المشاركة الأصلية كتبت بواسطة احلام الطفولة1 (المشاركة 3242516)

احنا بزمن ماعاد ينفع فيه الطيب
بالنسبة لي مشكلتي تنطبق على المثل ميه بالميه
اذ انتي قريبتك انا زوجي للاسف او طليقي
انا كنت متزوجه واحد مطلق وعنده 3 عيال تزوجته بنت بكر اول زواجي رفض الحمل وبعد سنة قبل اني احمل
خلال السنه هذي جاب عياله يعيشون معنا في البيت وكنت شايلتهم على راسي وبشهادته هو واهله ولاعمري قصرت معهم بشي ( عنده بنت 13 سنه وولد 9 سنوات وولد 5 سنوات )
حياتنا كانت عاديه مافيها مشاكل الا مشاكل عاديه تمر في كل بيت ام العيال وخالتهم كانو يحرضون العيال وكنت ابغى زوجي يحط حد بس ماكان يرضى
ربي كتب لي الحمل الحمدلله ومن يوم حملت تغيرت وتغيرت نفسيتي لان رحت لدكتوره قالت مشيمتك اماميه وخطيره عليك وعلى الطفل يا انتي يا الطفل واحد منكم بيموت او الاثنين او راح يجيك نزيف حاد انا اهلي في المدينه وانا ساكنه في الرياض
تعبت نفسيتي مره وسرت بس ابكي توقعت زوجي بيوقف معيا الين تعدي الفتره الصعبه بحياتي لكن كنت غلطانه جلست اول ثلاثه اشهر من حملي في بيتي الين خلاص تعبت ماعاد اقدر اسوي شي الم اسفل بطني والم ظهري مع حالة نفسيه مترديه
قلت بنزل مارضي قال تجلسي الين البنت تخلص الاختبارات من يهتم فينا المهم اصريت على راي ومدري انا غلطانه او لا خصوصا انه يرفض وجود الشغاله نزلت لاهلي ورحت مع امي لدكتوره وشافت التصوير الاولى وقلت لها على كلام الدكتوره الاولى قالت وضعك طبيعي ولا فيه شي حتى المشيمه عندك بوضعها الطبيعي
المهم اتصل وقلت الحمل طبيعي قال خلاص ارجعي مافيه احد يهتم في انا والعيال قلت بجلس عند اهلي فتره انا مالي شغل بالعيال ومره زعل مني قام رجع ام العيال لذمته
ولا عرفت الا بعد اسبوع يوم ارسل انه رجع زوجته اول شي سئلته انا قصرت معك بشي او مع عيال قال لا طيب ليش سويت كذا قال انتي حديتيني على كذا
المهم اصريت على الطلاق والنذل طلقني برساله كتبت فيها انتي طالق طالق طالق
كانت صدمة عمري حتى ماحد تكلم من اهله ولا سئل عني
انا الحين حامل بشهري الخامس لا وظيفة ولا شي غير اني اشغل وقتي بالكروشيه لبنتي والتطريز
احس بقهر وغبن مو طبيعي لان ماقصرت بشي ولا كان فيه سبب للطلاق ولا انه يرجع ام عياله

اللي يعرف حل والا يعرف ايش اعمل عشان انسى تتكتب لي والله يوفقها