|
رد: البنج النصفي في القيصري
انا جربت البنج النصفي بصراحه أنا كنت طالبه النصفي والمستشفى كمان لما شافو بيبيتي كان وزنها ضعيف مره الله يرحمها قالو ابدا مانعملك بنج كامل قلت احسن كمان جات منهم
الاحساس وقت ماكانو يعطوني البنج تحسي يدخلو الابره الحقيقيه جوا معدتك تحسي فيها منجد لأنهم اعتقد يجربو بإبر كتير قبل مايحطو الابره الحقيقيه وطبعا شي مره يخوف ولازم ماتتحركي ولا حركه ولا تشدي أي اعصاب بجسمك ولازم تنزلي رقبتك بالكامل على تحت ولا تهتزي أبدا بس بعد مايحطو الابره تجلسي ولا لدقيقه اعتقد وماعاد تحسي برجلينك ويبدأو العمليه وطبعا طول وقت العمليه تحسي بحركات يدهم وهما يشدو ويسحبو ويرفعو يعني تحسي بكل حركه فعليا لكن بدون ألم ’’ انتي هنا حاولي تحطي تركيزك مع دكتورة البنج اللي بتتكلم معاكي وتسولف وشيلي من بالك ايش بيسير تحت بالعمليه لأنك > محلوظه مهمه / لو جلس بالك مع العمليه راح تخافي وتقلقي وممكن يا يزيد الضغط ياينزل وممكن ضربات قلبك توترهم ويسير شي لا سمح الله عشان كدا لازم تخلي بالك مع اللي بيتكلمو معاكي وتجلسي تذكري الله كثير افضل كمان وتقري قران انا حاولت فيهم يدخلو معايا اذكار الولاده لكنهم رفضو الله يسامحهم بس جلست اذكر الله واقرأ قران والمعوذات والكرسي والزلزله وايات كتير انتي اهم شي حاولي تروقي اعصابك وتهدي نفسك ^_^ ويارب تقومي بالسلامه وهيا ترا افضل ملايين المرات من الكامل لأن الكامل كله تعب بعد ماتفوقي اما النصفي الحمدلله يارب والشكر لك يارب مريح ومايتعب ,, |
رد: البنج النصفي في القيصري
ربنا يسهلك يارب
انا كمان لي كم يوم والدة بعملية قيصري نصفي والحمد الله احسن بكثير من الكامل على كلام اللي مجربين الكامل وربنا يسهلك وتقومي بالف سلامة |
رد: البنج النصفي في القيصري
اقتباس:
أنا إلي مخوفني هو وقت إبرة البنج |
رد: البنج النصفي في القيصري
اقتباس:
آمين , و إن شاء الله تشوفي بنوتك بحضنك في أقرب وقت الحمدلله على سلامتك |
رد: البنج النصفي في القيصري
ابره الظهر اعطوني
|
رد: البنج النصفي في القيصري
انا لساتني في الخامس
و دكتورتي عطتني وقت الولاده و قالت احتمال اولد قيصريه ودي بالبند النصفي عشان اقوم بالسلامه بسرعه الله يسهل عليج حبيبتي |
رد: البنج النصفي في القيصري
شكرا لجميع الأخوات الي ردو علي
أنا الحمدلله ولدت و اخترت البنج النصفي و كان أحسن من الكامل حسب تجربتي الشي الصعب فيه هو وقت يحطون الإبره الله يسهل على الجميع |
رد: البنج النصفي في القيصري
أنا بولادتي الأولى سويت بنج كامل هو صحيح متعب لكن الحمدلله على كل حال
بنت خالتي مجربه البنج النصفي تقول والله يخوف لأنها خوافه مثلي هههه أنا مستحيل أجربه لأن حتى عيادات الأسنان أخاف منها كيف البنج النصفي حبيبتي إذا إنتي بتتحملين وقلبك قوي توكلي على الله وسويها الصراحه ميزته تسمعين بكاء طفلك والله ونااااسه وشعور ماله مثيل الله يتمم لك على خير ويقومك بالسلامه |
| الساعة الآن 09:25 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .