|
رد: تجمع حبايبنا في منتدنا الحبيب
مرحبا
سهرررررررررة الخميس مع فيلم (( الحفل الختامي )) المكسيكي طبعا ري ما قلت قمت اخذت شور واستشورت شعري وانا اعمل شعري قلت يا بنت اذا خلصتي جهزي ملابس الحفله عشان بس يصحوا عيالي ويلبسوا وخلصت شعري الساعه 2 وقمت حطيت لبس بنتي على كرسي التسريحه وطلعت بدلة ولدي وكمان حطيتها ع التسريحه بس لاحظت انو الكرفته مو موجوده وتبدأ المأساه واقوم ادورها في كل حته في غرفتهم مااااافي شي كان عندي امل الاقيها في غرفة الشغاله بس قلت عيب ادخل عليها وهي نايمه المهم رحت نمت ع الساعه 3 ونص لاني جهزت كمان ملابس بنتي وولدي الصغار اللي راح اوديهم عند عمتهم وحطيت راسي وصحيت خمسه ونص واصحيهم وافطرهم واسأل ولدي عن الكرفته ع طول تغير وجهه وقال ما ادري (( طبعا هما كان عندهم تصوير يوم الاحد وبس جو من المدرسه قلت يله كل واحد يفك ملابسه ويحطها بسلة الغسيل وقلت للشغاله غسليها وحطيها بالدولاب )) صحيت الشغاله وسألتها وطبعا قالت ما اعرف وينها دورنا في جميع انحاء البيت وما لقيناها ،،،،،،، جيت قلت ادخل غرفتي واخذ اي شي اسود واعمله وحده وانا داخله اشوف بنتي الصغيره تتحرك كثير قمت قست حرارتها لقيتها 39،3 واو واو واو ((( موسيقى تحزن ))) ع طول اصحي زوحي واقوله يكمدها بمويه ... اعطيتها الدوا وهو جلس يكمد وانا اخذت بنطلون اسود عندي جديد والله ما لبسته الا مرتين واقص منه ع شكر مربع واخيط من النص واحط فيها مطاط صح شكلها معاق بس شي احسن من لا شي * |
رد: تجمع حبايبنا في منتدنا الحبيب
الجزء الثاني
طبعا الكرفته اللي ع شكل فيونكه (( البابيون )) ولبسوا وخلصوا ع اساس نطلع كلنا مع بعض نودي الصغار عند عمتهم وبعدين نروح المدرسه بس مرره تاخروا عن المدرسه وزوجي رحمني قال خذي راحتك والبسي وانا اوديهم المدرسه لحد ما تجهزي وتجهزي الصغار ونمشي ونزلوا وكانت المأساه الثالثه وهي ان كفر السياره مبنشر يعني مستحيل السياره تمشي اه ااه اه (( موسيقى حزييينه )) وفجأة طلع جارنا وشاف المنظر اللي هم زوجي وعيالي يطالعوا السياره بحزن قام قال ولايهمكم طلع اخو زوجته معاه في البيت وعنده سياره وما يحتاجها الا الساعه 10 الحمد لله وكمان نزلت حرارة بنتي وغيرت بجامتي وجا زوجي وقال انا اخذت نص يوم اجازه راح اجلس مع الصغار عشان صعب نوديهم عند عمتهم وبنتي تعبانه المهم اخذتهم واخذت الشغاله ومشينا ونزلوني عند المدرسه ورجعوا البيت اكيييد كلكم تسألوا ليش اخذت الشغاله ؟؟؟؟؟؟؟((( المخرج طلب مني كذا )))) عشان سيارة جارنا مافيها كرسي اطفال وصعبه اذا نزلت المدرسه مين يمسك ولدي الصغير المهم نزلت الحفله والحمد لله حضرت من البدايه وكانت حفله رائعه بمعنى الكلمه كان لكل فصل فقره ولبس معين ،،،، ياناس ع بنات اولى ابتدائي كانوا لابسين لبس النحله وشايلين ورد وينشدوا يزننون المهم خلصت فقرة بنتي اللي في رابع قمت رحت عندهم في القاعه اللي يجمعونهم فيها وصورتهم مع اصحابهم وسلمت ع معلماتهم وجا زوجي اخذنا ع الساعه 11 لاني ما كملت الحفل اللي هي مسيرة سادس... وبس نرجع للفيلم |
رد: تجمع حبايبنا في منتدنا الحبيب
هههههه لسى ما خلصت السهره
رجعنا البيت وعيالي مهدودين من الحفله نااموا وكمان الصغار نايمين اخذتها فرصه وكلمت ماما وحكيت لها حكايتنا وحكاية الحفله وبعدين تفاجأت انوا اخت زوجي واخوه راح يجوني ع العشا ،،،((((موسيقى صاخبه تخوف ))) ع طول قمت اجهز البيت وانظف انا والشغاله ودخلت المطبخ اعمل حلى وسلاطات وخلصت المغرب وجونا بعد العشا وما خرجوا الا الساعه 1 واو واو واو خلاص احس نفسي مهدوده مانمت الا ساعتين الليله اللي قبلها بس طلعوا من هنا واحط راسي وانااااام |
رد: تجمع حبايبنا في منتدنا الحبيب
وحتى دحين احس نفسي تعبانه وابغى انام بس ماحبيت تسهروا ع افلام قديمه
المهم فيه ناس قالوا انهم تعبانين وحزام ناري الله يرفع عنك ويشفيك يارب واللي مزكم كمان الله يشفيه وتصبحوا ع خيييير |
رد: تجمع حبايبنا في منتدنا الحبيب
يا سلاااااااااااام من أحلى الافلام والله حبيبتي وانتي تحكي انا عايشة بالجو والصور بتيجي قدام عيني من كتر اندماجي معاكي بس والله كويس الحمدلله والله شاطرة في موضوع الكرافته
الحمدلله انكم انبسطوا بالحفل اجااااااااااااااااازة سعيدة بدون صحيان بدري للمدرسة الله يسسعدهم يارب |
رد: تجمع حبايبنا في منتدنا الحبيب
وانتي من اهل الخير حبيبتي
|
رد: تجمع حبايبنا في منتدنا الحبيب
ههههههه رهيبه ام روينا بسرد الاحداث
بس لو يموت زوجي وضيوفه مستقبلهم وانا تعبانه اخلاقي تقفل على طول ماشاء الله عليكي الله يحميكي من عيني وعين خلق الله بصراحه لوجارتي كان طحتي فيااا تحطيم احب النظافه واكره اشتغل مدري وش السبب |
رد: تجمع حبايبنا في منتدنا الحبيب
من جد قصه رهيبه احداثها على اعصابك تمشي الاموار الحمد لله عدت على خير
|
رد: تجمع حبايبنا في منتدنا الحبيب
صباح الخير يا بنات
أذكركم ونفسي بقراءة سورة الكهف |
رد: تجمع حبايبنا في منتدنا الحبيب
صباح خير
شخباركم وش مسوين ان شاء الله تكونون بتمام صحه والعافيه يارب انتو وعيالكم مرهفه غرام أميره ام رتيل أم روينا 4يو أم ساره أن شاء الله ما نسيت احد وحشتوني كلكم |
| الساعة الآن 08:11 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .