|
رد: دردشة حوامل أهل الخرج - دردشة بنات الخرج - تجمع حوامل الخرج
تحت امرك دلوعه ** فيه شي ثاني وحلو انك تهديها طقم سفره متكامل , أو روحي سنتر بوينت اللي في الحديثي واطلعي فوق لقسم التحف والاواني وبتلاقي اطقم شاي قمة قمة قمة في الروعه عبارة عن ابريق الشاي وملحقاته والاستاند بس شي خيال انا اهديت وحده من قريباتي والله طالع شكله جنون في المطبخ , أو اذا كانت ميزانيتك حلوة روحي نعومي وبتشوفي طقم الباشكير اللي هو روب الحمام وملحقاته ناعم جدا جدا وذوق هو تقريبا سعره 300 ** وفيه حركة انا كنت اهديتها لاخت زوجي قبل زواجها عبارة عن كرتون هدايا ونثرت فيه ورد مجفف معطر من نكتار وحطيت جوات الكرتون ثلاث ارواب نوم مختلفة الموديلات وطقم داخلي ؟؟ وعطر جسم من بودي شوب وبودرة جسم من نكتار وعطر شعر من نكتار وبعدين غلفته واهديتها ... طبعا اذا انتي حابه تزيدي سي بالكرتون او تنقصي براحتك ع حسب ميزانيتك .. اتمنى اكون افدتك واي شي تحتاجيه لا يردك اللا لسانك .....
|
رد: دردشة حوامل أهل الخرج - دردشة بنات الخرج - تجمع حوامل الخرج
هلا والله باهل الخرج كلهم ..
ونااسسة دردشة لااهل الخرج انا عروسة جديدة بالخرج حبيتهااا وحبيت اهلهااا فددديتهم مع ان لي سنة فيها بس الحين ام جديدة لبنوته الحمدالله الله يسسسهل على كل الحوامل ياارب |
رد: دردشة حوامل أهل الخرج - دردشة بنات الخرج - تجمع حوامل الخرج
هلا فيك ام دنو والله يحييك معانا وانا زيك ضيفة ع الخرج بس صار لي فيها 8 سنوات صراحه ارتحت فيها فيها كثير وما ودي انقل منها ** ودعواتنا للغاليه ام علاوي 99 انها تكون حامل لان اليوم بتسوي تحليل الحمل وباذن الله تصير كروشه معانا ونسوي لها شريط الحمل ** اجدد الترحيب فيك ام دنو واهلا وسهلا فيك
|
رد: دردشة حوامل أهل الخرج - دردشة بنات الخرج - تجمع حوامل الخرج
هلاء وغلاء ام شوق ما قصرتي وبصراحه اعجبتني افكااااااااااارك راح اسوي منها وانتي ما تقصرين راح تساعديني
واوووو معنا ضيفه جديده من الخرج حياك حبيبتي منوره ام دنو وانا جديده بالخرج لي سنه ونص وتقريبا |
رد: دردشة حوامل أهل الخرج - دردشة بنات الخرج - تجمع حوامل الخرج
ياقلبي ام علاوي فديتها والله انا فاقدتها يارب تكون حــــــــــــــــــــــــــــــامل
|
رد: دردشة حوامل أهل الخرج - دردشة بنات الخرج - تجمع حوامل الخرج
ابشلركم ام علاوي 99 حامل ** الله يحفظها ويتمم حملها
|
رد: دردشة حوامل أهل الخرج - دردشة بنات الخرج - تجمع حوامل الخرج
مسا الخير حبيباتي .. كيف صبايا الخرج ؟؟
ياقلبي ام علاوي .. الف الف مبررررررررروووووك والله يتمملك على خير .. |
رد: دردشة حوامل أهل الخرج - دردشة بنات الخرج - تجمع حوامل الخرج
مرحبا بنات كيفكم اخباركم
وحشتووووني ابشركم بصير زيكم انا حــــــــــامل يارب تمم حملي ع خير دلوووعه اخبار حملك ان شاء الله مشي ام فهد الله يبارك فيك ام شووووق جعلني مفقدك ياغلى صديقه عرفتها بحياتي |
رد: دردشة حوامل أهل الخرج - دردشة بنات الخرج - تجمع حوامل الخرج
هلا والله بام علاوي 99 وحشتيني مووووووووووووووووت الله يفرحك بالنونو السليم المعافى يا اطيب قلب عرفته بحياتي ولك اقوى أموووووووووووووووووووووووواح
|
رد: دردشة حوامل أهل الخرج - دردشة بنات الخرج - تجمع حوامل الخرج
ههههههههههههههههههههههههههههه
ياحبي لك ام شوق شكل خلاص اذا بغيتي شي اكتبيه هنا ولك مني احلى بوسه انتبهي ع النونو الله يفرحني وياك واخواتي المحرومات بطفل السليم المعافا دلوووووعه اخبار |
رد: دردشة حوامل أهل الخرج - دردشة بنات الخرج - تجمع حوامل الخرج
ام علاوي حبيبتي انا من الخرج بس اني ساكنه بالرياض والحين راح اراجع في مستشفى التخصصي
نصيحتي حبيبتي لك , انا عندي اخت ساكنه بالصحنه وولدت بمستشفى الملك خالد انتبهي تولدين فيه وربي وربي بدال مايقصوون الحبل السري قصو حالبها البولي وربي والده قيصريه هي وجتها جلطه برجلها وحالتها حاله جلست ثلاث شهور او شهرين ونص بالمستشفى وطلعت الكلام من سنتين او ثلاث تقريبـآ بسم الله عليك والله يبعد عنك الشر حبيبتي والف مبروك البيبي انتبهي لنفسك حبيبتي وتقومين لنا بالسلامه ياروحي , |
رد: دردشة حوامل أهل الخرج - دردشة بنات الخرج - تجمع حوامل الخرج
مراااحب يابنات
اشكرك اختي فيونكه بالعربي ان كان قرائتي صحيحه الله يثبت لي حملي وكل حامل والله شكل مالي الا الامير سلمان انا جربت ولادتي بولدي حلو فاضين بس ماعندي الا ممرضه وحده بس مافيه حضانه هذا اللي مشينهم ولاسبحو البيبي وععععععع اقرفوووني لين جت ممرضه سعوديه وطلبتها طلبه تسبحه الله يعين |
رد: دردشة حوامل أهل الخرج - دردشة بنات الخرج - تجمع حوامل الخرج
طيب والله صراحه مستشفيات الخرج وكذا رايحه فيها يعني مافي اهتمام وكذا لانو محافظه مو زي الرياض يعني العاصمه والخرج ماتبعد عن الرياض الا 80 كيلو يعني كانها تمشيه حاولي تقنعين زوجك اخر اسبوع المتوقع من الولاده استاجرو شقه وتعالو بالرياض واولدي بالرياض والله احسسسسن لك عاد مدري انتي عن وضعك مع زوجك بس اذا هو من النوع اللي يحب يساعدك وراح يسسمع كلامك لانه يدري انو السالفه تعب وكذا عادي بيجيبك
والله اهم شي لاتولدين هناك بسم الله يخوفون يا ام علاوي بسم الله عليكم :( |
رد: دردشة حوامل أهل الخرج - دردشة بنات الخرج - تجمع حوامل الخرج
وآيه صح فيونكه فديتك هههههههههههههههههههههههه
|
رد: دردشة حوامل أهل الخرج - دردشة بنات الخرج - تجمع حوامل الخرج
صباح الخير ....اخبار الكروشات ........الف الف الف الف الف الف مبروك ام علاوي الله يتمم لك على خير والله فرحت لك .حبيبتي كولي المثبتات الى نهايت الثالث لأنك بعد اجهاض صعبه ........انا الحمدالله رحت قبل يومين لموعدي مع الدكتوره والحمدالله قالت كل شي تمام و وقفت المثبت بقى معي حامض الفوليك والجوسبرين .......الحمدالله الله يفرح قلبك وقلب كل محرومه يارب .ويتمم للكل يارب .........
انا بالثالث الحين بس يا اخواتي ما احس بالوحام ابد والله اني خايفه |
رد: دردشة حوامل أهل الخرج - دردشة بنات الخرج - تجمع حوامل الخرج
اهلين اختي فيونكه اخبارك واخبار الحمل معاك الحمدالله على سلامة اختك اخبارها الحين ..بصراحه ما احد عندنا جرب مستشفى خالد خوات زوجي يولدن في مستشفى المصانع والله يمدحونه مرررررررررررررره وعنايتهم حلوه
الله يتمم علينا جميعا |
رد: دردشة حوامل أهل الخرج - دردشة بنات الخرج - تجمع حوامل الخرج
مبروك التجمع انا ضيفة عالخرج من 8شهور وحامل بنهاية الخامس اراجع عند ناهد بالتعاون عجبتني بصراحة مشكلتي المشيمة نازلة وانا يابنات مثانتي ماش اطول بالحمام ذاك الاسبوع بعد الجماع حسيت بشي طالع من المهبل زي الورمة ارتعت حسبتة الجنين لمستة صار زي الورمة وطلعت بسرعة من الحمام ارتجف ونمت بكرة اختفى وماصرت اطول بالحمام جد خايفة انا كثير ازحر وسببتلي بعد بواسير اة بس متى اولد انا بكرية وابي اولد وارتاح وابولد بالخالدية زوجي يقول مالك الاهو تكفون اللي ولدت فية تقول كيف الخياطة اهم شي وهل ادخل بشنطتي معي ؟ وابي تدلوني على محلات تجهيز المواليد بالخرج وتجيزي غيرسنتربوينت وسيتي ماكس..اذا مافية خلاص اروح الرياض لان هلي هناك بس دلوني على اسامي,,,,,واللة يهون علينا ويسهل ولادتنا ويرزقنا اطفال حلوين وخلوقين قولوا آمين.
|
رد: دردشة حوامل أهل الخرج - دردشة بنات الخرج - تجمع حوامل الخرج
بنات لية مارديتوا علي ساعوني محد ولد بالخالدية وكيف الخياطة ؟ودلوني على اسواق ومحلات المواليد؟
|
رد: دردشة حوامل أهل الخرج - دردشة بنات الخرج - تجمع حوامل الخرج
اهلين اختي لطوف اخبارك تمام حياك الله بالخرج منوره .......مبروك الحمل .الله يتمم عليك يارب ....الدكتوره ناهد حلوه ونفسها طيبه ...ليش بتولدين مستشفى خالد دام اهلك من الرياض ليش ما تولدين بالرياض احسن لك ..وعنايتهم احسن من خالد بكثير ..وزوجك وش يشتغل ...اذا عسكري روحي لمستشفى المصانع حلو مره
وحياك الله اختي معنا في دردشة حوامل اهل الخرج اختك دلوعة سعد |
رد: دردشة حوامل أهل الخرج - دردشة بنات الخرج - تجمع حوامل الخرج
اما الاسواق بصراحه انا مثلك جديده بالخرج لي سنه ((بس اذكر في سوق اسمه عبد العزيز او ابن قاسم ))هذا انا قبل ما اطلع لأهلي بالقصيم اروح اشتري منه لأولاد اخواني منه حلو ورخيص وكل شي فيه هذا الي اعرف هنا بالخرج
ياليت البنات الباقي يفيدونك بالاسواق اعذريني ما اعرف شي هنا لو بالقصيم ابشري ههههه الله يتمم علينا جميعا ويرزق كل محرومه |
رد: دردشة حوامل أهل الخرج - دردشة بنات الخرج - تجمع حوامل الخرج
هلا دلووعة هلا حبيبتي الحمدلله بخير ,
اختي طيبه بس تخيلي للحين رجلها منفخه وربي ,, من كم سسنه للحين آلمهم بقولك شي :( الحين انا في 30 / 3 , بدخل الشهر الثاني , متى ابدا احس بالوحم ؟ احس ماتوحمت ولا شي طبيعي كذا ولا متى يبدا ترى ماعرف ياعمري انا انرحم :( علموني |
رد: دردشة حوامل أهل الخرج - دردشة بنات الخرج - تجمع حوامل الخرج
مرحبا بنات
واخير رجع النشاط للتجمعنا اخباركم مع الحمل الله يسل عليكم بخصوص تجهيز المولود عندك البطااااااح وعندك سربااااال وعند عبد العزيز قسم المواليد يهبل ونسيت ممنوووون كلها محلات حلوه واسعارها معقوله بخصوص الوحاااااام والله اني بحملي بعيالي حملت ولدت ولاصار معي وحام بس النوووم كنت مابي اصحي بس حياتي نعسانه وفيني نوووم حتى حملي الحين موحاسه بشي بس كبدي تلوع علي ودي ارجع |
رد: دردشة حوامل أهل الخرج - دردشة بنات الخرج - تجمع حوامل الخرج
اي فاهمه عليك بس ابي افهم متى يبدا الوحم اساسا عند الناس الثانين مب شرط انا ولا انتي يعني كل الناس يبدا بالثاني ولا الاول ولا الثالث ولا متى حبيبتي؟
|
رد: دردشة حوامل أهل الخرج - دردشة بنات الخرج - تجمع حوامل الخرج
هلابكم اخباركم تمام ...الحمدالله الحمل ماشي معاي بس مثل ما قلت لكم ما في وحام ابد
فيونكه انا بدخل برابع ولا احس بوحام ابد ام علاوي انتي كذا ما تحسين بوحام والحمدالله عيالك صحتهم زينه الله يخليهم لك تكفين طمنينا لأنا اول حمل لنا |
رد: دردشة حوامل أهل الخرج - دردشة بنات الخرج - تجمع حوامل الخرج
هلا دلوووووووعه
الله يتمم عليك باعافيه انا والله كل حمااااااااالي ماحسيت بوحامل برجع لكم |
رد: دردشة حوامل أهل الخرج - دردشة بنات الخرج - تجمع حوامل الخرج
مرحبا بنات
كيفكم ؟؟ انا اليوم نفسيتي زيروو كله ابكي ومن غير سبب !! وحاسه اني ابي اراجع مع اني بنص الرابع .. معقول وحاام؟؟ الي تسأل عن اسواق لتجهيز المواليد .. انا بعد جديده لي 6 شهووور بالخرج خخخ وانا افر بالخرج شفت ممنوون شكله حلو لكن ما دخلته .. |
رد: دردشة حوامل أهل الخرج - دردشة بنات الخرج - تجمع حوامل الخرج
سلامتك ياام فهد
وسعي صدرك واذكري الله لا بذكر الله تطمئن القلوب يابنات تحمد لاختنا ام شوووق 05 الله يقووومها بسلامه اقولها ماتشووووفين شر يالغلا كله دلووووووووعه اخبارك ماحسيتي في نهايه الثالث بحركه في بطنك حركه وحده ان كنتي حسيتي فيها فانه باذن الله ولد واذا ماحسيتيها اتوقع انها بنوووته حلوه ودلوعه زي امها الله يسهل علينا اجمعين |
رد: دردشة حوامل أهل الخرج - دردشة بنات الخرج - تجمع حوامل الخرج
سبحانكـ اللهم بحمدكـ اشهد ان لا اله الا انت استغفركـ واتوووب اليكـ
|
رد: دردشة حوامل أهل الخرج - دردشة بنات الخرج - تجمع حوامل الخرج
السلام عليكم ....اخباركم .....سلامتها ام شوق 05 وش فيها ....ان شاءالله خير يارب
ام علاوي انا كذا احس شي ببطني مثل النبض السريع وبعدين يختفي ...وانا ما اعرف وش هل حركه او مجرد نبض انا في نصف الثالث ...يعني ما بدت الحركه ولا بان نوع الجنين عندي بس سويت حركه قالتها وحده من البنات هي انك تحطي ملح مع ((واتنم بكرامه ))((بولك الصبح ))فأذا طلع طبقه فوق بيضاء معناه ولد واذا خيوط بنت وانا طلع معي طبقه بيضاء يعني ولد وراح اتأكد من السونار متمنيه لكم الصحه الدائمه |
رد: دردشة حوامل أهل الخرج - دردشة بنات الخرج - تجمع حوامل الخرج
الحركه اللي اقولك تجي مره وحده وش اوصف لك زي حركه الدوده فهمتي لاني حسيتها في حملي بعلاوي اما بنتي لا ماتحركت الا في نص الرابع مدري نهايته
يااااااااارب ازقنا بالاولاد السلمين المعافين من غير زياده او نقصاااان ابشرك ام شووق بخير تعبت وجاها تسمم حمل لاكنها الحمد الله تطمنت عليها وهي بخير الله يتمم حملها ع خيرررررررررر وحشتوووني وينكم ام فهد اخبارك واخبار النفسيه |
رد: دردشة حوامل أهل الخرج - دردشة بنات الخرج - تجمع حوامل الخرج
هلابك ام علاوي كيف الحمل وياك ...الله يتمم لنا جميعا يارب ...
والحمدالله على سلامت ام شوق ....بالمشفى هي او بالبيت .. الله يتمم لها بالصحه الدائمه |
رد: دردشة حوامل أهل الخرج - دردشة بنات الخرج - تجمع حوامل الخرج
هلا والله دلوعه
الحمد الله الامور ماشيه تمام وام شوق بالبيت وطيبه والحمد الله اخبار بنات الخرج وينكن |
رد: دردشة حوامل أهل الخرج - دردشة بنات الخرج - تجمع حوامل الخرج
وينكم اليوم ماشفت احد
اتمنى تكووووووووووووووونو بالف صحه وبخير ابي اسالكم انتو كل وحده لها لاب توب خاص او هي وزوجها مشتركين مع بعض انا مع زوجي مشتركين بس ماادخل ع طوووووووول لانه اغلب الوقت طالع والجهاز معه وانتم ياليت تشاركوني عشان نغير من الروتين اليومي واللي عندها مواضيع تطرحها لكم ودي واحترامي |
رد: دردشة حوامل أهل الخرج - دردشة بنات الخرج - تجمع حوامل الخرج
مساء الخير ..الحمدالله ان ام شوق بخير الله يتمم لها بالصحه والعافيه
ام علاوي اخبارك ههههههه ياحبي لك انا وزوجي بلاب توب واحد وهو طول الوقت عليه ما اجلس انا الإ اذا هو نايم او طالع لدوام ...واذا قلت اشتر لي لوحدي قال انا وانتي ما في فرق بيننا |
رد: دردشة حوامل أهل الخرج - دردشة بنات الخرج - تجمع حوامل الخرج
كيفكم بنات ؟؟
ام علاااوي انا تمام الحمد الله والنفسية حلوه .. انتي كيفك ؟؟ ضحكتيني هههههههه الحمد الله زوجي اول ما تزوجنا جاب لي لاب توب وبلاك بيري سوا ههههههه <<هدية نجاحي في الثانوية خخخ ربي يخليه لي الحمد الله على سلامت ام شوق .. ما تشوف شر .. كيفها الحين ؟ بنات بسألكم .. انا المشيمة نازله عندي شوي .. وبكرا بروح السوق .. عادي امشي ؟؟ لي 3 اسابيع ما اطلع عشانها واااء طمنوني |
رد: دردشة حوامل أهل الخرج - دردشة بنات الخرج - تجمع حوامل الخرج
صباح الخير كروشات اخباركم تمام .....ام فهد اعذريني والله ما اعرف شي بس اكيد البنات الي يعرفون راح يقولو لك
وينكم بنات ؟؟؟؟؟؟؟؟؟؟ |
رد: دردشة حوامل أهل الخرج - دردشة بنات الخرج - تجمع حوامل الخرج
مراااحب بنات الخرج
اخباركم ؟؟ يالبى قلبكم فديت اهل الخرج ياناس.. انا راح انضم لكم لاني من الخرج .. |
رد: دردشة حوامل أهل الخرج - دردشة بنات الخرج - تجمع حوامل الخرج
مرحبا بنات
كيفكم وحشتووووووووووني اخبار الحمل وياكم حياك الله ياوهج الامل |
رد: دردشة حوامل أهل الخرج - دردشة بنات الخرج - تجمع حوامل الخرج
مساء الخير للجميع
يالله تحيي من انظم لنا من بنات الخرج اهلاً وسهلاً |
رد: دردشة حوامل أهل الخرج - دردشة بنات الخرج - تجمع حوامل الخرج
مرحبا بنات
اخباركم وش مسوووين يوم الخميس طلعت مع خواااتي لمشتل الخرج اللي جنب بنده وناسه وجمعت بنات خواتي متواعدين مع صديقاتهم واهلهم وتشووفون الجلسه طالعه وناسه اقول لختي عن دردشتنا تجمع بنات الخرج ياليت من تجمع هنا وياكم نتواعد ونشوووفكم بتطلع فله وكل وحده ساحبه كرشتها خخخخخ وانتم اخباركم و وش سويتو وين رحتو انا رحت لدكتوره وكشفت ع البيبي والحمد الله كل شي تمام وصفت لي مثبت وسمعت نبض الجنين لبى نبضه الله يثبته ويسهل طلعته وووووو بس هذي اعلووومي سولفو خلوها تطلع دردشه صح هههه |
| الساعة الآن 12:26 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .