رد: شوفي قصتي وقولي رايك
 

للاسف مو كل رجال ملتزم يكون من جوه ملتزم والله اعرف ناااس لحيه و صلاه و دين لاكن قلبه اسود حقود زوجته اذا بغت مشوار ادفعي لي و اوديك ولا عيونه زاااايغه استغفر الله هم يضحكون على ربهم او على ميييين
حبيبتي انا مايد الطلاق خاصة وان في طفل بطريق و بنفس الوقت لاتكلميه طنشيه اعطيه درس ان حاول يرجعك اولا بشرووووووط
اختي زوجهاااا طلقهااا قبل لايدخل عليهاااا و كانت تجهز بعدهااا بيومين جاء لابوي يتعذر اختي رفظت الرجوع مع انهااا تحبه لاكن تبي تعطيه درس والله ام زوجهاااا جات تبكي تقول ولدي بيضيع ارجعي له و ريحيه و ماعطتهم الرد الا قبل الزواج بشهر طبعااا قفلت جوالهااا يكلم اخوي ويبيكي الحين عندهااا ولد ولو تطلب لبن العصفور يجيبه لهااا

رد: شوفي قصتي وقولي رايك
 

بصراحه الله يعينك والحل الي سويتيه صيحيح ويابختك في اهللك الي واقفين معك
انا اعرف وحده قصتها مشابهه لك زوجها معقد جداا ويمثل الالتزام لدرجه حارمها تطلع اوتقابل الناس وجابت مع اطفال وانهبلت ماتغير الاماصار يقوم بعياله
وتطلقت والان عايشه مرتاحه عند اهلها وتوضفت وتصرف على نفسها وعيالها

رد: شوفي قصتي وقولي رايك
 

حلو انك رجعتي لاهلك
بس المشكله الحين البيبي وين بيروح
وراح تكبر عليك المسؤليه

رد: شوفي قصتي وقولي رايك
 

ياحياتي انا اشوف الي سويته مو صحيح دامك رحتي عند اهلك وجاء يراضيكي ارجعيله لكن بشروط انه يكون لك مصروف مبلغ محدد
واحمدي ربك ان اهلك واقفين معاك .. وانك بمنطقه بعيده عن اهله
ودامك عرفتي ان عقله عقل طفل فيه اسلوب للتعامل معع الزوج الطفل تكلم عنها الدكتور طارق الحبيب وصحيح قال هذا النمط من الشخصيه يحب ياخذ وما يحب يعطي
بس انتي ارجعي وخليكي قووووويه لاتلينين له ابد حرام تتطلقي وانتي حامل وتوك عروس
اصبري وبكيفه لو صرف على اهله لكن اهم شي لك مصرووف خاص وانتي حدديه بالقدر الي تعرفي انه يكفيك ويكفي ولدك
لان بعدين والله تندمي
يمكن اخواته يغاروا منك انتي طنشيهم وخذي من زوجك الي تبين اهم شي تسدي حاجياتك انتي وطفلك واجمعي منها

بس نصيحه الطلاق لالالالالالالالا
احس مشكلتك ماتوصل لطلاق لاتقولي اجلل انتضر الي ماتكبر المشكله
لاحياتي احتوي زوجك وخليكي قويه

رد: شوفي قصتي وقولي رايك
 

انا لما شفت بداية المشكلة حسيت كنت باقولج املي عليه شروطك وارجعي وحطي قوانين بس لما عرفت بطلبه عن التسقيط ترددت ما اعرف ايش اقول عن نفسي اللي ما يبي مني عيال يعني ما يبي ايكون بيني وبينه رابط اذا كان يقصد هالكلام لما قاله فهو انسان ايمثل الدين وانا ماخذه واحد مطوع وهذا كذب

رد: شوفي قصتي وقولي رايك
 

لو اليوم اصرفي على نفسك بكره ايش يقولك اصرفي على بيت
هيه في مشكله وحد ادا تطلقتي ممكن تجكي بنت
وهيا من حق الاب وادا جاكي ولد من حقك

واداكان البيبي بيتربى معاكي طز فيه عندك ضمان الاجتماعي او حافز سجلي واصرفي على نفسك وعلى ولدك

رد: شوفي قصتي وقولي رايك
 

انا من رائي وتجربتي الشخصيه ولوكنت مكانك لو يشرحني تشريح ابصبر وانا ابغيره بالاسلوب وحسن المعامله ولاتخلين خواته ينتصرن عليك ويفرن راسك انا عشت مع مره اب لان من حق الابو ياخذ ابنه ولاتقولين مايقدر بيقدر مجتمعنا متخلف امي تزوجت وعاشت حياتها وهو تزوج وعاش حياته انا قضيت عمري وطفولتي اتمنى اشوف امي وابوي سواء المهم ماطولها عليك لاتضيعين الي ببطنك حسي بالمسووليه انتي الحين ام ولا تخلين ولدك يعيش مع زوج ام او زوجه اب وهو اذا جاء ولده بيتعلق فيك وهو عمره صغير ترى اربع وعشرين يتعبر مراهق عند الشباب مو مثل البنات عشرين خلاص

رد: شوفي قصتي وقولي رايك
 

رد: شوفي قصتي وقولي رايك
 

مشكورات ع النصايح بس فيه اشياء ثانيه ...مستحيل اقولها...لو عرفتوها مستحيل تنصحوني اني ارجع له ... هي سبب وقفت اهلي معاي .انا ذكرت بس الهين من اللي سواه .. وصلت فيه اخر مره برساله يسب ابوي قبل اسبوعين تقريبا ..طيب ابوي وش ذنبه ...انا اللي تركته مو ابوي.... انا اقول الحمدلله ع كل حال بعدي عنه هو واهله هو الخير ....هو متربي مع الحريم عشان كذا فيه طبع الحسد و الحقد...اول اسبوع تركني يرسل رسايل مره يقول تريني ملكت ع.وحده ثانيه .مره يقول عرسي يوم كذا وككذا ..وقبل اسبوع مكلم ابوي يقول ابي زوجتي ...هالانسان نفسيه :-(

رد: شوفي قصتي وقولي رايك
 

انا ابي رجال مثل اخوي و خوالي وابي ام زوج مثل جدتي وابي خوات زوج مثل خالاتي وخواتي ....الرجال هو يصرف .... وام الزوج تترك.ولدها يعيش حياته خلاص لانه تزوج جدتي اذا شافت حريم عيالها ترحب فيهم و تبتسم بوجيههم مو ام زوجي ما ادري وش هالكره اللي حاملته علي.. وجهها اذا شافتني يصير اسود.... مع اني بحياتي ماقلت شي بحقها اوسويت شي يضرها ...واخواته ابيهم مثل خالاتي وخواتي مايتدخلون باخوانهم متزوجين وتاركينهم ع راحتهم مع زوجاتهم ...انا الوحيده بالعايله اللي الله بلاني بهالعائله الغريبه ... عشان كذا ماراح اتحمل اعيش معهم ...