منتديات حوامل النسائية - مرت اخووي نحيسه

السلام عليكم

أول شي: تقولين دافع في الزواج المبلغ الفلاني الزواج في وجهكم انتو يعني لو يدفع مليون مو بس عشانها هم بعد عشانكم ترى الزواج لأهل المعرس العروس راس مالها تدخل بوقت الزفه
ثاني شي:لو اخوك غلطان وين أبوك مايكلمه و يقوله كيف يتصرف
ثالث شي : اذا هي من أولها هيك الله يستر من تاليها الأنفصال أرحم بيجيها يوم لا تستعجلين و مافيها شي اذا صارت تكشخ و تتفشخر خليها فتره و تعدي
رابع شي : أنتي لا تتدخلين و تتهاوشين مع أخوك لا أنتي و لا خواتك أنتو قولو له رايكم فيها بطريقة نصح كلموها و أنصحوها من بعيد الى بعيد مانفع معاها شي و لا نفع معاه
لا تحكي معاهم أبد حدك اخوك سلمي عليه من باب الاحترام
و هو علاقته بأمك تخصه صحيح شي يقهر لكن لو الكل بيقلب على اخوك و امك تزعل
و بعدين بعد فتره أمك تخوورها و ترضى عليه و تصير زوجة اخوك اوكي معاها تطلعين انتي و خواتك الخسرانين
و بيكون فيه حاجز

لو ودك تقولين له شي أرسلي له رساله بلجوال أو أكتبيها و عبري عن اللي بخاطرك كله
يفضل أنك تكتبها على ورق
الرســــــــــــــــــــــــــاله أكتبي فيها هذا الكلام

أنت أخوي و ماراح أزعل منك و مهما صار بينا نظل أخوان
أنا أسفه لو غلطة عليك لكن مااقدر أشوف أمي متضايقه و أنت ماتسوي لها شي
و لا تأخذ بخاطرها علاقتك بزوجتك لوحدكم لكن لا تجي على أمي و تزعلها أ
مي فوق كل شي حنا أخوان و شباب و نتصافى لكن أمك غير اللي مايعمل لها حساب
مانعمل له حساب لكن دام أنها زوجتك محسوب علينا و هي لازم تتعامل معانا مثل ماتعامل أهلها يعني تعتبر أمك هي أمها و حنا خواتها
و اذا زواجك من البدايه مغيرك هيك علينا حنا مو مهم لكن تذكر أمك ثم أمك ثم أمك قاله الرسول في الحديث
و تخيل أن أمك غلطانه و أن زوجتك معاها الحق مو المفروض تحترمها لكبر سنها و تعتبرها مثل أمها
لو حنا غلطنا ممكن تحاسبنا لكن هذي أمك غير ترى حسرة قلب الأم ماهي زينه لك و أنت على وجه زواج خلي أمك راضيه و مرتاحه منك عشان ربي يوفقك و يرضى عليك

أقعد مع زوجتك أطلع مكان هادي معاها
و قولها اليوم طالعين عشان أقولك هلكلام اللي بخاطري لكن ابيك تسمعين الكلام هذا و تحطينه على بالك
و قولها هذا الكلام
قولها خلي نرمي كل شي صار من قبل و نبتيدي صفحه جديده
دام حياتنا بأولها خل نحط بعض النقط على الحروف
و نبدى و أهم شي النيه الصافيه
بلاول قولها : أمك هي أمي و أمي هي أمك
يعني مافي فرق بينهم حطي أمي بعيونك و مهما تقولك قولي لها انشالله و لا تزعلين منها و لو زعلتك عادي الام و بنتها يزعلون من بعض بس الاحترام مايقل بينهم
يعني تضل هي الكبيره و لها أحترامها
و خلي الزين يطلع منك ..
قولها هذا كله يرجع لك لو امي شافتك كذا بتقول و نعم التربيه و الحمدالله زوجة ولدي معاي مثل بناتي عموما تكون مبسوطه فيك
و حطي في بالك رضا أمي من رضاي
و سوالف الحريم و سوالف اللي تصير بينك و بين البنات
مالها داعي تجي عندي
تبين تفضفضين فضفضي أنا بسمعك لكن ماراح أتدخل لأنها با النهايه سوالف حريم الرجال مالهم علاقه فيها يعني تهاوشتي مع أختك مالي علاقه تهاوشتي مع أختي مالي علاقه
لأن بيجي عليكم يوم تتصافون
سوالف القيل و القال مالي علاقه فيها لكن
تأكدي لو حد غلط عليك من أهلي بصوره واضحه بشرفك
أو شي يخص سمعتك و ماعندهم دليل على كلامهم أو غلط عليك قدامي تأكدي
أني بدافع عنك و بأخذ بحقك..
لانك تهميني مثل ما أمي و خواتي يهموني
أنتي بتكونين حياتي الجديده و أم عيالي

هذي الرســــــــــــــــــــــــــــــــــــــــــــــ ـــاله

و أكتـــــــــــــــــبي بأخر الرساله

هلكلام من قلبي صحيح أنا أصغر منك
لكن مايمنع أني أنصحك و أنبهك و أنتبه على علاقتنا
بيجي اليوم اللي أحتاجك فيه و بيجي اليوم اللي تحتاجني فيه الله لا يغير علينا و يخلينا انشالله على قلب واحد

ترى هلكلام اللي بتقوله لزوجتك بيكبرك بعينها و خلك جاد معاها عشان تأخذ الموضوع بجديه
و بعدها الله كريم يكون أنت سويت اللي عليك نبهتها و و عملت حساب لأمك
و بعدها أنت بتشوف أذا هي بتسمع كلامك وله لا و تعملك حساب عاد أنت بحياتك معاها كيفكم أحرار لكن تذكر زي ماقلت لك يا أخوي أمك ثم أمك ثم أمك ..
و أتمنى أنك تتقبل النصيحه من أختك و ماتزعل مني و لا تشيل بقلبك علي
و الله يوفقك و يرزقك بلذريه الصالحه

يكــــــــــــــــــــــــــــــون أنتي طلعتي كل اللي بخاطرك من جميع النواحي و كسبتي أخوك
وممكن تكونين السبب بتطور علاقتكم للأفضل

عاد لو أخوك ماتقبل النصيحه و لا نفذ شي و لا صار في تطور للأفضل
مالك شغل باي شي يخصه و لا لك علاقه بايش يسوي مع أمك لو غلط على أمك أبوك هو اللي يأخذ حق أمك و خلي يصير بينكم السلام و الاحترام و بس

و أدعي أن الله يهديه و يهديها