|
رد: تميرضي..عيون الناس ماترحم!
خوخة عبودها والحلوات اللي لهم نفس الرأي
ماااافي ذرة شك انه التحصين من الاخذ بالاسباب لكن مع كده الانسان مايلفت نظر بتعامله بطبيعته ولا ماكان يعقوب عليه السلام خاف ع اولاده من العين لما قال لهم في الاية الكريمة : " لاتدخلوا من باب واحد وادخلوا من ابواب متفرقة " هل يعقل انه نبي الله يغفل عن التحصين ؟! اكيد لا لكن برضو من الاخذ بالاسباب اني ماابدي النعم كل ذي نعمة محسود وفي نفس الوقت مااعيش الوسوسة لكني استعين ع قضاء اموري بالكتمان وفيه حديث لمسلم قرأته فيما معناه : " لاتقوم الساعة الا والناس بين عائن ومعيون وساحر ومسحور " الله يكفينا الشر يارب |
رد: تميرضي..عيون الناس ماترحم!
صادقة محبوبته
الله يحمينا ويحفظنا من عيون الناس انا بحملي الحمدلله ماكان يجيني وحم نهائي وامي كانت دايمن تقلي لاتقولي لاحد,,ماكنت اصدق واقول عادي بس يسألوني البعض يقول ماشاءالله والبعض لا استغفر الله من جد بطلت اقول خوفا ع نفسي,,بس سرت اقول الحمدلله الحمل لازم تعب واسكت ماوضح شي..,,والله احيان انا اتكلم مع زوجي اقول له مايجني وحم زي الناس وربي انام واصحى فيني غثيان واقول شكلي نقيت ع نفسي والواحد يقول الحمدلله ويسكت مو لازم يبين حتى لو متحصنة اتكتم |
رد: تميرضي..عيون الناس ماترحم!
×× تأكدي أن كل وحده توسوس بالعين هذي انسانه " مرييييضه " بلااا شك تحتاج الى علاج نفسي من الوسواس القهري الي هي فيه وهذا كلام الأطباء اذن تجنبي هالشكليات حتى لا يأثرون فيك حبيبتي القطاوه بالشارع توولد بنفس اليوم تلاقيها تراكض منا ومناك جداتنا زمااااااان يولدون أنفسهم بالبيت وبعدها لا نفاس ولا شي علطول يروحون يشتغلون ويحرثون ويزرعون ويرعون الماشيه ماااا صابهم شي لا عين ولا شي لأنهم بكل بساطه ايمانهم بالله قوي ومتكلين عليه ويذكرون الله ليل نهااار في زمننا للأسف لو الواحد عطس قالوا عين حتى لو انه محافظ ع اذكار الصباح والمساء فييين الثقه بالله عزوجل الله لا يسخط علينا ناس مريضه بججد الأجانب الي هم شقر وعيونهم ملونه واجسام ايش تجنن مااا سووا الي انتوا تسوونه وعايشين بخير ونعمه مااا شاء الله ابد ما ننكر ان العين حق وان الوحده فينا اذا شافت اي شي يعجبها لااااااااااااااااازم تذكر الله وتقول ما شاءالله تبارك الله بعدها تثق بحفظ الله وتكمل حياتها عادي تكشخ تلبس تنشر صور عيالها أي شي لأنها ببساطه ذكرت الله وحصنت كل ماتملك .. يعني استغفر الله من جد من جد مسألة وسواس العين أصبح يسبب لي حموضه من كرهي للهالشكليات الحمدلله الصراحه في مجتمعي مو كثير اشوف هالنوعيات المريضه من الناس لكن أسمع حكاوي تسد النفس وتجبرني أحكي وأعبر عن وجهة نظري أعطيكم مثال شخصي انا الحمدلله انسانه محافظه ع الأذكار وفي المقابل كتاااب مفتوح لكل الناس الكل يعرف وين رايحه من وين جايه وش اسوي وش أملك كيف هي حياتي بتفاصيلها الجميله لكن ولله الحمد وااثقه بحفظ الله ولا ضرني شي رغم إن اللي حولي يقولون ما تخافي ع نفسك من العين طبعا كيف اخاف وانا محصنه نفسي زين والله خير الحافظين وللمره الثانيه أكرر ماضرني شي ماشاءالله تبارك الله .. الموضوع يطوول الحديث عنه لكن أنتوا ابحثوا في منتديات ثانيه اكتبوا في google " لكل وحده موسوسه بالعين وتتهم الناس " واقروا العجب العجاب حسبي الله ع كل ظالم ! سلام |
رد: تميرضي..عيون الناس ماترحم!
انا بصراحه خايفه من العين
قاعدة افكر يوم يدرون الناس اني بيب توم وايد اخف عليهم من عيون النااااس ابغي اعرف شو الحل ؟؟؟ |
رد: تميرضي..عيون الناس ماترحم!
اقتباس:
تذكري حبيبتي انك مش أول ولا آخر وحده تجيب توأم اذا الي انتي حامل فيهم 2 ف كثير اعرفهم جايبين 3 ماشاءالله والحمدلله كبروا ودرسوا و ما فيهم الا العافيه نصيحة محبه لك تجنبي التفكير بهالطريقه اقري الأذكار ع توأمك وثقي تماما بحفظ الله حتى لا يتحول الى مرض نفسي يلازمك طوال حياتك تحتاجي معاه الى استشارة طبيب فقط الحل خلي ذكر الله ع لسانك ومو جهرا قدام الناس لا قبل تطلعينهم ع الناس حتى لا تتحسس من هي امامك انك تقصديها أو شي وأحسنوا ظنكم بالناس دائما واذا لاحظتيهم أعجبوا بشي بشغف بدون ذكر الله سهوا ذكريهم قولي لهم حبايبي اذكروا الله وبعدها لن يضركم شي بإذنه تعالى أساسا بمجرد تحصينهم من البدايه لن يضرهم شي بقدرة قادر موو حتى اذا ذكروا الله تقولون لا أكيد صابتنا عين كذا يصير وسواس أو كل مححد قالكم مشكله أو عارض صحي صابته تقولون أكيد ان احد صابك عين هذي وسوسه نسأل الله العافيه ما يحدد وجود العين من عدمه الا الراقي الشرعي مو كل شي يصير تقولون عين هذا الي يفقع القلب ! دمتي بسلام |
رد: تميرضي..عيون الناس ماترحم!
اختي العزيزة
العين حق وما تلتفتي لي أي أحد يقولك العين مو حق او الي بتخاف من الحسد مريضة العين حق وكلام خالتك مزبوط وما أعتقد أن اغلب اﻷخوات الي علقوا على موضوعك وقالوا أنهم أنصابوا بالعين مريضات وانا كمان يا أختي كنت ما أخاف من العين واقول لا عادي الي كاتبه ربي بيصير واكيد الي كاتبه ربي بي يصير بس ماننسى ان الحسد أنذكر في القران وكمان الرسول عليه الصلاة والسلام قال (استعينوا على قضاء حوائجكم بالكتمان فإن كل ذي نعمة محسود )ولما أحد الناس سأل احد المشايخ عن ان الله جل وعلا أمرنا في كتابه العزيز ان نتحدث بي النعم والرسول عليه الصلاة والسلام اوصانا بالكتمان فكيف نوفق بين اﻷمرين فرد عليه الشيخ أنه لا تنكر النعم الذي انعم بها الله عليك ولا تتحدث عنها بالتفاصيل فمثلا لو سألك أحدث كيف قضيت يومك فا أجب الحمد الله على النعم ولا تجب بإنك أكلت كذا وشربت كذا وتنزهت في المكان الفولاني او أشتريت الشيء الفولاني فقط إحمد الله وبهذا يكون اﻷنسان وفق بين اﻷمرين ...انا يا أختي العين تعبتني في حياتي كتير ولكن بالكتمان وقراءة اﻷذكار ربي حماني ولكن قبل كذا ما كنت أقرء اﻷذكار بي شكل مكثف وما أخبي في شيء كل من يسألني أحكيله بالتفاصيل ولكن بعد ما خسرتني العين في فلذة كبدي الي إلى حد اﻵن دكاترة في أحسن مستشفى في هولندا خاصة باﻷطفال(صوفيا) مستغربين في مرضها بيبي ينولد بمرض خبيث بالدماغ وعندها أستسقاء دماغي وتوفت بعد شهر واحد من ولادتها كان كل من يشوف بطني يقولي أنتي مو معقول حامل بطفل واحد انتي اكيد شايلة توأم وما ودك تخبرينا وانا ابتسم وما أشيل في نفسي اي خوف وكمان وحدة سألتني عن فترة الوحم وقلتلها والله مشيتها بدون ما أحس بي أي شيء مزعج وقسم بالله العظيم تاني يوم على طول استفرغت وتعبت ولمن خسرت بنتي كلهم قالوا هيا الي كانت تتباهى بحملها وما خفاته فا أكيد رح يصيبوها بعين وما قالوا اني كنت بتصرف بشكل طبيعي لا حطوا عليه اللوم فا نصيحة من مجرب الم و تعب العين والحسد حصني نفسك وبيتك وكل ما يخصك بكلام الله وخلي إظهار نعمتك للناس بقول الحمد الله و ربي يحميني ويحميك ويحمي كل مسلم ومسلمة من ذا اﻷذى * |
رد: تميرضي..عيون الناس ماترحم!
صحيح الكثير مثل ماقالت قوتشي صارلهم الموضوع وسواس .. لكن كمان هي استخفت بالموضوع جدا عكس وصية الرسول صلى الله عليه وسلم انه الواحد يداري نفسه ويقضي حوائجه بالكتمان ..
قوتشي ذكرت نقطة مهمة الثقة بالله والتحصين .. التحصين بدون يقين مايفيييد .. لازم يكون عندنا ثقة بالله انه حامينا فالعين حق .. وانا خسرت بنتي بسبب العين .. ماكنت ابدا ابدا من الموسوسين ولا حتى اللي مهتمين بالموضوع لكن احداث حملي و وفاة بنتي بطريقة الاطباء نفسها مالقو لها تفسير هذي مش وسوسة ولا مرض .. العين تصيب .. بنفس الوقت ما اايد الكذب و لا التمارض .. الكتمان مثل ماوصى الرسول وانا احد سال عادي قولي .. تكوني محصنة نفسك وواثقة بربك .. صابتني عين مع زوجي لانه كان يبين روعة علاقتنا للجميع والله صابه عين ومس وعشت اربع اشهر من حياتي في جحيم مع انسان ثاني مو زوجي الرقية والعلاج عالجته و ريحتني بعد حملي وبعدها صرت اهتم بالتحصين والاذكار . الناس فيها خير اكيد لكن مو كل الناس .. فكونك تحرصي ع نفسك وعيالك مو مرض ولا وسوسة بكل بساطة لانك ماتقدري تتحكمي بالناس .. والمثال اللي ضربته وحدة هنا بالموضوع عن نبي الله اللي امر اولاده بالدخول من ابواب متفرقة لانه خاف عليهم من العين مايدخلو سوا وعددهم كبير اخوان مثال رائع جدا يوضح الطريقة الاصح بالتعامل مع الموضوع وطبعا لا يمكن يكون نبي الله مريض او موسوس .... |
| الساعة الآن 11:16 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .