رد: تجمع حبيباتي الكروشات اللي راح يولدون بشعبان
 

مرحبايا بنات
أخباركم وأخبار الكروشات ؟

ياربي يسهلها عليكم كلكم وتخلصو من الكرشه وترجع ايام الرشاقه hwaml02

ا
لحمدلله طلعنا اليوم الصباح انا وعبود من المستشفى
بس عندي له موعد بالمستشفى بكره
الصفار قوي عنده .. طول الوقت مسكرين عيونه وحاطينه بالحاضنه تحت النور الأزرق
بس اخذه ارضعه وأرجعه مره ثانيه :(
بس الحمدلله اخر يومين خفت نسبة الصفار عشان كذا طلعوني
وبكره راح يرجعون يكشفون عليه لو رجعت ارتفعت احتمال ينوموني معه عندهم بعد كم يوم



بالنسبه للأكشن اناوالله مافيني حيل اكتبه كله الحين
ان شاء الله ابفتح موضوع بعدين وبكتبه لكن بقوله لكم بـ إختصار
طبعا انا من قبل لا ادخل التاسع والطلق عندي مايوقف
يوم الثلاثاء المغرب حسيته بدأ يقوى وانا مطنشه اقول زي كل يوم بيخف
بس خلاص جات الساعه 3 الفجر وماوقف وبدا زوجي يحسب وكان منتظم يجي كل 12 دقيقه
دقيت على دكتورتي وقالت روحي المستشفى ، رحت المستشفى وحطو لي التخطيط
فعلا كان الطلق منتظم بس الرحم باقي على حاله ما انفتح اكثر من ماهو كان مفتوح
جات دكتورتي وشافو لي نسبة المويه ورجعوني مره ثانيه ع التخطيط وقالت الظاهر انك مطوله
انا بروح بيتي ولو صار شي المستشفى بيدقون علي
المهم اني قعدت اليومين كاملين طلق بدون مايفتح الرحم ولا شي
اقترحو يعطوني طلق صناعي بس انا مدري وش فيني ماطان عاجبني شي ومسويه قويه hwaml02
سبحان الله كذا الواحد يتغير رايه .. اقول يمكن يوقف وارجع البيت ما ابي اخذ شي واتوهق بعمليه
وبـ إذن ربي يوم الاربعاء الليل بدا الألم يصيرلا يحتمل وورا بعض كشفتعلي القابله والحمدلله لقت الرحم فتح 3
قالت ان شاء الله بالكثير لو طولتي بكره الصبح او الظهر انتي والده
سألوني اذا ابي ابرة ظهر او لأ .. كنت مقرره اخذها بس مدري ليه يوم قالت لي قلت لأ
حتى زوجي يقول بغيت اصفقك كف انا اقول لها ايه وانتي تقولين لا فشلتيني hwaml4
والله يا بنات من أول ماقالت فتح الرحم ع الساعه 1 وشوي الليل كل شي صار بسرعه
مع انها كانت متعسره يومين قبل .. بس ابد هو بدا ينفتح و ع الساعه 4 و 23دقيقه الفجر بالضبط انا ولدت
طبعا المستشفى كلمو دكتورتي وجات قبل ولادتي بساعه إلا ربع تقريبا
الولاده شي صعب بس حلو .. لا تخافون منها كلها ساعات وتروح
اغلب الألم والعذاب من الطلق ووقت مايطلع الراس وبعدها بس يطلع النونو جسمك يتخدر
ماعاد تحسين بشي
بالنسبه للخياط انا ماسوت لي توسعه لأنها قالت البيبي صغير وما ابي اسوي لك يمكن ماتحتاجين
لكن اللي صار انه صار عندي جرح بس الحمدلله مو مره كبير
الخياطه ألمتني أو كم يومين بقوه .. بس بعدها خلاص ألم طبيعي
طبعا للحين ما اخذت ولا شي للنفاس
وشكلي بتأخر في نزلتي للحين ماطلعنا لعبود جواز ولا شي
ربي يسهلها ان شاء الله ويخف عشان نطلع اوراقه وننزل
ن شاء الله بأقرب فرصه بـ ارجع اسولف معكم
بس اليوم بريح شوي

ربي يسهل عليك حبيباتي
والف مبروكـ للي ولدو كلهم

رد: تجمع حبيباتي الكروشات اللي راح يولدون بشعبان
 

الحمممممدلله على سلامتك ويتربى بعزكم عبود
الحمدلله ماشاء الله ولادتك كانت سهله
مشكوره انك عطيتينا من وقتك وقلتي لنا قصتك مع انك تعبانه الله يسعدك

رد: تجمع حبيباتي الكروشات اللي راح يولدون بشعبان
 

اهلا اهلا مس يويو وربي لك فقده ياحبيبتي
الله يكشف ضر ولدك عبود ويتم عليه العافيه يااارب
والله يسهل اموركم يااارب ووتتيسر ياااقلبي

رد: تجمع حبيباتي الكروشات اللي راح يولدون بشعبان
 

سفونه إذا سالتيها عن هالشئ اللي كانه يتمزع علميني وش تقولك الله يوفقك

رد: تجمع حبيباتي الكروشات اللي راح يولدون بشعبان
 

معرف هالاسبوع صار لي والله لو اصورها لج تخاااافي هههههههههههههههههههههههههههههههههههههههههههههههههه هههههههههههههههههههههههههههههههههه

رد: تجمع حبيباتي الكروشات اللي راح يولدون بشعبان
 

نوره الاموره ابشري ياقلبي اذا سالتها بلغتك

رد: تجمع حبيباتي الكروشات اللي راح يولدون بشعبان
 

سفوونة يالدب إن كان عندك نية ولادة الله يسهلك والله ما أكرهلك الخير
بس أعطيني خبر قبلها عشان أتفاهم مع نونتي اللي ناشبتلي :-/
خخخخخخخخ

مس يويو الله يشفي ولدك ويسهلكم يارب <3

'،
بنات أحس نفسي أستفرغ وإنتو بكرامة كأني أتوحم :(
وش السالفة ؟؟!!

،'
نورة الأمورة اللي زي الكهرباء أو الماس دايم صار يجيني بس على طول يروح
ولا أدري إيش هوا :-/
أحياناً أقول يمكن النونو طفشت وقاعدة تلعب بالحبل السري :-)

رد: تجمع حبيباتي الكروشات اللي راح يولدون بشعبان
 

الف مبروووك مس يويو وعقبال للباقين.

رد: تجمع حبيباتي الكروشات اللي راح يولدون بشعبان
 

ههههههههههههههه كيف طفشت وتلعب بالحبل السري

ههههههه زاويه م يعجبني خيالك الواسع ياحبي لك ياختي

ههههههههههههههه والله ضحكتيني وانا قاعده ابكي الله يسعدك

رد: تجمع حبيباتي الكروشات اللي راح يولدون بشعبان
 

اهلين ياكروشات*

مس يويو اهم شي ولدتي بالسلامه وان شاءالله يطلع لك عبودي بالسلامه يارب*

باقي الكروشات وشلونكم من ولد ومن للحين صامد زيي << كان عندها امل تولد اليوم او بكره

امس كان موعدي وللاسف الرحم نفس ماكان فاتح 1 ونص وقالت لي بنصبر لين نهايه الاسبوع*

ونقرر وش يصير يعني اصير اخذت من العاشر اسبوع تقريبا*

الله يسهل احس اني صرت من البؤساء ههههههههه مليييييييت كان المفروض موعد ولادتي اليوم او بكره*

بس مافيه عندي طلق ولا اي اعراض للولاده