رد: تجمع المتأخرات عن الولاده
 

انا على حالي ولا الم ولا علامات ولا شي كأني بالشهر السابع
الله يعين اليوم مفروض موعد ولادتي بس ما اعتقد يصير شي
ادعوووووووووولي

رد: تجمع المتأخرات عن الولاده
 

هلا حبيبتي حلم الامومه . الله يهون عليك وعلي وعلى الجميع ان شاالله . انت موعدج معاي , انا المفروض على حسابي اربي امس او اليوم . بس مثل ما قلت مافي علامه ولا إشاره على قرب الولاده لين الحين .
حاسه فيج بس ما تدرين من الحين لين الليل يمكن الله يفرجها ان شاالله .
صبري حبيبتي وباصبر . وبننتظر من فينا تبشر الثانيه اول . الله كريم

رد: تجمع المتأخرات عن الولاده
 

مساء الخير حوامل كيفكم؟ ومين ولدت بشرونا
أنا قبل البارح إجاتني ألام قوية وانقباضات بس كانت متباعدة وصلت لحد20د بين الواحدة والثانية دامت10ساعات وماردت أروح المستشفى في انتظار أن تسير المدة أقل من10د بينهم أو ينزل المي أو الدم
ولاني تعبت وردت انام عملت حمام حاروأخذت مسكنات ونمت ساعتين لما صحيت لقيت الالم خف والبارح صارت الانقباضات متباعدة جدا
واليوم مافي إلا ألام تروح وتيجي والام بالظهر مرات تصير قوية ومرات تخف
أدعولي الله يسهل عليا يارب وعلى كل متاخرة

رد: تجمع المتأخرات عن الولاده
 

الله يسهل عليكم ياربي

وربي قلبي معاكم

اكثرووا من الاستغفار حبيباتي

رد: تجمع المتأخرات عن الولاده
 

حبيبتي ناديه الس الله يسهل عليج وعلينا ونولد بالسلامه . واحنا ايش اللي مجننا غير هالالام اللي تروح وتجي . ليته تروح او تجي وترسى على بر . انا مثل حالتج لما يجيني الالم اقول خلاص حانت اللحظه ولما يروح وما اعود احس الا بالم الظهر واسفل البطن والثقل افقد الامل في قرب الولاده . عموما قدامي اسبوع بإذن الله لابد اني اربي فيه والا بيصير لازم اروح المستشفى ويولدوني . الله كريم
مملوحة الوصايف تسلمين حبيبتي على الدعوات والنصيحه . معاج حق الاستغفار مفتاح لكل باب بإذنه تعالى

رد: تجمع المتأخرات عن الولاده
 

اخر اخباري . اليوم فكيت الحصار اللي فارضته على نفسي وطلعت شريت لي شوكولاته للضيافه وبعض اللوازم من الصيدليه .وطبعا مشيت بالسوق وكل خوفي ان اللي شافوني امشي علقوا على او احسبوني بايعتها لآني كنت احاول امشي بسرعه على امل يجيني طلق ههههه . وشريت اناناس عل وعسى يجيب نتيجه هالمره لأني اكلت مرتين وما حصل شي . بس السهاله من رب العالمين . اذكر سبحان الله لما اكلت اناناس بولدي ما كملت يوم الا العلامه نازله والطلق بدا يحمي . بس يمكن كنت ولاده وانا ما ادري . على العموم كل هالامور تسهل وتساعد على الطلق شرط يبدي مع الوحده . بس مافي شي يجيب الطلق او يخليه يبدي . سبحان الله كل شي بأوانه .
ومازلنا ننتظر بشاره وحده منا .

رد: تجمع المتأخرات عن الولاده
 

الله يهون عليكم يارب وتقومون با السلامه وتفرحون بشوفه يبياتكم بحضانكم يارب

رد: تجمع المتأخرات عن الولاده
 

حبيبتي سحاب تسلمين على مرورج ودعواتج . والله يسمع منج .
نبض الشووق . حلم الامومه . فريز . وينكم ما لكم حس ولا خبر .
بشرونا . طمنونا . ننتظر اخباركم .؟

رد: تجمع المتأخرات عن الولاده
 

ربي يسهلكم وتولدوا بالسلامه ياااااااااااااارب

رد: تجمع المتأخرات عن الولاده
 

انا على حالي ولا كأنه في ولادة حتى الم الظهر يلي كان عندي طول الحمل راح سبحان الله
الله يسهل علينا العالم كلها بدت تسأل تقولو اول وحدة بتتاخر على موعد ولادتها الله يعين ما بنخلص