|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته ~~~~~~~~
أهلا بنااااااااااااااااااااااات اليوم تعـــــــــــــــــــــــــــــب في تعــــــــــــــــــــــــــــــــــب مشيت لحوشنا علي خاطر ضيوفنا الشراقــــــــــــــــــة الله يعزهم لقيت أختي جاية ،،، ومعاها بنتها اللي عقدت من مدة اسبوع وبدت تترجـــــــــــى في اطلعي معاي ناخد فستان لأن """ اللأستاذ""" بيجي وخاطرها تطلعله بـــــــــــــــــ لوك جديد آآآآآآآآآآآآه علي قلبي الصغيرووووووووووون طلعنا ودورنا وبنات توا مايعجبهم شـــــــــــــــــــــيء علما بأنها مختمرة لكــــــــــــــــــــــــن متابعة الألوان والتركيبات ووووو المهم بعد جهد جهيد وفقناااااااااااااااااا وخدينا الفستان وركبنا معاه فانيلـــــــــــــــــــة ناعمة وطبعا الإكسسوارات وكل حاجة من دكااااااااااااااان تفكرت جيجي اللي تشري في وقت قياسي ............. يانيالها ونيال راجلها ،،، الله يبارك طبعا رافعتنا أختي الثانية بسيارتها لأنها مشاوير متشعبة تبي مراااااااااااااااة وإن شاء الله الحال يلايــــــــــــــــــــم روحت بنطيح علي وجهــــــــــــــــــــــــي لقيت تليفوني اللي ناسياته فيه أكثر من 12 مكالمة من صويحبة لي قديييييييييييييييييييمة لكن عزيزة كلمتها إلقيتها مضااااااااااااااااااااااااااايقة وتبيني في أي مكان والآن ............. قلتلها تعاليلي في حوش أهلي وغسلت وجهي وهندمت شكلي شوية وخديت طاااااااااااااااسة عصير مسقعة علما بأنياليوم اغتسلت و صبحت صايمة وبعد ما رووووووووحت من مشواريـــــــــــــــ لقيت روحي مازال ما طهــــــــــــــــــرت!!!! شربت وكليت وقلت خلي نبدا من الأحد إذا سهل الله مازال يوم دين وستة شوااااااااااااااال بـــــــــــــــــــــس خخخخخخخخخخخخ جتني صويحبتي وهدرزت علي ووجعتلي قليبي وبكت شوية وحكت هلبة ونعتبرها دارت تطهير عاطفي وأعطيتها بعض الحلول لمشكلها وربي يفرج عليها ادعولها بظهر الغيب ربي يسهل أمرهاااااااااااااااااا وبعد العصر خشيت للمطبخ نجهزوا في العشي أرز بلاو بالخلطة وعصباااااااااانة وشاورما وزوز سلايط مشاريب سلطة فواكه وغسيل مواعين وتوا روحت قلت خلي نشوووووووووووووووفكم ربي يرعاكم |
رد: حبيباتى سيدات ليبيا تفضلو لأعرف ما حالكم
سوسو
الغاليـــــــــــــــــــــــــــــــة معليشي،،،،،،،،،،،، هوني الأمور عليك لأن الحياة في أغلب دروبها مطبااااااااااااااااااااااات والتعامل مع الناس كالسير في حقل مملوء بالألغام أضف إلى هذا لعل فيها خيرتهم عدم ذهابهم للأردن ,,,,,,,,,,,,,,, وبعدين هذا أمر متوقع ،،، وفكرت فيه بروحي وقلت : زعما شن ردة فعل شيابينها سوسو ؟؟؟ لأن الأبعاد اللي يفكروا فيها هم مش نفس أبعادنا نحن !!!! ونسأل الله أن يسهل أمرهم ويرزقكم الحكمة أينما كنتم وأحييك وبقوة ،،،،،،،،،،، على عاطفتك الرائعة ~~~~~~~~~~~ |
رد: حبيباتى سيدات ليبيا تفضلو لأعرف ما حالكم
هدية
مبارك على سوما أول ســـــــــــــــــــــــــــــــــــــــن وعقبال باقي الطاقـــــــــــــــــــــــــم ~~~~ جنوووووووووووووووودة مختفية إن شاء الله خير مخلية مكاااااااااااااااااااااااانها أمولة شن أخبارك وأخبار حملـــــــــــــــــــــــــــك ؟؟؟ أم فروسي شن الجو ؟؟؟ بنسألك عندنا صحبتنا خوها عايش سنوااااااااااااااااااااااااااات في بريطانيا والمدة الأخيرة قعد يبععثلها في بضائع متنوعة في وقت التخفيضات وهي تسوقله فيهم فسؤالــــــــــــــــــــــــــي هل لمواد التنظيف تاريخ صلاحية ؟؟ شامبوات وريمات ومعجون أسنان وين نلقاهم مكتوبين ؟؟؟ قالي زوزي بالك قريب تنتهي صلاحيتعم وحني غافلين !!!! تعرفي خديت منها معجون أسنان من خصائصه تسكين آلام الأسنان درت منه أول امبارح وجعني ضرس العقل كأنه كذبــــــــــــــــــــــــ بعد اسعماله مبااااااااااااااااااااااشرة حطيلنا ديكور باربي خلي نشوفوه ْْْْْْْ |
رد: حبيباتى سيدات ليبيا تفضلو لأعرف ما حالكم
ههههههههههههههههههههه
الكثير من الحروف سقطت لأني نطبع باليسرى بس شادة دودي باليمنى ~~~~~ أوشي صجتين كسكسو الأعرااااااااااااااااااااس وعلي ذكر الأعراس مش العرس اللي مشيتله أول الاسبوع هرب عليهم الضي وهي مش حاسبة بحسابه معندهاش مولد ولا حتـــــــــــــــــــى لامبات شحن صارت فيها حالة أم العروسة وجهها أصفــــــــــــــــــــــــــــــــــــــــــــر أخضـــــــــــــــــــــــــــــــــــر ماجاش إلا مع حطان العشي والخيمة مغلقة بالكامل ولت زي الكووووووووووووووووووووشة وهذاك الشعر قعد يتليس من العرق والوجوه ولت خرااااااااااااااااائط خليط من الكياج والعرق والحمد لله على كل حال ~~~~~~~~~~~~~~~~~~~ جنودة تدللي نديرلك مسج لبيبيك ولا يهمك ~~~ |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
اليوم زي اثري تعب في تعب نايضه بكري وضميت حوشي وطيبت غداي ووووووووووووووووووووووو الاربعه كملت القضيه لانها مكثفه شوي ومع السته توضيت وحطني راجلي عند المراه اللي تزين وروحت المغرب صليته في حوشي بديت انبدل شوي شوي ونسقت روحي استنيت العشاء صلينا وطلعنا رنوده للمزينه رفعتها وجننتني لكن في الليل مع بوها حياتو وطلعلي المكياج والتسريحه حلللللللوه الحق وامشيت للعرس في الاول هدوء بس بعديت التموا البنات وبدوا يدربكو ودف وجو حلو ومع جيه العرايس ياااااااااااارب يسعدهم ويخليهم ماشاء الله عليهم لاني ام بديت انخمم في ام العرايس وحسيت بعاطفتها اللي يغلبها حزن الفراق اكثر من الفرح ربي يصبرها وزعوا شكلاته راقيه وحلوه ورزاته وعبمبر وكيكه حللللللللوه والعشاء كله بنته قنينه بصراحه \ امبطن وبوريك بالسبانخ وسيخ دجاج ودولمه ورز حلو 3سلاطات يهبلوا خصوصا المشويه حااااااره خفت ناكل هلبه توجعني ههههههه ومشروب طبعا وانتي طالعه مكسرات وبكلاوه بس ماخديتش لاني سلمت هالعرايس و طلعت من الباب الخلفي مافيش قدامه زحمه افضل ورووووووووحت بالسلامه ولله الحمد |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
معقوله اليوم محد خش ابدا جنوووووووووووووووووووووووووووووووووووووده طمنينا عليك ارجوك وان شاء الله انتي وكل عيلتك بالف خير ياااااارب |
رد: حبيباتى سيدات ليبيا تفضلو لأعرف ما حالكم
حتي اليوم نايضه بكري بس علي خاطر راجلي اليوم عطله نضت قبله دوشت وجهزتله الحمام وحوايجه
ونوضته دوش ولما طلع كان فطوري جاهز فطرنا ورنوده قاعده راقده جت عزوزتي 12درتلها فطور هي وسلفي لان سلفتي بايته في حوش بوها مع انه فيه ناس جوها امس بس المهم درت دوره خفيفه عالحوش وبخرته وبدلت وصليت وتوه قعمزت وبس |
رد: حبيباتى سيدات ليبيا تفضلو لأعرف ما حالكم
السلام عليكم ورحمة اللله وبركاته
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكم جميعا
اهلين جنوده وين كنتي مختفية ؟ ليك وحشه |
| الساعة الآن 05:43 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .