|
رد: مشكلتي مع بنتي عمرها سنتين مااتحملهاا ابي حل تكفووون
ياقلبي لا تشكيلي ابكيلك
عندي ولدي عمره سنه وتسعه شهور حررررررررررركي جدا الله يهديه ويصلحه ويحفظه واهلي يتضايقوا منه لما اروح لهم مايخلي شي مكانه ومجرد مااسحب منه الشي القاه اخذ شي ثاني مايضيع وقت وزوجي يرفض اخليه في البيت مع الشغاله صرت اجلس وماازور احد حتي اهلي زياراتي لهم سريعه ومحدوده عشانه..........في بيتي الصاله عندي خليتها جرداء من الاثاث عشانه مجرد مراكي ومخدات يعني اقدر اسيطر عليه ببيتي...ومشوار السوق معاه او المستشفي نوع من العذاب.....لكن نصيحه مني لاتعلقي بنتك بالتلفزيون اذا صار عمرها 3سنوات واكثر عرفيها ع بعض القنوات مثل براعم حلوه للاطفال....والحين اخوها يكبر ان شاءالله ويصير يروح ويجي معاها وتشوفي كيف تعقل....الله يخليها لك ويحفظها يارب والحين عرضته ع طبيب اطفال عشان فرط الحركه وكل شويه موعد ويبغوا يسوا تخطيط دماغ له ونشوف النتيجه لكن بنتك ماشالله تتكلم يعني تميز حاولي معاها باللعب الحركي.....اشوف ولدي مع اخوه اللي اكبر منه يلعبوا لعب حركي بالمخدات والاثاث وماتتخيلي كيف يفرح ويندمج والعاب الاطفال ماتستهويه ابدا يرميها ويمل منها |
رد: مشكلتي مع بنتي عمرها سنتين مااتحملهاا ابي حل تكفووون
اول ششي اكشفي ع بنتك امكن عندهآ شي لاسسمح الله
تاني ششي شوفي نظامها الغذائي .. (حلويات .. شبسات ومن دآ الكلام ) بعدي عنها الحلويات (المطاطيه .. الي ع شكل كوكولا .. او الي فيها كريمه ) دي ملايييانه سسكريات رهيبه ) خليها تاكل سكريات طبيعيه (فواكه ) جيبي لها صلصال .. يحبونو الاطفال ف دا السسن علميها كيف تسسويه .. وتلعب فيه .. العبي معاها .. ارسمي معاها .. خليك صديقتك .. خلي تفكيرك ف عمرهآ هيا ف دآ العمر تكتششف .. تبغا تتعرف ع الاششياء .. خرجوهآ العصريه ف حديقه ششي .. او لو في سسطوح طلعيهآ وجيبي لها العاب .. وان ششاء الله تهدآ وتسير احسسسن |
رد: مشكلتي مع بنتي عمرها سنتين مااتحملهاا ابي حل تكفووون
كل الشكر لكم ع الاهتمام وع الرودو والنصاائح
والله ماقصرت وربي يجعله بميزان حسناتكم .. انا حاولت وسويت بعض الي طلبتو مني لاني اببتدي معها حبه حبه .. بس احس اني تعبت اقوى شي قلبي والله يوجعني منهاا راسي يالمني قام يجي لي خفقان تعبت نفسيا مو قادره اسيطر ع عصبيتي منهااا .. تعاندني بشكل ماتتوقعونه تو عمرها صغير وتسوي كذا شلون لو كبرت قمت اروح بيت اهلي ومااشيلها معي اخليها عند عماتهاا .. لان لو طلعتها معي اتعب حيييل بس الاحق فيهااا وهي ماغير تنبش وتفتش ع التخريب والوسخ وتاكل من الارض اي شي وماغير تروح الحمام وانتو بكرامه تعبت اقول لها عييييب ولا كاني اقول تعاندني تاخذ اغرااض ابوها وابوها يقول لها لا وانا اقول لها لا ونقول لها حطي هالشي وهي ماترد علينا تخرب واذا حد منا قام لها تهج تررررركض وترمي الشي الي بيدها علينااا قبل مانمسكهااا .. بس مانضربها نجلس نقول لها عيييب لا تسوين كذا تجلس تسوي نفس حركاتنا بس ماتتعض والله كل شي جبته لهاا وحاولت ادلها واجلسها ع رجولي وانيمها ع رجولي وهالفتره قمت انيمها معي بنفس الغرفه قبل كانت عند عماتهااا وحتى اذا وديتها عن عمتها تنام تجلس تصيييح تقول لي لالا مابي .. وارجعها عندي ونقلت اغراضها عندي بس ابد مب راضيه تغير اسلوبها او تفهمني .. هي ليه ماتفهمني .؟ ابوها امس يقولي من الي تسويه قمت اقول لو تمرض يمكن نهجد اشوي .. شفتو شلون الامنيه بسبب التعب والشقاوه الي تسويهاااا .. بجيب لها صلصال ودفتر تلوين والواااان .. وبحاااول اكون معها والعب معها اكثر واكثررر ربي يهديهااا ويغير حالها ويصلحهاااا .. / اشكركم من اعماااق قلبي لتعاونكم معي ومساعدتكم لي .. الله يرزقكم بجنات النعيم ويوفقكم لكل خير والله ييسر اموركم كلهاااا ويحقق لكم مرادكم يااااارب .. اميييين .. . |
رد: مشكلتي مع بنتي عمرها سنتين مااتحملهاا ابي حل تكفووون
ان شاء الله تفيد معهآ .. امكن ماعندهآ مسساحه تلعب ..!
بس اكششفي عليهآ .. امكن عندهآ فرط حركه ..مهم تكششفي قبل لا تزيد |
رد: مشكلتي مع بنتي عمرها سنتين مااتحملهاا ابي حل تكفووون
ياقلبي انا بقول لك تجربتي مع بنتي
انا عندي بنتي كانت نفس بنتك كله تخرب وتزعج وشقيه بشكل فضيع ولساتها ماكملت سنتين وكنت اطفش منها واضربها ساعات واقسى عليها واعصابي دووم متوتره ومعصبه فجلست افكر والله كسرت خاطري ليش اضربها واهي لساتها صغيره وصرت ما اقدر انام من تأنيب الضمير هذي بنتي المفروض احميها مو اضربها ولا اعصب عليها فصرت ماعد اضربها ابد ابد ابد واحاول امسك اعصابي اذا عصبتني واعطيها حنان واسولف والعب معاها والله العظيم جاب نتيجه بنتي عقلت وصارت ربي يحفظها هادئه فديتها تزنن وتلعب بهدوء ولا صارت تخرب وتسمع كلامي الخطاء مو في بنتك ياقلبي انتي حاولي تطنشين اذا عصبتك وحاولي تلعبين معاها وتسلينها وربي مسكينه ولا تربطينها وش ذا حرام تقربي منها مهما تعبتك اصبري انتي امها وافهم فيها ولا تخلين احد يجرحها وربي لو احد يأذي بنتي ما راح ارحمه ربي يحفظها ويحميها لك ان شاءالله اكون افدتك وربي سجلت عشانك قلبي |
| الساعة الآن 01:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .