|
رد: دردشة بنات العراق, دردشة حوامل العراق , تجمع بنات العراق
فوفو ولو باقيه بالمستشفئ ترى احسن اني جان بس 2سم توسع وبقيت ونطوني ابره مورفين بالرجل والغاز المضحك وراقبوا دقات القلب والضغط نصيحه رجعي للمستشفى اضمن
|
رد: دردشة بنات العراق, دردشة حوامل العراق , تجمع بنات العراق
زينة عمري ماقصرتي ياقلبي
بس صدك ماعرف ليش طلعوني والمشكله الكبرى دا احس بالتوسع خارجي صار صح تقلصات ماكو بس افرازات مو طبيعية اكو وضهري يوجعني وكلش تلعب نفسي وحس بطني تريد تنفجر وفوك هذا دوخة وصعوبة بالتنفس ماعرف شنو الله كاتبلي بس على كل حال مشكورة ياعمري واني ماحب المستشفيات لهسبب فرحت من كالو تكدرين تطلعين ههههههه... |
رد: دردشة بنات العراق, دردشة حوامل العراق , تجمع بنات العراق
وج فوفو اني هم تنزل مني هاي الافرازات ومن كلت للدكتورة تكول عادي تسهل تمدد الرحم
|
رد: دردشة بنات العراق, دردشة حوامل العراق , تجمع بنات العراق
اهااا
واني اكول ليش احس بالتوسع يزيد عندي من تنزل زين اكولج تتوقعين لو جتني تقلصات مرة ثانية الولادة راح تصير هالمرة؟ لان التوسع حاليا 4 ويمكن اكثر والله الله يبشرج بالخير قربنة من النهاية هههههههههههه حياتي ربي يسهل علينا جميعا يارب. |
رد: دردشة بنات العراق, دردشة حوامل العراق , تجمع بنات العراق
هههههههههههههههههه والله ماادري انتي شوفي روحج اذا اجتج تتحمليها لا تروحين بس اذا متحملتيها وفد مره وتكررت عليج اكثر من 3 مرات متتاليه توكلي على الله وروحي وها كثري انناس اليوم سمعت وحدة تكول اكت انناس وبسرعة صارت ولادتها بأقل من ساعتين والثانية تكول اكلت انناس وصار عندي نزيف ونقلوني الطوارئ ووشافوو عندها طلوكة قويه والتوسع قليل فسألتها الدكتورة ماكله شي شاربه شي كالتلها لا بس اكلت انناس كالتلها مايصير تاكلين انناس وانتي ماعندج توسع لان يسرع ويحمي الطلوكة ويدفع الطفل خارج الرحم فكالتلها الانناس الوحدة تاكله الا اذا كان عدها توسع من 3 سم فما فوق علمود يسرع التوسع ويحمي الطلوكة فلهذا اني كلت اروح الدكتورتي الثلاثاء اذا كالتلي اكو توسع اكل الانناس واذا لا فأعوف مااكل الا يصير توسع ياله
|
رد: دردشة بنات العراق, دردشة حوامل العراق , تجمع بنات العراق
هههههههههههه هوة اني شكيت بسبب الاناناس صار التوسع اصلا
لان من اكلته لهسة حالي حال مع العلم اكلت ثلث اناناسة والباقي بالثلاجة بقت باجر اتريك بيها عالريك هههههههههههههههههههههههه يارب تفرج واجيب وخخخخخخخخخخخخخخخخلصصصصصصصصصصصص كولي امين ام نورهان هههههههههههه وانتي شوفي اعتقد عندج توسع لان التقلصات جانت تجينة هواي والتوسع يصير ويوتقف مو شرط تحسين بي بس تدرين؟ حسيت الولادة ممكن تتم سهلة لان توسع 4 صار وماباقي شي يعني ان شاء الله الطلوكة الاقوى تجي بسرعه وخلص بس راح اشد حيلي عالمشي والاناناس وجبت حبة البركة اطحنها ويا زيت زيتون حار ودهن بيها بطني وضهري كل يوم قبل ما انام والله كريم الله يسهل علينة ياقلبي... يلا اروح انام تصبحون على 1000 خيررر... |
رد: دردشة بنات العراق, دردشة حوامل العراق , تجمع بنات العراق
هلووووو شلونكم بنات
لج فوفو هاي شنو يمعوده طلعي للولد هههههههه حته هوه ضاج تكولين ولاده وتالي ترجعين وام نورهانه شدي حيلج شوي يله خلي نشوف النونيات مالتكم قمورره انتي قبلهم يله طلعي النونو لان اذا اجه احد منهم يصير هوه الكبير ويأمر ويتحكم استغلي الفرصه انتي وجيبي البنوته ههههههههههه ازيد حماسج هههه بلكت تجيبين سلامي لكل البنات |
رد: دردشة بنات العراق, دردشة حوامل العراق , تجمع بنات العراق
مساء الخير
شلونكم؟؟؟؟؟؟؟ المغتربة اي والله كل مرة اكول بس هذا فعلا اللي صار وكمت احس نفسي جذابه كدامكم بس فعلا هذا الي صار اني رحت للمستشفى بسبب التقلصات وقتها جانت كلش اكبر من تحملي ومن رحت وفحصتني القابلة كالت التوسع 4 ولازم نولدج هسة وودوني غرفة الولادة ونطوني حتى مغذي مضاد حيوي علمود من يطلع الطفل ميتشوه بسبب البكتريا الي عندي بالادرار وبعد ساعتين بدة تخف عندي التقلصات ف كالو دخلي حمام حار ومن دخلت وطلعت راحت التقلصات كليأ وبردة كلش ونتضرت للصبح على نفس التوسع واخرها كالو لو اريد اطلع ومن ترجع التقلصات ارجع للمستشفى ف وافقت ورجعت للبيت اني اعرف انو الاغلب انزعج مني لكن كنت احاول اخليكم بالصورة اول باول ومرة ثانية ماراح اكتب شنو صار وياي ابد ولو جبت راح اكتب هنا انو اني ولدة وخلص... اعتذر لو زعجتج لو زعجت غيرج لما كلت راح اجيب وماجبت بس هالشيئ بيد الله وحده. |
رد: دردشة بنات العراق, دردشة حوامل العراق , تجمع بنات العراق
يا فوفو ياحبي
شكلج فهمتيني غلط بالعكس اني بالي يمج واتمنى سلامتج انتي والنونو ياحبيبتي قابل انتي ضارتني بشي حته لو كتبتي شنو يصير وياج بس اني قصدي موعلى كلامج انتي تكذبين راح تولدين قصدي انتي كل يوم متعذبه وعندج اوجاع وتقلصات ويصير وقت الولاده وترجعين للوضع العادي وخايفه عليج بس هاذه كل القصدته بكلامي واسفه اذا كلامي ضوجج او جرحج والله الشاهد علي مالي قصد ابد وقت ولادتج الله كاتبه الج لا بيدج ولا بيدي واني اعتذر منج اذا كتبت شي زعلج والله شاهد علي اني اعزج واعدج مثل اختي ومن يوم دخلت لتجمعكم حبيتكم واتونست على كلامكم وحبيت طيبتكم ومتنسون احد تسألون على الكل لان انني بغربه وماعندي احد يسمعني وانتي اول من يرد عليه ويسمعلي ويساعدني ارجع اعتذر منج وراح انسحب منكم خاف ازعجتكم وحجيت شي يزعلكم ارجع اكول اسفه واتمنالج تولدين بسلامه وتفرحين بشوفه النونو وكل البنات الله يسهل عليكم الحمل ويسر اموركم |
طلب صداقة
سلام بنات ان شاء الله مرتاحين احب اصير صديقة لكم اذا امكن اني حامل بست اشهر وهذا اول حمل الي وعمري 22سنة خريجة علوم كيمياء. حبيت اكون صديقة لكم وتشرفني الصداقة @
|
| الساعة الآن 06:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .