المشاركة الأصلية كتبت بواسطة شام الهوى (المشاركة 3077382)

بصراحة انا كنت ناوية اكتب موضوع مستقل بس بما انه سويتي موضوع جزاكي الله خير

انا الحمد لله عندي اطفال ولكن انا في غربة وبعيدة عن اهلي فأحب ان اكبر عيلتي واتمنى الحمل ضليت تسع شهور تقريبا ماصار حمل كان فيني تكيس مبايض ويوم من الايام لقيت خلطة بالنت لتنظيف الارحام وبصراحة دخلت مزاجي مادري ليه وجبتها اول يوم دورة وخلطها واكلتها طول فترة الدورة وسبحان الله دورتي كانت 15يوم الشهر اللي اكلتها نظفت اليوم العاشر وصار الجماع ولله الحمد الدورة صارلها متأخرة 4ايام حللت منزلي طلع خط خفيف جدا يارب يثبت حملي ويرزقك امة محمد الذرية الصالحة وكل محروووم
بصراااحة الله يجزاها خير صاحبة الخلطة والله رررررووووعة يابنات انصحكم فيها

هي عبارة
كاس ماش
نص كاس شمر = حبة حلوه*
نص كاس حلبة
ربع كاس حبة سودا
ربع كاس كمون
ربع كاس فلفل أبيض
ربع كاس فلفل أسود
ربع كاس رشاد
ربع كاس نانخه = ما أدري اذا لها أسم ثاني*
ربع كاس سكر نبات = للطعم بس
ملعقتين كبار مرميه مطحوونه طبعا
ملعقتين كبار قرفه = دارسين*
ملعقتين كبار مسمار = قرنفل
ملعقتين كبار بابونج
ربع كاس زعتر بري
ربع كاس قشر قهوة
ملعقتين كبار مره
ملعقتين كبار يانسووون*

طبعا نطحن كل عشبة على حدى ماعدا الرشاد ما نطحنه ونخلطهم ونخليهم بتلاجة وناكل من تاني يوم الدورة بعد الريوق حطي ملعقة اكل بفمك من الخلطة واشربي عليها ماي او عصير او لبن انا كنت اشربها مع اللبن لاخر يوم من الدورة وكل شهر ليحصل حمل وترى تنظف الرحم وتظوق وتنشف ممتازة
ابي منكم دعاااء اكون حامل بتؤام يارب يارزاق

المشاركة الأصلية كتبت بواسطة ريهام بدوي (المشاركة 3078178)

موضوع جميل جدا انا شهر يوليو القادم يبقي لي سنتين متزوج اول حمل لى كان بعد زواجى ب 9 شهور وفعلا فالشهر دة ما كنتش حطة فبالى اننا ممكن اكون حامل وطلعت حامل لكن ربنا مكنش ليا نصيب فالبيبي ولدت على السابع في شهر 10 بسبب ان الضغط كان بيعلى عليا ومكنتش بعرف ونشف ماية البيبي فالدكتور اضطر يولدنى فيصري وكان البيبي نازل ناقص نمو بسبب الاجسام المضادة كانت تهاجم البيبي المهم بعد ما ولدت كانت نفسيتى متدمرة ربنا ميكتب اللى انا شوفتة على حد اللى انا شوفتة يارب المهم جوزى كان على قد ما يقدر بيحاول يصبرنى ولحد ما نفسيتى الحمد لله ارتاحت فالشهر اللى مكنتش بردوا بفكر فية بحمل شهر واحد اخر دورة كانت يوم 30/ يناير والحمد لله على كل شئ ودلوقت بتابع الضغط على طول والدكتور كاتبلي ابر كل يوم والدكتور كتبلي الدوميت للضغط وابر كلكسان 20 للاجسام المضادة والحمد لله يارب يثبت حملى وحمل كل واحدة ويرزق الجميع بالحمل السليم المعافي يااااااااااارب وصح نسيت اقولكم الاستغفار والله الاستغفار بيشيل الهم والله بينسي الهم
اسفة على الاطالة

المشاركة الأصلية كتبت بواسطة Um Ghala (المشاركة 3078304)

اسأل الله أن يرزق كل من تتمنى الحمل بالحمل السليم الثابت و يثبت لكل حامل حملها يآرب و نفرح بـ سلامتكم و سلامة البيبي ..

أنا أول حمل لي .. كنت مواظبة على سورة البقرة + مريم + قيام الليل و الاستغفار ثم الاستغفار ثم الاستغفار .. و سبحان الله بنفس الشهر حملت .. و كنت مواظبة على نفس البرنامج مع الاذكار صباحا و مساءا و الحمدلله تم كل شي على خير .. وجبت أحلى بنوتة ..

الحمل الثاني تأخر و واظبت بعد كل فرضة أصليه استغفر 10 مرات و اسبح 10 مرات و اصلي على الرسول 10 مرات و اقول حسبي الله و نعم الوكيل 10 مرات و لا حول ولا قوة الا بالله 10 مرات .. اي ذكر يخطر في بالي اذكره 10 مرات بعد كل فرض يعني احسبي يطلع 50 مره في اليوم .. بس الاستغفار و التسبيح كنت اكثر منهم لانهم مذكورين في القرآن للذرية .. و سبحان الله ماشالله حملت بنفس الشهر .. بس الله ما كتب انه يكتمل لـ حكمة من رب العالمين و الحمدلله الله يعوضني ان شالله ..

انا ما كنت اراجع المستشفيات ولا اسوي جيك اب .. لانه عندي يقين بأن الرزق من رب العالمين و التوكل عليه أفضل خيار ..

المشاركة الأصلية كتبت بواسطة جنون الحب (المشاركة 3078357)

اهللا وسهلا

موضوع حلووو الله يثبت لكم حملكم ويرزق كل منتظره ياااااااارب ياكريم

اممم انا ما تأخرت ابد الحمدلله لكن عشت برعب الله لايذوقه أحد >< بسبب غباء هالمستشفيات :(

طبعا انا مـآأدري وش جاني من ثاني شهر زواج وربي مبتليني بالإلتهابات وخطأي اني مادورت الدكتوره السنعه مع اني اللي رحت لها يمدحونها كثير بس ابد ماحبيتها ><
كنت اتعالج معها عن الالتهابات دايم افرازات تقلق وحراره وحاله حتى وقت الجماع اصيح من قوة الألم ماصرت استانس ابد اكره وقت عندي وقت النوم >< واروح لها وتعطيني غسول ومرهم خارجي وتحاميل وتمشيني ومافيه فايده وأرجع لها ثاني وتعمل تحاليل وسونار وتعطيني الفاجعه وتقولي الرحم عندك مو طبيعي فيه تشوه خفت الصراحه >< مع اني جاهله وماكنت اعرف ابد عن هالأشياء ولا شي <_< وشرحتلي انو ممكن يتأخر الحمل اشوي بس ما يمنع تقدري تحملي
وصرت احسن كم يوم ورجع لي الالتهاب اسوأ من قبل >< شيئ مؤلم ونزلت علي الدوره بنفس الوقت ونزلت بشكل غبي مره تألم ألم مو صاحي والدم اكرمكم الله ابد مو نفس كل مره خفت واروح لنفس المستوصف بس الدكتوره الثانيه اللي المفروض احسن من ذيك وللأسف ادمر منها >< وتعمل تحاليل وطلع مافيه حمل يعني قالت ممكن حمل بس اجهضتيه هع وتعمل سونار وتقولي ان الرحم ذو قرنين قلت لها تشرحلي اكثر قالت يعني شكل الرحم كأنه اثنين عادي ما يأثر بس فيه ناس يتأخر عليهم الحمل وناس يحملو بس يحتاجو ربط وناس حملهم ماكمل ويسبب اجهاض ولا ولادة قيصريه <<بس بس خفي علي والله سمعت هالكلام وتفلت العافيه واقولها عن الحراره وكذا والألم وقت النوم تقولي طبيعي علشان عندك حاجز برحمك لازم تحسي بهالألم <_< وتعطيني سابوفين وتمشيني تهئ وبعد الدوره يرجع الاآلام والحراره اعظم من قبل وطول هالفتره وانا بس احاتي ياربي معقوله مايصير عندي اطفال مشكللتنا انا وزوجي نعشق الأطفال :(وتعبت نفسيتي والله قررت اغير المستوصف بعمره
وانا ماغير ادعي واستغفر وتركت ونسيت كل كلام المستشفى وحطيت كل امالي بربي هو الرازق وان شاء لله مايخيبني وحتى زوجي بس يدعي ليل ونهار رحمته ^.^
ورحت لدكتوره جد شاطره وطلع عندي التهاب شدديد بس ماحبت تخوفني اعطتني تحاميل وغسول وكريم وجل مهبلي ><
صيدليه خخخخخخ واخذتهم اربع ايام بس ورجعت لها الا كل شي تمام الحمدلله ^^
وعلمتها بسالفة رحمي قالت لازم سونار وعملت السونار و شافت الصور اليوم الثاني تتخيلو ان ماجاني نوم ليلتها بس انتظر الصبح يطلع <_<واخيرا رحت وشافت الصور قالت صحيح بس هذا شي مره عادي مايأثر بسيط قلت لها اقدر احمل قالت انتي كم لك متزوجه قلت لها اثلاثة شهور ضحكت قالت ياشيخه انتي لسا عروسه بدري عليييك ماتخفيش تقدري تحملي لا تخافي الناس ماتبدأ تتعالج الا بعد السنه الأولى من الزواج لو لاسمح الله ماصار وتأخرتي ممكن نعملك اشعة الصبغه مدري وش :) بس يارب ماتحتاجيها تطمني قلت لها ولو حملت بيتم الحمل ولا بيصير اجهاض قالت كل شي بيد ربنا ان شاء لله خير لا تفكري ارتحت نسبيا ^^ وطلعت منها مبسوطه اللي خوفني اكثر لقافتي وبحثي عن الموضوع هنا بالنت صحيح استفدت بس تعبت اكثر من الحاله مالقيت نفس حالتي كلها اعظم ><
والحمدلله بالشهر الثاني بعد ماكملت الأربعة شهور بشهر صفر كنت اعاني من حرقان بالبول وآلام بالبطن وقطع دم بنيه بسيطه ووقتها ككنا رايحين قطر مع حماي وزوجته والله مأسآه انحرجت احس ابغا اقضي حاجتي وادخل مافيه شي >< انججنيت جد اسوأ سفره تهئ كان المفروض وقتها تنزل علي الدوره بالميلادي <_< مشيت لما قلت بس قلت لا اليوم بتنزل متأخره يوم <_<
ورجعنا ومشكلتي ماتغيرت تعبت و حالتي حاله يقولي زوجي تبي تحليل تتطمني اقوله لا بدري ماتأخرت كثير تونا يومينن ومضى على موعدها اربع ايام وخواتي حللي وانا اقول لأ مابي <خايفه تنصدم اقولهم بنتظر لتاريخها بالهجري لو مانزلت حللت وليلتها كنت اسولف وات ساب مع خواتي وتأخرت علي خلاص بالميلادي والهجري هع واضحك على تعليقاتهم وماكان جنبي الا حماتي وتحمست هي بعد قالتلي جد الليله حللي وحمسوني واحنا طالعين قلت لزوجي وجاب التحليل وماصبر للصبح خلاني احلل وترم ترم طلع خطين :p لووووووووول وفرح وجد انبسط ههههههههه واليوم الثاني حللت دم وأكدولي الخبر طبعا عند الدكتوره الثانيه اللي كنت اتعالج عندها مؤخرا :) وفرحت حدها مسكينه هههههههههه
والحمدلله على كل حال والحين انا بآخر الشهر الرابع ربي يتمملي لأني ممريت بمشاكل كثيره بهالحمل الله يسهل ^__^
اللي ابغا اقوله ماعليكم لا من كلام الدكاتره ولا حتى الأخصائيين خلو أملكم وأيمانكم بالله قوي وبس يكفيكم
أدري طولت عليكم بس كنت ابغا اعيشكم الجو وكذا
وعلى فكره بالشهر الثالث واجهني نزيف قوي وقالتلي الدكتوره بالمستشفى الولاده احتمال كبير اجهاض مع ان الجنين سليم >< ولما الأخصائي عمل سونار قلت له وش سبب النزيف قال كل شي كويس مااشوف سبب لهالنزيف علمته بسالفة رحمي قالي وهي شلون عرفت انه ذو قرنين قلت له عملت لي سونار قال نفس هذا قلت له ايه قال ماتقدر تحكم على الشكل بمجرد التصوير تطمنت الحمدلله يارب :) ومن بعدها ايقنت ان اللي عندي عين ولا حسد وصرت انام وأصحى على صوت القرآن والحمدلله رب العالمين
لا تقنتو من رحمة ربكم وربي بيرزقكم كل مافي خاطركم :)