت احتمال بنت... بس الحلم واضح صح |
رد: تجمع حــوامل التوائم
جومانا .......ما ادري يمكن شي طبيعي .
الحياة حلوة ........... انا عندي ولدين وما عندي بنات ياربي تقر عيني بشوفتهم بصحة وعافية . الحياة حلوة بسالك ........تاخروا عيالك بالتسنين والمشي والا عادي ... وهل كل مرة يمرضون مع بعض والا مو شرط؟ |
رد: تجمع حــوامل التوائم
الحياة حلوووة / يالله من جد معاناة الحمد لله على سلامة ولدك ، والله يجعل مااصابك تكفير يارب .. الله يجيبهم بالسلامه يارب ويتمم علينا ولايورينا مكرووه ..
|
رد: تجمع حــوامل التوائم
الحياة حلوة قبل شوي قالتلي الدكتورة اذا مشيمة وحدة نفس الجنس .
توامي فرحة عمري ....... حلمك واضح انه بنتين ...... انا لما سوتلي السونار الاولى بينت على طول والثانية قالتلي مسكرة رجولها معرفشي بنت والا ولد ..قلتلها ماني طالعة من اهني لين تقولينلي :) اتحسين اني نشبه مافيني صبر وتهز بطني هز لما تغيرت الوضعية وقالتلي مليون بالمية بنتين .الحمدلله . |
رد: تجمع حــوامل التوائم
زود الغلا على كم اسبوع عرفتي نوعهم وهل كان عندك احساس
|
رد: تجمع حــوامل التوائم
عزيزاتى امهات التوأم المتطابق اذا ولدتو بالسلامه وكبرو عيالكم راح تلاحظون ان شخصياتهم غير ثابته وتتبدل كل فتره .
راح تلقين احيانا واحد هادى وواحد مزعج لكن لاتفرحين لانهم كل فتره راح يتبدلون بالادوار وانا الحاله هذى استمرت مع عيالى لحد مابينت ملاامح شخصيتهم السنه هذى بس . كان واحد فيهم مزعج وبس يصيح ويتعبث والثانى هادى بعد أسبوعين القاه صار هادى واخوه اللى استخف . كأنه فى جنى يطلع من واحد يروح للثانى . كان ذوقهم واحد لحد سن الروضه ودايما يقلدون بعض باللبس وحتى لو ادخل محل وهم معاى واخيرهم بالون كل واحد بصوب القاهم يختارون نفس اللون . واذا شريت لهم مختلف لازم واحد يزعل ويبى نفس اخوه . وفيهم ميزه يحبون بعض حيل الله لايفرقهم ولايحرمنى منهم قولو امييين . وعندهم احساس غريب ببعض لازعل واحد الثانى يزعل . ويراعون مشاعر بعض وأغلب الأوقات متفقين بينهم بدون لاندرى مااشوف بينهم الهوشات اللى تصير مع اخوانهم الثانين . ماشالله تبارك الرحمن الله لايغير عليهم لانه مايحسد المال الا اصحابه لووووووووووووووووووول . |
| الساعة الآن 09:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .