|
رد: للمتابعات في المركز الطبي الدولي بجدة
كيف الحوامل اليوم
انا راح اطلع من التجمع لأني خلاص ما راح اولد في الطب الدولي التامين حيتلغي للاسف يلا الحمد لله على كل حال والله يتمم لنا على خير في أمان الله |
رد: للمتابعات في المركز الطبي الدولي بجدة
زعلتيني والله ياسوسو
لكن ان شاءالله خيرة لكي طمنينا عليكي ياعسل |
رد: للمتابعات في المركز الطبي الدولي بجدة
لا تزعلي حبيبتي عادي
خيرهـ ان شاء الله وانا دحين بتابع بمستوصف الاقصى عند دكتوره اسمها وفاء عبد اللطيف طبعا هاي الدكتورهـ معرفه وهيا اللي ولدت زوجة اخوي قيصري واختي طبيعي وان شاء الله اولد عندها في مستشفى الزهرة طبيعي ^^ والله يتمم لنا على خير |
رد: للمتابعات في المركز الطبي الدولي بجدة
ان شاء الله ياغالية
|
رد: للمتابعات في المركز الطبي الدولي بجدة
ياحلوات عند مين تنصحوني اراجع بالمستشفى انا اتصلت كلهم باجازة قلت خليني اشوف برمضان ان شاء الله امانه اللي سمعت عندكتورة كويسه تنصحني على فكرة انا تامين وابرة الظهر تدخل من ضمن التامين ولا لا
|
رد: للمتابعات في المركز الطبي الدولي بجدة
معقولة ياغلا كلهم حتى د.سحر ود.ايهاب ؟؟؟؟
|
رد: للمتابعات في المركز الطبي الدولي بجدة
سمعت عن دكتورة هناء ودكتورة سوسن انهم كويسين
|
رد: للمتابعات في المركز الطبي الدولي بجدة
السلام عليكم روحمة الله , كيفكم إن شاء الله يا رب تكونوا بكل الخير والعافية , حابة أطمنكم ولله الحمد رحت موعدي الاسبوع الماضي مع الدكتورة سحر وعملت ألترا ساوند مع الدكتور إيهاب ودا الاسبوع راجعت كمان والحمدلله يارب كلو تمام ماعدا نسبة الدم نازلة شوي إن شاء الله الاسبوع الجاي كمان عندي موعد بما إني خلاص دخلت التاسع من أسبوع ونص فربنا يسهلها ليا ولكل حامل يا رب . . . سوييييييييييتي ..ألف ألف حمدلله ع سلامتك وربنا يخليلك بنوتك ويباركلك فيها طمنينا كيف كانت ولادتكhwaml7 ؟ . . سوسو .. مبروك دخولك الثامن يا عسل , وربنا يكتبلك كل خير والله ماني عارفة ايش اقلك ع الخبرية : ( غير الله يسهل ولادتك وين ماكانت , وماتنسي تطمنينا عنك . . . أم عبدالله ..وقت ما كنت بعمل الأشعة سمعت أنو الدكتور إيهاب راح يكون في اجازة لمدة شهر , بس الدكتورة هناء وسحر والله ما أعرف بس راح اتأكد إن شاء الله للاطمئنان وراح أخبركم . |
رد: للمتابعات في المركز الطبي الدولي بجدة
شكرا ياعسل لكن انا كان عندي موعد للاشعة مع د.فدوى وطلعت الاخت في اجازة شهرين hwaml4
وحجزت عند د.ايهاب اخر يوم في الشهر اما لو كان في اجازة هوه كمانhwaml17 المشكلة محد يسويها غير هادول الاثنين بس hwaml15 |
رد: للمتابعات في المركز الطبي الدولي بجدة
لا شكر على واجب يا ام عبدالله , وفعلاً زي ماقلتي غير الاتنين دولا ماحد بيعمل أشعة , بس غريبة يعملولك موعد فوقت ماتكون مسافرة العادة يقولوا !!!. ان شاء الله ربنا ييسر لك واطمنينا. |
رد: للمتابعات في المركز الطبي الدولي بجدة
بشريني أم عبدالله كيف متابعتك مع د.سحر؟ |
رد: للمتابعات في المركز الطبي الدولي بجدة
والله ياغالية لسه ماعملت معها موعد ان شاء اليوم اتصل واحجز عشان طلبت مني اجيها بعد ماسوي الاشعة بيومين وموعد الاشعة يوم 29-شعبان
وانا امس اتصلت على المستشفى وطلع فعلا د.ايهاب في اجازة hwaml4اظن شهر وقالوا يمديني اسويها مع د.فواز ادريس وانا ماابغى مع دا الدكتور ماادري ليه ؟؟ وقبل كده لما كانت مع د.فدوى قالوا ممكن اي فنية تسويها لكي بكل بساطة hwaml4 لكن من جد انا ناوية اسوي لهم مشاكل hwaml17واشتكي عليهم لانو مايصير يعطوا مواعيد لخلق الله ولما نجي يطلعوا في اجازة وانا اجيهم من ينبع يكفي المشوار لحالوhwaml15 |
رد: للمتابعات في المركز الطبي الدولي بجدة
مراااااااااااااحب كروووشات
ان شاءالله رااح اكون معاكم في التجمع لاني بروح للطبي وبسأأألكم عن دكتوره منال خرباج >>اتوقع كدا اللقب لان ابغى هناء بدران مافي مجال غير في شوال اخد موعد >> ع الولاده وانا في السابع لي اسبوع ومنتظرتكم وياليت لو فيه دكتوررات غيرهم افضل تدلووني مشكووورين وربي يتمم حملناا على خيرررر |
رد: للمتابعات في المركز الطبي الدولي بجدة
السلام عليكم ورحمة الله وبركاته حابة أبشركم ولله الحمد ولدت بالسلامة يوم الثلاثاءhwaml7 . وربنا ييسّرلكل الحوامل ولادتهم . |
رد: للمتابعات في المركز الطبي الدولي بجدة
حرم الشريف والله انك على بالي والحمدلله على سلامتك والله فرحتلك وتتربى /يتربى في عزكم يارب
|
رد: للمتابعات في المركز الطبي الدولي بجدة
هلا ام حبيبي منورة ياعسل
وانا اول مره اسمع اسم الدكتورة ومن جد دهناء جدا زحمة في المواعيد عندك د.سحر ود.سوسن انا حاليا مع د.سحر وجدا مرتاحة الحمدلله |
رد: للمتابعات في المركز الطبي الدولي بجدة
مساء الخير بنات
مبروك ماشاء الله للي ولدو والله يتمم للحوامل انا توني اكتشفت اني حامل وحابه اتابع بالطبي سمعت عن دكتورة عراقية بس ما اعرف وش اسمها رشحولي دكتورة ممتازه بالتوليد وماعليها زحمة وخياطتها ممتازه وتقبل التامين |
رد: للمتابعات في المركز الطبي الدولي بجدة
اهلا فيَ منورة
ومبرووووووووووووووووووك الله يتتم لكي على خير يارب والله ياعسل انا بكرية وبراجع عند د.سحر وماعندها زحمة لكن اذا الولادة معاها تدفعي 2500اذا كنت على التأمين ونفس السعر ل د.سلمى ود.منال الخرباش دائما د.هناء زحمة والكل يمدحها لكن ماجربتها |
رد: للمتابعات في المركز الطبي الدولي بجدة
طيب والدكتورة العراقية هيفاء اعتقد اسمها ما تعرفو عنها شي
ومين الدكتورات اللي ما ادفع ولاشي مع التامين |
رد: للمتابعات في المركز الطبي الدولي بجدة
يااخوات ليش ادفع والتامين يغطي الولاده يعني عشان ممكن تكون دكتورتي مو مناوبه وقت ولادتي
|
رد: للمتابعات في المركز الطبي الدولي بجدة
والله انا اعطوني ورقة للي تبع التأمين وشركة ارمكو مكتوب فيها د.فواز -د.ايهاب -د.رائد -د.سوزان 4000 ريال
د.سلمى بغدادي - ود.منال الخرباش -د.سحر 2500 طبيب أخصائي 1500 سواء كان مناب او غير مناوب لكن اسألي الاستقبال عشان تتأكدي افضل |
رد: للمتابعات في المركز الطبي الدولي بجدة
المفروض التامين يغطي مثلا بسليمان ولا بعرفان ماادفع ولاشي والطبي ليش ادفع والمستشفى بتاخذ من التامين قيمة الولاده اجل ايش استفدت على كذا بروح عرفان ولا سليمان يعني لاسمح الله لو رحت طبيعي وفجاه طلع قيصري ادفع 4000 الاف ليش وهو لازم يكون مناوب دكتور اخصائي ودكتوري استشاري للحالات الطارئه اجباري بروح اسال واشوف
|
رد: للمتابعات في المركز الطبي الدولي بجدة
غلا امي انتي روحي اسألي وقولي لنا .....
انا هادا الكلام قالتي هوه موظفة في الاستقبال (الدور الثاني -النساء والولادة ) |
رد: للمتابعات في المركز الطبي الدولي بجدة
كيفكم يا عسولات
وحشتوني ^^ انا اليوم زوجي قال انه ممكن ما يكون التأمين ملغي وراح يتصل ويتأكد من الشركه واذا التأمين ما زال شغال راح اولد ان شاء الله في الطبي الدولي دعواتكم |
رد: للمتابعات في المركز الطبي الدولي بجدة
ان شاءالله ياسوسو الله يكتب لك اللي فيه الخير يارب
ايش محد يتابع غير اللي دخلوا بس ؟؟؟؟؟؟؟؟ |
رد: للمتابعات في المركز الطبي الدولي بجدة
سوسو الله يكتب لك اللي فيه الخير
اليوم من جد رفعولي ضغطي دقيت ابي احجز عند هيفاء قالولي عن طريق السكرتيرة واعطتني التحويله ساعه ونص اتصل يرد انسرمشين رجعت للحجز اقولهم بس ابي اعرف هي في ولا اجازة قالت ما ادري دقي على استقبال النساء والولاده دقيت لين انهلكت محد يرد رجعت طلبت من السنترال د هناء بدران حولني عليها دقيقتين وردت الدكتورة لنفسها مره انحرجت واعتذرت لها وقلت لها انا كنت بحجز اعطتني تحويلة بصراحة ارتفعت بعيني التحويله محد يرد رجعت للحجز قاللت لي فل لين رمضان ومانزل جدولها قلت لها طيب هيفا عطتني تحويله ثانية وبرضو محد يرد بصراحة كرهتهم وش ذا التعامل وليه محد يرد دخت وانا اكتب تصدقون هالحوسه من قبل المغرب لين 9 وشي الحين انا نفسيا ملت لهناؤ بدران لان الكل يمدحها والتزاممها عجبني بس ليش مالها سكرتيرة خاصة .. هل هي اقل من هيفاء بعدين الانسر مشين حق هيفاء مو كل الايام تداوم ولا يكون دوام مو كامل وش قصتها ذي طولت عليكم بس جد انقهرررررررررررت |
رد: للمتابعات في المركز الطبي الدولي بجدة
مراااحب
انا موعدي عند دكتوره منال الربووع وان شاءالله اقولكم اش الي يصيرر وهنااء بدران شلت يدي منها لانها زحممه على طول وماتكون موجوده اغلب الاوقات تسافر كتييرر والله يسهلكم والله يعينكم ياارب |
رد: للمتابعات في المركز الطبي الدولي بجدة
معليش يافي دي الحركات تحصل كثير ....اغلب المستشفيات زي كدا
انتي اتصلي وحطي رقم 7 يردو عليك ...انا كده اسوي لاوالمشكلة الى الان جدول رمضان مانزل زالله حسسوني كأني في جامعة الملك عبدالعزيز <ههه ماادري عن دي الدكتورة والله ام حبيبي طمنينا عليك ومن جد هناء جدا زحمة وكل ماابغاها الاقي اقرب موعد بعد اسبوعين او 3 الله يعيين |
رد: للمتابعات في المركز الطبي الدولي بجدة
سلاااام حبايبي ودي اسالكم عن د :سحر عنها زحمة لاني باروح بكرة ان شاء الله انتظار و ابغى اسال الانتظار عندهم يطول لاني لما كلمتهم ابغى احجزموعد قالت مافيه.. المشكلة اني في التاسع هل لازم اراجع والا اروح مستشفى ثاني وبس وقت الولادة اروح الدولي. ياليت تنصحوني.. |
رد: للمتابعات في المركز الطبي الدولي بجدة
صحيح المواعيد كلها فل مع كل الدكاترة لكن انتي اتصلي عليهم اخر يوم في شعبان واحجزي لان جدول الدوام ينزل في بداية الشهر ....والله يسهلك حبيبتي ...
واناولا مرة رحت انتظار ..... |
رد: للمتابعات في المركز الطبي الدولي بجدة
مراااااااااحب
اخباركم ..؟؟ جيتكم كان عندي موعد مع دكتوره منال الخرباش وهي يمنيه استشاريه بس شكلها صغيير مو على انها استشاريه كان موعدي عندها الظهر ولما رحت عندهاا كان عندها عمليه فكانت مستعجله مرررررا وقالت لي اسبوع وتخلصي السابع وريتها تحاليل معايا من اول واخذتها وحطتها في ملفي .. وقالت لي سويتي اشعه للتشوهات الجنين وفحصه >>تفحص الجنين من والى << قلت لها ماسويت قالت لا دا لازم يتسووى مرتين في الثالث والسابع واخذت موعد مع دكتور ايهاب هوو اللي يسوي الاشعه الله يعيني حيكون وحده الظهر الموعد في رمضان وبعدو بيومين اروح للدكتوره واجلس معها اكترر من اول وسأألتهاا اذا التحاليل او الاشعه اسويها عندهم او برا قالت اللي يريحك لو تحسيها غاليه مو مشكله سويها برا >> وانا كاااش مو تأأأمين وبس دا اللي صاااار معايا في الموعد وان شاءالله الجااااي يكوون افضل وافضل ويقوومنا بالسلامه يااارب |
رد: للمتابعات في المركز الطبي الدولي بجدة
كيفكم حبيباتي وحشتوني كتير
انا اليوم العصر عندي موعد مع الدكتوره هناء بدران طبعا قلت اني ماراح اتابع عندهم عشان التأمين راح يلتغي بس زوجي قلي انه ما التغى الحمد لله وراح اكمل مع المركز انا دخلت التاسع اليوم بالسلامه الحمد لله وان شاء الله لما ارجع من الموعد اقولكم شو صار دعوااااااتكم |
رد: للمتابعات في المركز الطبي الدولي بجدة
مووووووووفقه سوسو وبشررريناا
|
رد: للمتابعات في المركز الطبي الدولي بجدة
السلام عليكم
اااااه دوبي رجعت من المستشفى ورحت طبعا لمركز الطب الدولي لقيت المواعيد والانتظار فلللل واخذت موعد تاني يوم 16 اغسطس مع الدكتوره سوسن عبد الدايم لأن الدكتوره هناء بدران حتسافر بعد اسبوع :( واخدت الموعد وطلعت ورحت على الدكتوره تبعتي اللي كنت بتابع معاها ودخلت وعملت لي تصوير وقالت كل شي تمام والبنوته وزنها 2 كيلو و 400 جرام ^^ وراسها الحمد لله تحت بس مايل على اليمين شويه وقالت لازم تنامي على جنبك اليسار وقالت استمر على الحديد مرتين باليوم عشان دمي 10 ويعتبر ضعيف ووصتني آكل كويس واقلل من المكرونه والارز واكتر من اللحمه والعسل الاسود والتمر والفاكهه وابعد عن الشطه والمياه الغازيه والشيبس واشرب زنجبيل وميرميه عشان تسهل الولاده وامشي كل يوم ساعه واعمل تمارين القرفصاء خمسه الصبح وخمسه في المساء عشان الحوض وقالت تعالي يوم 12 رمضان عشان اعمل لك كشف واقيس حوضك عاد انا سمعت كده وخفت وقلت خلاص قربت ساعة الصفر هههه وبسسسس هادا اللي صار معايا وسوري طولت عليكم والله يتمم لنا على خير |
رد: للمتابعات في المركز الطبي الدولي بجدة
gigjfijgjojj
|
رد: للمتابعات في المركز الطبي الدولي بجدة
طيب ايش رايكم في سلمى بغدادي؟؟؟؟؟؟؟؟؟
وسحر عيدروس ؟؟؟ كيف هي اخصائية ولا استشارية |
رد: للمتابعات في المركز الطبي الدولي بجدة
كيفكم كروشات
زمااااان عنكم وحشتوني المهم مافي وحده تعرف معلومات عن سوسن عبد الدايم لأني راح اتابع معاها ان شاء الله |
رد: للمتابعات في المركز الطبي الدولي بجدة
اللي متابعه مع صباح تقولي عنها
لاني ممكن اتابع معها لاول مره وكيف تعاملها وقت الولاده ؟ |
رد: للمتابعات في المركز الطبي الدولي بجدة
انا عندي موعد عند الدكتورة سوسن يوم 13 رمضان عشان اتابع معاها ياحلواات مين تابع معاها وكيف ولادتها
|
رد: للمتابعات في المركز الطبي الدولي بجدة
انا ما راح اتابع في المركز خلاص
التأمين التغى :( يلا الحمد لله على كل حال اشوفكم على خير في أمان الله |
| الساعة الآن 01:22 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .