|
رد: دردشة حوامل أهل الرياض - دردشة بنات الرياض - تجمع حوامل الرياض
السلام عليكم
انا في نهاية الرابع بس جاني صداااع فضيع وش السالفه الهمبجلوبين كويس الضغط كويس بس ماادري وش السبب والسؤال الثاني متى ابد اجهز واشتري اغراض البيبي |
رد: دردشة حوامل أهل الرياض - دردشة بنات الرياض - تجمع حوامل الرياض
انا هذا الحمل الثاني لي بس ناسيه كل شي لاني تاخرت بالحمال
بنتي عمرها 7 سنوات لا تحرموني خبراتكم حبايبي |
رد: دردشة حوامل أهل الرياض - دردشة بنات الرياض - تجمع حوامل الرياض
السلام عليكم خووواتي ابي اسالكم عن شوق جده وش اخبارها بليز طمنوني عنها
|
رد: دردشة حوامل أهل الرياض - دردشة بنات الرياض - تجمع حوامل الرياض
السلام عليكم
كيفكم يابنات ؟؟؟؟؟ http://forum.hwaml.com/imgcache2/hwa...566861_481.jpg ام الاسمر كيفك عيوني؟؟ انا بخير الحمدلله 00 لكن اليوم تجيني مغصات غريبه ونغزات فظهري تجي قويه وتروح >> الله يستر ومشكوره على السؤال الله يسعدك 00 |
رد: دردشة حوامل أهل الرياض - دردشة بنات الرياض - تجمع حوامل الرياض
شلونكم يابنات شلون الحمل معاكم ...اشوف الأغلب تعبان سلمات
والله معاكم حق إن الثقل والتعب خلاني بس انتظر الولاده ..الله يسهل علينا هلا بالدلوعه ..لا ماهو كذه وين الغيبه ..يادوب تدخلين وش فيك الحمد لله انا طيبه انت تقولين السادس لسا ياقلبي مادخلتي الثلث الأخير ..الطفش بعينه الأشهر الأخيره بتحسين الشهر سنه وكل مازادت الأيام زاد الثقل والنوم بيصير شويه صعب يعني الله يعين ..نظمي من الحين جدول اعمال وترفيه ..عشان تمر الأشهر بسرعه حياك ام رشودي وتقومين بالسلامه ... والله ياقلبي انا رحت الشهر الماضي لمذر كير ولقيت تخفيضات حلوه حتى كان في اشياء جديده تجنن للبنات والأولاد لدرجة اني احترت وش آخذ لبنتي كلها كانت حلوه ...بس الأيام هذه مانزلت إن نزلتي ولقيتي تخفيضات واشياء جديده ..ياريت ياقلبي تعلميني ام ميمونه ...الله يسلم فمك على هذه الدعوات الطيبه ..لك مثله إن شاء الله معليش ياحبيبتي هانت الأمور بتولدين على خير ونفرح بقومتك بالسلامه الله يسهلك خاله دلع ..شلونك ...معليش توني دخلت ..الله يسهل امورك طمنينا عنك |
رد: دردشة حوامل أهل الرياض - دردشة بنات الرياض - تجمع حوامل الرياض
ياسمين ..نورتي ياعسل ..الحمد لله انا طيبه ..والله موضوع النغزات وحسب توقيعك انت بالثامن يعني هذا طبيعي الرحم يجهز نفسه
ولا تنسين جواك اثنين بسم الله ما شاء الله ..الله يحفظهم ويعينك يعني ثقل وتعب وحركه بتكون بزياده ...تقومين بالسلامه ريم ..هلا فيك ..شلونك حبيبتي ...الصداع ماهو بس من الأسباب يلي ذكرتيها وبس ...البيبي كل مازاد العمر والحجم احتاج لدم وغذاء واوكسجين زياده ...فالدوره الدمويه بتزيد سرعتها عشان تكفي البيبي والسرعه هذه بتسبب الصداع عند الحامل ..وهذا نفس الشي صاير معايا مع ان الضغط وكلشي مستقر ... الله يكون بعونك ويسهل عليك ابدأي جهزي ...لما تلقين نفسك قادره ...في ناس تتعب بالأشهر الأخيره فتبدأ تجهز من الأول ..وكلامك انك من مده يعني تبغين اشياء كثيره انا رأي ابدأي من الخامس ..شويه شويه لين تخلصين |
رد: دردشة حوامل أهل الرياض - دردشة بنات الرياض - تجمع حوامل الرياض
مرحبا أم الأسمر راجيتن الله الدلووعه ريم ام لولو خاله دلع ام ميمونه ام فهوود
أخباركم ان شاء الله بخير تكفون اللي تشوف سؤالي تجاوبني أنا توني دخلت الثاني يعني المشوار طووووووويل بالحيل بس أنا تعبانه مره نوم وكسل وغثيان وجسمي ثقيل وهذا حملي الثالث الأول والثاني وربي ماحسيت اني حامل الا بالتاسع والحين أنا أحس نفسي والله مع الأموات من التعب وزووووووجي طفشان من الحين هل صحيح المرأه كل ماتقدم بالحمل يصير أصعب يعني الثالث أصعب من الثاني والرابع أصعب من الثالث تكفون طمنوني |
رد: دردشة حوامل أهل الرياض - دردشة بنات الرياض - تجمع حوامل الرياض
حياك يالغاليه ...اول شي بسم الله عليك من الموت ...لا ياقلبي مادخل عدد الولادات بالتعب
انت بالأشهر الأولى وهي اشهر الوحم ..الظاهر وحمك هذه المره ثقيل شويه فيه تعب وغثيان ونوم ...انا حملي الثاني كان كذه ..اما حملي هذا صداع وثقل بالأشهر الأخيره .. تصبري وقولي لزوجك يتصبر تره الحمل يختلف من بيبي لبيبي ..والوحم يختلف ...في حريم ياقلبي في وحمها تكره شرب المويه تخيلي يعني وحمك انا اعتبره طبيعي ومقبول..ومدة الوحم الأشهر الأولى إن شاء الله لما تدخلي الرابع بيروح ولا كأنه كان موجود الله يقويكي وتقومين بالسلامه |
رد: دردشة حوامل أهل الرياض - دردشة بنات الرياض - تجمع حوامل الرياض
هــــــــــــــــــــــــــــــلا
وغـــــــــــــــــــــــــــــــــــــــــــلا ببنات ديرتي الريــــــــــــــــــــــــــــــــــــــــــــــ ـــاض ياحبي لك والله .. أنا بدونك ناثنق هلا بك يالغلا سألت عنك العافية ياربي , انا بخير يامال الخير.. بالنسبة لسؤالك ياعيوني طبيعي هالشي الي حاسة فيه مو شرط الوحدة اذا تقدم بها الحمل يكون اصعب كل حمل وله ظروفة انا هذا اول حمل وربي مــــــــــــــــــــــت من الوحم هبل فيني ولعب بنفسيتي صرت مااروح للناس وزوجي حايمه كبده مني بس صابر وش يسوي بعد أم الأسمر... هلا بك باعمري .. كيفــــــــــــــــــــــــــــــــــــــك عساك بخير ؟ وأمورك زينه ياشعلة هذا التجمع ؟ |
رد: دردشة حوامل أهل الرياض - دردشة بنات الرياض - تجمع حوامل الرياض
بنات
انا من الحين احس اني ثقلت واذا وقفت شوي ومشيت اتعب ويثقل تنفسي |
| الساعة الآن 12:46 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .