|
رد: تجمع حوامل ليبيا
انا في ايوب لما جبته كان وزني 65
وانا في العادي وزني 50 وتوة وزني 58 ونحس في نفسي هدي المرة زدت هلبا مش نفاخ بل زيادة في الوزن لاكن زيادة حلوة وبصراحه شهيتي مفتوحه على الاكل والحمد لله ناكل الاخضر واليابس لاكن خايفه نزيد هلبا في الاشهر الجايه ويفسد جسمي انتي توة كم وزنك عيون؟؟ |
رد: تجمع حوامل ليبيا
كان عندي مجموعه من اللحميات الصغيره داخل الرحم وخارجه ومن 5شهور درت عمليه قيصريه في عيادة الامل عند الدكتور مفتاح الفرجاني والحمد لله تمت بنجاح رغمني تعبت فيها لان دمي نازل حشاكن الهيموجلوبين 4بس وتوه عندي التبويض ضعيف اول امس كان اليوم 11للدوره وحجم البويضات وحده 6 ولاخرى 9 ويوم الخميس ماشيه مره ثانيه ادعوللى حجم البويضات يكبرن
|
رد: تجمع حوامل ليبيا
يارب يا معراج تتيسر امورك وتلقي كل شي تمام
وتحملي وتولدي بسلامه يااااااااااااارب يا مستجيب الدعاااااء هبها قرة عين لها ولي زوجها اللهم امييييييييييييييييييييين |
رد: تجمع حوامل ليبيا
حبيبتي معارج امشي للدكتور ابو ظهير مش عادي في مصحة الياشفين في تاجورة وبالنسبة للتبويض عليك و علئ المارمية 3اكواب يوميا تغلي الماء اولا تم تضعي قليلا منها وانشاء الله حامل يارب
|
رد: تجمع حوامل ليبيا
اهلا بام ولدها منوره كيف الجو في سبها؟؟ انتو مشهورين بالحنه واللصقه تبع الحنه والبخور ..عندي بنت خالتي كانت ساكنه في سبها كل مانشوفها نلقاها محنيه حنه مش عاديه تقولي جاراتي يقصو في اللصقه بروحهم مشالله تهبل
|
رد: تجمع حوامل ليبيا
كيفك يا عيون هو هداكا بنخمم في كل شي من توه واليوم خشيت التامن ونبي نستقر على راي باش منقعدش متررده شن بندير وشن بنشري..
|
رد: تجمع حوامل ليبيا
يا ايه اي نبي حاجات حاره بس لان الرشده عندي من يعرف يطيبها فهمتيني ؟؟
|
رد: تجمع حوامل ليبيا
اني من غريان يا سورينام وكلهم يقولو غريان زين وفلاحه والله اعلم .ههههه والبراشيش نسمع بيها اني من غريان المركز نسكن بجانب فندق الرابطه كان تسمعي بيه.. ودريري النت في الموبايل وتقدري تخشي على التجمع لان والله بنشتحشوك هلبه .. وانتي في عمارات تسكني
|
رد: تجمع حوامل ليبيا
السلام عليكم علي احلي ليبيات كيف حالكم انشالله قاعدين مدكريني كل يوم انقول يوم بنجيب وملياش الا 9 ايام في التاسع تزعبين حشاكم ومشكلة المقاس والبس حتي اني انعاني منها في ماليزيا كلهم مساخيط وضعيفين واني من اني بنت عظمي خشبن لاكن وين مانمشي في ليبيا نلقا حمدالله اهني شي لين ماما بعتتلي لبس حمل من ليبيا والهي تبهدلت في لبس اهني وحتي اني مقرره اول مابنجيب بنضعف وبكشي ننسخط زيهم باش نلبس هههههه
|
رد: تجمع حوامل ليبيا
صباح الخير
|
| الساعة الآن 09:49 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .