|
رد: تجمع رعاية المولود من شهر 7 إلى شهر 9
مرهفه هوينها و تهون....لا تشيلي هم الزوج احيانا ما يبغى زوجته تنشغل عنه
حتى لو على الكمبيوتر...و يمكن منعك من الفيس بوك...عشانه ياخذ وقت طويل ... الواحد يجلس عليه.... اكيد زوجك بيغار عليكي و يبغاكي جنبه...فتره و تعدي ان شاءالله... |
رد: تجمع رعاية المولود من شهر 7 إلى شهر 9
هلا ام رتيل...اخبارك ياقمر...و اخبار عيالك...حتى احنا بمكه جانا خفيف...هتان...
و زوجي ما انبسط بفوز الاتحاد...لانه هلاااااااالي.... |
رد: تجمع رعاية المولود من شهر 7 إلى شهر 9
ام حنونه شوي شوي...ان شاءالله بتحب الاكل...يبغالها صبر وسوي زي ما قالت مرهفه...
|
رد: تجمع رعاية المولود من شهر 7 إلى شهر 9
انا الفتره اللي راحت جاني التهاب في البول...دم في البول...وصار جنبي يعورني
وحاليا اخذ مضاد...وقالي الدكتور كثري مويه...لاني الصراحه مقله جدا فيها... ايش الاشياء المفيده للبول و المثانه و الكلى...من مشروبات و اطعمه... لاني تعبت الصراحه من ايام الحمل يروح و يرجع... |
رد: تجمع رعاية المولود من شهر 7 إلى شهر 9
نسيت اعرف عن نفسي...بما اننا دخلنا موضوع جديد....للي ما يعرف...
انا من مكه و عندي ثلاث بنوتات... جومي... 5 سنوات و 9 شهور جودي... سنتين و نص مجوده... 6 شهور |
رد: تجمع رعاية المولود من شهر 7 إلى شهر 9
صباح الخيرات لكم ياالغوالي
|
رد: تجمع رعاية المولود من شهر 7 إلى شهر 9
وانا كمان بدي اعرف عن حالي
من مدينة تبوك متزوج من سنه 9 شهور وعندي بنوته اسمه الاء وعمرها 7 شهور |
رد: تجمع رعاية المولود من شهر 7 إلى شهر 9
السلام عليكم واخيرا لقيتكم انا كنت في تجمع الحوامل اللي هيولدوا في شهر رمضان السنه اللي راحت
بس بعد كذا كنت ادخل على خفيف ومشغوله مع بنوتي نور ربي يخليها ليه واولادي فقل دخولي للمنتدى والبنات اللي اعرفهم اتشتتوا ومن ضمنهم ام رتيل وفقني يارب و رونق ومين كمان كتير حبيت اسلم على الجميع ومبسوطه اني لقيت هذا لتجمع |
رد: تجمع رعاية المولود من شهر 7 إلى شهر 9
يا بنات انا عندي مشكله وهيه انو بنتي تنام متاخر كثيير كل يوم على هذا الحال وتعبت وحاولت اغير مواعيد نومها بس هوه الحال نفسه ما في امل وتصيح كثير بس تبغى تجلس عندي ولا تبغى احد يشيلها غيري وتنام كل يوم الساعه 3 او 4 الفجر حتى اهلي مستغربين طفل ما ينام كل الناس نايمه الا بنوتي تبغى تلعب اوتبكي او غير لها الملابس يعني انا وياها كل يوم على هذا الحال والمشكله عندي اولاد ومدارس وبيت ولاعندي شغال تعبت من جد تعبت هل عندكم حل ساعدوني من جد ودي حل ؟؟؟؟؟
|
رد: تجمع رعاية المولود من شهر 7 إلى شهر 9
وصحيح بنتي ابدا ما تحبي ولا تحب احطها علي بطنها تبدا تبكي اول طفل يجيني واعاني منو بس احبها على قد ما تتعبني
بس الغريب تحب توقف وانا ما سكتها واحاول امشيها تنبسط بس على بطنها ياويلي من بكائها تصيح لدرجه افكر حصل لها شي هذا من ضمن معاناتي مع بنوتي ربي يحفضها ليه ويخليلي اولادي |
| الساعة الآن 02:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .