|
رد: فراقي صار يحلا له ؟؟
مااقول الا الله يهديك ويهديه
للدرجه ذي هاينه عندك تكلمين واحد ثاني صار شي عادي والطفل الي بينكم مين يربيه اذا هو مع وحده ثانيه وانتي مع واحد ثاني وانتي يااختي ارجعي الى الله توبي وبتشوفين كيف ربي بيقلب حالك للافضل واذا هو بايع دينه ودنيته كوني انتي افضل منه . |
رد: فراقي صار يحلا له ؟؟
عاد ليتني أسويها صدق
أنا بس ابي أخوفه او شي وهو ما يهتم مثل منتي شايفه مشكلتي احبه وماطيق فراقه والظاهر انه غافل عن حبي له مؤ منغص علينا حياتنا غير هالطبع الغبي اللي فيه والمصيبة كل فتره ألقاه مع وحده غير يعني مأخذ الامر تسلي والله والله والله بس البنت هذي حارثه دمي الله لا يوفقها ويرد كيدها عليها فالله اعظم الكائدين ي رب توريني انتقامك فيها دنيا وآخره اميييين |
رد: فراقي صار يحلا له ؟؟
ادعيله الله يعلق قلبه بالمسجد...
وشغلي صوره البقره بالبيت يوميا ونصيحه يااختي الغاليه لا تشكس للبشر اشكي لرب البشر هو سبحانه قادر ع تغير حياتك للافضل... تقربي من الله حاولي تكسبين رضاء الله وحده وشوفي وشلون زوجك راح يركض وراك... عليك سهام الليل قومي الليل وادعي ربي ما يرد دعاء عباده ... الله يرجعلك زوجك ويحنن قلبه عليك ويسخره لك ولولدك... |
رد: فراقي صار يحلا له ؟؟
انا راي من راي مشاعل الدوسري و كلامها عين العقل
انت لازم تتوبي لربك و تندمي و تدعين لك و لزوجك هذه محنه و بلوى صابتك و الدنيا مليانه مشاكل عليك بدعاء و ان الله يبعدها عن زوجك و انت توبي الي الله و استغفري كلنا خطائين و خير الخطائين التوابين و الله يبعد بنات ابليس عن زوجك يارب و يسخره لك و يرده لك بس انت اكثري من الاستغفار ترا الاستغفار يفتح الاقفال ي اختي |
رد: فراقي صار يحلا له ؟؟
ياأختي البنات ماقصروا معاك أعطوك كل الحلول,,,,
إبدئي حلي مشكلتك,, الطامةإنك تبغين تكبرينها بعنادك مره تتصلي فيها مره تتهاوشي مع زوجك عشانها والأعظم من كذا تهددين زوجك بالخيانه....!!!! لو يصير شي أو أحد يتبلاك بيوم لاسمح الله وإلا يشك فيك........تخيلي وش بتكون ردة فعله يمكم توصل للقتل الله يبعد عنك الشك,,,,, بس خليك فمواطن الحذر ولاتنقي علية بخونك بخونك خلاص إلجئي لربك والله وبالله وتالله إني عارفة وضعك زفت وصعب والنفسية مابقى قد ماراح شوي وتجني....... بس وش تسوين تغلطين..؟؟؟؟ طالعي الضعوف إللي عندك هم إللي يستاهلون حبك ودموعك......تكفين عشانهم إلجئي لربك وخلي زوجك على جنب تناسيه شوي بعد فترة عقلك بيرتاح من التفكير فيهم وخلي الشيطان ييأس منك إنتي بالذات لايفرق بينكم ,,,,,,,,,,,,والله حرام تتفرقوا عشان هالساقطة.. صلي وإبكي على سجادتك وصومي وإستغفري سبحان الله الصائم مايكون فيه شدة يتناقش بالمشاكل فصومي كثير لله ,, وإشغلي نفسك بقوة عشان لما تجي تنامي وعقلك مصفر مررررره كثرة التفكير تخبل وتشيب الراس,, وهو لو يحط السكين على رقبتك لاتردين عليه سكوتك بيقهرررررره وبيراقبك طول الوقت لإنه بكل بساطة مايقدر يتوقع تصرفاتك..... وبيحاول يعرف على إيش ناويه..؟ وحتى لو كلمها يمكن يقولها نفس الحكي عااااد ساعتهاا والله تطرطع وتعصب ويمكن يتهاوشون عشانك,, بيقول ساكته ومدري وش فراسها..؟؟؟ وتسوي وتسوي >>>>>>>والله يجنون بسببك ويكرهوا بعض ................... بس أرجوك لاتسوين إللي براسك سوي مثل ماقالولك البنات إستهدي بالله وتعوذي من إبليس ومثل ماقالوا زمان (إشتدي أزمةً تنفرجي)........... يعني بتفرج بإذن الله بس أصدقي النية مع ربك وبتفرج لاتنسيننا من صادق دعواتك ولزوجك وأزواجنا بالهداية.... ............ |
رد: فراقي صار يحلا له ؟؟
الله يوفقكم أنا. جد احس أني هديت شوي من كلامكم
يبيلي ارتب أفكاري شوي |
رد: فراقي صار يحلا له ؟؟
انا من رايي اشغلي نفسك في ذكر الله احسن لك
لأن لاحظت اغلب المتزوجات لما يصير معها مشكلة بس تفكر كيف تنتقم أو كيف ترد له نفس الجرح المهم انا من رايي الشخصي اهتمي بصلاتك خصوصا قيام الليل والدعاء وربي قادر على كل شي انتي اهم شي طنشي والجأي الى الله وكوني واثقة ان الله قادر يوفق بينك وبين زوجك والله يسعد قلبك |
رد: فراقي صار يحلا له ؟؟
حبيبتي انا قريت الموضوع والردود واحس انك منقعلة بالتعامل معاه .. لازم تغيري اسلوبك .... اقرأي عن صفات شخصيه الرجل (الشمالي والجنوبيوهيك اشياء) وحاولي تتعاملي معو ع حسب شخصيتو ... ماتكوني محتدة معو بالحديث والمواجهة .. والظاهر انك بتطنشيه .. هاد مو حل .. انك ماترتبيله اموره وتهتمي فيه .. بالعكس جننيه بتطنيشك واهتمامك واتبعي نصائح البنات ولا تكلمي البنت يلي بيحكي معها هاد مو حل ابداااااااااا
|
رد: فراقي صار يحلا له ؟؟
الله يكون في عونك حبيبتي
بس اسمحيلي اقولك انتي غلطانه من البدايه... ترا في هالوقت الرجل الثقه صار نادر جدا؟؟؟؟؟ اللي تبي تعيش حياه سعيده ومبسوطه لاتروح تنبش ورا الرجال ... وين راح وين جاء ومن يكلم تعيش حياتها بكل بساطه تلبس تطلع تشوف الناس تشغل وقتها بشي مفيد.. تلبي طلبات بيتها وزوجها على اكمل وجه واللي عندها شك في زوجها.. وماعندها استعداد انها تتطلق وترجع بيت اهلها خلاص لاتنبش وراه تكثر من الدعاء له وان الله يرده ردا جميلا لانها بمجرد تفتح الموضوع خلاص افتحت على نفسها باب المشاكل صار بدل ماكان يحسبلها حساب ويحترمها صار يسوي الغلط قدامها عاجبك اهلا وسهلا مو عاجبك روحي بيت اهلك والمسكينه تعيش بين نارين نار انها ماتقدر تشوف الخيانه قدام عينها ونار انها ماتقدر تترك بيتها وعيالها مالك غير الصبر والدعاء.. وهدئ الوضع شوي انسي موضوع الخيانه وعيشي حياتك طبيعي والله يرده لك ان شاء الله |
رد: فراقي صار يحلا له ؟؟
والله انا تاثرت كثير بقصتك والبنات ماقصروا وانا مع كلام ام اصيل الف بالمية صومي وصلي صلاتك في وقتها وقومي الليل وشغلي كل يوم سورة البقرة والرقية الشرعية في البيت واكثري الاستغفار يعني اليوم كلو وانتي تستغفري والعني الشيطان واسجدي وابكي واتوسلي لله انو يسخرلك زوجك ويهديه اللك ويبعد عليه بنات الحرام اهتمي بنظافة بيتك ونظافتك انتي الشخصية ونضافة اولادك اهتمي بلبسو وباكلو ولما يطلبك للفراش ماترفضي حتى ولو مش طايقة تبصي في وشو بس اعمليها لوجه الله اهتمي بشكلك ومكياجك وتعطري وماتحاولي تتكلمي معاه في الموضوع نهائي ولما يدخل سلمي عليه حتى لو مارد بردو تكوني عملتي يلي عليك وحتى لو جاب اكل من برا روحي وحطي الاكل امامو سواءا اكل منو او لا هو رح يستغرب وما يلقى حجة عليك يتكلم عليها مع الساقطة لو تعصب عليك او تكلم كلام جارح خذيلو بعدها عصير خليه يندم غصب عنو خليكي غامضة بتغيرك وعدم كلامك في الموضوع نهائي ولاتبكي امامو او تضعفي خليكي قوية امامو بقوة تحملك واوعي تجيبي سيرة الخيانة تاني امامو احنا عارفين انك مارح تعمليها بس هو ممكن يلقاها حجة عليك ويطلقك واوعي تكلمي البنت تاني وغيري شريحة مبايلك
ومرة كل يوم ابعتيلو رساله رومانسية او رسالة باسم اولادو مثلا انا بحبك يابابا او احنا مستنيينك يابابا على الغذا او ماما تحبك يابابا و............. والله لو ثلج بيذوب حاولي تشغلي نفسك وتفكيرك في طاعة الله وقراءة الكتب الدينية واقرئي في مياه شربكم سورة البقرة يعني كمية كبيرة وخليه يشرب منها رشي زوايا بيتك بمياه مرقية من اليمين الى الشمال البيت كلو ماعدا الحمام الواضح انو زوجك عنيد والزوج العنيد كلما عندتي معاه رح يتحداكي اكثر فحاولي تكسبيه من جديد بطاعتك له وبحفاظك على دينك وبيتك حطي نفسك انك في حرب يااما تكسبيها يا اما تخسريها عارفة يا اختي تقولي الكلام هدا صعب تعمليه لانك مجروحة منو بس لازم تعمليه والا تخسري بيتك وزوجك عارفة حتى لو تزوجها مصيرو يندم ويرجعلك بس اعملي مثل ما قتلك على الاقل مهما صار مارح تقولي لو عملت كذا ممكن كان رجعلي والندم ماينفع بالاخر واخيرا اقولك ربي يسخرلك زوجك ويهديه ويبعد عليه بنات الحرام |
| الساعة الآن 01:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .