منتديات حوامل النسائية - استفسار عن اللولب ...؟؟؟

السلآم عليكم .. آختي بجآوب عن تجربه وان شاء الله افيدك

1-متى افضل وقت اركب فيه اللولب لاني نفاس ؟
انا ركبته باخر يوم لي بالدوره .. ( الدوره اللي بعد النفاس )
2-اذا كان باركبه في الدوره اللي بعد النفاس عادي اخذ حبوب منع الحمل لين تخلص وتنزل علي الدوره بعدين اركبه ولا انتظر الدوره2 اللي بعدها؟
مآعندي فكره .. بس مدري ماحس هالشي مضبوط .. اسألي دكتورتك احسن ..~
او استخدمي العزل الطبيعي مع الواقي للذكر لين ماتجيك الدوره اللي بعد النفاس ..

3-ماهو افضل نوع لولب العادي او النحاسي او الهرموني وكم سعر كل واحد للي عندها خلفيه عنهم؟
انا ركبت الهرموني .. واذكر سعره 129 وغير تركيب الدكتوره تاخذ اتوقع 100

4-هل فعلن الهرموني يقطع الدوره وماتترتب عليه اثار جانبيه لان الدم ماينزل فما يسير خمول وتعب وسمار في الجسم؟
والله انا ركبت الهرموني .. وكآنت تنزل علي الدوره
بس كآنت دورتي ست ايام بعد ماركبت اللولب صارت تنزل علي اربع ايام بس ..
5-هل يسبب الم وقت وبعد تركيبه؟
وقت تركيبه بتحسي بالم خفيف تقدرين تتحملين .. وبعدين كل شي طبيعي ولا كآن في شي
6-هل يسبب الم لمن باخرجه اوبعد مااخرجه؟
الم خفيف وازالته اخف من تركيبه .. وبعد ماتخرجينه كل شي طبيعي ولا كأن في شي

7-هل اقدر اشتغل في البيت عادي مثلا اشيل كيس الرز والسكر وكمان سمعت ان النحاسي اذا ركبته ما اقرب جنب المكرويف؟
اشتغلي ع راحتك بس لآتشيلي شي ثقيل .. وبالنسبه للمكرويف مآدري عن النحاسي

8-اذا ركبته اقدر اجري وانط مع عيالي؟
هههههههه اجري ع كيفك بس بشويش ع عمرك
ولآتنطي بعدين ينزل من مكآنه ..

9-هل يقلل الرغبه الجنسيه عندي؟
لا ماله دخل ..
10-هل احس فيه او زوجي يحس فيه وقت الجماع؟
لآ مراح تحسون فيه .. ولا كأن في شي
11-اذا كان الجماع قوي شوي او باوضاع معينه ممكن يتحرك اللولب من مكانه؟
لا ماتوقع ..

12-هل احس فيه وقت الدوره؟
لآ مراح تحسي فيه

13-هل يسبب اهم شي عصبيه اوسمنه؟
لآ مايسبب لا عصبيه ولا سمنه ..

ملآحظه : انا جآوبتك عن خبرتي بالهرموني فقط .. مآدري عن النحآسي والانواع الثانيه ..

وافضل شي الدكتوره تحدد لك نوع اللولب اللي يصلح لك ..

انا ركبت اللولب بعد مآجبت ولدي البكر .. وهي اللي عطتني اسم اللولب واانا اللي شريته من الصيدليه ..
مع العلم ان حمآتي معطتني اسم لولب ( لولب مو هرموني )وقالت لي ركبي هذا احسن وافضل نوع .. ولمن خذت الاسم لدكتوره قالت لا ماافضل انا هالنوع واكتبت لي اسم الوللب ( نوعه هرموني ) وقالت روحي اشتريه من الصيدليه .. ~

وقالت لي الدكتور كل ست شهور تجين عندي عشان تكشف عن مكآن اللولب لو تغير او لا ..

الزبده : انتي روحي لدكتورتك وقولي لها انا ودي اركب لولب وش تفضلين لي اي نوع وهي اللي تختار لك .. وانتي تختارين كم سنه تبينه وبعدها تروحين تشترينه من الصيدليه ..

واتمنى اني افدتك .. :)