|
رد: تجمع حوامل سوريا-دردشة ورود سوريا-دردشة الغاليات
اهلين زهورتي حبيبتي ... كيفك .... والله يا زهورة هوي ضايع بين كلام امه ولا حاول يدافع عني ... بتمنى انه ما يصير اللي انا خايفة منه ويتشتت شمل العيلة انا بحب حماتي وعمي وبتمنى مهند يطلع لحضن ستو وجدو ... بس كمان انا تعبت وهلا حاسة حالي كتير مرهقة وبطني كبر وعايفة روحي بتمنى تحس فيني وانو انا ام متل ما هيي كانت ام وتعبت ... بالنسبة لمهند هههه بدي جوزو 4 مشان مارس سلطتي ههههههه اي لكن شو بس انا بتعذب :p |
رد: تجمع حوامل سوريا-دردشة ورود سوريا-دردشة الغاليات
والله انا الحمد الله بخير والدورة لسا ما أجت واليوم قررت روح لعند دكتورتي اتصل فيها من امبارحة تلفونها مطفي قلتله لزوجي روح طلع على العيادة راح ولا شاف أنو ميتية من الشهر كانون التاني وهل بدي اسال على دكتورة شاطرة روح لعندها الله يرحمها تفاجأت بهل الخبر الله يصبرك ياهايدي ويارب تقومي بسلامة ويربى ابنك بعزكن وبين اهله انا اكره علي حدا يدخل فيني او يعلم زوجي علي
|
رد: تجمع حوامل سوريا-دردشة ورود سوريا-دردشة الغاليات
لاااااااااا قصتك يا هايدي بدها مخمخة ...
بس مخمخة فيها مزبوط رح رد عليك اكيد ... بس شي بشيب والله اللللللللللللللللله يصبرك ويساعدك يارب يارب يخليلي قلبك يا زهورة انشالله خير يااااارب متفائلتلك انشااااااااااااالله خير يارب ديري بالك ع حالك ... وخدي احتياطاتك الله يفرح قلبك ويجبر بخاطرك الهي يارب كيف الكل عنجد متكاسلين الصبايا .. |
رد: تجمع حوامل سوريا-دردشة ورود سوريا-دردشة الغاليات
زهورة نشالله ما بتشوفي الدورة لتولدي يا عمري .... الله يرحمها يا رب اهلين سلوووووووولة يا قمر .. شفتي ادي الحياة صعبة ... مخمخيلي وعطيني رايك لان بدي حل مع هالمشكلة ومالي غيركن حبيباتي .... شو اخبارك وكيف الحمل معاكي |
رد: تجمع حوامل سوريا-دردشة ورود سوريا-دردشة الغاليات
الله يكون بعونك والله حاسة فيكي مو معقول اللي عم بصير وانت بعيدة عن اهلك فوق كل هالشي وحماتك الله يحنن قلبها هالحجر كيف انسانيتها عم تسمح بهالشي !!
الغريب انها حابة تجوزو بنت عمو بس بظن في سبب ورى هالرغبة اكيد .. بعدين بالنسبة لكونك لبنانية هالشي بحياتو ماكان غريب او سبب لعدم تقبل حماية لكنة يعني بصراحة مابحس اي فرق بين السوريين واللبنانيين المشكلة باختصار شخص حماتك اول شي : ياترى حاولتي تحببي بحالك وبتعرفي انت اكيد شو بتحب الحماية من كنتها ويعني انتو اللبنانية لسا مافي اشطر منكم بالحكي الحلو والدلال (انا معك انو الوحدة مرات بتكره تكزب بس شو نعمل هاد طبع الحموات بشكل عام بحبو الكولكة والدلال) ازا لازمك مساعدة بهالموضوع انو كيف بتحببي بحالك عند حماتك انا جاهزة بس ما بظن ابدا انك بحاجة ماشالله عليكي مو بتعلميني وبتعلمي بلد ... سؤال جاوبي عليه بينك وبين حالك بصراحة ياترى مافي اي غلط عليكي ؟؟ بالنسبة لجوزك : في حق كبير كتير عليه ... ازا هو قلل من احترامو الك قدامها هالشي كتييييير زاد الطين بلة خلقة الله هي مو مهتمة بمعاملتك كويس بعدين شو هالشي اللي عملتيه لحتى يضربك ياترى بيستاهل ؟(ماتجاوبيني ) ولا لا يكون من نوع الرجال اللي بحب يتمرجل ع مرتو قدام اهلو .. بعدين شو كان موقفو وقت كانت حماتك عم تحكي انو بدها تلاقي عروس جديدة !!!!!!! انت شو كان موقفك ... بصراحة بعد كل هالشي كيف لسا بتحبي حماتك ماااابعرف ... بس ما تكوني صاحبة قلب شرشوح زيااااادة ههههه |
رد: تجمع حوامل سوريا-دردشة ورود سوريا-دردشة الغاليات
رح ابلش معاكي نقطة نقطة ... اولا يا عمري حاولت معها .... عزايم دلال .. حكي وكل شي وانا بحترمها لان بمحل امي ثانيا كلنا عنا اخطاء وما بنكر يمكن كون فيي اخطاء ... بس انا بالنهاية انسانة وحرام يللي عم تساويه فيني ... بالنسبة لزوجي ... وموقف الضرب ... كانت حماتي عنا وبوئتا من 9 الصبح ل 3 نص الليل ع رجليي بالمطبخ وعم ساعدها وهيي سهرانة عنا واكل واركيلة ودخان وخصوصي انا ماسدأت بطلت السيجارة ... ئلتلو يا عمري والله تعبت حرام عليكن رحموني شوي والله رح اوقع سمعتني واجت ئدامو ع مرتك ئليلة ادب كيف بتسمحلها تحكي هيك .... وانت الرجال ولازم تحترمك ومن هالحكي الافندي كان شربان ومخخ منيح مد ايدو وامو شو فرحت .... اااااااه شو بدي ئول ... والمرة التانية لما دفشني كان لان ئلتلو خدني لعند امي والله حرام لان مريضة وفحص اختي قرب لازم كون معها ئللي ما تحلمي ولما اعترضت دفشني باقوى مافيه والله ستر ما صار شي .. هالحكي من فترة قريبة كتير .. بالنسبة للعروس مو شرط بنت عمو لان تزوجت المهم تجيبلي ضرة وتاخد ابني مني وتخليه يطلقني ... انا لو شو ما كنت ما بستاهل تعاملني هيك والادهى زوجي مااااااااااااااا اعترض وكان سبب لتعبي بدل ما يواسيني :( |
رد: تجمع حوامل سوريا-دردشة ورود سوريا-دردشة الغاليات
ياعمري انت والله مافي اي غلط عليكي
هيك ما في ربع حق عليكي والحق بحطو انا كلوووووووووو ع جوزك في كتير اغلاط عليه ما بتنغفر وعنجد عاطيها مجال زيادة لامو ... وهيك مارح ترتاحي طول مو الوضع بهالشكل ولامت بدو يضل يمنعك تروحي عند اهلك يعني؟؟؟؟؟ في اقل منها ؟ تروح الوحدة عند اهلها المشكلة من عند زوجك ازا انحلت انحلت كل امور حياتك |
رد: تجمع حوامل سوريا-دردشة ورود سوريا-دردشة الغاليات
اااخ يا سيلا يا عمري الي من وئت حملت ما شفت امي حتى من بعد ما تزوجت :( شتئت لحضنها ... بس الله يسامحها حماتي عم تخليه يرفض روحتي وكاني رح روح وما رح ارجع :( لو ما كان في مهند والله ما بيهمني شي وبتركه بس ااااخ هالولد من ئبل ما يجي كسرلي ضهري الله يهديه يا رب كل يوم بقرا قران بركي الله بيهديه .... انا بتحمل كل شي الا انو ياخدو لمهند مني بدو يتزوج خليه يتزوج ... انا ما فارئة معي |
رد: تجمع حوامل سوريا-دردشة ورود سوريا-دردشة الغاليات
الله يهديه ويسخرو الك يارب
فعلا مالك غير رب العالمين وانا وكل البنات رح ندعيلك الله يريح بالك ويفرح قلبك ويحقق امانيكي ويكون وجهو لهنودة خير عليكم وع مستقبلكم وازا الهي الله يهيئلك سبب لتبعدي عن بيت حماكي انت وجوزك وابنك الله يهدي الوضع ويريح بالك ويهدي سرك ويهدي جوزك يارب |
رد: تجمع حوامل سوريا-دردشة ورود سوريا-دردشة الغاليات
آمين يا رب العالمين ... تسلمي لقلبي حبيبتي,, يلا صبايا رح نملي ساعتين لان مهند هلكني مبارح ما نمت وبرجعلكن نشالله سلامي لكل الصبايا ^.^ |
| الساعة الآن 01:49 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .