|
رد: دردشة حوامل أهل الرياض - دردشة بنات الرياض - تجمع حوامل الرياض
السلام عليكم ...جمعه مباركه ... الله يعطيكم العافيه والصحه
ام ركوني مدينة الملك فهد حكومي زوجي سألهم عن امكانية الولاده عندهم قالوا اننا نستقبل الأوضاع الخاصه لازم تجبلنا ورقه من مكان ماتتابع زوجتك تقول الورقه ان وضعها صعب وماتقدر تولد في اي مكان او اثبات انه عندها مشاكل في الحمل وعندها تكرار في الإجهاض في هذه الحال نستقبلها ( واكيد الواو تبعد كل هذه الشروط ..الله يجزاك خير هههههه ) لكن توني وبالصدفه دريت انه فيه قسم بالفلوس بس ماسألت عن التفاصيل وكأني سمعت إن الولاده الطبيعيه بخمس آلاف وانت وحظك بالمناوب إن كان دكتور او دكتوره |
رد: دردشة حوامل أهل الرياض - دردشة بنات الرياض - تجمع حوامل الرياض
الدلوعه ..حياك ... ماشاء الله عليك ماقصرتي
مادام عندك كل الخطه ابدأي بالتنفيذ لأن الكتابه على الورق اسهل الحين لو تنزلين مره بتجلسين راحه اسبوع يعني الله يقويكي يبغالها صبر ووقفه على رجولك وانت تختارين الأفضل بالنسبه للجلابيات ... تلقين بالرياض غلري .. الدور الأول وانت داخله من عند المواقف المظلله تلقين جلابيات حلوه انا اخذت وحده من هناك وبالنسبه للسرير .. في سنتر بوينت لقيت اسره للبيبي حلوه وبيجي معاها مكان لتغير الحفاض من فوق والله لما لمستها ماشاء الله قويه تتحمل وعليها تخفيض وفي مفارش لسرير البيبي وكل حاجاته من رضاعات واجهزة تعقيم للرضاعات لقيت عليها تخفيض واخذت وحده بالنسبه لشنطة البيبي انا شريتها من (juniors) بسلام مول ... كان المحل موجود في الدور الأول بس للأسف سكر ... ماادري وين تلقينه كان هذا المكان يعجبني لأنه اغلب يلي يجيبه انتاج تشيكو وابغى اقولك بخصوص الشنطه لا تاخذيها مره كبيره خلي حجمها وسط وفيها قسمين مكان للحليب والرضاعه ومكان للحفاض والكريمات هذا من تجربتي لازم الفصل بينهم وماتكون كبيره لأنها بتصير عله في الشيل ويبغالها مكان الله يتمملك على خير وتقومين بالسلامه |
رد: دردشة حوامل أهل الرياض - دردشة بنات الرياض - تجمع حوامل الرياض
مساء الخير يابنات وشلونكم ياكروشات
من زمان مادخلت والله يابنات النفسيه زززززززفت وزوجي يرفع الضغط اذا جلس مع اهله يستانس واذا جلس معي لا كني موجوده تلفزززززززززيون وبس اليوم ماعنده دوام مخليني نايمه ونزل لهم وتركيني وانا بصراحه بسببه صرت اكرهه اهله لاني اشوفه يستانس عندهم وعندي لا ويجبرني انزل لهله وانا مابي لانهم محسسيني غريبه عنهم مايسولفون على راحتهم وحتى الاغراض اللي يجيبونها من برا وانا عندهم يخبونها حتى لمن يطلبون من السوبر ماركت مايبوني اشوف عشان ماعرف انهم بيسون حلى بروحون كل شي سر وتبوني انزل عندهم ابدددددددددددااااا |
رد: دردشة حوامل أهل الرياض - دردشة بنات الرياض - تجمع حوامل الرياض
ام جنى تسلمين يالغاليه ... طمنينا عنك ..تقومين بالسلامه
فوفو ..وحشتينا اكثر .. شلونك وشلون الحمل عشيري ... شلونك ياقلبي ..عسى امورك استقرت ..تقومين بالسلامه الصدر الحنون ..الله يجزاك خير ..آميين ... وانت إن كنت حامل الله يتمملك بخير ..وإن لا الله يرزقك بالذريه الصالحه ...ونورتينا |
رد: دردشة حوامل أهل الرياض - دردشة بنات الرياض - تجمع حوامل الرياض
ام فهود ... معليش ياقلبي ... لا تصير نفسيتك زفت ولا شي ..الظاهر انك تبينيلهم انك تزعلين .. إلا اهل الزوج يموتون ويرفعون ضغت زوجة الولد
لا والله اسوي نفسي ماشفت ولا حسيت وبالطقاق سوو حلى ولا ماسوو انت لا تزعلين كثير لأنك لو زعلتي كثير طفش الزوج ويصير يحس ان عند اهله الونس وعندك الهم ...خليكي ريلكس اضحكي وفرفشي وخليكي على مبدأ مزحه ورزحه... مجنونه انزلي واجلسي على قلوبهم انت موجوده بالغصب بالطيب ..وزياده انت ام عيالهم شوفي زوجك وش يلي يونسه عند اهله وسويه بالبيت ...وانت الحين حامل لا تزعجي نفسك لأن يعكس على البيبي الله يسخر زوجك ليك ..ودائماً ادعي الله وقولي (اللهم اكفنيهم بما شئت ، حسبي الله الذي لا إله إلا هو عليه توكلت وهو رب العرش العظيم ) |
رد: دردشة حوامل أهل الرياض - دردشة بنات الرياض - تجمع حوامل الرياض
هههههههههه طلعت. كل الي بقلبي
|
رد: دردشة حوامل أهل الرياض - دردشة بنات الرياض - تجمع حوامل الرياض
ام الاسمر
انا اللحين مخليته لوحده لاني زعلانه مالي نفس اجلس معه وش اسوي اروح له؟؟؟؟؟؟ وبالنسبه لاهله يضايقوني وانا ماتحمل لازم اتنرفز بس بمسك اعصابي |
رد: دردشة حوامل أهل الرياض - دردشة بنات الرياض - تجمع حوامل الرياض
اليوم الجمعه الله يعطيك العافيه ...روحي اجلسي معاه وقوليله كلام طيب
يعني ماهو اعتذار ...لا يعني سوي كأن شيءً لم يكن فيه كيك فيه حلى جيبيها مع القهوه وسولفي بشويش وثقل وابتسامه حلوه وش ماقال قوليله ابشر لبيه وفديتك ومشي الحال لا تخليهم يكسبون قلبه انت اكسبيه ... يالله قومي الله يقويك |
رد: دردشة حوامل أهل الرياض - دردشة بنات الرياض - تجمع حوامل الرياض
اقتباس:
مااستفتي غير التعب بس الي مصبرني اني ابي احجز سرير ولاده بس والا كان ماقبلت عليهمhwaml21 موعدي في 9/7هذا للاشاعه واليوم الثاني 10/7 ادخل على الدكتوره تخيلي اروح يومين وراء بعض ماادري وش يحسون فيهhwaml24 بس ودي اسوي الاشاعه عل حسابي واخلي دكتورتي تكتب تقرير عن الاشاعه واخذه معي لخالد وش رايكمhwaml13 |
رد: دردشة حوامل أهل الرياض - دردشة بنات الرياض - تجمع حوامل الرياض
والله معاك حق كلنا ماهو بس انت لو مافي هذه المشاكل في الحكومي
كنا ماخلينا المتابعه والولاده عندهم بس وش نسوي الله المستعان وماعليك إلا الصبر انا مااعرف ان الموضع هذا يصير ؟ إذا في امكانيه وتنقبل الأشعه ريحي عمرك وسويها بس اسألي قبل لا تتوهقي ويروح الموعد وتنتظري من جديد |
| الساعة الآن 02:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .