|
رد: الاي باد يصلح لبنت بعمر 13 سنه؟؟؟؟؟
حبيبتي
و الله العظيم الشاهد عليي ربي انا عندي جوال جالكسي اس تو و تقريبا الاجهزة الجديده كلهم نفس بعض و الله العظيم ان فيه اشياء و العاب و قصص جنسيه حتى استحي انا اقراها او العبها و انا متزوجه حتى انا و زوجي استغربنا قلنا اصلا هذا ما يصلح الا لمتزوجين بس و اذا انتي تبغى تحافظي عليها لا تشتري لها لكن اذا كانت مصره اشتري لها لكن تحت رقابه تامه لكن مو تتضايق من الرقابه او تحسسيها لان الشيء اللي يزيد عن حده ينقلب ضده |
رد: الاي باد يصلح لبنت بعمر 13 سنه؟؟؟؟؟
يسلمووو ع المعلومه والله انا ماعرف بهالاجهزه الجديده
ولا حبيتها اصلاً الله ينور عليك انك قلتيلي طيب وش الحل ياليت يكون فيه جهاز حلووو وامن وخاص لها العمر |
رد: الاي باد يصلح لبنت بعمر 13 سنه؟؟؟؟؟
بصراحه ان ضد اني اجيب لولدي او بنتي بحجه انو اصحابهم عندهم
احسو مررررررره مبالغ بزياده لو ابغى اجيب لبنتي كل ماشافت صحباتها ماراح نخلص هوا ان شاء الله مافيه اي ضرر بس احس الايباد حق الناس البزنس بنتك ممكن جيبيلها جالكسي تاب احسو حق سن الصغار |
رد: الاي باد يصلح لبنت بعمر 13 سنه؟؟؟؟؟
شوفي انا اقوولك
اذا تبي ايباد جبيلها ايباد بدون نت يعني في ايباد نوعين نوع بشريحة نت تتصفحين وكل شي عااادي هذا غاالي سعره وفي ايباد نفسه بالضبط بس بدون شريحة نت بس العاب ويجي ارخص لانه بدون شريحة نت ان شاء الله افتك بس لا تقولين لها هذا بشريحه وهذا بدون شريحه جبيلها وخلاص وانتي مطمنه * |
رد: الاي باد يصلح لبنت بعمر 13 سنه؟؟؟؟؟
تدرين ان البلاي ستيشن والالعاب الالكترونيه امثالها تسبب الصرع التوتر العصبيه
لانها كلها مدعومه بفوز او خساره واكثر الاطفال يصيبون بالصرع بسسببها ويكونون عدوانيين ومشتته افكارهم انا عندي 3 اولاد اذا طلعت لهم البلاستيشن يجيهم حاله هستيريا يسيرون بس يبغون يلعبون اليوم كله ويطبقون نفس الحركات يعني عندك اشرطه فيها عنف قتل سرقه غير الالعاب الي فوز وخساره يطبقون على بعض حركات القتل التفجير ولدي عمره4 ونص يطبق حركه انه يقفز من السيكل ويطيح يعني حصل له انفجااااار ورفعت عنهم وارتحت منهم وبعدين يانااااااااااااااااااااااااااااااااااس تقولون عيالكم يلعبون قيمزرر تفكرون القيمزر شي سهل القيمزر يمكن العن لعبه انا شفتها وسجلت فيها لعيالي بس نادرا يلعبون القيمزر فيه دردشه وتعارف حاله حال الشااااااات وتبادل ارقام وايميلات انتبهو من القيمزر خاصه البنات والله اني اعرف عيال كثير بس عرفو لعبه القيمزر سارو يكلمون جوال وووووو يمكن نقول عيالنا مساكين بس يدخلون قيمزر يلعبون ومايدخلون شات والله انه نفس الشي الله يحفظ بناتنا واولادنا وعيال المسلمين من كل شر وسواء وانا عن نفسي عيالي يبغون اي بود وفكرت قلت بدل الاي بود ادخلهم كرتيه احسن شي |
رد: الاي باد يصلح لبنت بعمر 13 سنه؟؟؟؟؟
صدقتي بس واللـه هالجيل مايرضى ببدائل
لانك تشوفين المجتمع الي حولك كله كذا فمرات إنتي تنجبرين تصيرين مثلهم رغم إنك بقرارات نفسك مو مقتنعه ربي يسلمكم على الردود |
رد: الاي باد يصلح لبنت بعمر 13 سنه؟؟؟؟؟
إذا كنت متأكدة من بنتك إنها لا تضيع ، و لا تضيع دراستها إشترهولها و كوني حريصة عليها ، يعني راقبيها على طول
|
رد: الاي باد يصلح لبنت بعمر 13 سنه؟؟؟؟؟
احنا بأي زمن الحين ؟؟؟
بعض الردود عجيبه غريبه احنا بزمن التكنلوجيا والمراهقه هالأيام مو مثل ايامنا كمبيوتر العائله ولعبه طاق طاق طاقيه وصبحكم بالخير بنتك عمرها 13 سنه بنتك كبيره مو بزر والايباد حلو وش فيها لو جبتيه لبنتك جربتوه وشفتوه يوم تحكمون انه خراب ؟؟؟؟؟ طيب اذا ماعجبك الايباد جيبوا لها ايبود حجمه صغير ومناسب وسعره افضل الايباد والايبود اجهزه جدا رائعه ومفيده وبشاهدتي انا وعلى ضمانتي بعد لو تبين اخواني اثنين معهم ايباد والصغار مره على 9 سنوات وحولها ايبود اخوي الصغير محملين له البرامج بانفسنا العاب والعاب ممتعه مو هبله ولا هي خراب مرات العبها انا وبرامج تعليم لغه عربيه وانجلش ويوتوب يفتح طيور الجنه وبرامج قراءه قران وتجويد اشياء حلوه للأطفال عمره 10 سنوات ولغته ماشالله حلوه والولد صاير اجتماعي مع الاطفال ويسولف ويحكون عن اجهزتهم وحافظ جزء ماشالله يحط السماعه ويسمع اخواني الباقي نفس الشي في هاذي الاجهزه تقنيات تعليم رهيبه والعاب ممتعه وتقويه لمهارات كثير ليش احنا شعب سلبي ودايم استخدامنا للتقنيات سلبي ونظرتنا للكتنلوجيا طوالي انحراف ! بعدين من في هالعمر مو جايب لولده ايبود ولا ايباد حرام عليك كل البنات ماعداها لو انه بلاك بيري كان ممكن نقول رغم انه اشوفه عادي تحت المراقبه لكن ايباد وايبود غريبه وانا انصحك بنتك تجيبي لها ايبود وانتي بنفسك اشتري لك ايباد امي عمرها 43 وشريته لها تتعلم قرآن ووتعلم كمبيوتر وتتصفح وتتعلم والحين ماشالله في تقدم ملحوظ فنهايه كلامي بنتك لازم تتكافئ على مجهودها بأيبود او ايباد |
رد: الاي باد يصلح لبنت بعمر 13 سنه؟؟؟؟؟
هذا لاي باد ضياع لعيالنا
انا اختي الصغيرة عمرها 10 سنوات عندها اي باد وصارت مدمنه عليه العاب وتصوير حتى اني كشفتها داخله ع يوتيوب مسلاسلات تركيه كله بوسات وقلة أدب ترى بالتلفاز يحذفون هالاشياء الماسخة بالمسلاسلات التركية والبنت كل شي موجود وعلى طووووووووول اخذته منها وعصبت عليها هي داخله تشوف حلقة من المسلسل الي فاتتها واليوتيوب فيه أشياء كله وسخه. الله يحفظ عيالنا من هالتطورالمخييييييييييييييف |
رد: الاي باد يصلح لبنت بعمر 13 سنه؟؟؟؟؟
في هالزمن الى عمرهم3سنوات عندهم كيف الى اعمارهم 13سنه عادي خديه لها بس الغي خدمة الانترنت
|
| الساعة الآن 05:11 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .