منتديات حوامل النسائية - الله على كل شي قدير (قصتي مع العلاج)

بسم الله الرحمن الرحيم
السلام عليكمhwaml7
كيف حال بنوتات الليله إن شاء الله بخير
اليوم الجزء كلش حلوhwaml7 (لا ماصخhwaml02) وأني متشوقة لكتابته من الصبح بس ما كان عندي وقت كافي لكتابته بالكامل
المهم ما بطول عليكم
(الجزء الرابع)
بعد راحة تقريبا 6شهور كنت أدور في النت والجرايد والتلفزيون hwaml36شي يفيدنا وفي يوم من الأيام شفت أعلان لبرفسور في عقم الرجال وأمراض الذكورة وأطفال الأنابيبhwaml7
من شفت الأعلان أتصلت لزوجي وخبرته أن البرفسور أجي يومين في الشهر بس البحرين ولازم أنروح أو نتصل نسوي موعد بسرعة hwaml16وبالفعل لقينا موعد بعد شهر
رحنا الموعد لكن دخل زوجي بروحة فقال ليه: ما يصير أعالجك وزوجتك ما تدريhwaml03
قال ليه زوجي: تدري زوجتي
فقال ليه الدكتور :ليش ما جت معاك
فقال زوجي: أهي بره
نادني زوجي بناءا على طلبه
أول ما دخلت قال أهم شي أن الزوجين متفهمين المشكله اللي هم فيها
تالي سألنه تعالجنه من قبل ولا لاوخبرناه
فطلب منه أن نعيد كل التحاليل لي ولزوجي لأن صارت قديمه (سوينا التحاليل على طول عشان تطلع قبل الموعد الجاي)

ولموعد ثاني شاف النتائج وطلعت المشاكل طلع عند زوجي هرمون fsh مرتفع جدا جدا hwaml03(الحمد لله على كل شيء)
وقال لينه لازم نسوي تحليل جينات لزوجي عشان نتأكد أنه ما يعاني من متلازمة كلاينفلتر يعني بدل ما يكون الرجال جيناته xy يكونxxy يعني تميل مواصفاته للنسوان hwaml03(بعضهم عنده أثداء وأعضائه الذكريه كلش ضامره يعني صغيره)لأن أرتفاع الهرمون من دلائل المتلازمه في بعض الحالات
ولأن ما في هل تحليل في البحرين إلا في مستشفى السلمانيه وما تطلع إلا بعد سنه hwaml03تقريبا
فسويناه في خاص ونتظرنا النتيجة تقريبا شهر لأن يرسلونها للخارج طوال هل فترة كنت على أعصابيhwaml15 لأن اللي يعانون من المتلازمه ما ليهم علاج لحد الحين
والحمد الله كانت النيجة xy
على غرار النتائج قال لينه:أن ما في علاج لينه إلا بأطفال الأنابيب hwaml03وطلب من زوجي تحليل عينه عشان يتأكد لأخر مره قبل الأقدام على العمليه
وقال لينه بسوي خزعه قبل ما يباشر في الخطوات العمليه معاي (لأنه في حاله من قبل عالجها بعد ما سحبو البويضات أكتشفو أن زوجها ما عنده حيوانات حتى في الخزعه)
رجعت ذاك اليوم مفتر راسي ويش أسوي hwaml94
سألني زوجي :ويش فيش من رجعنه ونتين منتين عارفة اليمين من اليسار قلتله :أحنا رفضنا الفكره لمدة سنتين و6شهور والحين ويش اللي تغير
سألني قالي: تبين عيال مني ولالا
قلتله :أكيد أبغي
قال :خلاص توكل على الله
قلتله: ونعم بالله لكن شلون أكشف روحي على رجال
قالي :بسأل شيخ دين وبشوف
سأل الشيخ وقال :جائز
توكلت على الله
وسوى زوجي تحليل العينه وطلعت وطلعت وطلعت فيها حيوانات بنسبه قليله جدا يعني زوجي ما بيحتاج لخزعة hwaml7(فرحنا واجد بالنتيجه شكله هذا مفعول الأعشاب)
الحمد الله رب العالمين
ويوم رحنا الموعد الدكتور أستغرب من النيجه وقال هذي أول مره يطلع حيوانات
وقال بعد على غرار النتيجه بنعطيك كورس علاجي يقوي الحيوانات ويزيد من أنتاجه وكان عباره عن أدوية و فيتامينات وأبرhwaml10 لمدة 6شهور
مرت خمسة شهور وفي بداية السادس بديت بالعلاج الفعلي (لأن كنت أشرب فوليك أسد مع الغولفاج )
أخذت مانع الحمل ياسمين عشان أضبط موعد الدوره للعمليه وبعد ما جت الدورة بديت من اليوم الثالث للدوره في الأبر لمدة 15يوم أخريوم أخذت الأبرة التفجيريهhwaml10 وكنت بلكاد كنت أقدر أمشي لأن كان عندي ألم فضيع
يوم السحاب أخذنا عينه لزوجي ورحنا المستشفى و محد يدري أن بنسوي أطفال الأنابيب
وكنت خايفهhwaml85 جدا لأن أول مره بتخدر وبسوي عمليه
عطوني الملابس وقالوا لي لازم تكون المثانه فاضيه وبعدها جت الممرضه ودتني غرفت العمليات وخلوا علي تخطيط القلب والأكسجين وخلو المغذي أخر كلمه سمعته لاتخافين
أول ما صحصحت عدل سألت زوجي:ويش الأخبار؟(أخبار الخليج ولا الأيامhwaml7)
قال :كلشي تمام
وبديت تالي أتألم عطوني دواء عشان الألم hwaml93ورخصوني المغرب رحت البيت ومرت ثلاثة أيام ويوم رابع أتصلوا لينه عشان الترجيع وقالوا لي لازم المثانه ممتليه رحنا العياده صرت رايحه جايه أشرب ماي لين ما صرت فل نادوني للترجيع قالي الدكتور :بنرجع أربعه وبعد الترجيع لازم أنام على ضهري على الأقل نصف ساعه لكن اللي صار أني أحتجت للحمام ضروري وسويت المناحة hwaml93وزوجي عصب hwaml4المهم قالوا لي روحي وتالي ردي أنبطحي
رحت البيت وظليت كل منبطحه بس أقوم للصلاة والحمام كرمك الله وعطوني أبر تثبيت hwaml10وحقن مهبليه لأن تجربتي الأولى ما أعرف متى لازم أسوي تحليل ولا قالو لي ولا لزوجي أنتظرنه موعد الدوره وطاف الموعد بخمسة أيام hwaml03ولا نزلت الدورة رحت المستشفى وسويت تحليل حمل رقمي وطلع وطلع وطلع 89 حححححححححححححححامل
أول مره أسمع هذي الكلمه روعه بنات إن شاء الله الكل يسمعها ويفرح بها وزوجي طار من الفرح وما ظل أحد وما قال ليه
ورديت لأحلام اليقظه اتخيل شلون بشيلها وشلون بلاعبها
بس الفرحه ماتمت بس يومين وجاني نزيف حاد جدا وطرحت hwaml78بس الدكتورة اللي كانت بدل الدكتور أصرت تسوي تحليل حمل رقمي عشان تتأكد وسوت تحليل وطلع وطلع وطلع 220 يعني زاد في بيبي ثاني يعني كانو توم hwaml7بس يفرحه ماتمت بعد أسبوعين توقفت أعراض الوحام ورحت المستشفى وقالوا لي توقف النمو hwaml93
الحمد الله على كل شي
بس كان الشعور مروع أني أفقد اللي في بطني الله لايوريه لأحد
وقالوا لي إذا مانزل بعد أسبوع تعالي
لكن الوالده ما قصرت عطتني حب الجزر ونزل (حب الجزر يبوعونه العطارين ويغلونه في البيت ويشربونه)
وبعدها أستراحة تعرفون ليش أكيد (من التجربه)
ياترى الحين ويش بنسوي
أتمنى أنكم أستمتعتون بالجزء الرابع و ستفدتون
إلى اللقاء في الجزء الخامس
حبيباتي لاتنسون المحرومات من الدعاء
مع السلامه