|
رد: تجمع حوامل ليبيا
ههههههههه
ربي يعاونك ام اسيل ويعوضلك تعبك راحة وخير ان شاء الله . |
رد: تجمع حوامل ليبيا
اية
صحة عا البرتقال لكن واجد يوجع البطن وماتكثريش دلع عا الراجل لو حبيبك عسل ماتلحسوش كلو |
رد: تجمع حوامل ليبيا
اقتباس:
الله يسلمك ياخيتي والله نحنا الصبايا مغير نشاكو كانا في الحوش نقولو ووووه كساد نفس الروتين وكان اشتغلنا نقولو وووووه تعب ارهاق ماعاجبنا شي ديما سنفور غضبان تبي الحق اسمالله على رجالتنا ديما متحملين النقنقة متاعنا |
رد: تجمع حوامل ليبيا
لالالالا هههههههههههه
تي غير منو اللي متحمل منو ؟؟ اسمالله علينا احني البال الواسع والكلمة الحلوة والضحكة والا شنو ؟ |
رد: تجمع حوامل ليبيا
اقتباس:
ربي يعينك ياوخيتى بالنسبة للصغار اخلاص سنه اولى مواليد 2004 هيا وعمر اولى روضة مواليد 2006 تعرفي حتى انى نحس في عمر بيتعبنى مش زى اخته اخلاص ماشاءالله عليها ذكية وتحفظ بسرعة شكلهم الاولاد اغبياء ولاكيف |
رد: تجمع حوامل ليبيا
السلااااااااااااااام عليكم
انشاءالله غير قاعدااات مش هاربااات زي العادة نبي نشاوركم |
رد: تجمع حوامل ليبيا
سلامي م يا ام ريحان ماهي مشكلتك هل عملتي جميع التحليل وماهي النتيجة وباانسبة للهواتف المصحة هي 3700152 3700156 وضروري من الحضور الشخصى ونصيحة الي كل واحدة تريد تحمل وخاصة انها رامية من قبل انها تحزم يعني 5يوم الدورة تروح تحزم و2345 يوم الدورة تشرب الحلبه ومعها قليل من القرفه والزنجبيل وانشاء الله تحملي وتشوفي باعيونك الحلوة سلامي الي حبل الوصل وام اسيل واية معراج وسماسم
|
رد: تجمع حوامل ليبيا
انا اليوم ليا 12يوم في العاشر
مشيت البارح لدكتورة في مصحة الفتح طمنتني وخوفتني الزوز قالت وضع الجنين كويس وكل شي تمام بس مخاطرة من الام على البيبي انها تفوت اكتر من اسبوع وخصوصا انها مش بكريه ونصحتني اليوم نمشي اندير وجع صنااعي وبالفعل كنت ناويه نمشي البارح ضميت الحوش وبرمت يمين وشمال ودرت دووووووووش سخوووووون و طويل وشطبت البوابه ههههههه (كل يوم تتشطب حتى لما كنت عروس مش هكي) والصبح جهزت حاجات سارة باش تاخدها امي ولما قالي هيا خفت مشيت كلمت صاحبتي عالتليفون قالتلي استني اليوم وبري اتمشي وغدوة في كلتا الحالتين بري وتوكلي على الرحمن اقتنعت وقعمزت(هههههه وحدة خايفة وما صدقت) توا قلت انخش وناخد نصايحكم انتم شن رايكم انصحوا اختكم حبيبتكم........... مش اطنشوا وتختفوا نبكي راهووووووووووووو البارح صليت استخارة وقعدت بلا نوم محتارة لبعد الفجر ولحد الان مش قادرة نقرر قرار نهائي |
رد: تجمع حوامل ليبيا
عيون انى ننصحك تديري وجع صناعى لانى نعرف وحده كملت شهرها وخشت التاسع ومابتش تمشي لعند ماجاها الوجع لما ولدت العيل كان شارب المية والنفاس وقعد 3 ايام بعدها مات بعيد السو عليك وعلى وليدك انى مانبيش نخوفك لكن والله خايفة عليك اسمعى كلام الدكتورة وامشي وربي يسهل امورك والله حندعيلك من قلبي
|
رد: تجمع حوامل ليبيا
هلا ام رنوة شن اخبارك
انتي وريحانه وام ردينه أية اليوم غياب انشاءالله المانع خير ام اسيل وحبل الوصل منورات التجمع صحه ليكم تخدموا انا نكره الخدمة ما صدقت حددوا عرسي وبطلت نخدم |
| الساعة الآن 08:34 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .