|
رد: هل تسألوا هذا السؤال؟؟
أنا ما احب أسال أحد و لا أحب أحد يسألني
أحس ماله داعي أحد يعرف غير ماما و بابا و زوجي و أنا يعني حتى خواتي أحس عادي بس هم حملوا قبلي ولا علموني فما بعلم أحد هع هع هع مثل ما يسوون بسوي معاهم و أي وحده تسالني أقولها مفاجأة لأن ماله دخل هم مب يستفيدون شي لو جبت ولد أو بنوته ناني الشي الناس ما تعطي خير أنا خبرت الناس إني حامل بحملي الأول و توقف نبض الجنين علشان كذا صرت حريييصه مره بقولكم موقف بعد أنا ما شاء الله كان ينزل مني اللبأ بكيير من الشهر الثالث و في الخامس مليت من كثر ما تتبلل ملابسي و قلت جمب ماما و أختيي إني أبغى حل والله قلتها بحسن نية و أختي طبعا ما كان ينزل عندها كثير وهي حامل وحليبها قليل الحمدلله على كل حال وربي اليوم الثاني ما عاد يننزل شي و بعدها بوقت صار ينزل خفييييييييييييف مره أنا ما اقول أختي حسدتني متقصده بس يعني كذا يمقن غصب عنها زي ما يقولوا يعني نفسها يصير معها نفس الشي .. المهم نصيحتي لكل وحده لا تقول لأحد أي شي لا جنس جنين ولا شهور حمل و لا حليب و ما حليب لأن العيين حق ولو أحد قالك شي قولي ما شاء الله تبارك الله و لو بتقولين لحد شي ذكريه باسم الله .. وبث طولت هرج هع بس حبيت أفضفض يسلمو ع الموووضوع |
رد: هل تسألوا هذا السؤال؟؟
انا بالنسبه لي كل اخوات زوجي اعتبرهم اخواتي وميانه بكل شي لدرجه معتبرتهم اهلي والله العظيم قبل مايتزوجوون اني كنت اوريهم كل شي اشتريه وربي حتى ملابسس النوم اوريهم من حبي لهم
ويوووم تزوج والله ماشفت ولاشي من جهازهم حق الزواج صررررت غريبه وكل شي بالسررر يسونه نسووووني يوم كنت فاتحه لهم بيتي وقلبي وحتى لما حملت ومابقى الااسبوع وتولد رحت من طيب قلبي واعتبره اختي وكل اسراري عندها سالتها هااه بنوته ولا ولد قالت ماسويت سونار انا من طيبي صدقتها وطلعت حامل بولد وقايله لااهل زوجها واهلها واخوانها الصغار وانا صرررررت غريبه الحين وعرفت انها حامل بولد لان اخوانها الصغار فضحووها قالووانها حامل بولد ورب الكعبه ماعمري سالت احد اذا حامل بولد ولابنت. الابسسس هالمره بسسس كنت ابي افرح اذا ولد ولا بنت طاحت من عيني وحلفت اني ماعاد اعتبره اخت ررح اعتبرها غريبه وانا الحمد الله حامل وقسسم بالله كنت ناويه اعلمهم اذا ولد ولا بنت بسسس حلفت اني ماعلمهم ولاحتى المح لهم واذا سالوني بقول ماسويت سوناررر لانهم كلاب حطووني غريبه عقب ماكنت اعلمهم باسراري واوريهم ملابسي وادخلهم غرفت نومي اكررره هالاشكال هاذي الحسوووده تفووو على هيك اشكال |
رد: هل تسألوا هذا السؤال؟؟
اختي يارب ارزقني توأم حبيت تعليقك هههههه
انا عن نفسي يمكن عشان ماعندنا معارف غير عماتي وأهل زوجي وصديقاتي ف عادي قلت لهم اني حامل بالشهر الثالث بس لو احد غريب ماقلت له وصديقاتي معاي من عمر اكثر من15 سنه ف اللي تحمل فيهم ع طول تقول لي عادي وانا سويت نفس الشي حتى بنوع الجنين ومتى بولد بس ما انكر اني تعبت كثير بالحمل ادخل بمشكله واطلع منها وادخل بثانيه |
رد: هل تسألوا هذا السؤال؟؟
اقتباس:
ممكن الاسم مااقول عشان ماتخطفه مني ههههههه بلنهايه موضوع عادي بس لان الحرررررررررريم بعضهم تفكيرهم في نفسنة حوامل يتنرفزون هههههههه الله يعين انشالله يعني يا بنت ياولد و الاسم يعني بتسميك توم ولا مايكل ولا جنفير ولا نعومي هههههههه |
رد: هل تسألوا هذا السؤال؟؟
هههههههه صرآحة اعجبتني بعض الردود ..
بس أنآ بصرآحه وآلله مأأسئل أحد ابد حتى لوكرشتهآ قدآمهآ كأني مااششوفهآ .. بالنسسبه للحمل علطول اقول للاقربين اهلي واهل زوجي وحتى لو أحد سألني أقول عآدي .. مآأنكر بس لنوع الجنين مآأقوله لأأحد أبد أبد حتى زوجي وأمي يمكن بس أختي .. لآني مأأصدق السسونآر أخآف بنت ويطلع ولد والعكس .. وآلله يهون على الحوآمل ويرزق كل محروومه ومحروم .. |
رد: هل تسألوا هذا السؤال؟؟
مااحب اسال حد او احد يسالني لاني احسهاا لقافه
انا لما حملت اول مره وكنت مستانسه لانه اول حمل من بعد العلاج لاني تاخرت لي ما حملت والله ثاني يوم حتى الغريب يعرف اني حامل مع اني ماخبرت حد الا اهلي بس بالاخر اجهضت وثاني حمل ماخبرت حد غير امي بس بعد اجهضت وتفاجاة مرت اخو ريلي يايه الصبح اتقول (( مبروك يعني انج طيحتي وضحكت والله انصدمت ردت فعلها وهي بس اتي عندي عسب تعرف مع اني مااحب اخبرها شي لانها فتانه ناس لقافتهم زايده انا اختى ماتخبر حد حتى امي لو تسالينها شو في بطنج اترد فالويه شو يهمج ولد ولا بنت - مفاجاه - ليش بتدفعين بيزات المستشفى هههه شكلي اذا حد سالني برد شرات اختى عسب يحط لسانه في حلجه ههه جني طولت وهي قصيره |
| الساعة الآن 01:13 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .